ന്യൂഡൽഹി: ഇന്ത്യയിൽ കുരങ്ങുപനി പടർന്നുപിടിക്കുന്നു. കേരളത്തിന് പിന്നാലെ ഡൽഹിയിലും കുരങ്ങുപനി റിപ്പോർട്ട് ചെയ്തതോടെ സർക്കാരും ഭരണകൂടവും ജാഗ്രതയിലാണ്. കുരങ്ങുപനി ബാധ തടയുന്നതിനുള്ള നടപടികളും ആരംഭിച്ചിട്ടുണ്ട്. കുരങ്ങുപനി ഭീഷണി കണക്കിലെടുത്ത് രാജ്യതലസ്ഥാനത്തെ ഇന്ദിരാഗാന്ധി അന്താരാഷ്ട്ര വിമാനത്താവളത്തിലും പരിശോധന ആരംഭിച്ചു. ഡൽഹിയിലെ അന്താരാഷ്ട്ര വിമാനത്താവളത്തിൽ എത്തുന്ന യാത്രക്കാരെ കുരങ്ങുപനിയുടെ ലക്ഷണങ്ങളുണ്ടെങ്കില് ലോക് നായക് ജയ് പ്രകാശ് ആശുപത്രിയിലേക്ക് (എൽഎൻജെപി) അയക്കുമെന്ന് മാധ്യമ റിപ്പോർട്ടുകൾ പറയുന്നു. കടുത്ത പനി, നടുവേദന, സന്ധിവേദന തുടങ്ങിയ ലക്ഷണങ്ങളുള്ള അന്താരാഷ്ട്ര വിമാനങ്ങളിൽ വരുന്ന യാത്രക്കാരെ എൽഎൻജെപി ആശുപത്രിയിലെ ഐസൊലേഷൻ വാർഡിലേക്ക് മാറ്റുമെന്ന് വൃത്തങ്ങൾ അറിയിച്ചു. എൽഎൻജെപി ആശുപത്രിയിൽ ഇത്തരത്തിലുള്ള രോഗികൾക്കായി 20 അംഗ പ്രത്യേക സംഘത്തെ വിന്യസിച്ചിട്ടുണ്ട്. ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ കോവിഡ്-19 രോഗമുണ്ടെന്ന് സംശയിക്കുന്നവരെ പരിശോധിക്കാൻ ആരോഗ്യ സംഘത്തെ വിന്യസിച്ചിട്ടുണ്ട്. കുരങ്ങുപനി ബാധിച്ച് ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചതിന് പിന്നാലെ വിമാനത്താവളങ്ങളിലെ ഡോക്ടർമാരുടെ…
കുരങ്ങുപനിയെന്ന് സംശയിക്കുന്നവരെ ഐജിഐ വിമാനത്താവളത്തിൽ നിന്ന് നേരിട്ട് ആശുപത്രിയിലേക്ക് അയക്കും
