Category: MIDDLE EAST/GULF

കുവൈറ്റ് സിറ്റി: ഒരു പേരിൽ എന്താണുള്ളതെന്ന് ചോദിക്കുന്നവര്‍ക്കുള്ള ഉത്തരമാണ് കുവൈറ്റില്‍ ജയിലില്‍ കഴിയുന്ന യുവാവിന്റെ കഥ. കുവൈറ്റിലെ സ്വകാര്യ കമ്പനിയിൽ ജോലി ചെയ്തിരുന്ന പാലാ സ്വദേശി തോമസ് ജോസഫാണ് കമ്പനിയിലെ മലയാളിയായ സഹപ്രവർത്തകന് തന്റെ സിവിൽ ഐഡിയുടെ കോപ്പി നൽകി നിയമക്കുരുക്കിൽ അകപ്പെട്ടത്. മൂന്ന് കോടിയിലധികം രൂപയുടെ സാമ്പത്തികവും ക്രിമിനൽ കേസുകളും ഉള്ളതിനാൽ കസ്റ്റഡിയിൽ കഴിയേണ്ടി വന്നതിനാൽ കഴിഞ്ഞ രണ്ട് വർഷമായി നാട്ടിൽ പോകാൻ കഴിയാതെ വിഷമസന്ധിയിലായിരിക്കുകാണ് ഈ യുവാവ്. 2020-ലാണ് കേസുമായി ബന്ധപ്പെട്ട സംഭവങ്ങളുടെ തുടക്കം. കുവൈറ്റ് ഓയിൽ കമ്പനിയിൽ നിന്ന് ഉപയോഗിച്ച കമ്പ്യൂട്ടർ വാങ്ങാൻ ഗേറ്റ് പാസ് ഉണ്ടാക്കാനാണ് മലയാളിയായ സഹപ്രവർത്തകൻ തോമസിൻ്റെ സിവിൽ ഐഡിയുടെ കോപ്പി ആവശ്യപ്പെട്ടത്. ഐഡി കോപ്പി വാട്സാപ്പിലൂടെ അയച്ചുകൊടുത്തതായി തോമസ് ജോസഫ് പറയുന്നു. രണ്ട് വർഷത്തിന് ശേഷം കുവൈത്ത് ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെൻ്റ് തോമസ് ജോലി ചെയ്യുന്ന സ്വകാര്യ…

ദോഹ: ഖത്തറിലെ പ്രവാസ ജീവിതം അവസാനിപ്പിച്ച് യു.എ.ഇ യിലേക്ക് പോകുന്ന പ്രവാസി വെല്‍ഫെയര്‍ സംസ്ഥാന കമ്മറ്റിയംഗം റഷീദ് കൊല്ലത്തിന്‌ പ്രവാസി വെല്‍ഫെയര്‍ സംസ്ഥാന കമ്മറ്റി യാത്രയയപ്പ് നല്‍കി. സംസ്ഥാന പ്രസിഡണ്ട് ആര്‍ ചന്ദ്രമോഹന്‍ അദ്ധ്യക്ഷത വഹിച്ചു. വൈസ് പ്രസിഡണ്ടുമാരായ സാദിഖലി സി, മജീദലി, അനീസ് റഹ്മാന്‍ ജനറല്‍ സെക്രട്ടറിമാരായ ഷാഫി മൂഴിക്കല്‍, താസീന്‍ അമീന്‍, അഹമ്മദ് ഷാഫി, സെക്രട്ടറിമാരായ അബ്ദുറഹീം വേങ്ങേരി, ഷറഫുദ്ദീന്‍ സി, സംസ്ഥാന കമ്മറ്റിയംഗങ്ങളായ മുനീഷ് എ.സി, മുഹമ്മദ് റാഫി, സഞ്ചയ് ചെറിയാന്‍, രാധാകൃഷ്ണന്‍, ഷുഐബ് മുഹമ്മദ് എന്നിവര്‍ സംസാരിച്ചു. റഷീദ് കൊല്ലം മറുപടി പ്രസംഗം നടത്തി. പ്രവാസി വെല്‍ഫെയര്‍ കൊല്ലം ജില്ലാ പ്രസിഡണ്ട്, സംസ്ഥാന സെക്രട്ടറി, സംസ്ഥാന കമ്മറ്റിയംഗം എന്നീ നിലകളില്‍ അദ്ദേഹം പ്രവര്‍ത്തിച്ചിട്ടുണ്ട്.

