Category: KERALA

തിരുവനന്തപുരം: സ്ത്രീത്വത്തെ അപമാനിച്ചതുൾപ്പെടെയുള്ള കുറ്റങ്ങള്‍ ആരോപിച്ച് പരാതിക്കാരി നല്‍കിയ മൊഴിയുടെ അടിസ്ഥാനത്തില്‍ മുൻകൂർ ജാമ്യം തേടി എൽദോസ് കുന്നപ്പിള്ളിൽ എംഎൽഎ വീണ്ടും കോടതിയെ സമീപിച്ചു. വഞ്ചിയൂർ പൊലീസ് രജിസ്റ്റർ ചെയ്ത പുതിയ കേസിലാണ് മുൻകൂർ ജാമ്യം തേടി തിരുവനന്തപുരം അഡീഷണൽ സെഷൻസ് കോടതിയെ സമീപിച്ചത്. കേസിൽ നിന്ന് പിന്മാറാൻ അഭിഭാഷകന്റെ ഓഫീസിലെത്തി രേഖകളിൽ ഒപ്പിടാൻ നിർബന്ധിച്ചതായി പരാതിക്കാരി മജിസ്ട്രേറ്റിന് മൊഴി നൽകിയിട്ടുണ്ടായിരുന്നു. സ്ത്രീത്വത്തെ അപമാനിക്കൽ, കേസിൽ നിന്ന് പിന്മാറാൻ വ്യാജരേഖ ചമയ്ക്കൽ, കൈയേറ്റം ചെയ്യൽ എന്നീ കുറ്റങ്ങളാണ് ചുമത്തിയിരിക്കുന്നത്.

തിരുവനന്തപുരം: തിരുവനന്തപുരം സർക്കാർ മെഡിക്കൽ കോളേജിൽ കരൾ മാറ്റിവയ്ക്കൽ ശസ്ത്രക്രിയ വിജയകരമായി പൂര്‍ത്തിയാക്കിയ മെഡിക്കല്‍ ടീം അംഗങ്ങള്‍ക്ക് അഭിനന്ദനമറിയിക്കാന്‍ ആരോഗ്യമന്ത്രി വീണാ ജോർജ് മെഡിക്കൽ കോളജില്‍ നേരിട്ടെത്തി. ശസ്ത്രക്രിയക്ക് വിധേയയായ മലപ്പുറം സ്വദേശി 53-കാരി ഹെലൻ കുമാറിനെയും, അവര്‍ക്ക് തന്റെ കരള്‍ പകുത്തു നല്‍കിയ സഹോദരീ ഭർത്താവ് 43-കാരനായ ജോണിനെയും മന്ത്രി നേരിട്ടു കണ്ട് സന്തോഷവും അഭിനന്ദനവും അറിയിച്ചു. ഏറെ സന്തോഷമുണ്ടെന്നും എല്ലാവരോടും കടപ്പാടുണ്ടെന്നും ഹെലൻ കുമാറും ഭാര്യയും പറഞ്ഞു. ഒക്ടോബർ ആറിനാണ് മെഡിക്കൽ കോളേജിൽ കരൾ മാറ്റിവയ്ക്കൽ ശസ്ത്രക്രിയ നടന്നത്. ഹെലൻ കുമാറിന് നാഷ് എന്ന അസുഖം മൂലം ലിവർ സിറോസിസും ക്യാൻസറും നാഷിനെ ബാധിച്ചിരുന്നു. ശസ്ത്രക്രിയയ്ക്കുശേഷം, ട്രാൻസ്പ്ലാൻറ് ഐസിയുവിൽ രോഗി നിരീക്ഷണത്തിലായിരുന്നു. 20 ദിവസത്തെ നിരീക്ഷണത്തിന് ശേഷം ഹെലൻ കുമാറിനെയും ജോണിനെയും ആരോഗ്യനില തൃപ്തികരമായതിനാൽ ഡിസ്ചാർജ് ചെയ്തു. കോട്ടയം മെഡിക്കല്‍ കോളേജിന് പുറമേ തിരുവനന്തപുരം…

