ന്യൂയോര്ക്ക്: ന്യൂയോർക്കിലെ ഹാര്ലെമിലുണ്ടായ തീപിടിത്തത്തിൽ 27 കാരനായ ഫാസില് ഖാന് എന്ന ഇന്ത്യൻ പൗരൻ മരിച്ചു. ന്യൂയോർക്കിലെ ഇന്ത്യൻ എംബസി പിന്തുണ നൽകുകയും ഖാൻ്റെ സുഹൃത്തുക്കളുമായും കുടുംബാംഗങ്ങളുമായും എംബസി ബന്ധപ്പെടുന്നുണ്ടെന്നും അറിയിച്ചു. “ന്യൂയോർക്കിലെ ഹാർലെമിലെ ഒരു അപ്പാർട്ട്മെൻ്റ് കെട്ടിടത്തിലുണ്ടായ നിർഭാഗ്യകരമായ തീപിടിത്തത്തിൽ 27 വയസ്സുള്ള ഇന്ത്യൻ പൗരനായ ഫാസിൽ ഖാൻ മരിച്ച വിവരം അറിഞ്ഞതിൽ ദുഃഖമുണ്ട്. അന്തരിച്ച ഫാസിൽ ഖാൻ്റെ കുടുംബാംഗങ്ങളുമായും സുഹൃത്തുക്കളുമായും ഞങ്ങൾ ബന്ധപ്പെടുന്നുണ്ട്. സാധ്യമായ എല്ലാ സഹായങ്ങളും ഞങ്ങൾ തുടർന്നും നൽകും,” ന്യൂയോർക്കിലെ ഇന്ത്യൻ കോണ്സുലേറ്റ് എക്സിൽ പോസ്റ്റ് ചെയ്തു. സംഭവത്തില് 17 പേർക്ക് പൊള്ളലേറ്റു. നാല് പേരുടെ നില ഗുരുതരമാണ്. 18 പേരെ രക്ഷപ്പെടുത്തിയതായി ന്യൂയോര്ക്ക് സിറ്റി അഗ്നിശമനസേന ഉദ്യോഗസ്ഥർ അറിയിച്ചു. നിരവധി പേരെ മാറ്റിപ്പാര്പ്പിച്ചിട്ടുമുണ്ട്. സംഭവമറിഞ്ഞ് എത്തിയ ഫയർഫോഴ്സ് സംഘമാണ് രക്ഷാപ്രവര്ത്തനത്തിന് നേതൃത്വം നല്കിയത്. കൊല്ലപ്പെട്ട ഇന്ത്യന് പൗരന്റെ സുഹൃത്തുക്കളുമായും കുടുംബാംഗങ്ങളുമായും…
ന്യൂയോര്ക്ക് ഹാര്ലെമില് അപ്പാര്ട്ട്മെന്റില് തീപിടിത്തം; ഇന്ത്യന് യുവാവ് മരിച്ചു; നിരവധി പേര്ക്ക് പരിക്ക്
