കൊല്ലം: കൊല്ലത്ത് വിദ്യാര്ഥികളുമായി വന്ന സ്കൂള് വാന് നിയന്ത്രണം നഷ്ടപ്പെട്ട് മറിഞ്ഞു. ആറ് വിദ്യാര്ഥികള്ക്ക് നിസാര പരിക്ക്. ഏരൂര് അയ്ലറയിലാണ് സംഭവം. യുപി സ്കൂളിലെ വിദ്യാര്ഥികള് സഞ്ചരിച്ച വാഹനമാണ് മറിഞ്ഞത്. 15 കുട്ടികളുമായി വന്ന വാഹനം കയറ്റം കയറുന്നതിനിടെയില് പെട്ടന്ന് നിന്നുപോയി. ഡ്രൈവര് മുന്നിലേക്ക് ഓടിച്ചുപോകാന് ശ്രമിച്ചുവെങ്കിലും വാഹനം പിന്നിലേക്ക് ഉരുണ്ടുപോയി മറിയുകയായിരുന്നു. സമീപമുണ്ടായിരുന്ന പോസ്റ്റിലിടിച്ചാണ് വാഹനം നിന്നത്. അല്ലെങ്കില് വാഹനം വലിയ താഴ്ചയിലേക്ക് മറിയുമായിരുന്നു. ഗ്ലാസ് തകര്ത്താണ് വിദ്യാര്ഥികളെ വാഹനത്തില് നിന്നും പുറത്തെടുത്തത്. പരിക്കേറ്റ വിദ്യാര്ഥികളെ അഞ്ചലിലെ ആശുപത്രിയില് പ്രവേശിപ്പിച്ചു.
കൊല്ലത്ത് വിദ്യാര്ഥികളുമായി പോയ സ്കൂള് വാഹനം മറിഞ്ഞു ; ആറ് കുട്ടികള്ക്ക് പരിക്ക്