ഡാളസ്: കൊല്ലം കുളത്തൂപ്പുഴ വട്ടക്കരിക്കം പുളിയോടിൽ വെസ്റ്റേൺ റെയിൽവേ റിട്ട. ഉദ്യോഗസ്ഥൻ വർഗീസ് പി. തോമസ് (മോനച്ചൻ 64) അന്തരിച്ചു. ഭാര്യ: പുനലൂർ ചെമ്മന്തൂർ പ്ലാം വിളയിൽ ഡോളികുട്ടി വർഗീസ് (റിട്ട.നേഴ്‌സ്, ഗുരുനനാക്ക് ഹോസ്പിറ്റൽ മുംബൈ). മകൻ: ജിനു പി.വർഗീസ് ചിക്കാഗോ മാർത്തോമ്മ ഇടവക മുൻ വികാരിയും ഇപ്പോൾ ചേപ്പാട് മാർത്തോമ്മ ഇടവക വികാരിയുമായ റവ.റോയ് പി.തോമസ്, ഡാളസ് കാരോൾട്ടൺ മാർത്തോമ്മ ഇടവക അത്മായ ശുശ്രുഷകൻ ജോർജ് പി.തോമസ് (കൊച്ചുമോൻ) എന്നിവർ സഹോദരങ്ങൾ ആണ്. മറിയാമ്മ രാജു ചുനക്കര (റിട്ട.ഉദ്യോഗസ്ഥ ഭിലായ് സ്റ്റീൽ പ്ലാന്റ്), മാത്യു പി.തോമസ് കുളത്തൂപ്പുഴ (റിട്ട.ഹെഡ്മാസ്റ്റർ), അന്നമ്മ രാജു (മുംബൈ), സാറാമ്മ ഇട്ടിയവിര (മുംബൈ), എന്നിവരാണ് മറ്റ് സഹോദരങ്ങൾ. സംസ്കാരം ഒക്ടോബർ 27 വ്യാഴാഴ്ച രാവിലെ 11.30 ന് ഭവനത്തിലെ ശുശ്രുഷകളെ തുടർന്ന് കുളത്തൂപ്പുഴ സെന്റ്.തോമസ് മാർത്തോമ്മ ദേവാലയത്തിൽ വെച്ചുള്ള സംസ്കാര ശുശ്രുഷകൾക്ക്…

കൊച്ചി: 2017ലെ നടിയെ തട്ടിക്കൊണ്ടുപോയി ലൈംഗികമായി ആക്രമിച്ച കേസിലെ വിചാരണ ജഡ്ജിയെ വാർത്താചാനൽ ചർച്ചയ്ക്കിടെ അധിക്ഷേപിച്ച് പരാമർശം നടത്തിയതിന് കോടതിയലക്ഷ്യക്കേസ് നേരിടുന്ന ചലച്ചിത്ര സംവിധായകൻ ബൈജു കൊട്ടാരക്കരയോട് പൊതുവേദിയില്‍ മാപ്പ് പറയണമെന്ന് ഹൈക്കോടതി ചൊവ്വാഴ്ച വാക്കാൽ നിർദേശിച്ചു. “ഏത് ക്ഷമാപണവും പരസ്യമായി പറയണം. അത്രയും നഷ്ടമാണ് നിങ്ങൾ വരുത്തി വെച്ചത്,” കോടതി പറഞ്ഞു. കോടതിയിൽ ഹാജരായ ബൈജു കൊട്ടാരക്കരയെയും കോടതി രൂക്ഷമായി വിമര്‍ശിച്ചു. ഇതുപോലുള്ള ചർച്ചകൾ അവസാനിപ്പിക്കണം, എന്തിനാണ് ഇത്തരം കാര്യങ്ങൾ പറയുന്നത്, പൊതുവിശ്വാസത്താൽ നിലനിൽക്കുന്ന ഏക സ്ഥാപനമാണ് ജുഡീഷ്യൽ സ്ഥാപനമെന്ന് ജസ്റ്റിസ് എകെ ജയശങ്കരൻ നമ്പ്യാരും ജസ്റ്റിസ് മുഹമ്മദ് നിയാസ് സിപിയും അടങ്ങുന്ന ഡിവിഷൻ ബെഞ്ച് പറഞ്ഞു. ജനാധിപത്യ സ്ഥാപനങ്ങളിലുള്ള ജനങ്ങളുടെ വിശ്വാസം, സ്ഥാപനത്തിലുള്ള പൊതുവിശ്വാസം നശിപ്പിക്കാൻ ശ്രമിക്കരുതെന്നും ബെഞ്ച്‌ ചൂണ്ടിക്കാട്ടി. കേസ് പരിഗണിച്ചപ്പോൾ ബൈജു കൊട്ടാരക്കരക്ക് വേണ്ടി ഹാജരായ അഭിഭാഷകനോട് കോടതി ചോദിച്ചു, “നിങ്ങളുടെ…

