Year: 2025

ന്യൂയോർക്ക് : ന്യൂയോർക്കിലെ പ്രശസ്ത മലയാളി സംഘടനയായ യോങ്കേഴ്‌സ് മലയാളി അസ്സോസിയേഷൻ്റെ പുതിയ പ്രസിഡന്റായി ബ്ലിസ് പോൾ തെരഞ്ഞെടുക്കപ്പെട്ടു. ജോർജ് ജോസഫ് (ബിനോയ്) – സെക്രട്ടറി, സുരേഷ് നായർ (ട്രഷറർ), സുരേഷ് ബാബു (വൈസ് പ്രസിഡന്റ്), ആശിഷ് ജോസഫ് (ജോ. സെക്രട്ടറി), എബ്രഹാം എബ്രഹാം (സന്തോഷ്) – ജോ. ട്രഷറർ എന്നിവരാണ് മറ്റു ഭാരവാഹികൾ. കമ്മിറ്റി അംഗങ്ങളായി ബിനോയ് തോമസ്, റോണിഷ് മൈക്കിൾ, ജോസൻ ജോസഫ്, ബിജു പയറ്റുതറ, തോമസ് സാമുവേൽ, ഫിലിപ്പ് സാമുവേൽ, മെൽവിൻ മാത്യു, തോമസ് ജോസഫ്, ബിജു ആൻ്റണി എന്നിവരെയും തെരഞ്ഞെടുത്തു. സംഘടനയുടെ പുതിയ ട്രസ്റ്റി ബോർഡ് ചെയർമായി ഷിനു ജോസഫ് തെരഞ്ഞെടുക്കപ്പെട്ടു. തോമസ് മാത്യു, ജോഫ്രിൻ ജോസ് , നിഷാദ് പയറ്റുതറ, ജിജു തോമസ് എന്നിവരാണ് ട്രസ്റ്റി ബോർഡ് അംഗങ്ങൾ. മാർച്ച് ഒന്നാം തീയതി ശനിയാഴ്ച യോങ്കേഴ്‌സ് പബ്ലിക് ലൈബ്രററി ഓഡിറ്റോറിയത്തിൽ…

മാര്‍ച്ച്‌ 9 നു നടക്കുന്ന ഇന്റര്‍നാഷണല്‍ വിമന്‍സ്‌ ഡേ ആഘോഷങ്ങളുടെ ഒരുക്കങ്ങൾ പൂർത്തിയതായി ഫൊക്കാന ഇന്‍റ്റര്‍നാഷനണലിന്റെ ഭാരവാഹികൾ അറിയിച്ചു. മെരിലാന്റ്‌ സില്‍വര്‍ സ്പ്രിംഗ് SASDAC ധീരജ്‌ ഹാളിൽ രാവിലെ 11 മണി മുതൽ സമ്മേളനം ആരംഭിക്കും. അമേരിക്കയിൽ നിന്ന്‌ മാത്രമല്ല, വിദേശത്തുനിന്നും നിരവധി വിശിഷ്ടാതിഥികള്‍ ഈ ചടങ്ങില്‍ പങ്കെടുക്കും. പ്രസിഡന്റ് സണ്ണി മറ്റമന പ്രസിഡന്‍ഷ്യല്‍ അഭിവാദ്യ നടത്തുകയും, തുടര്‍ന്ന്‌ 2024-2027 വര്‍ഷത്തേക്കുള്ള വനിതാ ചെയര്‍പേഴ്‌സന്‍ ഡോ. നീനാ ഈപ്പനെ പരിചയപ്പെടുത്തുകയും ചെയ്യും. ഡോ. നീനാ ഈപ്പന്‍ വിവിധ അതിഥികളെ പരിചയപ്പെടുത്തും. കൂടാതെ, അമേരിക്കയിലെ പ്രമുഖ പ്രതിനിധികള്‍ നേരിട്ടും, വിദേശ പ്രതിനിധികള്‍ വീഡിയോ കോണ്‍ഫറന്‍സ്‌ മുഖേനയും സമ്മേളനത്തെ അഭിസംബോധന ചെയ്യും. സമ്മേളനം തത്സമയം കാണുന്നതിനായി ലൈവ്‌ ടെലിക്കാസ്റ്റ്‌ സംവിധാനം ഒരുക്കിയിട്ടുണ്ട്‌. വിമന്‍സ്‌ ഫോറം ചെയര്‍ ഡോ. നീന ഈപ്പന്റെയും, ഡോ. കല ഷഹി (ഇന്‍റ്റര്‍നാഷണല്‍ അഫയേഴ്‌സ്‌) യുടെയും മേൽനോട്ടത്തിൽ…