ദോഹ: കുട്ടികള്‍ക്കും മുതിര്‍ന്നവര്‍ക്കും ജീവിതത്തിന്റെ എല്ലാ ഘട്ടങ്ങളിലും പ്രചോദനം പ്രധാനമാണെന്നും നിരന്തരമായ പ്രചോദനം കര്‍മ രംഗത്ത് വിപ്‌ളവം സൃഷ്ടിക്കുമെന്നും കാസര്‍കോട് നഗരസഭാ ചെയര്‍മാന്‍ അബ്ബാസ് ബീഗം അഭിപ്രായപ്പെട്ടു. പ്രവാസി ഗ്രന്ഥകാരനായ ഡോ. അമാനുല്ല വടക്കാങ്ങരയുടെ വിജയ മന്ത്രങ്ങള്‍ എന്ന പുസ്തക പരമ്പര കേരളത്തിലെ പ്രധാന പബ്‌ളിക് ലൈബ്രറികളില്‍ ലഭ്യമാക്കുക എന്ന കാമ്പയിന്‍ കാസര്‍കോട് നഗരസഭാ ആസ്ഥാനത്ത് നടന്ന ചടങ്ങില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. തിരക്ക് പിടിച്ച ജീവിതയാത്രയില്‍ പലപ്പോഴും വായന പരിമിതപ്പെടുകയാണെന്നും ഏത് പ്രായത്തില്‍പെടുന്നവര്‍ക്കും പ്രയോജനപ്പെടുന്ന ചരിത്ര കഥകളും പ്രചോദിപ്പിക്കുന്ന ഉദ്ധരണികളും ഉള്‍കൊള്ളുന്ന വിജയ മന്ത്രങ്ങള്‍ എന്ന പുസ്തക പരമ്പര വായന സംസ്‌കാരം പുനര്‍ജീവിപ്പിക്കുവാന്‍ സഹായകമാകുമെന്ന് അദ്ദേഹം പറഞ്ഞു. യുഎഇ കെ.എം.സി.സി ട്രഷററും ഷാര്‍ജ ഇന്ത്യന്‍ അസോസിയേഷന്‍ പ്രസിഡണ്ടുമായ നിസാര്‍ തളങ്കര, , ഖത്തര്‍ കെ.എം.സി.സി സംസ്ഥാന വൈസ് പ്രസിഡണ്ട് ആദം കുഞ്ഞി തളങ്കര, ഖത്തര്‍…

ദുബായ്: സുഡാനിൽ നടന്നുകൊണ്ടിരിക്കുന്ന വംശഹത്യയിലും മാനുഷിക പ്രതിസന്ധിയിലും യു എ ഇയുടെ പങ്കിന്റെ പേരില്‍ ദുബായിൽ ഒക്ടോബറിൽ നടക്കാനിരിക്കുന്ന സംഗീത പരിപാടി റദ്ദാക്കിയതായി അമേരിക്കൻ റാപ്പർ മാക്ലെമോർ പറഞ്ഞു. മക്ലെമോറിൻ്റെ പ്രഖ്യാപനം ആഫ്രിക്കൻ രാഷ്ട്രത്തെ പിടികൂടിയ യുദ്ധത്തിൽ യുഎഇയുടെ പങ്കിനെ വീണ്ടും ശ്രദ്ധയിൽപ്പെടുത്തി. റാപ്പിഡ് സപ്പോർട്ട് ഫോഴ്‌സിന് ആയുധം നൽകുന്നതും അതിൻ്റെ നേതാവ് മുഹമ്മദ് ഹംദാൻ ദഗലോയെ പിന്തുണയ്ക്കുന്നതും യുഎഇ ആവർത്തിച്ച് നിഷേധിക്കുന്നുണ്ടെങ്കിലും, വടക്കൻ ചാഡിൽ നിന്ന് എമിറേറ്റ്‌സ് ആഴ്‌ചയിൽ നിരവധി തവണ ആർഎസ്എഫിലേക്ക് ആയുധങ്ങൾ അയച്ചതിന് “വിശ്വസനീയമായ” തെളിവുകൾ ജനുവരിയിൽ യുഎൻ വിദഗ്ധർ റിപ്പോർട്ട് ചെയ്തിരുന്നു. 2023 ഏപ്രിൽ പകുതിയോടെയാണ് സുഡാൻ അരാജകത്വത്തിലേക്ക് കൂപ്പുകുത്തിയത്. അതിൻ്റെ സൈനിക-അർദ്ധസൈനിക നേതാക്കൾ തമ്മിലുള്ള ദീർഘകാല പിരിമുറുക്കം തലസ്ഥാനമായ ഖാർത്തൂമിൽ പൊട്ടിപ്പുറപ്പെടുകയും, ഡാർഫൂർ ഉൾപ്പെടെയുള്ള മറ്റ് പ്രദേശങ്ങളിലേക്ക് വ്യാപിക്കുകയും ചെയ്തു. കണക്കുകൾ സൂചിപ്പിക്കുന്നത് 18,800-ലധികം ആളുകൾ പോരാട്ടത്തിൽ കൊല്ലപ്പെട്ടു എന്നാണ്.…