തിരുവനന്തപുരം: സ്വർണക്കടത്ത് കേസിലെ മുഖ്യപ്രതി സ്വപ്ന സുരേഷിന്റെ ആരോപണം നിഷേധിച്ച് ഫേസ്ബുക്കിൽ പോസ്റ്റിട്ട മുൻ സ്പീക്കർ പി. ശ്രീരാമകൃഷ്ണനെ കുരുക്കിലാക്കുന്ന നിര്‍ണ്ണായക വിവരങ്ങള്‍ പുറത്തുവിട്ട് സ്വപ്ന സുരേഷ്. ധൈര്യമുണ്ടെങ്കിൽ തനിക്കെതിരെ മാനനഷ്ടത്തിന് കേസ് കൊടുക്കാൻ ശ്രീരാമകൃഷ്ണനെ സ്വപ്‌ന സുരേഷ് വെല്ലുവിളിച്ചു. ഫേസ്ബുക്കിലൂടെയാണ് വെല്ലുവിളിയുയര്‍ത്തിയിരിക്കുന്നത്. മാനനഷ്ടക്കേസ് നൽകിയാൽ കൂടുതൽ തെളിവുകൾ പുറത്തുവിടുമെന്നും സ്വപ്ന ഭീഷണിപ്പെടുത്തിയിട്ടുണ്ട്. ശ്രീരാമകൃഷ്ണനുമായി ബന്ധപ്പെട്ട ആരോപണങ്ങൾക്കുള്ള ഏറ്റവും ലളിതവും വിനീതവുമായ മറുപടി ഇതാണെന്ന വരികളിൽ തുടങ്ങുന്ന സ്വപ്‌നയുടെ ഫേസ്ബുക്ക് പോസ്റ്റിൽ ശ്രീരാമകൃഷ്ണനുമായി ബന്ധപ്പെട്ട നിരവധി ചിത്രങ്ങളും പുറത്തുവന്നിട്ടുണ്ട്. ശ്രീരാമകൃഷ്ണന്‍ ഉള്‍പ്പെട്ട ഏഴ് ചിത്രങ്ങൾ ‘സർ, ഇതാണ് നിങ്ങളുടെ ഉത്തരം’ എന്ന അടിക്കുറിപ്പോടെയാണ് സ്വപ്‌ന ഫേസ്ബുക്കിലൂടെ പുറത്തുവിട്ടത്. https://www.facebook.com/krishnakumarswapna/posts/10160667206930680

കണ്ണൂർ: രാജ്യാന്തര വിമാനത്താവളത്തിൽ 11 ലക്ഷം രൂപയുടെ സ്വർണവുമായി യുവാവ് പിടിയിൽ. കർണാടക ഭട്കൽ സ്വദേശി മുഹമ്മദ് നിഷാനാണ് അറസ്റ്റിലായത്. ഇയാളിൽ നിന്ന് 215 ഗ്രാം സ്വർണം കസ്റ്റംസ് പിടിച്ചെടുത്തു. ഗോ ഫസ്റ്റ് 38-58 വിമാനത്തിൽ ദുബായിൽ നിന്ന് എത്തിയ മുഹമ്മദ് നിഷാനെ പരിശോധനയ്ക്ക് വിധേയനാക്കിയപ്പോഴാണ് സ്വർണം കണ്ടെത്തിയത്. സ്വര്‍ണ്ണം പൊടിയാക്കി പാല്‍‌പൊടി, കാരെമെല്‍ പൗഡര്‍, കാപ്പി ക്രീം പൗഡര്‍, ഓറഞ്ച് ടാംഗ് പൗഡര്‍ എന്നിവയില്‍ കലര്‍ത്തി വളരെ വിദഗ്ധമായാണ് സ്വര്‍ണ്ണം കടത്താന്‍ യുവാവ് ശ്രമിച്ചത്.

