തിരുവനന്തപുരം : സംസ്ഥാനത്ത് തുടരുന്ന കനത്ത മഴ ജനങ്ങളെ പ്രളയഭീതിയിലാഴ്ത്തുന്നു. മുൻവർഷങ്ങളിലെ പ്രളയം കേരളത്തെ ഏറെ ബാധിച്ചിരുന്നു. നദികൾ, തോടുകൾ, ചാലുകള്‍ എന്നിവയില്‍ അസാധാരണമാം വിധം ജലനിരപ്പ് ഉയരുമ്പോള്‍ ജനവാസ മേഖലകളില്‍ സാധാരണയായി വെള്ളപ്പൊക്കമുണ്ടാകുന്നു. സംസ്ഥാനത്തെ പ്രളയത്തിന് പിന്നിൽ പ്രകൃതിയിൽ മനുഷ്യൻ നടത്തുന്ന ഇടപെടലുകൾ വലിയ ആഘാതമാണ് ഉണ്ടാക്കുന്നത്. ദേശീയ ശരാശരിയേക്കാൾ 3000 മില്ലിമീറ്ററിലധികം മഴയാണ് കേരളത്തിൽ ലഭിക്കുന്നത്. അതുകൊണ്ട് തന്നെ മനുഷ്യന്റെ ഇടപെടൽ മൂലം പ്രകൃതിയുടെ ജൈവഘടനയിൽ വന്ന മാറ്റം സംസ്ഥാനത്ത് മഴക്കാലത്ത് ദുരന്തമാണ് സൃഷ്ടിക്കുന്നത്. അടുത്ത ദിവസങ്ങളില്‍ സംസ്ഥാനത്തുണ്ടായ കനത്ത മഴയുടേയും കാലാവസ്ഥാ മുന്നറിയിപ്പിന്‍റെയും പശ്ചാത്തലത്തില്‍ ഇത്തവണ റവന്യൂ വകുപ്പ് തങ്ങളുടെ ദുരന്ത നിവാരണ പ്രവര്‍ത്തനങ്ങള്‍ ആരംഭിച്ചുകഴിഞ്ഞു. പ്രകൃതി ദുരന്തങ്ങള്‍ നേരിടുന്നതിനുള്ള നോഡല്‍ ഡിപ്പാര്‍ട്ടുമെന്റുകൂടിയാണ് കേരളത്തില്‍ റവന്യൂ-ദുരന്ത നിവാരണ വകുപ്പ്. മഴ കനക്കുന്ന സാഹചര്യത്തില്‍ അതീവ ജാഗ്രതാനിര്‍ദ്ദേശങ്ങളാണ് സംസ്ഥാന ദുരന്ത നിവാരണ അതോറിറ്റി പൊതുജനങ്ങള്‍ക്കായി…
പ്രളയ ഭീതിയില്‍ സംസ്ഥാനം; അതീവ ജാഗ്രതാ നിര്‍ദ്ദേശവുമായി സംസ്ഥാന ദുരന്ത നിവാരണ അതോറിറ്റി