റിയാദ്: ലോകത്തിലെ ആദ്യത്തെ ഇലക്ട്രിക് ഹൈഡ്രോഫോയിൽ കപ്പലായ Candela P-12, സൗദി അറേബ്യയിൽ നിർമ്മിക്കുന്ന 500 ബില്യൺ ഡോളർ ഫ്യൂച്ചറിസ്റ്റിക് മെഗാസിറ്റിയായ NEOM-ലെ ജല ശൃംഖലയ്ക്ക് സേവനം നൽകും. സ്വീഡിഷ് കമ്പനിയായ കാൻഡേലയുടെ ചരിത്രത്തിലെ ഏറ്റവും വലിയ ഓർഡറായി NEOM എട്ട് ഫോയിലിംഗ്, ഇലക്ട്രിക് ഷട്ടിൽ കപ്പലുകൾക്കായി ഓർഡർ നൽകി. കാൻഡലയുടെ അഭിപ്രായത്തിൽ, ആദ്യ ബാച്ച് 2025 ലും 2026 ൻ്റെ തുടക്കത്തിലും ഡെലിവർ ചെയ്യപ്പെടുമെന്ന് പ്രതീക്ഷിക്കുന്നു. “സീറോ-എമിഷൻ ജലഗതാഗത സംവിധാനങ്ങൾ സൃഷ്ടിക്കുന്നതിനാണ് P-12 രൂപകൽപ്പന ചെയ്തിരിക്കുന്നത്. അത് പരമ്പരാഗത ജല യാത്രയെ അപേക്ഷിച്ച് കാര്യമായ മെച്ചപ്പെടുത്തലോടെയാണ് നിര്‍മ്മിച്ചിരിക്കുന്നത്,” കാൻഡലയുടെ സിഇഒയും സ്ഥാപകനുമായ ഗുസ്താവ് ഹസൽസ്‌കോഗ് പറഞ്ഞു. വലിയതും വേഗത കുറഞ്ഞതും ഊർജ്ജം കുറഞ്ഞതുമായ പരമ്പരാഗത ഫെറികളുള്ള ലെഗസി സിസ്റ്റങ്ങളിൽ നിന്ന് വ്യത്യസ്തമായി, കാൻഡല P-12 ചെറുതും വേഗതയേറിയതുമായ ഒരു യൂണിറ്റാണ്, ഇത് യാത്രക്കാർക്ക് കൂടുതൽ വേഗത്തിലുള്ള…

കല്ലമ്പലം: മസ്കത്തിൽ വാഹനമിടിച്ച് കല്ലമ്പലം സ്വദേശി മധുലാൽ (54) മരിച്ചു. കഴിഞ്ഞ വെള്ളി രാത്രിയാണ് സംഭവം നടന്നത്. താമസ സ്ഥലത്തുനിന്ന് പുറത്തേക്ക് പോയ മധു ഏറെ സമയം കഴിഞ്ഞും തിരിച്ചു വരാത്തതിനെത്തുടര്‍ന്ന് പരിചയക്കാർ പൊലീസിൽ വിവരമറിയിക്കുകയായിരുന്നു. തുടർന്ന് നടത്തിയ അന്വേഷണത്തിലാണ് അപകടത്തിൽ മരിച്ച വിവരം അറിയുന്നത്. റോഡ് കുറുകെ കടക്കുന്നതിനിടെ പാഞ്ഞു വന്ന വാഹനമിടിച്ചാണ് മരിച്ചത്. 32 വർഷമായി മധു ഒമാനിലെ സുവൈദ് ഖദ്റയിലെ കൺസ്ട്രക്‌ഷൻ സ്ഥാപനത്തിൽ ഫോർമാൻ ആയി ജോലി നോക്കുകയായിരുന്നു. ഭാര്യ: രഞ്ജു കൃഷ്ണ. മക്കൾ: ആര്യ,ആതിര. മൃതദേഹം നാട്ടിലെത്തിച്ച് സംസ്കരിച്ചു.

