Category: AMERICA

ചിക്കാഗോ: എസ്ബി-അസംപ്ഷന്‍ അലുംമ്‌നി അസോസിയേഷന്‍ പ്രസിദ്ധീകരിക്കാന്‍ തുടങ്ങുന്ന ത്രൈമാസ ന്യൂസ് ലെറ്ററിന്റെ പ്രകാശന ഉത്ഘാടനം ചങ്ങനാശേരി അതിരൂപതയുടെ സഹായ മെത്രാന്‍ അഭിവന്ദ്യ മാര്‍ തോമസ് തറയില്‍ നിര്‍വഹിക്കും. എസ്ബി കോളേജ് ശതാബ്ദിയോടനുബന്ധിച്ചു ചിക്കാഗോ എസ്ബി-അസംപ്ഷന്‍ അലുംനി അസോസിയേഷന്‍ ചിക്കാഗോയില്‍ നിന്ന് പ്രസിദ്ധീകരിക്കാന്‍ തീരുമാനിച്ചിരിക്കുന്ന ഈ സ്വപ്നപദ്ധതിയുടെ പ്രഥമപതിപ്പ് മെയ് 15 ഞായര്‍ വൈകുന്നേരം എട്ടുമണിക്ക് കൂടുന്ന സൂം മീറ്റിംഗില്‍ അഭിവന്ദ്യ ബിഷപ് പ്രകാശനം ചെയ്ത് മുഖ്യപ്രഭാഷണം നടത്തും. തദവസരത്തില്‍ എസ്ബി കോളേജ് മുന്‍പ്രിന്‍സിപ്പലും സംഘടനയുടെ രക്ഷാധികാരിയുമായ റവ. ഡോ.ജോര്‍ജ് മഠത്തിപ്പറമ്പില്‍ ആമുഖ പ്രഭാഷണം നടത്തും. എസ്ബി കോളേജ് പ്രിന്‍സിപ്പല്‍ റവ. ഡോ. റെജി പ്ലാത്തോട്ടം, അസെംപ്ഷന്‍ കോളേജ് പ്രിന്‍സിപ്പല്‍ ഡോ. അനിത ജോസ്,ചിക്കാഗോ രൂപതയുടെ പ്രൊക്കുറേറ്ററും എസ്ബി അലുമ്നിയുമായ റവ. ഫാ. കുര്യന്‍ നെടുവിലെചാലുങ്കല്‍, അലുംനി ചിക്കാഗോ ചാപ്റ്റര്‍ പ്രസിഡന്റ് ആന്റണി ഫ്രാന്‍സിസ്, ന്യൂസ് ലെറ്റര്‍ എസ്സിക്യൂട്ടീവ്…

ബ്രാംപ്ടൺ ശ്രീ ഗുരുവായൂരപ്പൻ ക്ഷേത്രത്തിൽ വിഷു ദിനത്തോടനുബന്ധിച്ചു വിപുലമായ ആഘോഷങ്ങൾ നടന്നു. കോവിഡ് നിയന്ത്രണങ്ങൾ മാറ്റിയതിനു ശേഷമുള്ള ആദ്യത്തെ ഉത്സവം ആയതിനാൽ നൂറുകണക്കിന് ഭക്തജനങ്ങൾ ആണ് കാനഡയിലെ വിഷു ദിനമായ ഏപ്രിൽ 14 ന് ഗുരുവായൂരപ്പനെ കണികാണാനും അനുഗ്രഹം തേടാനും ക്ഷേത്രത്തിൽ എത്തിച്ചേർന്നത്. വിഷുദിനത്തിൽ ക്ഷേത്രത്തിൽ എത്തിയ ഭക്തർക്ക് തന്ത്രിയും മേൽശാന്തിയുമായ കരിയന്നൂർ ദിവാകരൻ നമ്പൂതിരി വിഷുക്കൈനീട്ടം നൽകി. വിഷുവിനോടനുബന്ധിച്ചു രണ്ടു ദിവസങ്ങളിലായി വിവിധ കലാപരിപാടികളും നടത്തപ്പെട്ടു. കഴിഞ്ഞ രണ്ടു വർഷമായി