Category: KERALA

മലപ്പുറം: ഉത്തർപ്രദേശിലെ മുസഫർ നഗറിൽ അദ്ധ്യാപികയുടെ വംശീയമായ ശിക്ഷാ നടപടിക്ക് ഇരയായ വിദ്യാർത്ഥിക്ക് ഐക്യദാര്‍ഠ്യം പ്രകടിപ്പിച്ച് പ്രതിഷേധ പ്രകടനം സംഘടിപ്പിച്ചു. ‘Arrest the Hinduthwa mongering teacher, we are with you Althamash’ എന്ന തലക്കെട്ടിൽ എസ്.ഐ.ഒ മലപ്പുറം ജില്ലാ കമ്മിറ്റിയുടെ നേതൃത്വത്തിലാണ് പ്രകടനം നടന്നത്. എസ്.ഐ.ഒ കേരള സെക്രട്ടറി സഹൽബാസ് സംസാരിച്ചു. ജില്ലാ പ്രസിഡന്റ്‌ തഹ്സീൻ മമ്പാട് അദ്ധ്യക്ഷത വഹിച്ച പരിപാടിയിൽ ജില്ലാ സെക്രട്ടറി ഷിബിലി മസ്ഹർ സ്വാഗതം പറഞ്ഞു.

തിരുവനന്തപുരം: തിരുവിതാംകൂർ രാജകുടുംബാംഗങ്ങളെ കാണാൻ അഗസ്ത്യവനങ്ങളിൽ താമസിക്കുന്ന കാണിക്കർ ഗോത്രവിഭാഗക്കാർ കവടിയാർ കൊട്ടാരത്തിലെത്തി. ഓണത്തിന് മുമ്പ് രാജകുടുംബത്തെ സന്ദർശിക്കുന്ന അവരുടെ വാർഷിക പാരമ്പര്യം കോവിഡ് കാരണം മൂന്ന് വർഷത്തേക്ക് നിർത്തി വെച്ചിരുന്നു. എന്നാല്‍, ഈ വർഷം വാർഷിക സന്ദർശനം പുനരാരംഭിച്ചു, രാജകുടുംബാംഗങ്ങൾ കാണിക്കർ ഗോത്രക്കാരെ പരമ്പരാഗത ബഹുമതികളോടും ആദരവോടും കൂടി സ്വീകരിച്ചു. തിരുവിതാംകൂർ രാജകുടുംബത്തിന് കാണിക്കർ ഗോത്രത്തിൽ നിന്നുള്ള സമ്മാനങ്ങളായ ‘ഓണക്കാഴ്ച’യും ഗോത്രത്തിലെ അംഗങ്ങൾ കൊണ്ടുവന്നു. തിരുവനന്തപുരം ജില്ലയിലെ അഗസ്ത്യ വനമേഖലയിൽ സ്ഥിതി ചെയ്യുന്ന 17 കുഗ്രാമങ്ങളിൽ നിന്നുള്ള അംഗങ്ങൾ ചിരപുരാതനമായ ആചാരത്തിന്റെ ഭാഗമായാണ് കൊട്ടാരത്തിലെത്തിയത്. പവിത്രമായ അഗസ്ത്യ വനത്തിൽ നിന്ന് ശേഖരിച്ച തേൻ മുളകുപ്പികളിൽ അതിഥികൾ കൊണ്ടുവന്നു. മുളകൊണ്ടുണ്ടാക്കിയ കരകൗശല വസ്തുക്കളും ഇവർ കൊണ്ടുവന്നിരുന്നു. വനത്തിൽ താമസിക്കുന്ന ആദിവാസികൾ നേരിടുന്ന പ്രശ്‌നങ്ങളും ചർച്ച ചെയ്തു. വേണാട്ടിലെ മുൻ ഭരണാധികാരി മാർത്താണ്ഡവർമ്മ ശത്രുക്കളിൽ നിന്ന് അജ്ഞാതനായി ജീവിക്കുമ്പോൾ,…