ഫ്ലോറിഡ: അമേരിക്കയിലെ ഫ്ലോറിഡയിൽ മലയാളി നഴ്സ് ലീലാമ്മ ലാലിനെതിരെ നടന്ന ആക്രമണം വംശീയ വിദ്വേഷമാണെന്ന് റിപ്പോര്‍ട്ട്. മാനസിക രോഗിയായ സ്റ്റീഫൻ സ്കാന്റിൽബറി (33) ആണ് ലീലാമ്മയെ ക്രൂരമായി മര്‍ദ്ദിച്ചത്. “ഇന്ത്യക്കാർ മോശക്കാരാണ്, ഞാൻ ഒരു ഇന്ത്യൻ നഴ്സിനെ അടിച്ചു” എന്ന അയാളുടെ പരാമര്‍ശമാണ് ഇതൊരു വംശീയ ആക്രമണമാണെന്ന് തിരിച്ചറിഞ്ഞത്. മര്‍ദ്ദനത്തില്‍ ലീലാമ്മയുടെ മുഖത്തെ എല്ലുകൾ മിക്കവാറും എല്ലാം തകര്‍ന്നിട്ടുണ്ട്. സംഭവത്തിന് ശേഷം, പ്രോസിക്യൂട്ടർമാർ അക്രമിക്കെതിരെ കൂടുതൽ വിദ്വേഷ കുറ്റകൃത്യങ്ങൾ കൂടി ചേർത്തിട്ടുണ്ട്, ഇത് അയാൾക്ക് കൂടുതൽ കഠിനമായ ശിക്ഷ ലഭിക്കാൻ ഇടയാക്കുമെന്ന് അവര്‍ പറഞ്ഞു. ഈ ഭയാനകമായ സംഭവം സൗത്ത് ഫ്ലോറിഡയിലെ ആരോഗ്യ പ്രവർത്തകർക്കിടയിൽ വൻ പ്രതിഷേധത്തിന് കാരണമായി. ബ്രിട്ടനിൽ ഇന്ത്യൻ വംശജയായ ഒരു നഴ്‌സിനു നേരെ സമാനമായ ആക്രമണം ഉണ്ടായതിനെത്തുടർന്ന്, ആശുപത്രികളിൽ സുരക്ഷ വർദ്ധിപ്പിക്കണമെന്ന് നഴ്‌സിംഗ് സമൂഹം ആവശ്യപ്പെട്ടിരുന്നു. പാംസ് വെസ്റ്റ് ആശുപത്രിയിലാണ് സംഭവം നടന്നത്.…

റ്റാമ്പാ, ഫ്ലോറിഡ: 35-ാം വർഷത്തിലേക്ക് കടന്ന മലയാളി അസ്സോസിയേഷൻ ഓഫ് സെൻട്രൽ ഫ്ലോറിഡ (MACF) പുതിയ നേതൃത്വത്തിന്റെ മികവിൽ അതിവിപുലമായ പരിപാടികൾ നടത്തുന്നു. പ്രസിഡന്റ് ടോജിമോൻ പൈത്തുരുത്തേൽ, സെക്രട്ടറി ഷീല ഷാജു, ട്രഷറർ സാജൻ കോരത് എന്നിവരുടെ നേതൃത്വത്തിലുള്ള കമ്മിറ്റി 2025-ൽ ഇതുവരെ പല പരിപാടികളും വിജയകരമായി നടത്തികഴിഞ്ഞു. കൂടാതെ, വരാനിരിക്കുന്ന ഒട്ടേറെ ആഘോഷങ്ങൾക്ക് വേദിയൊരുക്കുകയാണ്. മലയാളി സമൂഹത്തിന്റെ ഐക്യത്തെയും പാരമ്പര്യത്തെയും ചേർത്തുപിടിച്ചു, എല്ലാവർക്കും ഒന്നിച്ച് ആഘോഷിക്കാൻ ഒരു വേദി ഒരുക്കാനുമാണ് എം എ സി എഫ് ന്റെ ശ്രമം. 2025 -ൽ ഇതുവരെ നടന്ന ശ്രദ്ധേയമായ പരിപാടികൾ: വാലന്റൈൻസ് ഡേ ആഘോഷം : എഡ്യൂക്കേഷൻ കമ്മിറ്റിയും, എന്റർടൈൻമെന്റ് കമ്മിറ്റിയും ചേർന്ന് നടത്തിയ ഹൃദയസ്പർശിയായ ഒരു പ്രോഗ്രാം. പ്രണയത്തിന്റെയും സൗഹൃദത്തിന്റെയും സന്ദേശം ഉയർത്തിപ്പിടി ച്ചു, വാലന്റൈൻസ് ഡേ ക്കു നടത്തിയ “ലവ് ലെറ്റർ” മത്സരത്തിനു വളരെ നല്ല…