മുടങ്ങിക്കിടന്നിരുന്ന പ്രതിഷ്ഠാദിന ആഘോഷങ്ങളും ഉത്സവവും ഈ വർഷം അതിഗംഭീരമായി ആഘോഷിക്കുവാൻ സാധിക്കുമെന്ന് പ്രത്യാശിക്കുന്നതായി ക്ഷേത്രം ഭാരവാഹികൾ അറിയിച്ചു. അതിനു മുന്നോടിയായി, ഭക്തരുടെ വീടുകളിലേക്ക് പറ എഴുന്നെള്ളിപ്പ് നടത്താൻ തീരുമാനിച്ചിട്ടുണ്ട്. ഏപ്രിൽ പതിനേഴാം തീയതി രാവിലെ പറയെടുപ്പിനോടനുബന്ധിച്ചുള്ള പറ പുറപ്പാട് നടന്നു. ക്ഷേത്രത്തിൽ പൂജിച്ച കോലവും പറയും നെല്ലും വിവിധ പ്രദേശങ്ങളിൽ നിന്നും എത്തിയ ഭക്തർ…

മോസ്‌കോ: റഷ്യയ്‌ക്കെതിരായ പാശ്ചാത്യരുടെ സാമ്പത്തിക മിന്നലാക്രമണ സമീപനം പരാജയപ്പെട്ടുവെന്ന് റഷ്യൻ പ്രസിഡന്റ് വ്‌ളാഡിമിർ പുടിൻ. സാമ്പത്തിക കാര്യങ്ങളെക്കുറിച്ചുള്ള സർക്കാർ യോഗത്തിലാണ് പുടിന്‍ ഈ പ്രസ്താവന നടത്തിയത്. “സമീപ വർഷങ്ങളിൽ റഷ്യൻ സമ്പദ്‌വ്യവസ്ഥ പ്രധാനമായും അഭിമുഖീകരിച്ചത് പാശ്ചാത്യ ഉപരോധങ്ങളാണ്. നമ്മുടെ രാജ്യത്തെ സാമ്പത്തിക വ്യവസ്ഥിതികളെയും സ്ഥിതിഗതികളെയും വേഗത്തിൽ തുരങ്കം വയ്ക്കുക, വിപണികളിൽ പരിഭ്രാന്തി സൃഷ്ടിക്കുക, ബാങ്കിംഗ് സംവിധാനത്തെ നശിപ്പിക്കുക, വൻതുക ഉണ്ടാക്കുക, കടകളിൽ സാധനങ്ങളുടെ ക്ഷാമം സൃഷ്ടിക്കുക മുതലായവ അതില്‍ ഉള്‍പ്പെടും,” പുടിന്‍ പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു. ഫെബ്രുവരി ആദ്യ പകുതിയിൽ കണ്ട നിലയിലേക്ക് റൂബിളിന്റെ മൂല്യം വീണ്ടെടുത്തതിനാൽ റഷ്യ ഈ “അസാധാരണ സമ്മർദത്തെ” ചെറുത്തു. കൂടാതെ, ഈ വര്‍ഷം പേയ്‌മെന്റ് ബാലൻസിന്റെ കറണ്ട് അക്കൗണ്ട് മിച്ചം ആദ്യ പാദത്തിൽ 58 ബില്യൺ യുഎസ് ഡോളറിലധികം ഉയർന്നതായും പുടിന്‍ പറഞ്ഞു. അതേസമയം, റഷ്യയിലെ ഉപഭോക്തൃ വില കഴിഞ്ഞ…