കൊച്ചി: മറുനാടന്‍ മലയാളി ചീഫ് എഡിറ്റര്‍ ഷാജന്‍ സ്കറിയയെ അറസ്റ്റു ചെയ്ത പോലീസിന് ഹൈക്കോടതിയുടെ രൂക്ഷ വിമര്‍ശനം. ഇന്നലെ നിലമ്പൂര്‍ പോലീസ്‌ സ്റ്റേഷനില്‍ ചോദ്യം ചെയ്യലിന്‌ ഹാജരായ ഷാജനെ മറ്റൊരു കേസില്‍ തൃക്കാക്കര പോലീസാണ് നിലമ്പൂരിലെത്തി കസ്റ്റഡിയിലെടുത്തത്. എന്നാല്‍, എറണാകുളം ജില്ലാ അഡീഷണല്‍ സെഷന്‍സ്‌ കോടതി മുന്‍കൂര്‍ ജാമ്യം അനുവദിച്ചതിനെ തുടര്‍ന്ന് അദ്ദേഹത്തെ വിട്ടയക്കേണ്ടി വന്നു. മതസ്പര്‍ദ്ധ വളര്‍ത്താന്‍ ശ്രമിച്ചെന്ന കേസില്‍ ഹൈക്കോടതിയുടെ നിര്‍ദേശപ്രകാരമാണ്‌ ഷാജന്‍ ഇന്നലെ നിലമ്പൂര്‍ പോലീസ് സ്റ്റേഷനിലെത്തിയത്‌. ഇതിനിടെയാണ്‌ അദ്ദേഹത്തെ കള്ളക്കേസില്‍ കുടുക്കാന്‍ പോലീസ്‌ ആലോചിക്കുന്നതായി ഷാജന്‍ അറിഞ്ഞത്‌. ഇതേത്തുടര്‍ന്ന് മുന്‍കൂര്‍ ജാമ്യാപേക്ഷ സമര്‍പ്പിച്ചു. ഈ ഹര്‍ജി കോടതി പരിഗണിക്കുന്നതിനിടെയാണ് രാവിലെ 10:30ഓടെ തൃക്കാക്കര പോലീസ് അറസ്റ്റു ചെയ്തത്. അറസ്റ്റോടെ മുന്‍കൂര്‍ ജാമ്യാപേക്ഷ അപ്രസക്തമായെന്ന്‌ പ്രോസിക്യൂഷന്‍ കോടതിയെ അറിയിച്ചെങ്കിലും, ആ വാദം തള്ളിക്കൊണ്ട് കോടതി ഉടന്‍ മുന്‍കൂര്‍ ജാമ്യം അനുവദിച്ചു. അറസ്റ്റിലായാല്‍ 50,000…

കോഴിക്കോട്: പ്രസവ ശസ്ത്രക്രിയയ്ക്കിടെ യുവതിയുടെ വയറ്റില്‍ കത്രിക മറന്നു വെച്ച സംഭവത്തില്‍ നടപടിയുമായി മുന്നോട്ടുപോകാന്‍ പോലീസിന്‌ നിയമോപദേശം ലഭിച്ചു. Medical negligence act  പ്രകാരം കേസില്‍ കുറ്റാരോപിതരായ ഡോക്ടര്‍മാരെയും നഴ്നുമാരെയും അറസ്റ്റ്‌ ചെയ്ത് കുറ്റപത്രം സമര്‍പ്പിക്കുന്ന നടപടിയുമായി പൊലീസിന്‌ മുന്നോട്ടു പോകാമെന്നാണ് നിയമോപദേശം ലഭിച്ചത്. കുറ്റം തെളിയിക്കപ്പെട്ടാല്‍ രണ്ട്‌ വര്‍ഷം വരെ തടവ്‌ ശിക്ഷ ലഭിക്കാം. 