Category: KERALA

തൃശ്ശൂര്‍: സംസ്ഥാന സ്കൂൾ കലോത്സവത്തിലെ വിജയികളെ റവന്യൂ മന്ത്രി കെ. രാജൻ അഭിനന്ദിച്ചു. അവർ തൃശ്ശൂരിന്റെ അഭിമാനമാണെന്നും അദ്ദേഹം പറഞ്ഞു. സംസ്ഥാന സ്കൂൾ കലോത്സവത്തിൽ സ്വർണ്ണക്കപ്പ് നേടിയ തൃശ്ശൂരിലെ വിദ്യാർത്ഥികളെ ആദരിക്കുന്നതിനായി ജില്ലാ ഭരണകൂടവും പൊതുവിദ്യാഭ്യാസ വകുപ്പും സംയുക്തമായി തൃശ്ശൂർ ജില്ലാ പഞ്ചായത്തിന്റെ നേതൃത്വത്തിൽ സംഘടിപ്പിച്ച ‘സുവർണ്ണോത്സവം’ ശനിയാഴ്ച ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. സാമൂഹിക പ്രശ്‌നങ്ങളെ സർഗ്ഗാത്മകതയിലൂടെ അഭിസംബോധന ചെയ്യാൻ മന്ത്രി രാജൻ വിദ്യാർത്ഥികളെ പ്രോത്സാഹിപ്പിക്കുകയും അപകടകരമായ ലഹരി വസ്തുക്കളുടെ ദുരുപയോഗത്തിനെതിരെ കൂട്ടായ ശ്രമങ്ങളുടെ പ്രാധാന്യം ഊന്നിപ്പറയുകയും ചെയ്തു. മുഖ്യാതിഥിയായി സംസാരിച്ച ഉന്നത വിദ്യാഭ്യാസ മന്ത്രി ആർ. ബിന്ദു, കലാ പരിശീലനം എങ്ങനെയാണ് ആഴത്തിലുള്ള മാനുഷിക മൂല്യങ്ങൾ വളർത്തിയെടുക്കുന്നതെന്ന് എടുത്തു പറഞ്ഞു. കലകൾ സൗഹൃദത്തിന്റെയും കാരുണ്യത്തിന്റെയും ഒരു തലമുറയെ വളർത്തിയെടുക്കണമെന്നും ലഹരിവസ്തുക്കളുടെ ദുരുപയോഗത്തിനെതിരായ പോരാട്ടത്തിൽ പുതിയ മാതൃകകൾ സൃഷ്ടിക്കണമെന്നും അവർ പറഞ്ഞു. വിദ്യാർത്ഥികളുടെ കഠിനാധ്വാനത്തിനും നേട്ടങ്ങൾക്കും…

തിരുവനന്തപുരം: ‘എമ്പുരാൻ’ എന്ന സിനിമയെ പിന്തുണച്ച് കെപിസിസി പ്രസിഡന്റ് കെ സുധാകരൻ രംഗത്തെത്തി. ചിത്രത്തിൽ ചിത്രീകരിച്ചിരിക്കുന്ന കലാപ രംഗങ്ങൾ ഗുജറാത്ത് കലാപത്തിനിടെ സംഘപരിവാർ നടത്തിയ കലാപങ്ങളാണെന്ന് സ്വയം ബോധ്യപ്പെട്ടിട്ടുണ്ടെന്ന് അദ്ദേഹം വ്യക്തമാക്കി. അതുകൊണ്ടാണ് ബിജെപി അനുയായികൾ ഈ സിനിമയ്‌ക്കെതിരെ രംഗത്തെത്തിയതെന്ന് തനിക്ക് മനസ്സിലാകുന്നതായും അദ്ദേഹം ഫേസ്ബുക്കിൽ കുറിച്ചു. ബിജെപിയാണ് ചിത്രത്തിലെ കലാപകാരികൾ എന്ന് സംഘ്‌പരിവാറിന് തിരിച്ചറിയാൻ കഴിഞ്ഞത് വലിയ കാര്യമാണ്. ഇന്ത്യാ ചരിത്രത്തിലെ ഇരുണ്ട അധ്യായങ്ങൾ സിനിമയിലൂടെ അടയാളപ്പെടുത്താൻ ശ്രമിച്ച അണിയറ പ്രവർത്തകർക്ക് അഭിനന്ദനങ്ങൾ. ഒരു സിനിമ രാഷ്ട്രീയത്തെക്കുറിച്ച് സംസാരിക്കുമ്പോൾ അസഹിഷ്ണുത കാണിക്കുന്നത് ബിജെപി, സിപിഐ(എം) പോലുള്ള സ്വേച്ഛാധിപത്യ പാർട്ടികളുടെ നിരന്തരമായ സമീപനമാണെന്നും സുധാകരന്‍ ഫെയ്സ്ബുക്കില്‍ എഴുതി. അതേസമയം, എമ്പുരാനെ പിന്തുണയ്ക്കുന്നവരുടെ കൂടെയാണ് താനും എന്ന് വി ഡി സതീശൻ പറഞ്ഞു. എമ്പുരാൻ്റെ അണിയറ പ്രവർത്തകർക്ക് ഒപ്പമാണ് താൻ നിൽക്കുന്നതെന്ന് വി ഡി സതീശൻ നിലപാട് അറിയിച്ചു.…

നീരേറ്റുപുറം: കുട്ടനാടിന്റെ മനോഹാരിതയും ടൂറിസം സാധ്യതകളും ലോകത്തിന് മുന്നിൽ തെളിയിക്കേണ്ട സമയം ഏറെ വൈകിയെന്നും, വള്ളംകളിയോടൊപ്പം കായൽഭംഗിയും ഹൗസ്‌ബോട്ടുകളും കാർഷികമേഖലയും ഉൾപ്പെടുത്തി കുട്ടനാടിനെ ഒരു ആഗോള ടൂറിസം ഹബ് ആക്കേണ്ടത് അനിവാര്യമാണെന്നും കനേഡിയൻ നെഹ്റു ട്രോഫി ബ്രാമ്റ്റൺ ബോട്ട് റേസ് പ്രസിഡണ്ട് കുര്യൻ പ്രക്കാനം അഭിപ്രായപ്പെട്ടു.67-മത് നീരേറ്റുപുറം കെ.സി. മാമൻ മാപ്പിള ട്രോഫി ഉത്രാടം തിരുനാൾ പമ്പ ജലമേളക്ക് എല്ലാ പിന്തുണയും പ്രഖ്യാപിച്ചു. നീരേറ്റുപുറം പമ്പ ബോട്ട് റേസ് ക്ലബ്ബ് സംഘടിപ്പിച്ച സ്വീകരണ യോഗത്തിൽ സംസാരിക്കുകയായിരുന്നു അദ്ദേഹം. വമ്പിച്ച സാമ്പത്തിക പ്രതിസന്ധി നേരിടുന്ന ഈ കാലഘട്ടത്തിൽ, വള്ളംകളി പോലുള്ള വിനോദ പരിപാടികൾ പ്രോത്സാഹിപ്പിക്കാനായി വിദേശ മലയാളികളും വിവിധ സംഘടനകളും സഹകരിക്കണമെന്ന് അദ്ദേഹം അഭ്യർത്ഥിച്ചു. യോഗത്തിൽ വർക്കിംഗ് പ്രസിഡണ്ട് വിക്ടർ. ടി. തോമസ് അദ്ധ്യക്ഷത വഹിച്ചു. ഷിനു മാത്യു തോന്നിയാമല, സെക്രട്ടറി പുന്നൂസ് ജോസഫ്, ട്രഷറർ & ചീഫ്…

മോഹൻലാൽ നായകനായ പൃഥ്വിരാജ് സുകുമാരൻ സംവിധാനം ചെയ്ത എൽ2: എമ്പുരാൻ എന്ന ചിത്രത്തിലെ 2002 ലെ ഗുജറാത്ത് വംശഹത്യയെക്കുറിച്ചുള്ള പരാമർശങ്ങൾ വലതുപക്ഷ അനുകൂലികളിൽ നിന്ന് വലിയ ഓൺലൈൻ പ്രതിഷേധത്തിന് കാരണമായി. വ്യാഴാഴ്ച (മാർച്ച് 27, 2025) ഏറെ കൊട്ടിഘോഷിക്കപ്പെട്ട ചിത്രം റിലീസ് ചെയ്തതിന് തൊട്ടുപിന്നാലെ, സോഷ്യൽ മീഡിയ പ്ലാറ്റ്‌ഫോമുകളിൽ ചിത്രം ബഹിഷ്‌കരിക്കണമെന്ന് ആഹ്വാനം ചെയ്യുന്ന സന്ദേശങ്ങൾ നിറഞ്ഞു. ചില ഉപയോക്താക്കൾ ചിത്രത്തിന്റെ ഉള്ളടക്കത്തെക്കുറിച്ച് കേട്ടതിനുശേഷം റദ്ദാക്കിയ ഓൺലൈൻ ടിക്കറ്റുകളുടെ ചിത്രങ്ങൾ പോലും പോസ്റ്റ് ചെയ്തു. ചിത്രീകരിച്ചിരിക്കുന്ന സംഭവങ്ങളെല്ലാം സാങ്കൽപ്പികമാണെന്ന് പറയുന്ന എമ്പുരാൻ , 15 മിനിറ്റിലധികം നീണ്ടുനിൽക്കുന്ന ഒരു വർഗീയ കലാപത്തിന്റെ വിപുലമായ പരമ്പരകളോടെയാണ് ആരംഭിക്കുന്നത്. ടൈറ്റിൽ സീക്വൻസുകളിലെ ചിത്രങ്ങൾ ഗോദ്ര റെയിൽവേ സ്റ്റേഷനിൽ കാവി വസ്ത്രധാരികളായ പുരുഷന്മാരുമായി സബർമതി എക്സ്പ്രസിന്റെ ഒരു കോച്ച് കത്തിച്ചതിനെ പരാമർശിക്കുന്നതായി തോന്നുമെങ്കിലും, ആദ്യ രംഗങ്ങൾ നിരവധി മുസ്ലീങ്ങൾ കൊല്ലപ്പെടുന്ന ആൾക്കൂട്ട…

ന്യൂഡല്‍ഹി: ഇടതുപക്ഷ ജനാധിപത്യ മുന്നണി (എൽഡിഎഫ്), ഐക്യ ജനാധിപത്യ മുന്നണി (യുഡിഎഫ്) സർക്കാരുകളുടെ “വീണ്ടുവിചാരമില്ലാത്തതും അശ്രദ്ധവുമായ നയങ്ങൾ” കേരളത്തെ ‘സാമ്പത്തിക പ്രതിസന്ധി’യിലേക്ക് നയിച്ചതായി കേന്ദ്ര ധനമന്ത്രി നിർമ്മല സീതാരാമൻ വ്യാഴാഴ്ച രാജ്യസഭയിൽ പറഞ്ഞു. കേന്ദ്രം സംസ്ഥാനത്തിനുള്ള ഫണ്ട് വെട്ടിക്കുറച്ചുവെന്ന ആരോപണം അവർ തള്ളിക്കളഞ്ഞു. കേരളത്തിലെ ഇ.എം.എസ് നമ്പൂതിരിപ്പാടിന്റെ ഇടതുപക്ഷ സർക്കാരിനെ കോൺഗ്രസ് പിരിച്ചുവിട്ടതിനെപ്പറ്റിയും ധനമന്ത്രി പരാമർശിച്ചു. “കേരളത്തിന്റെ സാമ്പത്തിക പ്രതിസന്ധി എൽഡിഎഫിന്റെയും യുഡിഎഫിന്റെയും വീണ്ടുവിചാരമില്ലാത്ത നയങ്ങളുടെ ഫലമാണ്, കേന്ദ്ര സർക്കാരിന്റെ പിഴവല്ല എന്നതാണ് സത്യം” അവർ പറഞ്ഞു. പ്രതിപക്ഷ അംഗങ്ങളുടെ പ്രതിഷേധത്തിനും ചൂടേറിയ വാദപ്രതിവാദങ്ങൾക്കും ഇടയിൽ, കേന്ദ്രത്തിലെ കോൺഗ്രസ് ഭരണകൂടം നമ്പൂതിരിപ്പാടിന്റെ കമ്മ്യൂണിസ്റ്റ് പാർട്ടി ഓഫ് ഇന്ത്യ (സിപിഐ) സർക്കാരിനെ പിരിച്ചുവിട്ടതിനെ ശ്രീമതി സീതാരാമൻ പരാമർശിച്ചു. “കോൺഗ്രസ് നമ്പൂതിരിപ്പാട് സർക്കാരിനെ പുറത്താക്കിയപ്പോൾ…. തിരഞ്ഞെടുക്കപ്പെട്ട ഒരു സർക്കാരിനെ പുറത്താക്കി ജനാധിപത്യത്തെ കൊലപ്പെടുത്തിയ ദിവസം ഓർക്കുന്നുണ്ടോ? ആ സമയത്ത് നിങ്ങൾ…

