Category: MIDDLE EAST/GULF

റിയാദ് : എക്‌സിറ്റ്-റീ എൻട്രി വിസയുമായി രാജ്യം വിടുകയും എന്നാൽ വിസ കാലാവധി തീരുന്നതിന് മുമ്പ് തിരിച്ചെത്തിയില്ലെങ്കിൽ വിദേശ തൊഴിലാളികളുടെ വിവരങ്ങൾ ശാശ്വതമായി ഇല്ലാതാക്കുമെന്ന് സൗദി അറേബ്യ (കെഎസ്‌എ) അറിയിച്ചതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. എക്‌സിറ്റ്-റീ എൻട്രി വിസ കാലഹരണപ്പെടുമ്പോൾ, തൊഴിലാളിയുടെ സ്റ്റാറ്റസ് “എക്‌സിറ്റ് ചെയ്‌തു, തിരിച്ചെത്തിയില്ല” എന്നായി മാറും. അതിനുശേഷം തൊഴിലാളിയുടെ ഡാറ്റ മാനവ വിഭവശേഷി, സാമൂഹിക വികസന മന്ത്രാലയത്തിൽ (MHRSD) ശാശ്വതമായി ഇല്ലാതാക്കപ്പെടും. ഡാറ്റാ ബാങ്ക്, തൊഴിലാളിയുടെ സ്റ്റാറ്റസ് “ജോലിയിൽ ഹാജരായില്ല” എന്നാക്കി മാറ്റും. MHRSD വഴി, സോഷ്യൽ സെക്യൂരിറ്റി മുമ്പ് ബിസിനസ്സ് ഉടമകളോട് അവരുടെ വിദേശ തൊഴിലാളികളുടെ ഡാറ്റ അപ്‌ഡേറ്റ് ചെയ്യാൻ ആവശ്യപ്പെട്ടിരുന്നു. സോഷ്യൽ ഇൻഷുറൻസിൽ സൂചിപ്പിച്ചിരിക്കുന്നതുപോലെ, സൗദി ഇതര ജീവനക്കാരുടെ ഡാറ്റ സ്വയമേവ സ്ഥാപനത്തിലേക്ക് MHRSD തിരികെ നൽകും. 2021-ൽ, ജനറൽ ഡയറക്ടറേറ്റ് ഓഫ് പാസ്‌പോർട്ട് (ജവാസാത്ത്) സൗദി അറേബ്യയിൽ…

റിയാദ് : സൗദി കിരീടാവകാശി മുഹമ്മദ് ബിൻ സൽമാൻ അൽ സൗദും റഷ്യൻ പ്രസിഡന്റ് വ്‌ളാദിമിർ ​​പുടിനും തമ്മിൽ ഉഭയകക്ഷി ബന്ധം അവലോകനം ചെയ്യുന്നതിനായി ഫോൺ സംഭാഷണം നടത്തിയതായി സൗദി പ്രസ് ഏജൻസി റിപ്പോർട്ട് ചെയ്തു. വിവിധ മേഖലകളിൽ ഉഭയകക്ഷി ബന്ധം ശക്തിപ്പെടുത്തുന്നതിനുള്ള വഴികൾ ഇരു നേതാക്കളും ചർച്ച ചെയ്ത ചടങ്ങിൽ പുടിൻ വ്യാഴാഴ്ച സൗദി കിരീടാവകാശിയെ വിളിച്ചതായി റിപ്പോർട്ടില്‍ പറയുന്നു. ഏറ്റവും പ്രധാനപ്പെട്ട പ്രാദേശിക, അന്തർദേശീയ പ്രശ്നങ്ങളും സുരക്ഷയും സ്ഥിരതയും ഉറപ്പാക്കാനുള്ള അവരുടെ ശ്രമങ്ങളും അവർ അവലോകനം ചെയ്തുവെന്നും റിപ്പോർട്ട് പറയുന്നു. ജൂലൈ 15ന് യുഎസ് പ്രസിഡന്റ് ജോ ബൈഡന്റെ സൗദി സന്ദർശനം കഴിഞ്ഞ് ദിവസങ്ങൾക്ക് ശേഷമാണ് പുടിന്റെ ഫോൺ കോൾ വന്നത്.

