Year: 2025

കോഴിക്കോട്: ഇന്ത്യന്‍ ഗ്രാന്‍ഡ് മുഫ്തിയുടെ നേതൃത്വത്തില്‍ രണ്ടു ദിവസങ്ങളിലായി സംഘടിപ്പിച്ച ദേശീയ ഫത്‌വ സമാപിച്ചു. ദാറുൽ ഇഫ്താഅൽ ഹിന്ദിയ്യയുടെ ആഭിമുഖ്യത്തിൽ മർകസിലും മർകസ് നോളേജ് സിറ്റിയിലുമായി വിവിധ സെഷനുകളിൽ നടന്ന കോണ്‍ഫറന്‍സില്‍ രാജ്യത്തിന്റെ വിവിധ ഭാഗങ്ങളില്‍ നിന്നുള്ള പ്രമുഖ പണ്ഡിതരും മുഫ്തിമാരും സ്ഥാപന മേധാവികളും സംബന്ധിച്ചു. രാജ്യത്താകമാനമുള്ള മുസ്‌ലിംകളുടെ സാമൂഹിക ഉന്നമനത്തിന് വിവിധ പ്രദേശങ്ങളിലെ ഉലമാക്കളും വിശ്വാസികളും ഐക്യത്തോടെ പ്രവര്‍ത്തിക്കണമെന്ന് കോണ്‍ഫറന്‍സ് ഉദ്ഘാടനം ചെയ്ത് ഇന്ത്യന്‍ ഗ്രാന്‍ഡ് മുഫ്തി കാന്തപുരം എ പി അബൂബക്കര്‍ മുസ്ലിയാര്‍ പറഞ്ഞു. ‘ആധുനിക വിദ്യാഭ്യാസത്തില്‍ സന്തുലിതമായ സമീപനത്തോടെ ധാർമിക മൂല്യങ്ങൾ പ്രചരിപ്പിക്കുന്നതില്‍ പണ്ഡിതരും സര്‍വകലാശാലകളും സഹകരിക്കേണ്ടത് അത്യാവശ്യമാണെന്നും അദ്ദേഹം കൂട്ടിച്ചേര്‍ത്തു. മതപരമായ വിഷയങ്ങളിൽ നീതിന്യായ സ്ഥാപനങ്ങളിൽ നിന്നും സര്‍ക്കാരിൽ നിന്നും ഇടപെടലുകളുണ്ടാവുന്ന ഘട്ടങ്ങളിൽ ഒരേനിലപാട് സ്വീകരിക്കേണ്ടതിന്റെ ആവശ്യകതയും അദ്ദേഹം ഊന്നിപ്പറഞ്ഞു. ഉദ്ഘാടന സെഷനില്‍ മര്‍കസ് ഡയറക്ടര്‍ ജനറല്‍ സി മുഹമ്മദ് ഫൈസി…