പത്തനംതിട്ട: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച ബന്ധുവായ യുവാവിനെ അറസ്റ്റു ചെയ്തു. ആലപ്പുഴ കാർത്തികപ്പള്ളി സ്വദേശി റോയി വർഗീസ് (34) ആണ് അറസ്റ്റിലായത്. ബന്ധു കൂടിയായ യുവാവ് പെൺകുട്ടിയുടെ വീട്ടിലെത്തി മൊബൈൽ ഫോണിൽ അശ്ലീല വീഡിയോ കാണിച്ച് ലൈംഗികമായി പീഡിപ്പിക്കുകയായിരുന്നു. ഒക്‌ടോബർ 3, 4 തീയതികളിലാണ് ഇയാൾ പെൺകുട്ടിയെ ലൈംഗികമായി പീഡിപ്പിച്ചത്. പീഡനത്തിനിരയായ വിവരം പെൺകുട്ടി മാതാപിതാക്കളോട് പറഞ്ഞതോടെയാണ് സംഭവം പുറത്തറിയുന്നത്. ലൈംഗികാതിക്രമത്തിന് ശേഷം രക്ഷപ്പെടാൻ ശ്രമിച്ച യുവാവിനെ ചെങ്ങന്നൂർ റെയിൽവേ സ്‌റ്റേഷനിൽ വെച്ച് പോലീസ് അറസ്റ്റ് ചെയ്തു. പോലീസ് സ്‌റ്റേഷനിലെത്തി ചോദ്യം ചെയ്തപ്പോൾ ഇയാൾ കുറ്റം സമ്മതിച്ചെന്ന് പോലീസ് പറഞ്ഞു. ഇൻസ്പെക്ടർ എം.ആർ. സുരേഷിന്റെ നേതൃത്വത്തിലുള്ള സംഘമാണ് യുവാവിനെ പിടികൂടിയത്.

മണ്ണാർക്കാട്: ഗവർണർ ആരിഫ് മുഹമ്മദ് ഖാനെ രൂക്ഷമായി വിമർശിച്ച് മുഖ്യമന്ത്രി പിണറായി വിജയൻ. ഗവർണറുടെ പരിപ്പ് കേരളത്തിൽ വേവില്ലെന്നും, അധികാര പരിധിക്കപ്പുറത്തേക്ക് ഒരിഞ്ച് പോകാമെന്ന് കരുതേണ്ടെന്നും മുഖ്യമന്ത്രി പറഞ്ഞു. മണ്ണാർക്കാട് സിഐടിയു ജില്ലാ സമ്മേളനത്തിന്റെ സമാപന പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഗവർണർ തന്റെ ചുമതലകൾ മാത്രം നിര്‍‌വ്വഹിച്ചാല്‍ മതിയെന്നും ഇല്ലാത്ത അധികാരങ്ങൾ ഉപയോഗിച്ചു കളയാമെന്ന് കരുതേണ്ടെന്നും മുഖ്യമന്ത്രി പറഞ്ഞു. “മെല്ലെ ഒന്നു തോണ്ടിക്കളയാമെന്ന് വച്ചാല്‍ ആ തോണ്ടലൊന്നും ഏല്‍ക്കില്ല. അധികാരത്തിന് അപ്പുറത്തേക്ക് ഒരിഞ്ച് കടക്കാമെന്ന് വിചാരിക്കേണ്ട. വ്യക്തിപരമായി ഒരുകാര്യവും ചെയ്യാന്‍ ഗവര്‍ണര്‍ക്ക് അധികാരമില്ല,” മുഖ്യമന്ത്രി കൂട്ടിച്ചേര്‍ത്തു. അന്തസോടെ കാര്യങ്ങള്‍ പറയാന്‍ കഴിയുന്നവരാണ് തങ്ങളെന്നും അദ്ദേഹം വ്യക്തമാക്കി. മാധ്യമങ്ങളെ സിന്‍ഡിക്കേറ്റ് എന്ന് വിളിച്ചില്ലേ, ഇറങ്ങിപോകാന്‍ പറഞ്ഞില്ലെ എന്നെല്ലാമാണ് ഗവര്‍ണര്‍ പറയുന്നതെന്നും എന്താണ് സംഭവിച്ചതെന്ന് ഗവര്‍ണര്‍ക്ക് പിടികിട്ടുന്നില്ലെന്നും മുഖ്യമന്ത്രി വിമര്‍ശിച്ചു.