റിയാദ് : വിശുദ്ധ നഗരമായ മക്കയിൽ പ്രവേശിക്കാൻ അമുസ്‌ലിമിനെ സഹായിച്ച ഒരു പൗരനെ സൗദി അറേബ്യ പോലീസ് വെള്ളിയാഴ്ച അറസ്റ്റ് ചെയ്തതായി സൗദി പ്രസ് ഏജൻസി (എസ്‌പി‌എ) റിപ്പോർട്ട് ചെയ്തു. “മുസ്‌ലിംകള്‍ക്ക് മാത്രമായി തുറന്നിരിക്കുന്ന പാത പിന്തുടർന്ന് വിശുദ്ധ തലസ്ഥാനത്തേക്ക് അമേരിക്കൻ പൗരത്വം നേടിയ ഒരു (അമുസ്‌ലിം) പത്രപ്രവർത്തകന്റെ പ്രവേശനം സുഗമമാക്കിയ ഒരു വ്യക്തി” എന്നാണ് മക്ക പോലീസ് പബ്ലിക് പ്രോസിക്യൂഷനെ അറിയിച്ചിരിക്കുന്നതെന്ന് പബ്ലിക് സെക്യൂരിറ്റി പ്രസ്താവനയിൽ പറഞ്ഞു. രാജ്യത്തേക്ക് വരുന്ന എല്ലാവരോടും, നിയന്ത്രണങ്ങൾ മാനിക്കുകയും സൗദി സുരക്ഷാ വിഭാഗം അനുശാസിക്കുന്ന കാര്യങ്ങൾ പാലിക്കുകയും ചെയ്യേണ്ടതിന്റെ ആവശ്യകത ഊന്നിപ്പറയുന്നു, പ്രത്യേകിച്ച് രണ്ട് വിശുദ്ധ മസ്ജിദുകളുമായും പുണ്യസ്ഥലങ്ങളുമായും ബന്ധപ്പെട്ട്. “ഇത്തരത്തിലുള്ള ഏതൊരു ലംഘനവും വെച്ചുപൊറുപ്പിക്കാനാവാത്ത കുറ്റകൃത്യമായി കണക്കാക്കപ്പെടുന്നു, പ്രസക്തമായ ചട്ടങ്ങളുടെ അടിസ്ഥാനത്തിൽ കുറ്റവാളികൾക്കെതിരെ പിഴ ചുമത്തും” എന്ന് മക്ക പോലീസിന്റെ മാധ്യമ വക്താവ് ഊന്നിപ്പറഞ്ഞു. കുറ്റകൃത്യം ചെയ്ത മാധ്യമ…

ഒറ്റത്തവണ ഉപയോഗത്തിനുള്ള പ്ലാസ്റ്റിക് ബാഗുകളുടെ ഉപയോഗം കുറച്ച നടപടി ഉപഭോക്താക്കളില്‍ നിന്നുള്ള ഗുണപരവും പ്രസക്തവുമായ പ്രതികരണത്തിന് വഴിതുറന്നതായി ദുബൈയിലെ ചില്ലറ വിപണന സ്ഥാപനം സാക്ഷ്യപ്പെടുത്തുന്നു. ദുബൈ: ഒറ്റത്തവണ ഉപയോഗത്തിനുള്ള പ്ലാസ്റ്റിക് ബാഗുകളുടെ ഉപയോഗം പരിമിതപ്പെടുത്തിയ ജൂലൈ ഒന്നു മുതല്‍ ഇന്നുവരെയും, തീരുമാനത്തോട് ഉപഭോക്താക്കളില്‍ നിന്ന് മികച്ച പ്രതികരണമാണ് ലഭിച്ചതെന്ന് യൂണിയന്‍ കോപ് ഹാപ്പിനെസ് ആന്റ് മാര്‍ക്കറ്റിങ് ഡിപ്പാര്‍ട്ട്മെന്റ് ഡയറക്ടര്‍ ഡോ. സുഹൈല്‍ അല്‍ ബസ്‍തകി പറഞ്ഞു. ഉപഭോക്താക്കള്‍ ഇപ്പോള്‍ സാധനങ്ങള്‍ വാങ്ങുമ്പോള്‍ പുനരുപയോഗിക്കാവുന്നതും പ്രകൃതി സൗഹൃദവുമായ സഞ്ചികളാണ് ഉപയോഗിക്കുന്നത്. ഭൂരിപക്ഷം ഉപഭോക്താക്കളും ഉന്നത ഗുണനിലവാരമുള്ളതും പലതവണ ഉപയോഗിക്കാവുന്നതുമായ ബാഗുകളാണ് യൂണിയന്‍ കോപില്‍ നിന്നു വാങ്ങുന്നത്. ഇത് സൂപ്പര്‍ മാര്‍ക്കറ്റില്‍ നിന്നു തന്നെ ഒറ്റത്തവണ ഉപയോഗത്തിനുള്ള പ്ലാസ്റ്റിക് ബാഗുകള്‍ വാങ്ങേണ്ട ആവശ്യകത ഇല്ലാതാക്കുന്നു. യൂണിയന്‍ കോപ് നടത്തിയ ബോധവത്കരണ പരിപാടികളുടെ പൂര്‍ത്തീകരണമാണ് ഉപഭോക്താക്കളുടെ നിലപാടിലുള്ള ഈ മാറ്റത്തിന് കാരണമെന്നും…