2017ല്‍ പന്തീരാങ്കാവ്‌ സ്വദേശിനിയായ കെകെ ഹര്‍ഷിന പ്രസവ ശസ്ത്രക്രിയയ്ക്കിടെ വയറിനുള്ളില്‍ കത്രിക മറന്നു വെച്ചതിനെത്തുടര്‍ന്ന്‌ അഞ്ച്‌ വര്‍ഷത്തോളം വേദനയോടെയാണ്‌ ജീവിച്ചത്‌. യുവതിയുടെ മുന്നാമത്തെ സിസേറിയനിടെയാണ്‌ സംഭവം. ശന്ത്രര്രിയയ്ക്ക്‌ ശേഷം കഠിനമായ വയറു വേദനയിലായിരുന്നു. തുന്നിക്കെട്ടിയ വേദനയാണ്‌ കാരണമെന്ന്‌ ഡോക്ടര്‍മാര്‍ വിധിയെഴുതി. തുടര്‍ന്ന്‌ 2022 സെപ്തംബറില്‍ സ്വകാര്യ ആശുപത്രിയില്‍ നടത്തിയ പരിശോധനയിലാണ് അടിവയറ്റില്‍ ലോഹവസ്തു ഉണ്ടെന്ന്‌ കണ്ടെത്തിയത്. ഹര്‍ഷിനയുടെ മൂന്നാമത്തെ ശസ്ത്രക്രിയ നടത്തിയ കോഴിക്കോട്‌ മെഡിക്കല്‍ കോളേജിലെ രണ്ട്‌ ഡോക്ടര്‍മാരും രണ്ട്…

എറണാകുളം: മറുനാടൻ മലയാളി ഉടമയും ചീഫ് എഡിറ്ററുമായ ഷാജൻ സ്കറിയയെ തൃക്കാക്കര പോലീസ് അറസ്റ്റു ചെയ്തു. വ്യാജ ബിഎസ്എൻഎൽ ബില്‍ ഉണ്ടാക്കിയെന്ന പരാതിയെ തുടർന്നാണ് ഷാജനെ അറസ്റ്റു ചെയ്തത്. നിലമ്പൂരിൽ വെച്ച് ചോദ്യം ചെയ്തതിന് പിന്നാലെയാണ് നടപടി. മതസ്പർദ്ധ വളർത്തിയെന്ന ആരോപണവുമായി ബന്ധപ്പെട്ട അന്വേഷണത്തിൽ ഇന്ന് രാവിലെ നിലമ്പൂർ സ്റ്റേഷൻ ഹൗസ് ഓഫീസർ (എസ്എച്ച്ഒ) മുമ്പാകെ ഹാജരാകാൻ കോടതി പ്രത്യേകം നിർദേശിച്ചിരുന്നു. ഇത് പാലിക്കുന്നതിൽ പരാജയപ്പെട്ടാൽ മുൻകൂർ ജാമ്യം റദ്ദാക്കുമെന്ന് ഹൈക്കോടതി മുന്നറിയിപ്പ് നൽകിയിരുന്നു. ഈ മാസം 17-ാം തീയതി ഹാജരാകാനാണ് ഷാജന് ആദ്യം സമൻസ് അയച്ചിരുന്നത്. നിലമ്പൂർ നഗരസഭ സ്ഥിരം സമിതി അദ്ധ്യക്ഷൻ സ്കറിയയുടെ പരാതിയുടെ അടിസ്ഥാനത്തിൽ ഷാജൻ സ്കറിയക്കെതിരെ പൊലീസ് നേരത്തെ കേസെടുത്തിരുന്നു. കേസിലെ ചോദ്യം ചെയ്യൽ നടപടികളിൽ നിന്ന് ഒഴിഞ്ഞു മാറിയതിന് ഷാജൻ സ്കറിയയെ കോടതി നേരത്തെ ശാസിച്ചിരുന്നു. അദ്ദേഹത്തിന്റെ കോടതിയോടുള്ള അവഗണനയെ…