വാഷിംഗ്ടണ്‍: ഡൊണാൾഡ് ട്രംപും പുടിനും തമ്മിലുള്ള വളർന്നുവരുന്ന സൗഹൃദത്തെക്കുറിച്ച് ഒരു പുതിയ രാഷ്ട്രീയ സിദ്ധാന്തം ഉയർന്നുവരുന്നു – അതാണ് “റിവേഴ്സ് കിസിഞ്ചർ”! ഇത് ചൈനയെ പരാജയപ്പെടുത്താനുള്ള ഒരു പദ്ധതി മാത്രമാണോ, അതോ ഈ മൃദുത്വത്തിന് പിന്നിൽ മറ്റെന്തെങ്കിലും ഉണ്ടോ? പുടിനോടുള്ള ട്രംപിന്റെ സൗഹൃദ നയത്തെക്കുറിച്ച് ധാരാളം ചർച്ചകൾ നടക്കുന്നുണ്ട്. ഈ തന്ത്രത്തിന് പിന്നിലെ യഥാർത്ഥ കാരണങ്ങളും ട്രംപിന്റെ ഈ നടപടി അമേരിക്കയ്ക്ക് ഗുണകരമോ അതോ അപകടകരമോ എന്ന് ട്രംപിന്റെ രാഷ്ട്രീയത്തിലെ ഈ പുതിയ ട്വിസ്റ്റ് തെളിയിക്കും. ട്രംപിന്റെ പുടിനുമായുള്ള സൗഹൃദ ബന്ധവും റഷ്യയുമായുള്ള അദ്ദേഹത്തിന്റെ നല്ല ബന്ധവും ഒരു പ്രത്യേക രാഷ്ട്രീയ തന്ത്രമായി കണക്കാക്കപ്പെടുന്നു, ഇതിനെ ‘റിവേഴ്സ് കിസിഞ്ചർ’ എന്ന് വിളിക്കുന്നു. ഈ റിവേഴ്‌സ് കിസിഞ്ചര്‍ എന്താണെന്നും പുടിനോടുള്ള ട്രംപിന്റെ മൃദുത്വത്തിന് പിന്നിലെ കാരണം എന്തായിരിക്കുമെന്നും വരും കാലങ്ങളില്‍ നമുക്ക് മനസ്സിലാകും. അമേരിക്കൻ രാഷ്ട്രീയത്തിലും അന്താരാഷ്ട്ര ബന്ധങ്ങളിലും…