കൊച്ചി: നെടുമ്പാശ്ശേരി വിമാനത്താവളത്തിലെ മാലിന്യക്കുഴിയിൽ വീണ മൂന്ന് വയസ്സുകാരന്റെ മരണത്തിൽ പോലീസ് അന്വേഷണം തുടരുന്നു. മാലിന്യക്കുഴി തുറന്നിട്ട അനാസ്ഥയെക്കുറിച്ചും പോലീസ് അന്വേഷണം നടത്തുമെന്ന് പറഞ്ഞു. വെള്ളിയാഴ്ചയാണ് ജയ്പൂരിൽ നിന്ന് കൊച്ചിയിലെത്തിയ രാജസ്ഥാൻ ദമ്പതികളുടെ മകന്‍ മൂന്നു വയസ്സുകാരന്‍ റിതാൻ ജാജു മാലിന്യക്കുഴിയില്‍ വീണ് മരണപ്പെട്ടത്. ഇന്നലെ ഉച്ചയ്ക്ക് 12.30 ഓടെ സംഭവം നടക്കുമ്പോള്‍ മാതാപിതാക്കൾ അടുത്തുള്ള ഒരു കഫേയിൽ ഉച്ചഭക്ഷണം കഴിക്കുകയായിരുന്നു എന്നു പറയുന്നു. ആ സമയത്ത് മൂത്ത കുട്ടിയോടൊപ്പം പുറത്ത് കളിച്ചുകൊണ്ടിരുന്ന റിതാന്‍ ജാജു മാലിന്യം നിറഞ്ഞ കുഴിയിലേക്ക് വീണു എന്ന് പോലീസ് പറഞ്ഞു. കുട്ടി നാലടി താഴ്ചയുള്ള കുഴിയിൽ ഏകദേശം 10 മിനിറ്റോളം കിടന്നതിനു ശേഷമാണ് മാതാപിതാക്കൾ അപകട വിവരം അറിയുന്നത്. കുട്ടിയെ കാണാതായപ്പോഴാണ് ബന്ധുക്കൾ പോലീസിൽ വിവരം അറിയിക്കുകയും ചെയ്തു. ഒടുവിൽ, വിമാനത്താവള അധികൃതർ സിസിടിവി പരിശോധിച്ചപ്പോഴാണ് കുട്ടി കുഴിയിൽ വീണതായി മനസ്സിലായത്.…

മലപ്പുറം: ജീവനക്കാരെയും അദ്ധ്യാപകരെയും വഞ്ചിച്ച പുതിയ സംസ്ഥാന ബജറ്റ് നിരാശജനകമെന്ന് കേരള സ്കൂൾ ടീചേഴ്സ് മൂവ്മെന്റ് (കെ.എസ്.ടി.എം) ജില്ലാ കമ്മിറ്റി അഭിപ്രായപ്പെട്ടു. പൊതു ജനങ്ങളെ മാത്രമല്ല കേരളത്തിലെ അദ്ധ്യാപകരെയും ജീവനക്കാരെയും ഈ വർഷത്തെ സംസ്ഥാന ബജറ്റ് വഞ്ചിച്ചിരിക്കുയാണ്. നാഷണൽ പെൻഷൻ സ്കീമിൽ ഉൾപ്പെട്ട അദ്ധ്യാപകരെയും ജീവനക്കാരെയും കുറിച്ച് ഒരു പരാമർശം പോലും ബജറ്റിലില്ല. പുതിയ ശമ്പളക്കമ്മീഷൻ പ്രഖ്യാപനമില്ല. പതിനൊന്നാം ശമ്പള പരിഷ്കരണത്തിന്റെ, മുമ്പ് ലയിപ്പിക്കും എന്ന് പ്രഖ്യാപിച്ച 4 ഗഡുക്കളിൽ 2 ഗഡു മാത്രമാണ് ഇനി ലയിപ്പിക്കും എന്ന് ബജറ്റിൽ പ്രഖ്യാപിച്ചത്. ഡി.എ (ക്ഷാമ ബത്ത) കുടിശികയും അതുപോലെത്തന്നെ. വരുന്ന ഏപ്രിലിൽ അനുവദിക്കുമെന്ന് ബജറ്റിൽ പ്രഖ്യാപിച്ച 3% ക്ഷാമബത്ത കുറച്ചാൽ ബാക്കി 18 % വീണ്ടും കുടിശ്ശികയാണ്. യോഗത്തിൽ ജില്ലാ പ്രസിഡന്റ് ജാബിർ ഇരുമ്പുഴി അദ്ധ്യക്ഷത വഹിച്ചു. വി. ശരീഫ്, കെ.ഹനീഫ, അൽതാഫ് മഞ്ചേരി, പി. ഹബീബ്…