വാഷിംഗ്ടൺ: ഇന്ത്യൻ അമേരിക്കൻ നയതന്ത്രജ്ഞ രചന സച്ച്ദേവയെ മാലി അംബാസഡറായി പ്രസിഡന്‍റ് ജോ ബൈഡൻ നോമിനേറ്റ് ചെയ്തു. ഇതു സംബന്ധിച്ച പ്രഖ്യാപനം ഏപ്രിൽ 15നാണ് വൈറ്റ് ഹൗസ് പുറത്തുവിട്ടത്. കുവൈറ്റ് യുഎസ് എംബസിയിലും ഇന്ത്യയിൽ യുഎസ് കോൺസൽ ജനറലായും സൗദി യുഎസ് കോൺസൽ ജനറൽ ആൻഡ് പ്രിൻസിപ്പൾ ഓഫിസറായും രചന പ്രവർത്തിച്ചിട്ടുണ്ട്. കൊളംബൊ യുഎസ് എംബസി മാനേജ്മെന്‍റ് സെക്‌ഷനിലും റിയാദ് യുഎസ് എംബസി ഹ്യുമൻ റിസോഴ്സ് ഓഫിസറായും രചന പ്രവർത്തിച്ചിട്ടുണ്ട്. ന്യൂജേഴ്സിയിൽനിന്നുളള ഇവർ, കംപ്യൂട്ടർ സയൻസ് ആൻഡ് മാത്തമാറ്റിക്സിൽ ബിരുദം നേടിയശേഷം കോർപറേറ്റ് സെക്ടറിലും ജോലി ചെയ്തിരുന്നു. യുഎസ് അംബാസഡറായി ബൈഡൻ നോമിനേറ്റ് ചെയ്യുന്ന മൂന്നാമത്തെ ഇന്ത്യൻ അമേരിക്കനാണ് രചന. ഇതിനു മുൻപ് മൊറോക്കൊ അംബാസഡറായി പുനീത് തല്‍‌വാറിനേയും നെതർ‍ലാൻഡ്സ് അംബാസഡറായി ഷെഫാലി റസ്ദാനേയും നോമിനേറ്റു ചെയ്തിരുന്നു.

ഫ്ളോറിഡ: വിമാനങ്ങളിൽ ഇനി മുതൽ മാസ്ക് ധരിക്കേണ്ടതില്ലെന്ന് യുഎസ് ട്രാൻസ്പോർട്ടേഷൻ സെക്യൂരിറ്റി അഡ്മിനിസ്ട്രേഷൻ (ടിഎസ്എ). വിമാനങ്ങൾ, ‌ട്രെയ്നുകൾ, ബസുകൾ തുടങ്ങിയ പൊതു ഇടങ്ങളിൽ സഞ്ചരിക്കുന്നവർ മാസ്ക് ധരിക്കണമെന്ന ഫെഡറൽ സർക്കാർ തീരുമാനം ഫ്ളോറിഡ ഫെഡറൽ ജഡ്ജി തള്ളിയതോടെയാണ് പുതിയ തീരുമാനം. ടാന്പ യുഎസ് ഡിസിട്രിക്ട് ജഡ്ജി കാതറിൻ കിംബൽ ഫെബ്രുവരി 18 നാണ് ഇതു സംബന്ധിച്ച് ഉത്തരവിട്ടത്. സെപ്റ്റംബർ 13 വരെയാണ് ഇതിനു പ്രാബല്യം. 2021 ഫെബ്രുവരിയിലാണ് സെന്‍റേഴ്സ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിഡി) മാസ്ക് ഉപയോഗം നിർബന്ധമാക്കിയത്. ഈ ഉത്തരവാണ് ഇപ്പോൾ കോടതി എടുത്തു കളഞ്ഞത്. ഇതോടെ സിഡിഡിയുടെ പബ്ലിക് ട്രാൻസ്പോർട്ടേഷൻ മാസ്കിംഗ് ഉത്തരവ് അസാധുവായി. ഹെൽത്ത് ഫ്രീഡം ഡിഫൻസ് ഫണ്ട് എന്ന സംഘടനയാണ് ഇതു സംബന്ധിച്ച് കേസ് ഫയൽ ചെയ്തത്. മാസ്ക് ധരിക്കാൻ നിർബന്ധിക്കുന്നത് മനുഷ്യാവകാശ ലംഘനമാണെന്നും ഇവർ ചൂണ്ടിക്കാട്ടി. അതേസമയം…