വാഷിംഗ്ടണ്‍: ജനുവരി 20 ന് അധികാരമേറ്റതിനു ശേഷമുള്ള തന്റെ രണ്ടാം ടേമിനെക്കുറിച്ചുള്ള കണക്ക് അവതരിപ്പിക്കുന്നതിനായി യുഎസ് പ്രസിഡന്റ് ഡൊണാൾഡ് ട്രംപ് കോൺഗ്രസിന്റെ സംയുക്ത സമ്മേളനത്തെ അഭിസംബോധന ചെയ്തു. അയൽരാജ്യങ്ങളായ കാനഡയിൽ നിന്നും മെക്സിക്കോയിൽ നിന്നുമുള്ള ഇറക്കുമതികൾക്ക് തീരുവ ചുമത്തി വാഷിംഗ്ടൺ വ്യാപാര യുദ്ധം ആരംഭിച്ചതോടെ സാമ്പത്തിക അനിശ്ചിതത്വം നിലനിൽക്കുന്ന സാഹചര്യത്തിലാണ് അദ്ദേഹത്തിന്റെ പ്രസംഗം. അമേരിക്ക സാമ്പത്തിക അനിശ്ചിതത്വത്തിലൂടെയും വ്യാപാര തർക്കങ്ങളിലൂടെയും കടന്നുപോകുന്ന സമയത്താണ് അദ്ദേഹത്തിന്റെ പ്രസംഗം. ‘അമേരിക്കൻ സ്വപ്നത്തിന്റെ നവീകരണം’ തന്റെ പ്രധാന വിഷയമാക്കിയ ട്രംപ്, തന്റെ സർക്കാരിന്റെ നേട്ടങ്ങൾ എടുത്തുകാണിച്ചു. തന്റെ പ്രസംഗത്തിൽ ട്രംപ് മുന്‍ പ്രസിഡന്റ് ജോ ബൈഡനെയും രൂക്ഷമായി ആക്രമിച്ചു. “ബൈഡന്‍ ഇതുവരെയുള്ളതിൽ വച്ച് ഏറ്റവും മോശം പ്രസിഡന്റാണ്. അദ്ദേഹത്തിന്റെ ഭരണകാലത്ത് അമേരിക്ക ദുർബലമാവുകയും അനധികൃത കുടിയേറ്റക്കാരുടെ നുഴഞ്ഞുകയറ്റം വർദ്ധിക്കുകയും ചെയ്തു. ബൈഡൻ ഭരണകൂടത്തിൽ നടപ്പിലാക്കിയ തെറ്റായ നയങ്ങളിൽ നിന്ന് അമേരിക്ക ഇപ്പോൾ…

വാഷിംഗ്ടണ്‍: യു എസ് കോൺഗ്രസിനെ അഭിസംബോധന ചെയ്തുകൊണ്ട് പ്രസിഡന്റ് ഡൊണാൾഡ് ട്രംപ് നിരവധി പ്രധാന തീരുമാനങ്ങൾ പ്രഖ്യാപിച്ചു. അമേരിക്ക ഇപ്പോൾ മുമ്പെന്നത്തേക്കാളും ശക്തമാണെന്നും, ഇനി എല്ലാ രാജ്യങ്ങളോടും അവർ അമേരിക്കയോട് പെരുമാറുന്ന അതേ രീതിയിൽ പെരുമാറുമെന്നും അദ്ദേഹം പറഞ്ഞു. അമേരിക്കയിൽ തീരുവ ചുമത്തുന്ന ഏതൊരു രാജ്യത്തിനും മേൽ അമേരിക്കയും തീരുവ ചുമത്തുമെന്നും ഈ നിയമം ഏപ്രിൽ 2 മുതൽ പ്രാബല്യത്തിൽ വരുമെന്നും ട്രംപ് പ്രഖ്യാപിച്ചു. ഇന്ത്യ, ചൈന, ബ്രസീൽ തുടങ്ങിയ രാജ്യങ്ങൾ അതിന്റെ നേരിട്ടുള്ള ആഘാതം വഹിക്കേണ്ടിവരും. അമേരിക്കൻ സമ്പദ്‌വ്യവസ്ഥ, തൊഴിൽ, പണപ്പെരുപ്പ നിയന്ത്രണം, പോലീസ് സുരക്ഷ, അന്താരാഷ്ട്ര ബന്ധങ്ങൾ എന്നിവയുമായി ബന്ധപ്പെട്ട് നിരവധി സുപ്രധാന പ്രഖ്യാപനങ്ങൾ ട്രംപ് തന്റെ പ്രസംഗത്തിൽ നടത്തി. അമേരിക്കയെ വീണ്ടും മഹത്തരമാക്കാൻ തന്റെ സർക്കാർ പൂർണ്ണമായും പ്രതിജ്ഞാബദ്ധമാണെന്നും ഇതിനായി പുതിയ നയങ്ങളും കടുത്ത തീരുമാനങ്ങളും നടപ്പിലാക്കുമെന്നും അദ്ദേഹം പറഞ്ഞു. “അമേരിക്ക തിരിച്ചുവന്നു”…

