Month: January 2024

കൊല്ലം: കൊല്ലത്ത് കേരള ഗവർണർ ആരിഫ് മുഹമ്മദ് ഖാനെ എസ്എഫ്ഐ ഗുണ്ടകൾ ആക്രമിച്ചതിനെ തുടർന്ന് ഗവർണർക്കും രാജ്ഭവനും സിആർപിഎഫ് കമാൻഡോകളുടെ ഇസഡ് പ്ലസ് സുരക്ഷ നൽകാൻ കേന്ദ്ര സർക്കാർ തീരുമാനിച്ചു. ഇന്ന് രാവിലെ കരിങ്കൊടിയുമായി ഒരു സംഘം എസ്എഫ്ഐ പ്രവർത്തകർ ഗവർണറുടെ വാഹനത്തിന് നേരെ പാഞ്ഞടുത്ത സംഭവമുണ്ടായതിനെത്തുടര്‍ന്നാണ് കേന്ദ്രത്തിന്റെ ഇടപെടല്‍. എസ്എഫ്ഐക്കാരിൽ നിന്നുള്ള ഈ അതിക്രമങ്ങൾ സംബന്ധിച്ച് പ്രധാനമന്ത്രിയുടെ ഓഫീസ് ഗവർണറെ ബന്ധപ്പെട്ടതായും വിവരമുണ്ട്. ഇതേത്തുടർന്ന് ഗവർണർ ആരിഫ് മുഹമ്മദ് ഖാനും കേരള രാജ്ഭവനും ഇസഡ് പ്ലസ് സുരക്ഷ ഏർപ്പെടുത്തുന്നത് സംബന്ധിച്ച് കേന്ദ്ര ആഭ്യന്തര മന്ത്രാലയത്തിൽ നിന്ന് സന്ദേശം ലഭിച്ചതായി രാജ്ഭവൻ അറിയിച്ചു. വൈസ് പ്രസിഡൻ്റ് ജഗ്ദീപ് ധൻഖർ, കേന്ദ്ര ആഭ്യന്തര മന്ത്രി അമിത് ഷാ എന്നിവരും ഗവർണറുമായി ബന്ധപ്പെട്ട് അതിക്രമത്തെക്കുറിച്ച് അന്വേഷിച്ചു. മാധ്യമങ്ങളോട് സംസാരിക്കവെ, സംസ്ഥാനത്ത് അക്രമം പ്രോത്സാഹിപ്പിക്കുന്ന മുഖ്യമന്ത്രിയെ ഗവർണർ രൂക്ഷമായി വിമർശിച്ചു. ഇടതുപക്ഷ…

ചിറ്റൂർ: ലോകമറിയുന്ന ആക്കാദമീഷ്യനും സാമ്പത്തിക ശാസ്ത്രജ്ഞനും ദലിത് ചിന്തകനും അധ്യാപകനുമായിരുന്ന ഡോ. എം. കുഞ്ഞാമന്റെ ‘എതിര്’ എന്ന കൃതി ആസ്പദമാക്കി ചിറ്റൂർ ഗവ. കോളേജിലെ എക്കോണോമിക്സ് അസോസിയേഷൻ ഡോക്യുമെന്ററി പുറത്തിറക്കി. കോളേജിൽ നടന്ന കുഞ്ഞാമൻ അനുസ്മരണ സംഗമത്തിൽ ഡോക്യുമെന്ററി പ്രകാശിപ്പിച്ചു. കോളേജ് പ്രിൻസിപ്പൽ ഡോ. റെജി അനുസ്മരണ സംഗമം ഉദ്ഘാടനം ചെയ്തു. എം.ജി യൂണിവേഴ്സിറ്റി സ്കൂൾ ഓഫ് സോഷ്യൽ സയൻസ് വിഭാഗം അസോസിയേറ്റ് പ്രൊഫ. ഡോ. രാജേഷ് കോമത്ത് ഡോക്യുമെന്ററി പ്രകാശനം നിർവഹിച്ചു. എക്കണോമിക്സ് ഡിപ്പാർട്ട്മെന്റ് എച്ച്.ഒ.ഡി ഡോ. കവിത അധ്യക്ഷത വഹിച്ചു. ഡോ. കുഞ്ഞാമന്റെ ജീവിതത്തെ ആസ്‌പദമാക്കി ‘എതിരായ ജീവിതം’ എന്ന പേരിൽ പുറത്തിറക്കിയ ഡോക്യുമെന്ററി അദ്ദേഹത്തിന്റെ അധ്യാപകരിൽ നിന്നും വിദ്യാർത്ഥികളിൽ നിന്നും വിവരങ്ങൾ ശേഖരിച്ചാണ് നിർമിച്ചിരിക്കുന്നത്. ഫ്രറ്റേണിറ്റി മൂവ്മെന്റ് പ്രതിനിധിയായ മുർഷിദ ബിൻത് സുബൈർ ആണ് അസോസിയേഷൻ സെക്രട്ടറി. ജീവിച്ചിരിക്കുന്ന കാലത്ത് ഡോ. കുഞ്ഞാമന്…

