Category: MIDDLE EAST/GULF

ദോഹ: ലോകകപ്പ് ഫുട്ബോളിൽ സൗദി അറേബ്യ-അർജന്റീന മത്സരം കാണാനെത്തിയ ഖത്തർ അമീർ ഷെയ്ഖ് തമീം ബിൻ ഹമദ് അൽതാനി ലോകകപ്പ് വേദിയിൽ സൗദി പതാക കഴുത്തിൽ അണിഞ്ഞ് അയൽ രാജ്യത്തിന് പിന്തുണ പ്രഖ്യാപിച്ചു. മത്സരം കാണാനെത്തിയ ഖത്തര്‍ അമീറിന് ഒരു ആരാധകനാണ് സൗദി പതാക കൈമറിയത്. സന്തോഷത്തോടെ പതാക സ്വീകരിച്ച അമീര്‍ അത് കഴുത്തിലണിയുകയായിരുന്നു. ഖത്തര്‍ അമീറിന്‍റെ പിന്തുണയെ സ്റ്റേഡിയത്തിലെ സൗദി ആരാധകര്‍ കരഘോഷത്തോടെയാണ് എതിരേറ്റത്. 36 മത്സരങ്ങളുടെ അപരാജിത റെക്കോർഡുമായി ലോക കപ്പിൽ പ്രവേശിച്ച ലാറ്റിനമേരിക്കൻ ചാമ്പ്യൻമാരായ അർജന്റീനയെ അക്ഷരാർത്ഥത്തിൽ തകര്‍ത്തെറിയുന്ന പ്രകടനമാണ് സൗദി അറേബ്യ നടത്തിയത്. ആദ്യ പകുതിയിൽ 1-0ന് പിന്നിലായിരുന്നെങ്കിലും ശക്തമായി തിരിച്ചുവന്ന സൗദി അറേബ്യ രണ്ടാം പകുതിയിൽ അഞ്ച് മിനിറ്റിനുള്ളിൽ രണ്ട് ഗോളുകൾ നേടി.

ദോഹ: ഖത്തർ ലോകകപ്പിൽ നിലവിലെ ചാമ്പ്യന്മാരായ ഫ്രാൻസ് ഓസ്‌ട്രേലിയയെ ഒന്നിനെതിരെ നാല് ഗോളിന് തോല്പിച്ച് തങ്ങളുടെ സാന്നിധ്യമറിയിച്ചു. ആദ്യ ഒന്നു കിതച്ച് ഒരു ഗോളിന് പിന്നിൽ നിന്ന ശേഷമാണ് ഫ്രഞ്ച് പട മുന്നേറ്റം നടത്തിയത്. അഡ്രിയൻ റാബിയാറ്റ്, ഒലിവിയർ ജിറോഡ്, കൈലിയൻ എംബാപ്പെ എന്നിവർ ഫ്രാൻസിനായി സ്‌കോർ ചെയ്തു. ക്രെയ്ഗ് ഗുഡ്‌വിൻ ആണ് ഓസ്‌ട്രേലിയയുടെ ഏക ഗോൾ സ്‌കോറർ. ലോകകപ്പിലെ ഏറ്റവും വലിയ അട്ടിമറി കണ്ട ഒരു ദിവസം ഓസ്‌ട്രേലിയ മറ്റൊരു കറുത്ത കുതിരയാകുമോയെന്ന സംശയത്തോടെയാണ് മത്സരം തുടങ്ങിയത്. ചാമ്പ്യൻമാർ താളം കണ്ടെത്തുന്നതിന് മുമ്പ് ഒമ്പതാം മിനിറ്റിൽ സോക്കറോസ് ലീഡ് നേടി. മിനിറ്റുകൾക്കകം പരിക്ക് മൂലം ലൂക്കാസ് ഹെർണാണ്ടസ് കളം വിട്ടത് ഫ്രഞ്ച് ടീമിന് ഇരട്ട പ്രഹരമായി. 27-ാം മിനിറ്റിൽ റാബിയോട്ട് സമനില പിടിച്ചതോടെ ചാമ്പ്യന്മാർ ഉണർന്നു. 30-ാം മിനിറ്റിൽ ജിറോഡിലൂടെ ഫ്രാൻസ് ലീഡ് ഉയർത്തി. രണ്ടാം…

