Category: KERALA

തിരുവനന്തപുരം: 2022-23 വർഷത്തെ സംസ്ഥാന ബജറ്റിൽ പ്രഖ്യാപിച്ച ആഗോള സമാധാന സമ്മേളനം ഉടൻ യാഥാർഥ്യമാകും. സാമ്പത്തിക പ്രതിസന്ധിയുടെ പശ്ചാത്തലത്തിൽ സർക്കാർ മഹത്തായ സമ്മേളനം ഉപേക്ഷിക്കുമെന്ന അഭ്യൂഹങ്ങൾക്കിടയിൽ, പദ്ധതി ആസൂത്രണം ചെയ്തതുപോലെ സംഘടിപ്പിക്കുമെന്ന് ധനമന്ത്രി കെ എൻ ബാലഗോപാൽ പറഞ്ഞു. “ആണവ നിരായുധീകരണത്തെക്കുറിച്ചും ലോകസമാധാനത്തെക്കുറിച്ചും ഞങ്ങൾ വ്യക്തിപരമായി ആഗോള സമാധാന സമ്മേളനം പ്രഖ്യാപിച്ചിരുന്നു. ലോകസമാധാനവും ഐക്യവും പ്രോത്സാഹിപ്പിക്കുന്നതിനുള്ള കാമ്പയിന്റെ ഭാഗമാണിത്. പരിപാടിയുടെ തീയതി നിശ്ചയിക്കുന്നതിനായി ഞങ്ങൾ പ്രമുഖ സമാധാന പ്രവർത്തകരുമായും ചിന്തകരുമായും ചർച്ചകൾ നടത്തിവരികയാണ്,” അദ്ദേഹം പറഞ്ഞു. സംസ്‌ഥാന സാംസ്‌കാരിക വകുപ്പുമായി സഹകരിച്ച്‌ പ്രചാരണം നടത്തുമെന്നും അദ്ദേഹം പറഞ്ഞു. ഒക്ടോബറിലോ നവംബറിലോ പരിപാടി നടത്താനാണ് സാധ്യതയെന്നും മന്ത്രി പറഞ്ഞു. സെമിനാറുകളും ചർച്ചകളുമാണ് പ്രചാരണത്തിന്റെ മറ്റ് ഘടകങ്ങൾ. രണ്ടാം പിണറായി വിജയൻ സർക്കാരിന്റെ ആദ്യ സമ്പൂർണ ബജറ്റിലെ കന്നി പ്രഖ്യാപനമായിരുന്നു ആഗോള സമാധാന പരിപാടി. പരിപാടിക്കായി ആകെ 2 കോടി…

തിരുവനന്തപുരം: രാജ്ഭവനിലേക്ക് പേഴ്‌സണൽ സ്റ്റാഫിനെ അയക്കുന്ന എൽഡിഎഫ് മന്ത്രിമാരുടെ നടപടിയിൽ പ്രകോപിതനായ ഗവർണർ ആരിഫ് മുഹമ്മദ് ഖാൻ, മുഖ്യമന്ത്രി പിണറായി വിജയന്റെ മുതിർന്ന പേഴ്‌സണൽ സ്റ്റാഫ് അംഗത്തിന്റെ അഭ്യർത്ഥന നിഷേധിച്ചു. “രാവിലെ മുഖ്യമന്ത്രിയുടെ ഓഫീസിൽ നിന്ന് ഒരു വിളി വന്നിരുന്നു. മുഖ്യമന്ത്രിക്കോ മന്ത്രിക്കോ വേണ്ടി എന്നെ കാണാൻ ഒരു പേഴ്‌സണൽ സ്റ്റാഫിനെയും അനുവദിക്കില്ലെന്ന് ഞാൻ പറഞ്ഞു. കാത്തിരിപ്പ് മുറിക്കപ്പുറത്തേക്ക് അവരെ അനുവദിക്കില്ല. മന്ത്രിമാർ ഇവിടെ വരണം. എന്നോട് കാര്യങ്ങൾ വിശദീകരിക്കാൻ അവർക്ക് കഴിവില്ലെന്ന് തോന്നുന്നുവെങ്കിൽ, അവർക്ക് ചീഫ് സെക്രട്ടറിയെ അയക്കാം,” ഒരു മാധ്യമത്തിന് നല്‍കിയ അഭിമുഖത്തില്‍ അദ്ദേഹം പറഞ്ഞു. അവരുടെ സ്വന്തം കാര്യത്തിന് എന്നെ കാണാൻ അവർ ആഗ്രഹിക്കുന്നുവെങ്കിൽ, അവർക്ക് സ്വാഗതം. ഞാൻ അവർക്ക് ചായ നൽകാമെന്നും അദ്ദേഹം കൂട്ടിച്ചേര്‍ത്തു. “പാർട്ടി നിയമിക്കുന്ന പേഴ്‌സണൽ സ്റ്റാഫ് അംഗങ്ങളാണ് മന്ത്രിമാരുടെ ഓഫീസുകളില്‍ കാര്യങ്ങള്‍ നീക്കുന്നത്. എന്റെ ഓർമ്മപ്പെടുത്തലുകൾ ഉണ്ടായിട്ടും…