ഓക്‌ലഹോമ: ഡാളസില്‍ ബാസ്‌കറ്റ് ബോള്‍ മത്സരത്തിനു ശേഷം കാണാതായ 15 വയസ്സുകാരിയെ കണ്ടെത്തി. ഏപ്രില്‍ 8നു കാണാതായ നാറ്റ്‌ലി ക്രാമറെ എന്ന പെണ്‍കുട്ടിയെ ഏപ്രില്‍ 18 തിങ്കളാഴ്ച ഒക്‌ലഹോമ സിറ്റിയില്‍ കണ്ടെത്തിയതായി അധികൃതര്‍ അറിയിച്ചു. എന്നാല്‍ കൃത്യ സ്ഥലം പൊലിസ് വെളിപ്പെടുത്തിയിട്ടില്ല. അന്വേഷണം 10 ദിവസമായി ഊര്‍ജ്ജിതപ്പെടുത്തിയിരുന്നു. ഡാളസ് റിച്ച്‌ലാന്റില്‍ നിന്നുള്ള കുട്ടിയുടെ തിരോധാനവുമായി ബന്ധമുണ്ടെന്ന് സംശയിക്കുന്ന മൂന്നു പേരെ ഒക്‌ലഹോമ പൊലിസ് അറസ്റ്റ് ചെയ്തു. കേരണ്‍ ഗൊണ്‍സാലസ്, സാറാ ഹെയ്‌സ്, കെന്നത്ത് നെല്‍സന്‍ എന്നിവരാണ് അറസ്റ്റിലായത്. ഇവര്‍ക്കെതിരെ ഹൂമണ്‍ ട്രാഫിക്കിങ്ങ്, ഗൂഢാലോചന, കംപ്യൂട്ടര്‍ ക്രൈംസ് എന്നീ വകുപ്പുകള്‍ ചാര്‍ജ് ചെയ്തിട്ടുണ്ട്. നെല്‍സനെതിരെ ചൈല്‍ഡ് പൊണോഗ്രാഫിയുമായി ബന്ധപ്പെട്ടു കേസുകള്‍ നിലവിലുണ്ട്. കുട്ടിയെ തിരിച്ചു കിട്ടിയതില്‍ ഡാളസിലുള്ള കുടുംബാംഗങ്ങള്‍ ലോ എന്‍ഫോഴ്‌സ്‌മെന്റ് ഉദ്യോഗസ്ഥര്‍ക്കു നന്ദി രേഖപ്പെടുത്തി.

ന്യൂയോർക്ക്‌: ഐപിസി ഈസ്റ്റേൺ റീജിയൻ സെക്രട്ടറി ഡോ. ബാബു തോമസിന്റെ സഹോദരീ ഭർത്താവ് വര്‍ഗീസ്‌ യോഹന്നാൻ (73) ന്യൂയോർക്കിൽ നിര്യാതനായി. ന്യൂയോർക് ഹെബ്രോൻ ഐപിസി സഭാംഗമായിരുന്നു. പുനലൂർ പേപ്പർ മില്ലിന് സമീപം മിൽവ്യൂ എസ്റ്റേറ്റിൽ വര്‍ഗീസ് ഫിലിപ്പോസിന്റെയും പെണ്ണമ്മ ഫിലിപ്പോസിന്റെയും നാലാമത്തെ മകനാണ്. 2012 ലാണ് കുടുംബവുമായി അമേരിക്കയിലേക്ക് കുടിയേറുന്നത്. ഭാര്യ: ലീലാമ്മ യോഹന്നാൻ, ആവണീശ്വരം തേക്കുംവിള കുടുംബാംഗം. മക്കൾ: ഷീലാ യോഹന്നാൻ (ഓസ്ട്രേലിയ), ഷീബ ജോസ് (ഇന്ത്യ ), ലിബു യോഹന്നാൻ (ന്യൂയോർക്ക്)). മരുമക്കൾ: സന്തോഷ് ബി, ജോസ് തോമസ്, പ്രസി ലിബു. കൊച്ചുമക്കൾ: അക്‌സ, വർഷ, അബിയാ, ഐഡൻ പൊതുദര്‍ശനം: ഏപ്രിൽ 22 വെള്ളിയാഴ്ച വൈകിട്ട് 5:30 (EST) മുതൽ പാര്‍ക്ക് ഫ്യൂണറല്‍ ഹോമില്‍ (PARK FUNERAL CHAPELS, 217-5 Jericho Tpke, Garden City Park, NY 11040). സംസ്ക്കാര ശുശ്രൂഷ/സംസ്ക്കാരം: ഏപ്രില്‍…

