Month: February 2024

കറാച്ചി: തൻ്റെ പാർട്ടിയും സർക്കാരിലെ മുൻ പ്രധാനമന്ത്രി നവാസ് ഷെരീഫിൻ്റെ വിഭാഗങ്ങളും തമ്മിലുള്ള അധികാരം പങ്കിടൽ ഫോർമുല ഓരോന്നായി താൻ നിരസിച്ചതായി പാക്കിസ്താന്‍ പീപ്പിൾസ് പാർട്ടി (പിപിപി) സഹ അദ്ധ്യക്ഷൻ ബിലാവൽ ഭൂട്ടോ സർദാരി വെളിപ്പെടുത്തി. പൊതുജനങ്ങളുടെ വിശ്വാസ വോട്ട് കൂടാതെ ഈ ഉന്നത സ്ഥാനം ഏറ്റെടുക്കാൻ ആഗ്രഹിക്കുന്നില്ല എന്നും അദ്ദേഹം പറഞ്ഞു. 35 കാരനായ മുൻ വിദേശകാര്യ മന്ത്രിയും പ്രധാനമന്ത്രി സ്ഥാനത്തേക്കുള്ള പിപിപി സ്ഥാനാർത്ഥിയുമായ ബിലാവല്‍ ഭൂട്ടോ ഫെബ്രുവരി 8 ലെ തിരഞ്ഞെടുപ്പിൽ പ്രധാനമന്ത്രി സ്ഥാനം നേടുമെന്ന് പ്രതീക്ഷിച്ചിരുന്നു. എന്നാൽ, അദ്ദേഹത്തിൻ്റെ പാർട്ടിക്ക് ദേശീയ അസംബ്ലിയിൽ 54 സീറ്റുകൾ മാത്രമാണ് ലഭിച്ചത്. പിപിപിയും പിഎംഎൽ-എന്നും തമ്മിൽ പലതവണ കൂടിക്കാഴ്ച നടത്തിയെങ്കിലും അധികാരം പങ്കിടൽ സൂത്രവാക്യത്തിൽ അവർക്ക് യോജിക്കാൻ കഴിഞ്ഞില്ല. സിന്ധ് പ്രവിശ്യയിലെ തട്ടയിൽ നടന്ന ഒരു റാലിയെ അഭിസംബോധന ചെയ്തുകൊണ്ട് ബിലാവൽ പറഞ്ഞു, 3 വർഷത്തേക്ക്…

ഗാസ: തെക്കൻ ഗാസയിലെ ഖാൻ യൂനിസ് നഗരത്തിലെ ഒരു പ്രധാന ആശുപത്രിയിൽ ഇസ്രായേലിൻ്റെ തുടർച്ചയായ ആക്രമണത്തെത്തുടർന്ന് ദിവസങ്ങളായി വൈദ്യുതി തടസ്സവും ഓക്‌സിജൻ വിതരണക്ഷാമവും കാരണം എട്ട് രോഗികൾ മരിച്ചതായി പലസ്തീൻ ആരോഗ്യമന്ത്രി മൈ അൽ-കൈല പറഞ്ഞു. നാസർ ഹോസ്പിറ്റലിലെ ഇസ്രായേൽ ആക്രമണത്തെത്തുടർന്ന് ആവശ്യമായ ചികിത്സ നിർത്തിയതിനാൽ മറ്റ് ചില ഗുരുതരമായ രോഗികളുടെ അവസ്ഥ ജീവന് ഭീഷണിയായി, കിടപ്പിലായ രോഗികളുടെയും മെഡിക്കൽ സ്റ്റാഫുകളുടെയും മോചനത്തിന് സമ്മർദ്ദം ചെലുത്താൻ അന്താരാഷ്ട്ര ശ്രമങ്ങൾ നടത്തണമെന്ന് അവർ തിങ്കളാഴ്ച പ്രസ്താവനയിൽ പറഞ്ഞു. ആശുപത്രിയിൽ നിന്ന് അജ്ഞാത സ്ഥലത്തേക്ക് ഇസ്രായേൽ സൈനിക ട്രക്കുകൾ കൊണ്ടുപോയതായി അവർ അവകാശപ്പെട്ടു. തെക്കൻ ഗാസ മുനമ്പിലെ ഖാൻ യൂനിസ് നഗരത്തിലെ നാസർ ആശുപത്രിയുടെ തെക്കൻ മതിൽ തകർത്തതിന് ശേഷം ഇസ്രായേൽ സൈന്യം കഴിഞ്ഞ വ്യാഴാഴ്ച ആക്രമിക്കുകയായിരുന്നുവെന്ന് ഗാസയിലെ ഹമാസിൻ്റെ നേതൃത്വത്തിലുള്ള ആരോഗ്യ മന്ത്രാലയം നേരത്തെ അറിയിച്ചിരുന്നു. ഇസ്രായേൽ സെക്യൂരിറ്റി…