ഷാര്‍ജ: വേനൽക്കാലത്ത് കുട്ടികൾക്കായി സർ​​ഗാത്മക പരിശീലന ശിൽപ്പശാലയൊരുക്കി ഷാർജയിലെ സന്നദ്ധ കലാസംരംഭമായ മരായാ ആർട്ട് സെന്റർ. സമ്മർ ക്യാംപ് എന്നു പേരിട്ടിരിക്കുന്ന ശിൽപ്പശാലയിൽ ഏഴു മുതൽ പന്ത്രണ്ടു വയസ്സു വരെ പ്രായമുള്ള കുട്ടികൾക്കായി വിവിധ പരിശീലന സെഷനുകളാണ് ഒരുങ്ങുന്നത്. പുതുതായി ഓരോ വസ്തുക്കൾ നിർമിക്കാനുള്ള കുട്ടികളിലെ നൈസ്സർ​ഗിക വാസനയെ പ്രോത്സാഹിപ്പിക്കാനും അതിൽ വിദ​ഗ്ധ പരിശീലനം നൽകുന്നതും ലക്ഷ്യം വച്ച്, ‘ബിൽഡ് ഇറ്റ്’ (build it) എന്ന ആശയത്തെ കേന്ദ്രീകരിച്ചാണ് വർക്ക് ഷോപ്പുകൾ സജ്ജീകരിച്ചിരിക്കുന്നത്. ബലൂൺ, ഇഷ്ടിക തുടങ്ങി നിരവധി വസ്തുക്കളെ അടിസ്ഥാനമാക്കിയുള്ള കലാനിർമാണങ്ങളും ചിത്രരചനാ പരിശീലനവുമെല്ലാം ഇതിന്റെ ഭാഗമായുണ്ടാവും. പ്രശസ്ത കലാകാരി സാറ മഹ്മൂദ് അടക്കമുള്ളവർ വിവിധ സെഷനുകൾക്ക് നേതൃത്വം നൽകും. ആറു ദിവസത്തെ ക്യാംപിന്റെ അവസാനദിവസം, നിലവിൽ കലാമേഖലയിൽ വിപ്ലവം സൃഷ്ടിച്ചുകൊണ്ടിരിക്കു്നന എൻഫ്എടിയുടെ സാധ്യതകളെക്കുറിച്ചും കുട്ടികൾക്ക് എങ്ങനെ ഡിജിറ്റൽ കലാസൃഷ്ടികൾ നിർമിക്കാമെന്നതിനെക്കുറിച്ചും പ്രത്യേക സെഷനും ഒരുക്കുന്നുണ്ട്.…

ദോഹ: നടുമുറ്റം ഖത്തർ വിദ്യാർത്ഥികൾക്കായി സംഘടിപ്പിക്കുന്ന ദ്വിദിന സമ്മർ ക്യാമ്പ് സമ്മർ സ്പ്ലാഷിലേക്ക് രജിസ്ട്രേഷൻ ആരംഭിച്ചു. ജൂലൈ 29,30 തിയ്യതികളിലായി സി.ഐ.സി മൻസൂറ ഹാളിൽ വെച്ചാണ് ക്യാമ്പ് നടക്കുക. ജൂനിയർ (8-12 വയസ്സ്) സീനിയർ (13 – 18 വയസ്സ് )എന്നിങ്ങനെ രണ്ടു വിഭാഗങ്ങളായിട്ടാണ് ക്യാമ്പ് സംഘടിപ്പിക്കുന്നത്. വിനോദവും വിജ്ഞാനവും കോർത്തിണക്കിയിട്ടുള്ള വൈവിധ്യമായ സെഷനുകൾ , പഠനയാത്ര എന്നിവ ക്യാമ്പിൽ ഉണ്ടായിരിക്കുന്നതാണ്. വിശദവിവരങ്ങൾക്കായി 66602812 എന്ന നമ്പറിൽ ബന്ധപ്പെടാവുന്നതാണ്.

ഖത്തര്‍: തൊഴിലന്വേഷകര്‍ക്കും ജോലി മാറ്റത്തിന്‌ ശ്രമിക്കുന്നവര്‍ക്കും ദിശാ ബോധവും ആത്മവിശ്വാസവും പകര്‍ന്ന് നല്‍കി കള്‍ച്ചറള്‍ ഫോറം സംഘടിപ്പിച്ച വര്‍ക്ക്ഷോപ്പ്. തൊഴിലന്വേഷകരുടെ അടിസ്ഥാന ആവശ്യമായ ബയോഡാറ്റ ആകര്‍ഷണീയമാക്കുക എന്ന ലക്ഷ്യത്തോടെ ‘ക്രിയേറ്റ് എ സക്സസ്ഫുൾ സി.വി” എന്ന തലക്കെട്ടില്‍ നടന്ന പരിശീലന പരിപാടിക്ക് പ്രമുഖ ട്രെയിനര്‍ സിറജുല്‍ ഹസന്‍ നേതൃത്വം നല്‍കി. കൾച്ചറൽ ഫോറം വൈസ് പ്രസിഡന്റ് ചന്ദ്രമോഹൻ പരിപാടി ഉദ്ഘാടനം ചെയ്തു. തൊഴില്‍ തേടി ധാരാളം ആളുകളാണ്‌ ഖത്തറിലേക്കെത്തിക്കൊണ്ടിരിക്കുന്നതെന്നും, കഴിവും യോഗ്യതയും ഉള്ളവര്‍ പോലും ആവശ്യമായ മുന്നൊരുക്കങ്ങളില്ലാത്തതിനാല്‍ നല്ല പദവികളില്‍ എത്തിപ്പെടാതെ പോകുന്ന അവസ്ഥയുണ്ടെന്നും, അത്തരം സാഹചര്യങ്ങള്‍ ഒഴിവാക്കാനും, തൊഴിലന്വേഷകര്‍ക്ക് മാര്‍ഗ്ഗ നിര്‍ദ്ദേശം നല്‍കാനുമാണ്‌ കള്‍ച്ചറല്‍ ഫോറം ഇത്പോലുള്ള വര്‍ക്ക്ഷോപ്പുകള്‍ സംഘടിപ്പിക്കുന്നതെന്നും അദ്ദേഹം പറഞ്ഞു. കള്‍ച്ചറല്‍ ഫോറം മാനവ വിഭവശേഷി വകുപ്പ് അംഗങ്ങളായ ഹാരിസ് എഗരത്ത്, റമീസ് തിടില്‍, അലി കണ്ടാനത്ത് തുടങ്ങിയവര്‍ സംസാരിച്ചു.

ബഹ്‌റൈൻ: കൊല്ലം പ്രവാസി അസ്സോസിയേഷന്റെ പുതിയ ഭരണസമിതിയെ രണ്ടു വർഷക്കാലത്തെ പ്രവർത്തനങ്ങൾക്ക് ശേഷം ചേർന്ന ജില്ലാ സമ്മേളനത്തിൽ വെച്ചു തിരഞ്ഞെടുത്തു. തിരഞ്ഞെടുക്കപ്പെട്ട 34 അംഗ സെൻട്രൽ കമ്മിറ്റിയിൽ നിന്നാണ് 7 അംഗ സെക്രട്ടറിയേറ്റിനെ തിരഞ്ഞെടുത്തത്. ജില്ലാ സമ്മേളനത്തിൽ അംഗീകരിച്ച ഭരണഘടനാ ഭേദഗതികയോടെ അഞ്ചു സെക്രട്ടറിയേറ്റ് അംഗങ്ങളിൽ നിന്നും ഏഴായി അംഗങ്ങളുടെ എണ്ണം ഉയർത്തി. ജില്ലാ സമ്മേളനത്തിന് ശേഷം ചേർന്ന ആദ്യ സെക്രട്ടറിയേറ്റ് യോഗത്തിൽ നിസാർ കൊല്ലത്തെ പ്രസിഡന്റ് ആയും ജഗത് കൃഷ്ണകുമാറിനെ ജനറൽ സെക്രട്ടറിയായും തെരഞ്ഞടുത്തു. കൂടാതെ രാജ് കൃഷ്ണൻ (ട്രഷറർ) കിഷോർ കുമാർ (വൈ.പ്രസിഡന്റ്) സന്തോഷ് കാവനാട്, അനോജ് മാസ്റ്റർ (സെക്രട്ടറിമാർ) ബിനു കുണ്ടറ (അസിസ്റ്റന്റ് ട്രഷറർ) എന്നിവരെയും തിരഞ്ഞെടുത്തു. അടുത്ത രണ്ടു വർഷം കൂടുതൽ ജനകീയ പ്രവർത്തനങ്ങൾ നടത്തി സംഘടനയെ കരുത്തോടെ മുന്നോട്ടു നയിക്കാനുള്ള ശ്രമങ്ങൾ ഉണ്ടാകുമെന്നും ജിസിസി തലത്തിൽ കൊല്ലം അസോസിയേഷൻ രൂപീകരിക്കാനും…