റാസൽഖൈമ : റാസൽഖൈമ പോലീസിൻ്റെ ക്രിമിനൽ ഇൻവെസ്റ്റിഗേഷൻ ഡിപ്പാർട്ട്‌മെൻ്റിൻ്റെയും എമിറേറ്റിലെ സാമ്പത്തിക വികസന വകുപ്പിൻ്റെ (ഡിഇഡി) വാണിജ്യ നിയന്ത്രണ, സംരക്ഷണ വകുപ്പിൻ്റെയും സംയുക്ത സംഘം അന്താരാഷ്ട്ര ബ്രാൻഡ് വ്യാപാരമുദ്രകളുള്ള 650,468 വ്യാജ വസ്തുക്കൾ പിടിച്ചെടുത്തു. ഇതിന്റെ മൂല്യം 23 ദശലക്ഷം (52,54,98,276.22 രൂപ) ദിര്‍ഹമാണെന്ന് കണക്കാക്കപ്പെടുന്നു. ഇതുമായി ബന്ധപ്പെട്ട് മൂന്ന് അറബ് പൗരന്മാരെ അറസ്റ്റു ചെയ്യുകയും പബ്ലിക് പ്രോസിക്യൂഷന് റഫർ ചെയ്യുകയും ചെയ്തു. സൗന്ദര്യവർദ്ധക വസ്തുക്കളും അനുബന്ധ സാമഗ്രികളും വ്യാജ വ്യാപാരമുദ്രകളുള്ള മറ്റ് വസ്തുക്കളും ഉൾപ്പെടുന്ന ഈ വൻതോതിലുള്ള വ്യാജ ഉൽപ്പന്നങ്ങൾ പിടിച്ചെടുക്കാൻ സംയുക്ത ടീമുകൾ നടത്തിയ ശ്രമങ്ങൾക്ക് ആക്ടിംഗ് ഡയറക്ടർ ജനറൽ ഓഫ് പോലീസ് ഓപ്പറേഷൻസ് ബ്രിഗേഡിയർ അഹമ്മദ് സെയ്ദ് മൻസൂർ അഭിനന്ദിച്ചു. ക്രിമിനൽ ഇൻവെസ്റ്റിഗേഷൻസ് ആൻഡ് ഇൻവെസ്റ്റിഗേറ്റീവ് അഫയേഴ്‌സ് ഡിപ്പാർട്ട്‌മെൻ്റ് ഡയറക്ടർ കേണൽ ഒമർ അൽ ഔദ് അൽ തിനേജി, എമിറേറ്റിലെ രണ്ട് ഗോഡൗണുകൾ…

ബഹ്റൈന്‍: ജോലി നഷ്‌ടപ്പെട്ട് വിസ കാലാവധി കഴിയാറായി ബഹ്‌റൈനിൽ കഴിഞ്ഞിരുന്ന കൊല്ലം സ്വദേശി ദിലീപ് കുമാറിന് നാടണയാൻ കൊല്ലം പ്രവാസി അസോസിയേഷൻറെ കൈത്താങ്ങ്. കൊല്ലം പ്രവാസി അസ്സോസിയേഷൻ ജീവകാരുണ്യ പ്രവർത്തനങ്ങളുടെ ഭാഗമായി ചാരിറ്റി വിങ് ന്റെ നേതൃത്വത്തിൽ സെൻട്രൽ – ഡിസ്ട്രിക്ട് കമ്മിറ്റി അംഗങ്ങളുടെ സഹായത്തോടെ നാട്ടിലേക്കു പോകാനുള്ള വിമാനയാത്ര ടിക്കറ്റും, യാത്രാ സഹായവും കൈമാറി. സെൻട്രൽ കമ്മിറ്റി അംഗങ്ങളായ മനോജ് ജമാൽ, ഷമീർ സലിം എന്നിവർ സന്നിഹിതരായിരുന്നു