തിരുവനന്തപുരം: കെഎസ്ആർടിസി സർവീസ് പുനഃസംഘടിപ്പിക്കുന്നതിനെതിരെ സമരം ചെയ്ത് നഷ്ടം വരുത്തിയ ജീവനക്കാരിൽ നിന്ന് പണം ഈടാക്കാനൊരുങ്ങി കെഎസ്ആർടിസി. ഡ്യൂട്ടി ബഹിഷ്കരിച്ച് കോര്‍പ്പറേഷന് നഷ്ടം വരുത്തിവെച്ച ജീവനക്കാരിൽ നിന്ന് പണം ഈടാക്കാനാണ് കെഎസ്ആർടിസിയുടെ നീക്കം. അതനുസരിച്ച് 111 ജീവനക്കാരുടെ ശമ്പളത്തിൽ നിന്ന് 9,49,510 രൂപ അഞ്ച് തുല്യ ഗഡുക്കളായി തിരിച്ചു പിടിക്കാനാണ് ഉത്തരവിൽ പറയുന്നത്. ജൂണ്‍ 26ന് സര്‍വ്വീസ് മുടക്കിയ തിരുവനന്തപുരത്തെ മൂന്ന് കെഎസ്ആര്‍ടിസി ഡിപ്പോകളിലെ ജീവനക്കാരില്‍ നിന്നാണ് നഷ്ടം തിരികെ പിടിക്കുക. പാപ്പനംകോട്, വികാസ് ഭവന്‍, സിറ്റി, പേരൂര്‍ക്കട ഡിപ്പോകളിലെ ജീവനക്കാര്‍ക്കെതിരെയാണ് നടപടി എടുത്തിച്ചുള്ളത്. 49 ഡ്രൈവര്‍മാരില്‍ നിന്നും 62 കണ്ടക്ടര്‍മാരില്‍ നിന്നുമാണ് പണം ഈടാക്കുക. ഇതിന് പുറമെ പാറശ്ശാല ഡിപ്പോയിലെ എട്ട് ജീവനക്കാർ 2021 ജൂലൈ 12ന് സ്പ്രെഡ് ഓവര്‍ ഡ്യൂട്ടി നടത്തിപ്പില്‍ ഡ്യൂട്ടിക്ക് ഹാജരാകാത്തതിനെ തുടർന്ന് സർവീസ് റദ്ദാക്കേണ്ടി വന്നിരുന്നു. അതിനാല്‍ പാറശ്ശാല ഡിപ്പോയിലെ…

ന്യൂഡല്‍ഹി: പൊമ്പിളൈ ഒരുമൈയെ അധിക്ഷേപിച്ച് മുൻ മന്ത്രി എംഎം മണി നടത്തിയ വിവാദ പരാമർശത്തിനെതിരെ സുപ്രീം കോടതിയുടെ ഭരണഘടനാ ബെഞ്ചിൽ ഹർജി. എംഎം മണിയുടെ പ്രസംഗത്തിനെതിരായ ഹർജി ജനപ്രതിനിധികളുടെ അധിക്ഷേപങ്ങള്‍ കൈകാര്യം ചെയ്യുന്ന ഭരണഘടനാ ബെഞ്ച് പരിഗണിക്കും. പൊമ്പിളൈ ഒരുമൈ സമരകാലത്ത് കാട്ടിൽ കുടിയും മറ്റു പരിപാടികളും നടന്നുവെന്ന മണിയുടെ വിവാദ പരാമർശത്തിനെതിരെയാണ് ഹർജി. കൗശൽ കിഷോർ കേസിനൊപ്പം എംഎം മണിയുടെ പ്രസംഗവും പരിഗണിക്കുന്നുണ്ട്. യുപി സർക്കാരിനെതിരെ കൗശൽ കിഷോർ നൽകിയ പ്രധാന കേസിനൊപ്പം എംഎം മണിക്കെതിരെ ജോർജ് വട്ടുകുളം നൽകിയ ഹർജിയും ഭരണഘടനാ ബെഞ്ചിൽ പരിഗണിക്കും.

പാലക്കാട്: കെടിഡിസി ചെയർമാനും സിപിഎം നേതാവുമായ പികെ ശശിക്കെതിരെ വീണ്ടും പരാതി. മണ്ണാർക്കാട്ടെ സഹകരണ സംഘങ്ങളിൽ അനധികൃത നിയമനം നടക്കുന്നതായി പരാതി. മണ്ണാർക്കാട് നഗരസഭാ അംഗവും ലോക്കൽ കമ്മിറ്റി അംഗവുമായ മൻസൂർ നൽകിയ പരാതിയിലാണ് നടപടി. മണ്ണാർക്കാട് നഗരത്തിലും പരിസര പ്രദേശത്തുമുള്ള സിപിഎം നിയന്ത്രണത്തിലുള്ള സഹകരണ ബാങ്കുകളിൽ പികെ ശശിയുടെ നേതൃത്വത്തിൽ അനധികൃത നിയമനങ്ങൾ നടത്തുന്നു എന്നാണ് സംസ്ഥാന കമ്മിറ്റിക്ക് മൻസൂർ നൽകിയിരിക്കുന്ന പരാതി. നേരത്തെ ജില്ലാ കമ്മിറ്റിക്ക് പരാതി നൽകിയിരുന്നെങ്കിലും നടപടിയൊന്നും ഉണ്ടായില്ല. തുടർന്നാണ് സംസ്ഥാന കമ്മിറ്റിയെ സമീപിച്ചിരിക്കുന്നത്. ശശിയുമായി അടുത്ത ബന്ധമുള്ളവരുടെ മക്കളും മരുമക്കളും ഉൾപ്പെടെയുള്ള അടുത്ത ബന്ധുക്കൾക്ക് പാർട്ടി അറിയാതെ നിയമനം നടത്തുന്നുണ്ടെന്നും മൻസൂറിന്റെ പരാതിയിൽ പറയുന്നു. പരാതി പരിശോധിച്ച് സംസ്ഥാന കമ്മിറ്റി നടപടിയെടുക്കുമെന്ന് പറയുന്നു.

തിരുവനന്തപുരം: സിപിഎം തിരുവനന്തപുരം ജില്ലാ കമ്മിറ്റി ഓഫീസിന് നേരെ കല്ലേറ്. ഇന്ന് പുലർച്ചെയാണ് ഓഫീസിന് നേരെ ആക്രമണമുണ്ടായതെന്ന് പോലീസ് പറഞ്ഞു. ഓഫീസിന് മുന്നിൽ പാർക്ക് ചെയ്തിരുന്ന വാഹനങ്ങൾക്ക് ആക്രമണത്തിൽ കേടുപാടുകൾ സംഭവിച്ചു. പുലർച്ചെ രണ്ട് മണിയോടെ ബൈക്കിലെത്തിയ സംഘമാണ് കല്ലേറ് നടത്തിയതെന്നും, ഇതിനു പിന്നിൽ ബിജെപിയാണെന്നും സിപിഎം ആരോപിച്ചു. മൂന്ന് ബൈക്കുകളിലെത്തിയ ഒമ്പതംഗ സംഘമാണ് ഓഫീസിന് നേരെ കല്ലെറിഞ്ഞതെന്ന് സിപിഎം ജില്ലാ സെക്രട്ടറി ആനാവൂർ നാഗപ്പൻ പറഞ്ഞു. സംഭവത്തിൽ ബിജെപി നേതൃത്വം പ്രതികരിച്ചിട്ടില്ല.