എറണാകുളം: കഴിഞ്ഞ രണ്ടാഴ്ചയ്ക്കിടെ വിവിധ വിദ്യാർത്ഥി സംഘടനാ പ്രവർത്തകർ ഉൾപ്പെട്ട സംഘർഷത്തെ തുടർന്നുണ്ടായ അച്ചടക്ക നടപടിയുടെ ഭാഗമായി സ്വയംഭരണാധികാരമുള്ള എറണാകുളം മഹാരാജാസ് കോളേജിലെ 21 വിദ്യാർത്ഥികളെ സസ്പെൻഡ് ചെയ്തു. സസ്‌പെൻഡ് ചെയ്യപ്പെട്ടവരിൽ കേരള സ്റ്റുഡന്റ്‌സ് യൂണിയൻ (കെഎസ്‌യു), ഫ്രറ്റേണിറ്റി മൂവ്‌മെന്റ് എന്നിവയിലെ 13 വിദ്യാർത്ഥികളും ഉൾപ്പെടുന്നു. കോളേജ് അധികൃതർ നടത്തിയ ആഭ്യന്തര അന്വേഷണത്തിന്റെ അടിസ്ഥാനത്തിൽ സ്റ്റുഡന്റ്‌സ് ഫെഡറേഷൻ ഓഫ് ഇന്ത്യയുടെ (എസ്‌എഫ്‌ഐ) എട്ട് പ്രവർത്തകരെയും സസ്പെൻഡ് ചെയ്തിട്ടുണ്ട്. അന്വേഷണ സമിതിക്ക് മുമ്പാകെ മൊഴി സമർപ്പിക്കാൻ മാത്രമേ അവർക്ക് ക്യാമ്പസിൽ പ്രവേശിക്കാൻ കഴിയൂ. ജനുവരി 18 ന് അർദ്ധരാത്രിയിൽ എസ്എഫ്‌ഐ യൂണിറ്റ് സെക്രട്ടറി പി എ അബ്ദുൾ നാസറിനെ ഫ്രറ്റേണിറ്റി മൂവ്‌മെന്റ് അംഗങ്ങൾ ക്യാമ്പസിൽ വെച്ച് ആക്രമിച്ചതിനെ തുടർന്ന് കഴിഞ്ഞ രണ്ടാഴ്ചയായി മഹാരാജാസ് കോളേജിൽ വിദ്യാർത്ഥി സംഘടനകൾക്കിടയിൽ നിലനിന്നിരുന്ന സംഘർഷം രൂക്ഷമായി. ജനുവരി 19 മുതൽ നിർത്തിവെച്ച റഗുലർ…