ദോഹ: ഫിഫ ലോകകപ്പിലെ ആദ്യ മത്സരത്തിൽ അർജന്റീനയെ തോൽപ്പിച്ച് സൗദി അറേബ്യയുടെ ആവേശം. മത്സരത്തിൽ ഒരു ശതമാനം പോലും സാധ്യതയില്ലാത്ത പൊസിഷനിൽ നിന്നാണ് സൗദി അവിശ്വസനീയ വിജയം നേടിയത്. വിജയത്തോടെ സൗദി കോച്ച് ഹെർവ് റെയ്‌നാർഡും ടീമംഗങ്ങളും ലോകമെമ്പാടുമുള്ള ഫുട്ബോൾ ആരാധകരുടെ പ്രശംസ പിടിച്ചുപറ്റി. ഒരു എതിരാളിയെയും നിസ്സാരമായി കാണരുതെന്നാണ് ആരാധകരും കായിക എഴുത്തുകാരും പറയുന്നത്. ഇത്തരമൊരു വിലയിരുത്തൽ നടത്താൻ സൗദി ടീമിനെ പ്രാപ്തമാക്കിയതിന് പിന്നിൽ അൽ ഹിലാൽ എസ്എഫ്‌സി എന്ന ഒരു ക്ലബ്ബുണ്ട്. ലോകോത്തര താരങ്ങളുള്ള അർജന്റീനയെ നേരിടാൻ സൗദി പ്രീമിയർ ലീഗിൽ മാത്രം കളിക്കുന്ന താരങ്ങൾ അടങ്ങുന്ന ടീമിനെയാണ് ഫ്രഞ്ചുകാരനായ റെയ്നാർഡ് ഇറക്കിയത്. അർജന്റീനിയൻ താരങ്ങൾക്ക് 645 മില്യൺ യൂറോയും സൗദി താരങ്ങൾക്ക് 25 മില്യൺ യൂറോയുമാണ് വിലയുള്ളത്. മാത്രമല്ല വിജയിച്ച ടീമിലെ ആദ്യ പതിനൊന്നിൽ ഇടം പിടിച്ച ഒമ്പത് പേരും ഒരേ ക്ലബ്ബിൽ…

ദോഹ (ഖത്തര്‍): ഇറാനിലെ സർക്കാർ വിരുദ്ധ പ്രതിഷേധങ്ങൾക്ക് ഐക്യദാർഢ്യം പ്രഖ്യാപിച്ച് ദേശീയ ടീം അംഗങ്ങൾ ലോകകപ്പ് ഫുട്ബോൾ വേദിയിൽ. അർ-റയ്യാനിലെ ഖലീഫ ഇന്റർനാഷണൽ സ്റ്റേഡിയത്തിൽ നടക്കുന്ന ആദ്യ ഫിഫ ലോകകപ്പ് മത്സരത്തിന് മുമ്പ് ദേശീയ ഗാനം ആലപിക്കാതെ ഇറാനിയൻ ഫുട്ബോൾ ടീം പ്രതിഷേധിച്ചു. മത്സരത്തിനിടെ ഇറാൻ ആരാധകരുടെ വികാരനിർഭരമായ നിമിഷങ്ങൾക്കും ഗാലറി സാക്ഷിയായി. ഗ്രൂപ്പ് ബി ഉദ്ഘാടന മത്സരത്തിൽ ഇറാൻ ഇംഗ്ലണ്ടിനെ നേരിട്ടു. ഇറാനിലെ സർക്കാർ വിരുദ്ധ പ്രക്ഷോഭകരെ പിന്തുണച്ച് ദേശീയ ഗാനം ആലപിക്കണോ വേണ്ടയോ എന്ന് ടീം കൂട്ടായ തീരുമാനമെടുക്കുമെന്ന് ഇറാൻ ക്യാപ്റ്റൻ അലിറേസ ജഹാൻബക്ഷ് നേരത്തെ പറഞ്ഞിരുന്നു. ഖത്തറിൽ നടക്കുന്ന ലോകകപ്പിൽ, രാജ്യത്തെ ജനങ്ങളുടെ ശബ്ദമാകാൻ ഇറാന്റെ ടീം അംഗങ്ങൾ ആഗ്രഹിക്കുന്നുവെന്ന് ദേശീയ ടീം ക്യാപ്റ്റൻ എഹ്‌സാൻ ഹജ്‌സഫിയും കഴിഞ്ഞ ദിവസം വ്യക്തമാക്കിയിരുന്നു. അതേസമയം, ഇറാനിലെ പ്രതിഷേധക്കാർക്ക് പിന്തുണയുമായി ഗാലറിയിൽ പ്രതികരണങ്ങളുണ്ടായി. വിമന്‍, ലൈഫ്,…

ദോഹ: ഖത്തര്‍ ലോകകപ്പിന് ഐക്യദാര്‍ഢ്യവുമായി മര്‍സ ഹൈപ്പര്‍ മാര്‍ക്കറ്റ്‌സംഘടിപ്പിച്ചഇന്റര്‍ ഡിസ്റ്റിക് പെനാല്‍റ്റി ഷൂട്ട് ഔട്ട് മത്സരത്തില്‍ തൃശൂര്‍ ജില്ല ജേതാക്കളായി. മലപ്പുറം ജില്ലയാണ് റണ്ണര്‍ അപ്പ്. അബുഹമൂര്‍ ഇറാനി സ്‌കൂളില്‍ നടന്നപെനാല്‍റ്റി ഷൂട്ട് ഔട്ട് മത്സരം മര്‍സ ഗ്രൂപ്പ് എക്സിക്യൂട്ടീവ് ഡയറക്ടര്‍ മുഹമ്മദ് ജിഫിന്‍ കിക്ക് ഓഫ് ചെയ്ത് ഉദ്ഘാടനം ചെയ്തു. മത്സരത്തില്‍ വിവിധ ജില്ലകളെ പ്രതിനിധീകരിച്ചുകൊണ്ട് 14 ടീമുകള്‍ പങ്കെടുത്തു. വിജയികള്‍ക്ക് മര്‍സ ഹൈപ്പര്‍മാര്‍ക്കറ്റ് ജനറല്‍ മാനേജര്‍ ഷാഫി ബിന്‍ ഹംസ ട്രോഫി സമ്മാനിച്ചു. മര്‍സ ഗ്രൂപ്പ് എക്സിക്യൂട്ടീവ് ഡയറക്ടര്‍ മുഹമ്മദ് ജിഫിന്‍, മാനേജര്‍ ഷംസീര്‍ ഖാന്‍, ചീഫ് അക്കൗണ്ടന്റ് സഹീര്‍ സി.പി, മുതിര്‍ന്ന മാധ്യമ പ്രവര്‍ത്തകന്‍ അഹമ്മദ് പാതിരിപ്പറ്റ, വിഷന്‍ മീഡിയ പ്രതിനിധികളായ അബ്ദുള്‍ ഫത്താഹ് നിലമ്പൂര്‍, നസീമ വലിയകത്ത്എന്നിവര്‍ പങ്കെടുത്തു. ഫോട്ടോ : മര്‍സ ഹൈപ്പര്‍മാര്‍ക്കറ്റ് സംഘടിപ്പിച്ച പെനാല്‍റ്റി ഷൂട്ടൗട്ട് മത്സരത്തില്‍ വിജയികളായ…