കോഴിക്കോട്: വിദ്യാർത്ഥികളിൽ ദേശവിരുദ്ധത പ്രചരിപ്പിക്കലും ഇന്ത്യാ വിരുദ്ധ വികാരം വളർത്തലുമാണ് എസ്എഫ്ഐയുടെ മുഖ്യ അജണ്ടയെന്ന് എബിവിപി സംസ്ഥാന സെക്രട്ടറി എൻസിടി ശ്രീഹരി ആരോപിച്ചു. കാലിക്കറ്റ് യൂണിവേഴ്‌സിറ്റിയിൽ എസ്എഫ്‌ഐയുടെ വിവാദ പോസ്റ്ററിനെതിരെ ഇന്ത്യൻ ഭൂപടത്തെ അവഹേളിച്ചതിൽ ആശങ്ക പ്രകടിപ്പിച്ചാണ് ശ്രീഹരിയുടെ പ്രസ്താവന. എസ്‌എഫ്‌ഐയുടെ ക്യാമ്പസ് അജണ്ട ദേശവിരുദ്ധത വളർത്തുക മാത്രമല്ല, വിദ്യാർഥികൾക്കിടയിൽ ഇന്ത്യയ്‌ക്കെതിരായ വികാരം വളർത്തുകയും ചെയ്യുന്നുവെന്നും ശ്രീഹരി ആരോപിച്ചു. കുറച്ചുകാലമായി കാമ്പസിൽ ദേശവിരുദ്ധതയുടെയും അസ്ഥിരതയുടെയും അന്തരീക്ഷം എസ്എഫ്ഐ സജീവമായി വളർത്തിയെടുക്കുകയാണെന്ന് റിപ്പോർട്ടുകൾ സൂചിപ്പിക്കുന്നു. കാലിക്കറ്റ് സർവ്വകലാശാലയിൽ അടുത്തിടെ നടന്ന സംഭവവും ഈ പ്രവണതയുടെ തുടർച്ചയാണെന്ന് തോന്നുന്നു. കൂടാതെ, പാലക്കാട് വിക്ടോറിയ കാമ്പസിൽ പുതിയ ഒന്നാം വർഷ വിദ്യാർത്ഥികളെ സ്വാഗതം ചെയ്യുന്നതിനായി ഒരു എസ്എഫ്‌ഐ പോസ്റ്റർ പ്രദർശിപ്പിച്ചപ്പോഴും സമാനമായ സമീപനം നിരീക്ഷിക്കപ്പെട്ടു. ദേശീയതയോട് അനാദരവ് കാണിക്കുന്ന തരത്തിൽ കേരളവർമ്മ കാമ്പസിനുള്ളിൽ എസ്എഫ്‌ഐ ഒരു ബോർഡ് സ്ഥാപിച്ചു. ദേശീയ ചിഹ്നങ്ങളായ…

എടത്വ: അഗതികളുടെ അമ്മ മദർ തെരേസയുടെ 113-ാം ജന്മദിനം അഗതികളോടൊപ്പം പങ്കിടുവാൻ ക്ഷേത്ര മുഖ്യതന്ത്രി ‘സ്നേഹ ഭവനി’ലെത്തി. തലവടി തിരുപ്പനയനൂർ കാവ് ദേവീ ക്ഷേത്ര മുഖ്യ തന്ത്രിയും ഓൾ കേരള ബ്രാഹ്മിൺ ഫെഡറേഷൻ വൈസ് പ്രസിഡൻ്റുമായ ബ്രഹ്മശ്രീ നീലകണ്ഠരരു ആനന്ദ് പട്ടമനയാണ് പ്രത്യേക ദിനത്തിൽ അന്തേവാസികളോടൊപ്പം സമയം ചിലവഴിക്കാൻ എത്തിയത്. അശരണരുടെ അമ്മയായിരുന്ന മദർ തെരേസ്സയുടെ ജീവിതം അദ്ദേഹത്തെ ഏറെ സ്വാധിനിച്ചിട്ടുണ്ടെന്നും അർഹരെ സഹായിക്കുന്നത് പുണ്യമാണെന്നും അദ്ദേഹം പറഞ്ഞു. സ്നേഹഭവനിലെത്തിയ ബ്ലോക്ക് പഞ്ചായത്ത് അംഗം അജിത്ത് പിഷാരത്ത്, എടത്വ വികസന സമിതി ജനറൽ സെക്രട്ടറി ഡോ. ജോൺസൺ വി. ഇടിക്കുള, ക്ഷേത്ര ഭാരവാഹികളായ അജികുമാർ കലവറശ്ശേരിൽ, ഭരതൻ പട്ടരുമഠം എന്നിവരെ ഡയറക്ടർ ജോണിക്കുട്ടി തുരുത്തേൽ സ്വീകരിച്ചു. കഴിഞ്ഞ 17 വർഷമായി തലവടി തിരുപ്പനയനൂർ കാവ് ദേവീ ക്ഷേത്രത്തിലെ നവരാത്രി ഉത്സവത്തോടനുബന്ധിച്ച് 10 ദിവസം സ്നേഹഭവനിലേക്ക് അന്നദാനം നല്‍കി…