ന്യൂയോര്‍ക്ക്: അമേരിക്കയിലുടനീളമുള്ള നഗരങ്ങളുടെ തെരുവുകളിൽ “മരണങ്ങളുടെ പകർച്ചവ്യാധി”ക്ക് സാക്ഷ്യം വഹിക്കുന്നു. കാരണം, ഭവനരഹിതരായ ജനസംഖ്യ വലുപ്പത്തിലും പ്രായത്തിലും വളരുകയും കൂടുതൽ രോഗങ്ങള്‍ക്ക് ഇരയാകുകയും ചെയ്യുന്നതായി റിപ്പോര്‍ട്ടുകള്‍ സൂചിപ്പിക്കുന്നു. മാരകമായ നിരോധിത മരുന്നുകളുടെ, പ്രത്യേകിച്ച് ഫെന്റനൈലിന്റെ, ലഭ്യത തെരുവുകളിൽ വ്യാപകമായത് ഭവനരഹിതരായ ജനങ്ങളിൽ മരണസംഖ്യ വർദ്ധിക്കുന്നതിനുള്ള ഒരു പ്രധാന കാരണമാണെന്ന് ഔദ്യോഗിക വിവരങ്ങളും ഗവേഷണങ്ങളും ഉദ്ധരിച്ച് ന്യൂയോർക്ക് ടൈംസ് റിപ്പോർട്ട് ചെയ്തു. ഓസ്റ്റിൻ, ഡെൻവർ, ഇൻഡ്യാനപൊളിസ്, നാഷ്‌വില്ലെ, സാൾട്ട് ലേക്ക് സിറ്റി എന്നിവിടങ്ങളില്‍ ഭവനരഹിത മരണങ്ങളുടെ എണ്ണം വർദ്ധിക്കുന്നതിൽ ഉദ്യോഗസ്ഥരും അഭിഭാഷക ഗ്രൂപ്പുകളും ആശങ്കാകുലരാണ്. അമേരിക്കയിലെ 500,000 ഭവനരഹിതരായ ജനസംഖ്യയുടെ നാലിലൊന്ന് കാലിഫോർണിയ സംസ്ഥാനത്താണ്. ലോസ് ഏഞ്ചൽസ് കൗണ്ടിയിൽ മാത്രം, കഴിഞ്ഞ വർഷം ഒരു ദിവസം ശരാശരി അഞ്ച് ഭവനരഹിതർ മരിച്ചുവെന്ന് കൗണ്ടിയുടെ കൊറോണറുടെ ഡാറ്റ സൂചിപ്പിക്കുന്നു. തെക്കൻ കാലിഫോർണിയ നഗരമായ ലോസ് ഏഞ്ചൽസ് ഉൾപ്പെടുന്ന കൗണ്ടിയിൽ കഴിഞ്ഞ…

ന്യൂജെഴ്സി: ഫോമാ ഫാമിലി ടീമിന്റെ മീറ്റ് ആൻഡ് ഗ്രീറ്റ് പര്യടനം കേരള സമാജം ഓഫ് ന്യൂജെഴ്‌സിയുടെ സ്നേഹാദരങ്ങൾ ഏറ്റുവാങ്ങി വിജയപൂർവ്വം തുടരുന്നു. ജെയിംസ് ഇല്ലിക്കലിന്റെ നേതൃത്വത്തിലുള്ള ഫോമാ ഫാമിലി ടീമിന്റെ സ്ഥാനാർത്ഥികൾ കേരള സമാജം ഓഫ് ന്യൂജേഴ്സിയുടെ പ്രവർത്തകരുമായി ചർച്ചകൾ നടത്തുകയും, വരാനിരിക്കുന്ന തിരഞ്ഞെടുപ്പിന്റെ ലക്ഷ്യങ്ങൾ പങ്കുവയ്ക്കുകയും ചെയ്തു.