ദോഹ : ഇന്ത്യയുടെ 78-ാമത് സ്വാതന്ത്ര്യ ദിന ആഘോഷങ്ങളുടെ ഭാഗമായി പ്രവാസി വെൽഫെയർ മലപ്പുറം ജില്ലാ കമ്മിറ്റി സ്വാതന്ത്ര്യ സമരത്തിലെ മലബാർ ഗാഥകൾ എന്ന തലക്കെട്ടില്‍ വൈവിദ്ധ്യമാർന്ന പരിപാടികളോടെ സാംസ്‌കാരിക സംഗമം സംഘടിപ്പിച്ചു. ഇന്ത്യയുടെ ഐക്യവും, സമത്വവും, സാഹോദര്യവും നില നിൽക്കുവാൻ നമ്മുടെ ഭരണഘടന മുറുകെ പിടിച്ചുള്ള മുന്നോട്ട് പോക്ക് അനിവാര്യമാണെന്ന് സംഗമം ഉദ്ഘാടനം ചെയ്ത പ്രവാസി വെൽഫെയർ സംസ്ഥാന വൈസ് പ്രസിഡന്റ് അനീസ് റഹ്മാന്‍ പറഞ്ഞു. മലബാറിലെ സ്വാതന്ത്ര്യ സമര പോരാട്ടങ്ങളിൽ മാപ്പിളപ്പാട്ട് സാഹിത്യത്തിന്റെ സ്വാധീനം എന്ന വിഷയത്തിൽ ചരിത്ര ഗവേഷകൻ സഫീർ വാടാനപ്പള്ളി പ്രഭാഷണം നടത്തി. നാടൻ പാട്ട് കലാകാരൻ രാജേഷ് രാജൻ സ്വാതന്ത്ര്യ ദിന ചിന്തകളുണർത്തി കവിത ആലപിച്ചു. കുട്ടികൾ ദേശഭക്തി ഗാനങ്ങൾ അവതരിപ്പിച്ചു, സ്വാതന്ത്ര്യ സമര ചരിത്രം അവതരിപ്പിക്കുന്ന ക്വിസ് മത്സരവും പരിപാടിയുടെ ഭാഗമായി നടന്നു. സംഗമത്തിൽ വയനാട് പുനരധിവാസ പദ്ധതിയിലേക്കുള്ള…

ബഹ്റൈന്‍: കൊല്ലം പ്രവാസി അസ്സോസിയേഷൻ സൽമാനിയ ഏരിയ കമ്മിറ്റിയുടെ നേതൃത്വത്തിൽ ഇന്ത്യയുടെ 78-ാമത് സ്വാതന്ത്ര്യ ദിനത്തോട് അനുബന്ധിച്ചു മനാമ സെൻട്രൽ അൽ ഹിലാൽ ഹോസ്പിറ്റലുമായി സഹകരിച്ചു നടത്തിയ സൗജന്യ മെഡിക്കൽ ക്യാമ്പ് പ്രവാസികളുടെ പങ്കാളിത്തം കൊണ്ട് ശ്രെദ്ധേയമായി. 250 ൽ പരം പ്രവാസികൾ പ്രയോജനപ്പെടുത്തി ക്യാമ്പ് കെ.പി.എ ജനറൽ സെക്രട്ടറി ജഗത് കൃഷ്ണകുമാർ ഉത്‌ഘാടനം ചെയ്തു. ഏരിയ പ്രസിഡന്റ് ജയകുമാർ അദ്ധ്യക്ഷത വഹിച്ച ചടങ്ങിൽ അഡ്വ. മാധവൻ കല്ലത്ത് മുഖ്യാതിയായി പങ്കെടുത്തു. ഡോ. നൗഫൽ നാസറുദ്ദീൻ ജീവിത ശൈലി രോഗങ്ങളെ കുറിച്ച് ക്‌ളാസ് എടുത്തു. ഏരിയ സെക്രട്ടറി ജിബി ജോൺ സ്വാഗതവും ജോ. സെക്രട്ടറി സന്തോഷ് കുമാർ നന്ദിയും അറിയിച്ചു. കെ.പി.എ വൈസ് പ്രസിഡന്റ് കിഷോർ കുമാർ, നിയുക്ത സിസി അംഗങ്ങളായ പ്രശാന്ത് പ്രബുദ്ധൻ, കോയിവിള മുഹമ്മദ്, അനിൽകുമാർ, അൽ ഹിലാൽ മാർക്കറ്റിംഗ് ഹെഡ് നൗഫൽ സലാഹുദ്ദീൻ…