കോഴിക്കോട്: പ്രൊവിഡൻസ് ഹയർ സെക്കൻഡറി സ്കൂളിലെ ഹിജാബ് നിരോധനം ഭരണഘടനാ അനുവദിക്കുന്ന മൗലിക അവകാശങ്ങളുടെ ലംഘനവും ഒരു മതവിഭാഗത്തിൻ്റെ മാത്രം ചിഹ്നങ്ങളോടും അസ്തിത്വത്തോടുമുള്ള വിരോധവുമാണെന്ന് എസ്.ഐ.ഒ സംസ്ഥാന ജനറൽ സെക്രട്ടറി അൻവർ സലാഹുദ്ദീൻ. എസ്.ഐ.ഒ കോഴിക്കോട് ജില്ലാ കമ്മറ്റി നടത്തിയ പ്രതിഷേധ പ്രകടനത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം. ഇസ്ലാമോഫോബിയ വളർത്തുന്ന ഇത്തരം പ്രവണതകളെ കൂട്ടായ പ്രക്ഷോഭങ്ങളിലൂടെ പ്രതിരോധിക്കുമെന്നും അദ്ദേഹം കൂട്ടിച്ചേർത്തു. ജില്ലാ ജോയിൻ്റ് സെക്രട്ടറി ഷഫാഖ് കക്കോടി, സെക്രട്ടറിയേറ്റംഗം അഫ്സൽ പുല്ലാളൂർ തുടങ്ങിയവർ സംസാരിച്ചു. ജാസിർ ചേളന്നൂർ, നബീൽ ചെറുവറ്റ, അഫ്സൽ ഓമശ്ശേരി, ഇർഷാദ് മാത്തോട്ടം, അഷ്ഫാഖ് ഓമശ്ശേരി തുടങ്ങിയവർ നേതൃത്വം നൽകി.

തിരുവനന്തപുരം: ഹയർ സെക്കൻഡറി വിദ്യാഭ്യാസത്തിന് യോഗ്യത നേടിയ എല്ലാ വിദ്യാർത്ഥികൾക്കും പ്ലസ് വൺ പ്രവേശനം സാധ്യമാക്കുന്നതിനുള്ള എല്ലാ ക്രമീകരണങ്ങളും സർക്കാർ നടത്തി വരികയാണെന്നും രക്ഷിതാക്കളോ വിദ്യാർത്ഥികളോ ആ സ്‌കോറിൽ ആശങ്കപ്പെടേണ്ടതില്ലെന്നും പൊതുവിദ്യാഭ്യാസ മന്ത്രി വി. ശിവൻകുട്ടി പറഞ്ഞു. അംഗീകൃത ശാസ്ത്രീയ രീതികളിലൂടെയായിരിക്കും പ്ലസ് വൺ പ്രവേശനം. ബോണസ് പോയിന്റുകൾ കുറയ്ക്കാനുള്ള ശ്രമമാണ് ഇപ്പോൾ നടന്നുകൊണ്ടിരിക്കുന്നത്. മുൻ വർഷങ്ങളിൽ 18 പോയിന്റ് വരെ ബോണസായി നൽകിയിരുന്നെങ്കിൽ ഇത്തവണ അത് 10 ആയി നിജപ്പെടുത്തി. നീന്തലിന്റെ ബോണസ് പോയിന്റ് നിർത്തലാക്കിയത് ഇതിന് ഉദാഹരണമാണെന്നും മന്ത്രി പറഞ്ഞു. ഏകജാലക സംവിധാനത്തിലൂടെ പ്ലസ് വൺ പ്രവേശനം നടത്തുന്ന അപൂർവ സംസ്ഥാനമാണ് കേരളം. അതിനുമുമ്പ് മെറിറ്റ് അടിസ്ഥാനത്തിൽ വളരെ കുറച്ച് സീറ്റുകൾ മാത്രമേ ഉണ്ടായിരുന്നുള്ളൂ. ഒരുപാട് മാനദണ്ഡങ്ങൾ പരിഗണിച്ചതിന് ശേഷമാണ് പേരിലെ അക്ഷരക്രമവും ജനനത്തീയതിയും പരിഗണിക്കുന്നത്. തുല്യ സ്കോർ വരുന്നവരെ പരിഗണിക്കുമ്പോഴാണ് മറ്റ് ഘടകങ്ങൾ…