പാലക്കാട്: സംസ്ഥാനത്ത് രണ്ട് വർഷമായി മുടങ്ങിക്കിടക്കുന്ന പിന്നോക്ക വിഭാഗം വിദ്യാർത്ഥികളുടെ ഇ ഗ്രാന്റുകൾ ഉടൻ വിതരണം ചെയ്യണമെന്ന് ഫ്രറ്റേണിറ്റി മൂവ്മെന്റ് സംസ്ഥാന പ്രസിഡന്റ് കെ.എം ഷെഫ്രിൻ പറഞ്ഞു. ഇ ഗ്രാന്റുകൾ കാലോചിതമായി വർധിപ്പിക്കണമെന്നും ഗവേഷക വിദ്യാർത്ഥികളുടെ സ്കോളർഷിപ്പുകൾ പ്രതിമാസം നൽകാനുള്ള നടപടി സ്വീകരിക്കണമെന്നും അദ്ദേഹം കൂട്ടിച്ചേർത്തു. ഇ ഗ്രാന്റുകൾ നൽകാതെ ആദവാസി വിദ്യാർത്ഥികളെ വഞ്ചിക്കുന്ന കേന്ദ്ര, സംസ്ഥാന സർക്കാറുകൾക്കെതിരെ ഫ്രറ്റേണിറ്റി ജില്ല കമ്മിറ്റി അട്ടപ്പാടി അഗളി സിവിൽ സ്‌റ്റേഷന് മുന്നിൽ സംഘടിപ്പിച്ച ‘ജനകീയ വിചാരണ’ ഉദ്ഘാടനം ചെയ്യുകയായിരുന്നു അദ്ദേഹം. ജില്ല പ്രസിഡന്റ് കെ.എം സാബിർ അഹ്സൻ അധ്യക്ഷ്യത വഹിച്ചു. ആദ്യ വർഷത്തെ ഇ ഗ്രാന്റിന് അപേക്ഷിച്ച് സെക്കന്റ് ഇയർ അവസാനമായിട്ടും തുക ലഭിക്കാത്ത അട്ടപ്പാടി ആർ.ജി.എം ഗവ. കോളേജിലെ വിദ്യാർത്ഥികൾ പ്രതിഷേധത്തിൽ അണിനിരന്നു. വെൽഫെയർ പാർട്ടി ജില്ല എക്സിക്യൂട്ടീവ് അംഗം ബാബു തരൂർ മുഖ്യപ്രഭാഷണം നടത്തി. ആറ്…

കോഴിക്കോട്: ജാമിഅ മർകസ് വൈസ് റെക്ടറും ഗവേഷകനുമായ ഡോ. മുഹമ്മദ് റോഷൻ നൂറാനിക്ക് അമേരിക്ക-ഇന്ത്യ സർക്കാരുകൾ സംയുക്തമായി നൽകുന്ന നെഹ്‌റു പോസ്റ്റ് ഡോക്ടറൽ ഫുൾബ്രൈറ്റ്‌ ഫെല്ലോഷിപ്പ്. യു എസ് ഡിപ്പാർട്മെന്റ് ഓഫ് സ്റ്റേറ്റിന്റെയും ഇന്ത്യൻ സർക്കാരിന്റെ വിദേശകാര്യ മന്ത്രാലയത്തിന്റെയും ധനസഹായത്തോടെ യുണൈറ്റഡ് സ്റ്റേറ്റ്സ്-ഇന്ത്യ എജ്യുക്കേഷണൽ ഫൗണ്ടേഷൻ(യു.എസ്.ഐ.ഇ.എഫ്) ഏർപ്പെടുത്തിയ ഈ ഫെല്ലോഷിപ്പ് അന്താരാഷ്‌ട്ര അക്കാദമിക്ക് രംഗത്ത് ഏറ്റവും വിലമതിക്കപ്പെടുന്ന ഗവേഷണ അവാർഡുകളിലൊന്നാണ്. ഒരു വർഷത്തോളം നീണ്ടുനിൽക്കുന്ന സെലക്ഷൻ പ്രോസസിലൂടെയാണ് ഫെല്ലോഷിപ്പിനുള്ളവരെ തിരഞ്ഞെടുക്കുന്നത്. ‘ആധുനിക കാലഘട്ടത്തിൽ ഇസ്‌ലാമിക ജ്ഞാനോൽപാദനത്തിന്റെ രീതിശാസ്ത്രവും പണ്ഡിതരും’ എന്ന പ്രൊജക്റ്റാണ് ഫെല്ലോഷിപ്പിന് അർഹത നേടിയത്. അമേരിക്കയിലെ പബ്ലിക്ക് ലാൻഡ് ഗ്രാൻഡ് റിസർച്ച് യൂണിവേഴ്‌സിറ്റികളിലൊന്നായ യൂണിവേഴ്സിറ്റി ഓഫ് കാലിഫോർണിയ ബെർക്കിലീയിലാണ് റോഷൻ നൂറാനി 22 മാസത്തോളം ഗവേഷണം നടത്തുക. കോഴിക്കോട് മർകസ് സ്ഥാപനങ്ങളുടെ എക്‌സലൻസ് സെന്ററായ പൂനൂർ ജാമിഅ മദീനത്തുന്നൂറിൽ സമന്വയ വിദ്യാഭ്യാസ സിലബസ് അനുസരിച്ച് മതപഠനത്തോടൊപ്പം…