തിരുവനന്തപുരം: സ്റ്റാഫ് സെലക്ഷൻ കമ്മീഷന്റെ മൾട്ടി ടാസ്കിംഗ് സ്റ്റാഫ് (എം ടി എസ് ) പരീക്ഷയിൽ ഓൾ കേരള ഒന്നാം റാങ്ക് നേടി തിരുവനന്തപുരം സ്വദേശി നിള ബി. വരാന്ത റേസ് ഇൻസ്റ്റിറ്റ്യൂട്ട് വിദ്യാർത്ഥിനിയാണ് നിള. സംസ്ഥാനത്തെ ആയിരക്കണക്കിന് മത്സരാർത്ഥികളെഴുതിയ പരീക്ഷയിൽ കേരളത്തിൽ നിന്ന് നിളയെ കൂടാതെ 250ൽ അധികം വിദ്യാർഥികൾ വരാന്ത റേസിലെ പരിശീലനത്തിലൂടെ വിജയം നേടി. പോലീസ് ഉദ്യോഗസ്ഥനായ ബിജു- മഞ്ജു ദമ്പതികളുടെ മകളാണ് ഫോറസ്‌ട്രിയില്‍ എം.എസ്.സി പഠനം തുടരുന്ന നിള. എസ്‌എസ്‌സി എംടിഎസ് പരീക്ഷ ഇന്ത്യയിൽ സ്റ്റാഫ് സെലക്ഷൻ കമ്മീഷൻ (SSC) നടത്തുന്ന ഒരു രാജ്യതല മത്സര പരീക്ഷ വിവിധ ഗ്രൂപ്പ് സി തസ്തികകളിലേക്കുള്ള സർക്കാർ നിയമനത്തിനായി സംഘടിപ്പിക്കുന്നതാണ്. ലക്ഷക്കണക്കിന് അപേക്ഷകർ പങ്കെടുക്കുന്ന ഈ പരീക്ഷയിൽ കേരളത്തിൽ ഒന്നാം റാങ്ക് നേടുക എന്നത് വളരെ പ്രാധാന്യമുള്ള നേട്ടമാണ്. “കൃത്യമായ തയ്യാറെടുപ്പ്, ഉചിതമായ പരിശീലനം,…

മലപ്പുറം: വെടിനിർത്തൽ കരാർ ഏകപക്ഷീയമായ ലംഘിച്ച് ഫലസ്തീനിൽ നടത്തിക്കൊണ്ടിരിക്കുന്ന ഇസ്‌റയേൽ നരനായാട്ടിനെതിരെ ഗസ്സ ജനതക്ക് ഐക്യദാർഢവുമായി വെൽഫെയർ പാർട്ടി മണ്ഡലം കമ്മിറ്റിയുടെ നൈറ്റ് മാർച്ച്. അന്താരാഷ്ട്ര നിയമങ്ങളെല്ലാം ലംഘിച്ച് അമേരിക്കയുടെ പിന്തുണയോടെ നെതന്യാഹു നടത്തുന്ന വംശീയ ഉൻമൂലനത്തെ ഒറ്റപ്പെടുത്താൻ ലോക രാഷ്ട്രങ്ങൾ തയ്യാറാകണമെന്ന് നൈറ്റ് മാർച്ച് ഉദ്ഘാടനം ചെയ്ത വെൽഫെയർ പാർട്ടി മലപ്പുറം ജില്ല പ്രസിഡണ്ട് കെവി സഫീർഷ പറഞ്ഞു. മണ്ഡലം പ്രസിഡണ്ട് കെഎൻ അബ്ദുൽ ജലീൽ അധ്യക്ഷനായിരുന്നു. ഫ്രറ്റേണിറ്റി ജില്ലാ പ്രസിഡണ്ട് വിടിഎസ് ഉമർ തങ്ങൾ, വെൽഫെയർ പാർട്ടി ജില്ലാ കമ്മിറ്റിയംഗം ജംഷീൽ അബൂബക്കർ, മണ്ഡലം സെക്രട്ടറി മഹ്ബൂബ്‌റഹ്‌മാൻ, മണ്ഡലം ട്രഷറർ എ സദ്‌റുദ്ദീൻ എന്നിവർ സംസാരിച്ചു. നൈറ്റ് മാർച്ചിന് ജില്ലാ സെക്രട്ടറി ശാക്കിർ മോങ്ങം, ടി അഫ്‌സൽ, അഹമ്മദ് ശരീഫ് മൊറയൂർ, ബ്ലോക്ക് മെമ്പർ സുബൈദ മുസ്ലിയാരകത്ത്, ഖൈറുന്നീസ ടി, പിപി മുഹമ്മദ്, എൻകെ…

നെടുമ്പന: നാലു വർഷം മുമ്പ് ഝാർഖണ്ഡിൽ നിന്ന് കാണാതായ മൻക ദേവി എന്ന അമ്മയെ മകന് തിരികെ നൽകി കൊല്ലം നവജീവൻ അഭയകേന്ദ്രം. കോവിഡ് കാലത്ത് മറവി രോഗം ബാധിച്ച് സ്വന്തം നാടും, വീടും വിട്ട് ഝാർഖണ്ഡിൽ നിന്നും കൊല്ലത്തെത്തിയ മൻക ദേവിയെ കണ്ണനല്ലൂർ പോലീസാണ് നവജീവൻ അഭയ കേന്ദ്രത്തിലെത്തിച്ചത്. സ്ഥാപനാധികാരികളുടെ നീണ്ട നാലു വർഷത്തെ അന്വേഷണത്തിനൊടുവിൽ ഝാർഖണ്ഡിലുള്ള കുടുംബത്തെ കണ്ടെത്തുകയും, മന്‍‌ക ദേവി കേരളത്തിലുള്ള വിവരം കുടുംബത്തെ അറിയിക്കുകയും ചെയ്തു. തുടർന്ന് നവജീവൻ അഭയ കേന്ദ്രത്തിൽ എത്തിയ മകൻ 4 വർഷത്തിന് ശേഷം അമ്മയെ കണ്ടു. അമ്മ മകനെ തിരിച്ചറിയുകയും ചെയ്‌തു. മാനേജ് കമ്മിറ്റിയംഗം അനീഷ് യുസുഫ്, റസിഡന്റ് മാനേജർ അബ്‌ദുൽ മജീദ്, വെൽഫയർ ഓഫീസർ ഷാജിമു, നവജീവൻ അഭയ കേന്ദ്രം ജീവനക്കാരുടെയും അന്തേവാസികളുടെയും സാനിധ്യത്തിൽ മൻക ദേവിയെ മകന് തിരിച്ചേൽപ്പിച്ചു.

മലപ്പുറം: അഞ്ച് ഏക്കർ ഭൂമി ലഭ്യമല്ല എന്ന കാരണം പറഞ്ഞു ജില്ലക്ക് അവകാശപ്പെട്ട ഇഎസ്‌ഐ സൂപ്പർ സ്‌പെഷ്യാലിറ്റി ആശുപത്രി ഇല്ലാതാക്കാനുള്ള നീക്കം അംഗീകരിക്കാൻ കഴിയില്ല എന്ന് വെൽഫെയർ പാർട്ടി ജില്ലാ കമ്മിറ്റി അഭിപ്രായപ്പെട്ടു. ആശുപത്രി ജില്ലക്ക് ലഭ്യമാക്കാൻ വേണ്ട നടപടികൾക്ക് ജില്ലാ ഭരണകൂടവും ജില്ലയിലെ ജനപ്രതിനിധികളും ശക്തമായി രംഗത്തിറങ്ങണമെന്നും പാർട്ടി ആവശ്യപ്പെട്ടു. സംസ്ഥാന സർക്കാർ ജില്ലയോട് തുടരുന്ന വിവേചന ഭീകരതയുടെ ഒടുവിലത്തെ ഉദാഹരണമാണ് ഇഎസ്‌ഐ ആശുപത്രി വിഷയത്തിൽ റവന്യൂ വകുപ്പ് റിപ്പോർട്ട്. ഇത് അംഗീകരിക്കാൻ ആവില്ല. ജില്ലക്ക് അവകാശപ്പെട്ട ജനറൽ ആശുപത്രി, റഫറൽ ആശുപത്രി എന്നിവ നഷ്ടപ്പെടുത്താനുള്ള നീക്കങ്ങളുടെ തുടർച്ചയിലാണ് ഇഎസ്‌ഐ ആശുപത്രിയും ഇല്ലാതാക്കാനുള്ള ശ്രമം. ജില്ലയിലെ സാധാരണക്കാരായ ജനങ്ങൾക്കും വിവിധ വിഭാഗങ്ങളിൽപെട്ട തൊഴിലാളികൾക്കും സൗജന്യമായി മികച്ച ചികിത്സ ലഭ്യമാകാനുള്ള അവസരങ്ങളാണ് പൊതുമേഖലയിലുള്ള ആശുപത്രികൾ നഷ്ടമാകുന്നതിലൂടെ ഇല്ലാതാകുന്നത്. ജില്ലയുടെ വിവിധ മേഖലകളിൽ മിച്ച ഭൂമികൾ സ്വകാര്യവ്യക്തികൾ കൈയേറിയിട്ടുണ്ട്.…

കൊച്ചി: ജെ.ബി.കോശി കമ്മീഷന്‍ ക്രൈസ്തവ പഠന റിപ്പോര്‍ട്ട് പുറത്തുവിട്ടാല്‍ കേരളമിന്ന് നേരിടുന്ന സാമൂഹ്യ പ്രശ്‌നങ്ങളുടെ യഥാര്‍ത്ഥചിത്രവും സത്യാവസ്ഥയും ജനമറിയുമെന്നും ഈ ഭയപ്പാടാണ് റിപ്പോര്‍ട്ട് രഹസ്യമാക്കിവെയ്ക്കാന്‍ സര്‍ക്കാരിനെ നിര്‍ബന്ധിതരാക്കുന്നതെന്നും കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍ ആരോപിച്ചു. കഴിഞ്ഞദിവസം നിയമസഭയില്‍ ഇതുസംബന്ധിച്ച് ചോദ്യമുയര്‍ന്നിട്ടും ക്ഷേമപദ്ധതികളുടെ നടത്തിപ്പിനെക്കുറിച്ചു മാത്രമാണ് ന്യൂനപക്ഷ ക്ഷേമവകുപ്പ് മന്ത്രി ഉത്തരം നല്‍കിയത്. ക്രൈസ്തവ പഠന റിപ്പോര്‍ട്ട് പുറത്തുവിടണമെന്ന ആവശ്യത്തിന്മേല്‍ വകുപ്പുമന്ത്രി നിശബ്ദത പാലിച്ചതില്‍ ദുരൂഹതയുണ്ട്. ജെ.ബി.കോശി കമ്മീഷന്റെ 284 ശുപാര്‍ശകളില്‍ 152 ശുപാര്‍ശകള്‍ ഇതുവരെ നടപ്പാക്കിക്കഴിഞ്ഞുവെന്ന ന്യൂനപക്ഷ ക്ഷേമവകുപ്പ് മന്ത്രിയുടെ നിയമസഭാപ്രഖ്യാപനം മുഖവിലയ്‌ക്കെടുക്കാനാവില്ലെന്നുമാത്രമല്ല തെറ്റിദ്ധാരണ പരത്തുന്നതുമാണ്. നടപ്പിലാക്കാന്‍ കഴിയാത്ത ശുപാര്‍ശകളുടെ പട്ടിക തയ്യാറാക്കുമെന്ന വെളിപ്പെടുത്തലുകള്‍ സര്‍ക്കാരിന്റെ ഉത്തരവാദിത്വത്തില്‍ നിന്നുള്ള ഒളിച്ചോട്ടമാണ്. സംസ്ഥാന മുഖ്യമന്ത്രിക്ക് സമര്‍പ്പിച്ച റിപ്പോര്‍ട്ട് ഇപ്പോള്‍ ന്യൂനപക്ഷ ക്ഷേമവകുപ്പിന്റെ കൈകളിലാണിരിക്കുന്നതെന്നുള്ള നിയമസഭാരേഖകളുണ്ട്. കേരളമിന്ന് നേരിടുന്ന സാമൂഹ്യ വിപത്തുകളായ…