ഫോമാ ഫാമിലി ടീമിന്റെ “മീറ്റ് ആൻഡ് ഗ്രീറ്റ് “ന്റെ ഭാഗമായാണ് ഈ കൂടിക്കാഴ്ച നടന്നത് .ഗ്രാൻഡ് ഇന്ത്യൻ റെസ്റ്റോറന്റിൽ വച്ച് നടന്ന ചടങ്ങിൽ പുതിയ പല ആശയങ്ങളും ചർച്ച ചെയ്യപ്പെട്ടു . ചർച്ചയിൽ ഒരു വലിയ ആശയം കേരള സമാജം പങ്കുവയ്ക്കുകയുണ്ടായി. യുവാക്കൾക്ക് വേണ്ടി ഒരു പ്ലാറ്റ് ഫോം തയ്യാറാക്കേണ്ടതിന്റെ ആവശ്യകത അവർ പങ്കുവെച്ചു . സമൂഹത്തിൽ യുവാക്കൾക്ക് വേണ്ടിയുള്ള പൊതു ഇടങ്ങൾ ഇല്ലാതാകുന്നത് പല പ്രശ്നങ്ങളിലേക്കും യുവാക്കളെ നയിക്കുന്നുണ്ടെന്നും, അതുകൊണ്ട് തന്നെ അവർക്ക് വേണ്ടി പൊതു ഇടങ്ങൾ…

ന്യൂയോര്‍ക്ക്: ന്യൂയോർക്കിലെ പൊതുസമൂഹത്തിൽ അമ്പതു വർഷത്തെ പ്രവർത്തനങ്ങൾ സാക്ഷിയാക്കി, അമേരിക്കയിലെ മലയാളി സംഘടനകളുടെ തറവാട് എന്ന് വിശേഷിപ്പിക്കുന്ന കേരളസമാജം ഓഫ് ഗ്രെയ്റ്റർ ന്യൂയോർക്കിന്റെ സുവർണ്ണ ജൂബിലി നിറവിൽ കേരള സമാജത്തിന്റെ 2022 പ്രവര്‍ത്തനോത്ഘാടനവും വിഷു ഈസ്റ്റർ ആഘോഷങ്ങളും ഏപ്രിൽ 23 ശനിയാഴ്ച്ച ലോങ്ങ്ഐലൻഡ് ജെറിക്കോയിലുള്ള കൊട്ടിലിയൻ റെസ്റ്റോറെന്റിൽവച്ച് വൈകുന്നേരം 6 മണിക്ക് നടത്തപ്പെടും. മോസ്റ്റ് റെവറെന്റ് ഫിലിപ്പോസ് മാർ സ്റ്റെഫാനോസ്, പാർത്ഥസാരഥിപിള്ള, ഫാ. നോബി അയ്യനേത്ത് തുടങ്ങിയവർ മുഖ്യഅതിഥികളായെത്തും. കോവിഡിന്റെ പശ്ചാത്തലത്തിൽ ഈസ്റ്റർ വിഷു ആഘോഷങ്ങൾ മുടങ്ങിക്കിടക്കുകയായിരുന്നു. മാറിയ പരിതസ്ഥിതിയിൽ പുത്തൻ ഉണർവോടെ ഒന്നുചേരാനുള്ള എല്ലാ സാഹചര്യവും ഒരുക്കികൊണ്ടു അതിമനോഹരമായ ഒരു കലാസന്ധ്യയാണ് സംഘാടകർ ഒരുക്കിയിരിക്കുന്നത്. പരിമിതമായ സമയത്തിന്റെ വിലയും ഒത്തുചേരലിന്റെ മധുരിമയും തൊട്ടറിയാൻ കോവിഡ് കാലം വഴിയൊരുക്കി. മിച്ചമുള്ള സമയം എത്രയും മെച്ചമുള്ളതാക്കി സമൂഹത്തിനു നന്മചെയ്യാൻ ഉള്ള തയ്യാറെടുപ്പിലാണ് സംഘാടകർ. 2022 ഒക്ടോബർ 29 നു…