കൊച്ചി: പുതിയ ബാറുകളും പൂട്ടിയ ബിവറേജുകളും തുറക്കാനുള്ള സംസ്ഥാന സർക്കാർ നടപടി ആത്മഹത്യാപരമാണെന്ന് വെൽഫെയർ പാർട്ടി എറണാകുളം ജില്ലാ പ്രസിഡണ്ട് കെഎച്ച് സദക്കത്ത്. സംസ്ഥാന ഭരണകൂടത്തിന്റെ വികലമായ മദ്യനയത്തിനെതിരെ വെൽഫെയർ പാർട്ടി എറണാകുളം ജില്ലാ കമ്മിറ്റി കച്ചേരിപ്പടി ഗാന്ധി പ്രതിമക്ക് മുമ്പിൽ സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്യുകയായിരുന്നു അദ്ദേഹം. മദ്യ വില്പനയിലൂടെ ലഭിക്കുന്ന നികുതിയേക്കാൾ വലിയ തുക അതിന്റെ ഉപഭോഗത്തിലൂടെ ഉണ്ടാകുന്ന പ്രശ്നങ്ങൾ പരിഹരിക്കാൻ സംസ്ഥാന സർക്കാരും ജനങ്ങളും ചിലവഴിക്കേണ്ടി വരുന്നു എന്നുള്ളത് ഇതിൻ്റെ ബുദ്ധിശൂന്യതയെയാണ് കാണിക്കുന്നത് എന്നും, തെരഞ്ഞെടുപ്പിന് മുമ്പ് എൽഡിഎഫ് നൽകിയ വാഗ്ദാനങ്ങൾ ജനങ്ങളെ പറ്റിക്കാൻ വേണ്ടിയുള്ളതായിരുന്നു എന്നാണ് ഇതിലൂടെ വെളിവാകുന്നത് എന്നും അദ്ദേഹം കൂട്ടിച്ചേർത്തു. മദ്യത്തിന്റെ വരുമാനത്തിലൂടെ വികസന പ്രവർത്തനങ്ങൾ നടത്താൻ ശ്രമിച്ച ഒരു ഭരണകൂടവും വിജയിച്ചിട്ടില്ലെന്ന് മുഖ്യപ്രഭാഷണം നടത്തിയ സാഹിത്യകാരൻ എ കെ പുതുശ്ശേരി പറഞ്ഞു. മദ്യലഭ്യത കുറക്കുന്നതിലൂടെ മാത്രമേ…

പാലക്കാട് : ആള്‍മാറാട്ടം നടത്തിയെന്ന് പോലീസ് വിധിയെഴുതി അറസ്റ്റു ചെയ്ത 84 കാരി വയോധികയ്ക്ക് നീതിയുടെ കരസ്പര്‍ശം. അന്നത്തെ ആ സംഭവത്തിൽ ഉൾപ്പെട്ട ഉദ്യോഗസ്ഥർക്കെതിരെ നടപടിയെടുക്കാൻ സര്‍ക്കാര്‍ തീരുമാനിച്ചതാണ് സുപ്രധാന വഴിത്തിരിവായിരിക്കുന്നത്. വർഷങ്ങൾക്ക് മുമ്പ് നടന്ന സംഭവമാണ് ഇപ്പോൾ സമഗ്രമായ അവലോകനത്തിനും വീഴ്ചയ്ക്ക് ഉത്തരവാദികളായവർക്കെതിരെ നടപടിക്കുള്ള ശുപാർശകൾക്കും വഴിവെച്ചിരിക്കുന്നത്. 