കൊച്ചി: നഗരത്തിലെ എടി‌എമ്മുകളില്‍ വ്യാപക തട്ടിപ്പ് കണ്ടെത്തി. സൗത്ത് ഇന്ത്യന്‍ ബാങ്കിന്റെ 11 എടിഎമ്മുകളിൽ നിന്ന് വിവിധ സ്ഥലങ്ങളിൽ നിന്നായി ലക്ഷങ്ങളാണ് മോഷണം പോയത്. കളമശ്ശേരിയിലെ എടിഎമ്മിൽ നിന്ന് 16, 19 തീയതികളിൽ മാത്രം 25000 രൂപ മോഷണം പോയി. തൃപ്പൂണിത്തുറ, പാലാരിവട്ടം എന്നിവിടങ്ങളിലെ എടിഎമ്മുകളിലാണ് തട്ടിപ്പ് നടന്നത്. മെഷീനിൽ നിന്ന് പണം വരുന്ന ഭാഗം അടച്ചാണ് തട്ടിപ്പ് നടത്തിയിരിക്കുന്നത്. 18-ാം തീയതിയാണ് കളമശ്ശേരി പ്രീമിയര്‍ ജങ്ഷനിലെ എ.ടി.എമ്മില്‍ നിന്ന് പണം തട്ടിയെടുത്തത്. ഇതില്‍ കേസെടുത്ത് പൊലീസ് അന്വേഷണം ഊര്‍ജ്ജിതമാക്കിയപ്പോഴാണ് കൂടുതല്‍ സ്ഥലങ്ങളില്‍ തട്ടിപ്പ് നടന്നതായി കണ്ടെത്തിയത്. എ.ടി.എമ്മിലെ പണം വരുന്ന ഭാഗം പ്രത്യേക രീതിയില്‍ തടസ്സപ്പെടുത്തിയാണ് പണം മോഷ്ടിച്ചത്. ഇടപാടുകള്‍ പണം പിന്‍വലിക്കാന്‍ ശ്രമിക്കുമ്പോള്‍ തുക പുറത്തേക്ക് വരില്ല. ഇതേത്തുടര്‍ന്ന് ഇടപാടുകാര്‍ എ.ടി.എമ്മില്‍ നിന്ന് പുറത്തേക്ക് പോകുമ്പോള്‍ മോഷ്ടാവ് ഉള്ളില്‍ കയറി പണം കൈക്കലാക്കുകയാണ് ചെയ്തിരുന്നത്.…

കൊച്ചി: അനധികൃതമായി പ്രവർത്തിക്കുന്ന എല്ലാ ആരാധനാലയങ്ങളും പ്രാർത്ഥനാ ഹാളുകളും അടച്ചുപൂട്ടണമെന്ന് ഹൈക്കോടതിയുടെ ഉത്തരവ്. കൂടാതെ, അനധികൃത സ്ഥാപനങ്ങൾക്കെതിരെ നടപടിയെടുക്കാൻ പൊലീസ് മേധാവിക്കും ചീഫ് സെക്രട്ടറിക്കും ഹൈക്കോടതി നിർദേശം നൽകി. മലപ്പുറത്തെ നൂറുള്‍ ഇസ്‌ലാം സാംസ്‌കാരിക സംഘം സമര്‍പ്പിച്ച ഹര്‍ജിയിലാണ് നിര്‍ണ്ണായകമായ ഉത്തരവ്. മലപ്പുറം ജില്ലയില്‍ ഒരു വാണിജ്യ കോംപ്ലക്‌സ് സംഘം പണിതിട്ടുണ്ട്. ഇത് ആരാധനാലയമാക്കി മാറ്റാന്‍ അനുവദിക്കണമെന്ന ഹര്‍ജി പരിഗണിച്ചുകൊണ്ടായിരുന്നു കോടതി ഉത്തരവ്. ആരാധനാലയമാക്കി മാറ്റാൻ അനുമതി നൽകണമെന്ന് പറയുന്ന കെട്ടിടത്തിന്റെ അഞ്ച് കിലോമീറ്റർ ചുറ്റളവിൽ സമാനമായ 36 ആരാധനാലയങ്ങൾ പ്രവർത്തിക്കുന്നുണ്ടെന്ന് കോടതി കണ്ടെത്തിയിരുന്നു. അങ്ങനെയെങ്കില്‍ എന്തിനാണ് ഈ കെട്ടിടം ആരാധനാലയമാക്കി മാറ്റുന്നതെന്ന് കോടതി ചോദിച്ചു. അതുമായി ബന്ധപ്പെട്ട് ജില്ലാ കളക്ടറോടും മറ്റു ബന്ധപ്പെട്ട ഉദ്യോഗസ്ഥരോടും കോടതി റിപ്പോര്‍ട്ട് തേടിയിരുന്നു. അതിന്റെ അടിസ്ഥാനത്തിലാണ് അനധികൃതമായി പ്രവര്‍ത്തിക്കുന്ന ആരാധനാലയങ്ങള്‍ അടച്ചുപൂട്ടണമെന്ന് കോടതി ഉത്തരവിട്ടത്.