ഷിക്കാഗോ: ഷിക്കാഗോ തിരുഹൃദയ ക്നാനായ കത്തോലിക്കാ ഫൊറോനാ ഇടവക ദൈവാലയത്തിൽ ദൈവദാസൻ മാർ. മാത്യു മാക്കിൽ മെത്രാന്റെ 110-ാമത് ചരമ വാർഷികം ആചരിച്ചു. അനുസ്മരണ ശുശ്രൂഷകൾക്കും പ്രാർത്ഥനകൾക്കും ഫൊറോനാ വികാരി റവ. ഫാ. തോമസ് മുളവനാൽ നേതൃത്വം നൽകി. അസി. വികാരി റവ. ഫാ ബിൻസ് ചേത്തലിൽ സഹകാർമികനായിരുന്നു. അതിരൂപതയുടെ മാർഗ്ഗദർശിയും ദൈവാശ്രയ ജീവിതത്തിന്റെ ശ്രേഷ്‌ഠമാതൃകയും ആയിരുന്നു ഭാഗ്യസ്മരണാർഹനായ മാക്കിൽ മത്തായി മെത്രാനെന്ന് ഫാ. തോമസ് മുളവനാൽ അനുസ്മരിച്ചു. വി. കുർബാനയ്ക്കും തിരുകൾമ്മങ്ങൾക്കും ശേഷം നേർച്ച വിതരണവും നടന്നു. മോനായി – പ്രിയ മാക്കിൽ കുടുംബമാണ് നേർച്ച ഏറ്റെടുത്ത് നടത്തിയത്.

ന്യൂയോര്‍ക്ക്: മുൻ യുഎസ് പ്രസിഡന്റും 2024 ലെ പ്രസിഡന്റ് സ്ഥാനാർത്ഥിയുമായ ഡൊണാൾഡ് ട്രംപ് ലൈംഗികമായി പീഡിപ്പിക്കുകയും അപകീർത്തിപ്പെടുത്തുകയും ചെയ്തതായി കണ്ടെത്തിയ കോളമിസ്റ്റ് ഇ. ജീൻ കരോളിന് 83.3 മില്യൺ ഡോളർ നഷ്ടപരിഹാരം നൽകണമെന്ന് ന്യൂയോർക്കിലെ ഒരു ജൂറി വെള്ളിയാഴ്ച ഉത്തരവിട്ടു. ലൈംഗികാതിക്രമത്തിനും അപകീർത്തിക്കും ട്രംപിനെതിരായ കേസിൽ കരോൾ 5 മില്യൺ ഡോളർ നേടി ഏതാനും മാസങ്ങൾക്ക് ശേഷമാണ് ഈ വിധി വരുന്നത്. ഇതൊക്കെയാണെങ്കിലും, തീരുമാനം തികച്ചും പരിഹാസ്യമാണെന്ന് ട്രംപ് വിമർശിക്കുകയും വിധിക്കെതിരെ അപ്പീല്‍ നല്‍കുമെന്ന് വെല്ലുവിളിക്കുകയും ചെയ്തു. മൂന്ന് മണിക്കൂറിലധികം നീണ്ട ചർച്ചകൾക്ക് ശേഷമാണ് ജൂറി തീരുമാനത്തിലെത്തിയത്. വിധിയെ തുടർന്നുള്ള പ്രസ്താവനയിൽ, നിയമവ്യവസ്ഥയോടുള്ള തന്റെ അതൃപ്തി ട്രംപ് പ്രകടിപ്പിച്ചു, ഇത് “നിയന്ത്രണത്തിന് പുറത്താണ്” എന്നും രാഷ്ട്രീയ ആവശ്യങ്ങൾക്കായി കൃത്രിമം കാണിക്കുന്നുവെന്നും വിശേഷിപ്പിച്ചു. വിചാരണയ്ക്കിടെ, കരോളിന്റെ അഭിഭാഷകർ അന്തിമവാദങ്ങൾ അവതരിപ്പിക്കുന്നതിനിടെ, പെരുമാറ്റച്ചട്ടം ലംഘിച്ച് ട്രംപ് കോടതിമുറി വിട്ടു. നഷ്ട…