തിരുവനന്തപുരം: കേരള ഗവർണറുടെ ഓഫീസ് തിങ്കളാഴ്ച രാജ്ഭവനിൽ പ്രവേശിക്കുന്നതിൽ നിന്ന് നാല് ടെലിവിഷൻ ചാനലുകൾക്ക് വിലക്കേർപ്പെടുത്തി. മുഖ്യമന്ത്രി പിണറായി വിജയന്റെ വാർത്താ സമ്മേളനത്തിന് തൊട്ടുപിന്നാലെ മാധ്യമ പ്രവർത്തകർ ഗവർണർ ആരിഫ് മുഹമ്മദ് ഖാനെ സമീപിച്ചെങ്കിലും മാധ്യമ പ്രവർത്തകരെന്ന വ്യാജേന വരുന്ന പാർട്ടി അണികളോട് മറുപടി പറയില്ലെന്ന് അദ്ദേഹം പറഞ്ഞു. “എനിക്ക് നിങ്ങളോട് മാത്രമേ പറയാൻ കഴിയൂ, എന്നോട് സംസാരിക്കാൻ ആഗ്രഹിക്കുന്ന ആർക്കും രാജ്ഭവനിലേക്ക് ഒരു അഭ്യർത്ഥന അയയ്‌ക്കാം, ഞാൻ ആരോടാണ് സംസാരിക്കുന്നതെന്ന് ഞാൻ ഉറപ്പാക്കും. എന്നാൽ, നിങ്ങളിൽ ആരാണ് യഥാർത്ഥ പത്രപ്രവർത്തകനെന്നും മാധ്യമങ്ങളുടെ വേഷം കെട്ടിയ കേഡർ ആരാണെന്നും എനിക്കറിയില്ല. കേഡറുമായി സംസാരിക്കാൻ ഞാൻ ആഗ്രഹിക്കുന്നില്ല,” തിരുവനന്തപുരത്ത് ഒരു പരിപാടിക്ക് ശേഷം ഗവര്‍ണ്ണര്‍ മാധ്യമങ്ങളോട് പറഞ്ഞു. പിന്നീട് അദ്ദേഹം പത്രസമ്മേളനം വിളിച്ചെങ്കിലും കൈരളി, റിപ്പോർട്ടർ, മീഡിയവൺ, ജയ്ഹിന്ദ് ഉൾപ്പെടെയുള്ള ചാനലുകൾക്ക് ഇത് റിപ്പോർട്ട് ചെയ്യാൻ അനുമതി നൽകിയില്ല.…

മലപ്പുറം: സംസ്ഥാനത്തെ ഒമ്പത് സർവകലാശാലകളിലെ വിസിമാരോട് രാജി ആവശ്യപ്പെട്ട ഗവർണറുടെ നടപടി അതിരു കടന്നതാണെന്ന മുസ്ലീം ലീഗ് നിലപാട് സ്വാഗതാർഹമാണെന്ന് കെ ടി ജലീൽ എംഎൽഎ പറഞ്ഞു. തലയിൽ ആള്‍താമസമില്ലാത്ത കോൺഗ്രസിന്റെ നിലപാടിനെ ജനങ്ങൾ പുച്ഛിച്ചു തള്ളുമെന്നും ജലീൽ ഫെയ്സ്ബുക്കിലൂടെ രൂക്ഷമായി വിമർശിച്ചു. കെ ടി ജലീലിന്റെ ഫെയ്സ്ബുക്ക് പോസ്റ്റ്: ഗവർണ്ണറുടേത് കൈവിട്ട കളിയാണ്. ആർ.എസ്.എസ് മേധാവി മോഹൻ ഭഗവതിനെ കണ്ടശേഷമാണ് പ്രകടമായ ഭാവമാറ്റം അദ്ദേഹത്തിൽ കണ്ടു തുടങ്ങിയത്. സർവകലാശാലകളുടെ തലപ്പത്ത് ആർ.എസ്.എസ് അനുകൂലികളെ അവരോധിക്കാനാണ് ഈ നീക്കം. കേരളത്തിലെ ഉന്നത വിദ്യാഭ്യാസ സ്ഥാപനങ്ങളെ കാവി പുതപ്പിച്ച് പീതവൽക്കരിക്കാനുള്ള ശ്രമം എന്തുവില കൊടുത്തും ജനാധിപത്യ മാർഗ്ഗേണ പ്രതിരോധിക്കണം. കോൺഗ്രസ്സിന് ആർ.എസ്.എസ് വൽക്കരണത്തിൽ ശങ്കയില്ലാത്തത് സ്വാഭാവികം. അവർക്ക് ഹെഡ്ഗേവാറും ഗോൾവാൾക്കറും സവർക്കറും സ്വീകാര്യരാകുന്നതിൽ അൽഭുതമില്ല. കോൺഗ്രസ്സിൻ്റെ ‘ഭാരത് ജോഡോ യാത്ര’ ബാനറുകളിൽ സവർക്കർ ഇടം നേടിയത് യാദൃശ്ചികമല്ല. തീവ്ര…