1998 ൽ നടന്ന ഒരു അതിക്രമക്കേസിൽ പോലീസ് പിടിയിലായ മറ്റൊരു സ്ത്രീ തന്റെ വിലാസം പൊലീസിനു നൽകി രക്ഷപ്പെട്ടതാണ് കുനിശേരി സ്വദേശി ഭാരതിയമ്മയെ കുടുക്കിയത്. അന്ന് ജാമ്യത്തിലിറങ്ങി മുങ്ങിയ 50കാരിയായ സ്ത്രീയെ പിടികൂടാന്‍ കഴിയാതെ വന്നപ്പോള്‍ പാലക്കാട് സൗത്ത് പൊലീസ് അറസ്റ്റ് ചെയ്തത് കുനിശ്ശേരി വടക്കേത്തറ മഠത്തിൽ വീട്ടിൽ ഭാരതിയമ്മ എന്ന 84കാരിയെയാണ്. എന്നാല്‍, താനല്ല പോലീസ് അന്വേഷിക്കുന്ന പ്രതിയെന്ന് ബോധ്യപ്പെടുത്താൻ ഭാരതിയമ്മയ്ക്ക് കോടതി കയറിയിറങ്ങേണ്ടി വന്നത് നാലു വർഷവും. കേസെടുത്ത് കാൽ നൂറ്റാണ്ടു കഴിഞ്ഞപ്പോഴാണ് പഴയ…

മൂവാറ്റുപുഴ: കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡ് (സി.എം.ആർ.എൽ) എന്ന കമ്പനിയിൽ നിന്ന് മുഖ്യമന്ത്രിയുടെ മകൾ വീണാ വിജയനും അവരുടെ കമ്പനിയായ എക്‌സലോജിക്കും യാതൊരു സേവനവും നൽകാതെ പണം കൈപ്പറ്റിയെന്ന ആരോപണം അന്വേഷിക്കണമെന്ന ഹർജി മൂവാറ്റുപുഴ വിജിലൻസ് കോടതി തള്ളി. സിഎംആർഎൽ രാഷ്ട്രീയ പ്രവര്‍ത്തനത്തിനാണ് പണം നല്‍കിയതെന്നായിരുന്നു ഹര്‍ജിയില്‍ ആരോപിച്ചിരുന്നത്. മുഖ്യമന്ത്രി പിണറായി വിജയനും മകൾ വീണാ വിജയനുമെതിരെ അന്വേഷണം ആവശ്യപ്പെട്ടായിരുന്നു ഹർജി. എന്നാൽ, ഹർജിക്കാരനായ സാമൂഹിക പ്രവർത്തകന്‍ ഗിരീഷ് ബാബു സമർപ്പിച്ച ഹര്‍ജിയില്‍ മതിയായ തെളിവുകളില്ലെന്ന് വിജിലൻസ് കോടതി പറഞ്ഞു. അഴിമതി നിരോധന നിയമപ്രകാരം കേസെടുത്ത് അന്വേഷണം നടത്തണമെന്നായിരുന്നു ഗിരീഷ് ബാബു തന്റെ ഹർജിയിൽ ആവശ്യപ്പെട്ടിരുന്നത്. മുഖ്യമന്ത്രി പിണറായി വിജയൻ, വീണാ വിജയൻ, കോൺഗ്രസ് നേതാവ് രമേശ് ചെന്നിത്തല, മുസ്ലീം ലീഗ് നേതാക്കളായ പികെ കുഞ്ഞാലിക്കുട്ടി, വികെ ഇബ്രാഹിം എന്നിവരുൾപ്പെടെ 12 പേരെ എതിർകക്ഷികളാക്കിയാണ് ഗിരീഷ്…