കോട്ടയം: റബറിന് ന്യായവില പ്രഖ്യാപിച്ച് സംഭരണം ഉറപ്പാക്കാത്ത കേന്ദ്ര സര്‍ക്കാരിന്റെ സാമ്പത്തിക സഹായ പദ്ധതികള്‍ നിലവിലുള്ള റബര്‍ കര്‍ഷകര്‍ക്ക് യാതൊരു നേട്ടവുമുണ്ടാക്കില്ലെന്ന് രാഷ്ട്രീയ കിസാന്‍ മഹാസംഘ് സൗത്ത് ഇന്ത്യാ കണ്‍വീനര്‍ അഡ്വ.വി.സി സെബാസ്റ്റ്യന്‍. റബര്‍ മേഖലയ്ക്കുള്ള സാമ്പത്തിക സഹായം 23 ശതമാനം വര്‍ദ്ധിപ്പിക്കുമെന്ന കേന്ദ്ര സര്‍ക്കാര്‍ പ്രഖ്യാപനം രാജ്യം തെരഞ്ഞെടുപ്പിനെ അഭിമുഖീകരിക്കുമ്പോള്‍ കേള്‍ക്കാന്‍ ഇമ്പമുള്ളതാണെങ്കിലും കേരളത്തിലെ റബര്‍ കര്‍ഷകര്‍ക്ക് ആഹ്ലാദിക്കാന്‍ വകയൊന്നുമില്ല. 2024 ഫെബ്രുവരി 23,24 തീയതികളില്‍ ആസാമിലെ ഗോഹട്ടിയില്‍ നടക്കുന്ന ഇന്ത്യ റബര്‍ മീറ്റിന്റെ മുന്നോടിയായി വടക്കുകിഴക്കന്‍ റബര്‍ വ്യാപന പദ്ധതിക്ക് ഉത്തേജനമേകുന്നതാണീ പ്രഖ്യാപനം. വടക്കുകിഴക്കന്‍ സംസ്ഥാനങ്ങളില്‍ 2 ലക്ഷം ഹെക്ടറിലേയ്ക്ക് റബര്‍കൃഷി വ്യാപിപ്പിക്കുന്ന കേന്ദ്രസര്‍ക്കാരിന്റെയും റബര്‍ ബോര്‍ഡിന്റെയും വ്യവസായികളുടെയും സംഘടിത പദ്ധതിക്ക് ഈ കേന്ദ്രസഹായ പ്രഖ്യാപനം ഒരുപക്ഷേ ഉപകരിക്കും. വിലത്തകര്‍ച്ചമൂലം ഒരു പതിറ്റാണ്ടിലേറെയായി പ്രതിസന്ധിയിലായിരിക്കുന്ന കേരളത്തിലെ പരമ്പരാഗത റബര്‍മേഖലയ്ക്ക് പുതിയ പ്രഖ്യാപനങ്ങള്‍ നേട്ടമുണ്ടാകില്ലെന്നുമാത്രമല്ല വടക്കുകിഴക്കന്‍…