ലോകമെങ്ങും വിശ്വാസസമൂഹങ്ങള്‍ ധാരാളം ആരാധനാലയങ്ങള്‍ പുണ്യഭൂമികളായി താലോലിച്ച്‌ ഉയര്‍ത്തികെട്ടുകയും പലതും പ്രകൃതിക്ഷോഭങ്ങളില്‍ മണ്ണോട്‌ ചേര്‍ന്നു ചേരുകയും തകര്‍ക്കപ്പെടുകയും ചെയ്തിട്ടുണ്ട്‌. മുന്തിരിവള്ളിയും അത്തിവൃക്ഷവും നീരൊഴുക്കുമുള്ള ഇസ്രായേല്‍ രാജ്യത്ത്‌ അധികാരവും സമ്പത്തുമുപയോഗിച്ച്‌ (ബി.സി. 922 – 90) ല്‍ ലോകാത്ഭുതമായ യെരുശലേം ദേവാലയം ശലോമോന്‍ രാജാവ്‌ നിര്‍മ്മിച്ചു. അത്‌ ദൈവത്തെ പ്രീതിപ്പെടുത്താന്‍ പൗരോഹിത്യ പ്രേരണയാല്‍ നിര്‍മ്മിച്ചതായിരുന്നു. സ്വര്‍ണ്ണം നിറഞ്ഞ ആ ദേവാലയത്തെ പല സാമ്രാജ്യങ്ങളും ആക്രമിച്ച്‌ കൊള്ള ചെയ്തിട്ടുണ്ട്‌. ഇന്ന്‌ അതിന്റെ അവശിഷ്ടമായുള്ളത്‌ ഒരു മതിലാണ്‌. ലോകമെങ്ങുമുള്ള യഹൂദര്‍ വന്ന്‌ അതില്‍ തലതല്ലി പ്രാര്‍ത്ഥിക്കുന്നത്‌ കാണാം. നഷ്ടപ്പെട്ട ദേവാലയം പുനരുദ്ധരിക്കാന്‍ അവര്‍ ഒരു വസന്തകാലം നോക്കിയിരിക്കുന്നു. “ശാലോം” എന്നാല്‍ സമാധാനം എന്നാണ്‌. മതരാജ്യമായ ഇസ്രായേലില്‍ മാത്രമല്ല ഇറാന്‍, പാക്കിസ്ഥാന്‍ അങ്ങനെ പല മത രാജ്യങ്ങളിലും സമാധാനമില്ല. അസമാധാനത്തിന്‌ കാരണം ജാതി മത രാഷ്ട്രീയ കൂട്ടുകെട്ടുകളാണ്‌. രാമന്റെ അയോദ്ധ്യ ക്ഷേത്രം തിളങ്ങുന്ന…

ഹൂസ്റ്റൺ: മലയാളി അസോസിയേഷൻ ഓഫ് ഗ്രേറ്റർ ഹൂസ്റ്റൺ (മാഗ്) ഇന്ത്യയുടെ 75 മത് റിപ്പബ്ലിക് ദിനം ആഘോഷിച്ചു. ജനുവരി 26ന് കേരള ഹൗസിൽ വച്ച് നടന്ന പ്രൗഢഗംഭീരമായ റിപ്പബ്ലിക് ദിന ആഘോഷത്തിന് അസോസിയേഷൻ പ്രസിഡൻറ് മാത്യൂസ് മുണ്ടക്കൽ അദ്ധ്യക്ഷത വഹിച്ചു. കേരളത്തിന്റെയും ഇന്ത്യയുടെയും അഭിമാനമായ പത്മശ്രീ ഷൈനി വിത്സൻ മുഖ്യാതിഥിയായിരുന്നു. മാഗ് സെക്രട്ടറി സുബിൻ കുമാരൻ സ്വാഗതം അറിയിച്ചു. ഇന്ത്യയ്ക്ക് പൂർണ്ണ അർത്ഥത്തിൽ സ്വാതന്ത്ര്യം ലഭിച്ചത് 1950 ജനുവരി 26ന്, പുതിയ ഭരണഘടന നിലവിൽ വന്നപ്പോഴാണ് എന്ന് മുണ്ടക്കൽ തൻ്റെ ആവേശകരമായ മുഖപ്രസംഗത്തിൽ അനുസ്മരിച്ചു. ഫോർട്ട് ബെന്‍ഡ് കൗണ്ടി ഡിസ്ട്രിക്ട് ജഡ്ജ് സുരേന്ദ്രൻ കെ പട്ടേലിനോപ്പം മുഖ്യാതിഥിയായ പത്മശ്രീ ഷൈനി വിൽസണും ചേർന്ന് അമേരിക്കൻ പതാക ഉയർത്തിയപ്പോൾ മാഗ് പ്രസിഡൻറ് മാത്യൂസ് മുണ്ടക്കലാണ് ഇന്ത്യൻ പതാക ഉയർത്തിയത്. സ്റ്റാഫോർഡ് സിറ്റി മേയർ കെൻ മാത്യൂസ്, മിസോറി സിറ്റി…