കാലിഫോര്‍ണിയ: കാലിഫോര്‍ണിയയില്‍ വാഹനാപകടത്തിൽ ഗുരുതരമായി പരിക്കേറ്റ് ആശുപത്രിയില്‍ കഴിയുന്ന ഇന്ത്യന്‍ വിദ്യാര്‍ത്ഥിനി നീലം ഷിൻഡെയുടെ കുടുംബത്തിന് യു എസ് വിസ ലഭിക്കുകയും അവര്‍ തിങ്കളാഴ്ച കാലിഫോര്‍ണിയയില്‍ എത്തി മകളെ കാണുകയും ചെയ്തു. കാലിഫോർണിയയിലെ യുസി ഡേവിസ് മെഡിക്കൽ സെന്ററിൽ വെച്ചാണ് കുടുംബം നീലത്തെ കണ്ടത്. അപകടത്തെതുടര്‍ന്ന് ഗുരുതരമായി പരിക്കേറ്റ നീലം ഇപ്പോഴും കോമയിലാണ്, പക്ഷേ നില മെച്ചപ്പെട്ടതായി ഒരു കുടുംബാംഗം പറഞ്ഞു. “അവളുടെ തലച്ചോറിലെ മർദ്ദം കുറഞ്ഞു, ഞങ്ങളുടെ സമ്മതത്തോടെ ശസ്ത്രക്രിയ നടത്തി,” നീലം ഷിൻഡെയുടെ അമ്മാവൻ സഞ്ജയ് കദം പറഞ്ഞു. കാലിഫോർണിയ സ്റ്റേറ്റ് യൂണിവേഴ്സിറ്റിയിലെ ബിരുദാനന്തര ബിരുദ വിദ്യാർത്ഥിനിയായ നീലം ഷിൻഡെ ഫെബ്രുവരി 14 നാണ് വാഹനം ഇടിച്ച് അപകടത്തില്‍ പെടുന്നത്. തലച്ചോറിന് ഗുരുതരമായി പരിക്കേറ്റതിനാൽ അവർ കോമയിലായി. ഇതിനുപുറമെ, നെഞ്ചിലും കൈകളിലും കാലുകളിലും ഒടിവുകളും പരിക്കുകളും ഉണ്ടായിരുന്നു. തുടര്‍ന്ന് സാക്രമെന്റോയ്ക്കടുത്തുള്ള യുസി ഡേവിസ് മെഡിക്കൽ…

ന്യൂയോർക്ക് : മലങ്കര മാർത്തോമ്മ സഭാ പരിസ്ഥിതി കമ്മീഷന്റെ നേതൃത്വത്തിൽ മാർച്ച് മാസം രണ്ടാം തീയതി മുതൽ ഏപ്രിൽ 20 വരെയുള്ള ദിവസങ്ങൾ ലൈഫ് ലെന്റ് എന്ന പേരിൽ നോമ്പ് ആചരിക്കുന്നതിനായി ആഹ്വാനം ചെയ്തിരിക്കുന്നു. ഈ ലൈഫ് ലെന്റ് നോമ്പ് ആചരണത്തിന്റെ ഉദ്ഘാടനം മാർച്ച്‌ അഞ്ചാം തീയതി ബുധനാഴ്ച്ച (ഇന്ന് ) രാവിലെ 9 ന് നടക്കുന്ന വെബിനാറിൽ മാർത്തോമ്മ സഭയുടെ പരമാധ്യക്ഷൻ ഡോ. തിയഡോഷ്യസ് മാർത്തോമ്മാ മെത്രാപ്പോലീത്ത നിർവഹിക്കും. പരിസ്ഥിതി കമ്മീഷൻ ചെയർമാൻ ബിഷപ് മാത്യൂസ് മാർ സെറാഫിം എപ്പിസ്കോപ്പ അധ്യക്ഷത വഹിക്കും. 7 ആഴ്ചകളായി ഏഴ് പ്രത്യേക വിഷയങ്ങളിൽ കേന്ദ്രീകരിച്ചുകൊണ്ട് പഠനങ്ങളും ചർച്ചകളും സെമിനാറുകളും നടക്കും. ആദ്യ വെബ്നാറിൽ ജീവനും ജലവും എന്ന വിഷയത്തെ ആസ്പദമാക്കി പഠനത്തിനും ചർച്ചകൾക്കും റവ. ഷിബി വർഗീസ് പി. നേതൃത്വം നൽകും. ഡോ. അനു വർഗീസ് ജീവനും ജലവും…