തിരുവനന്തപുരം: കേരള സർക്കാരിന്റെ ഊർജ്ജ വകുപ്പിന് കീഴിലുള്ള ഊർജ്ജ മാനേജ്മെന്റ് സെന്റർ തൈക്കാട് പോലീസ് ഗ്രൗണ്ടിൽ സംഘടിപ്പിക്കുന്ന അന്താരാഷ്ട്ര ഊർജ്ജ മേള ആരംഭിച്ചു. മേള മന്ത്രി കെ കൃഷ്ണൻകുട്ടി ഉദ്ഘാടനം ചെയ്തു. സംസ്ഥാന ഊർജ്ജ സംരക്ഷണ അവാർഡുകൾ വിതരണം ചെയ്യുകയും അവാർഡ് ബുക്ക്ലെറ്റ് പ്രകാശനം ചെയ്യുകയും ചെയ്തു. കാർബൺ രഹിത കേരളം എന്ന പ്രമേയത്തിലാണ് ഇത്തവണത്തെ മേള സംഘടിപ്പിക്കുന്നത്. ഊർജ്ജ കാര്യക്ഷമത ഉറപ്പാക്കുക, കാർബൺ ബഹിർഗമനം കുറയ്ക്കുക, ഊർജ്ജ സംരക്ഷണ പ്രവർത്തനങ്ങളിൽ ആഗോള സഹകരണം ശക്തിപ്പെടുത്തുക എന്നിവയാണ് ഇത്തവണത്തെ ഊർജ്ജ മേളയുടെ പ്രധാന ലക്ഷ്യം. കേരള സംസ്ഥാന ഊർജ്ജ സംരക്ഷണ അവാർഡുകളുടെ വിതരണം, സാങ്കേതിക സെഷനുകൾ, പാനൽ ചർച്ചകൾ, വിവിധ പരിശീലന സെഷനുകൾ, കേരള സ്റ്റുഡന്റ്സ് എനർജി കോൺഗ്രസ് മത്സരങ്ങൾ, പൊതു പ്രദർശനം, വിദ്യാർത്ഥികൾക്കും പൊതുജനങ്ങൾക്കുമായി മെഗാ ക്വിസ് തുടങ്ങിയവ മേളയിൽ ഉൾപ്പെടും. വിവിധ സാംസ്കാരിക പരിപാടികളും…

മലപ്പുറം: ഷൊർണൂർ-നിലമ്പൂർ റെയിൽപാതയിൽ കൂടുതൽ തീവണ്ടി സർവീസുകൾ അനുവദിക്കണമെന്നാവശ്യപ്പെട്ട് വെൽഫെയർ പാർട്ടി മലപ്പുറം ജില്ലാ കമ്മിറ്റി അങ്ങാടിപ്പുറം റെയിൽവേ സ്റ്റേഷൻ മാസ്റ്റർക്കു നിവേദനം നൽകി. മലപ്പുറം ജില്ലയുടെ പ്രധാന യാത്രാമാർഗങ്ങളിലൊന്നായ ഈ റൂട്ടിൽ വിദ്യാർത്ഥികൾ, തൊഴിൽ അന്വേഷകർ, വ്യാപാരികൾ, വിദേശ യാത്രക്കാർ, തീർഥാടകർ എന്നിവർക്കൊപ്പം ആയിരക്കണക്കിന് യാത്രക്കാർ ദിനംപ്രതി ആശ്രയിക്കുന്നതായിട്ടുണ്ടെങ്കിലും നിലവിലുള്ള തീവണ്ടി സേവനങ്ങൾ പര്യാപ്തമല്ല. യാത്രക്കാരുടെ എണ്ണം വർദ്ധിച്ചു വരികയാണെന്നും, അതിനാൽ കൂടുതൽ ട്രെയിനുകൾ അനുവദിക്കണമെന്നുമാണ് നിവേദനത്തിലുള്ള ആവശ്യം. നിവേദനത്തിൽ ഷൊർണൂർ-നിലമ്പൂർ റൂട്ടിൽ കൂടുതൽ പാസഞ്ചർ/മെമു ട്രെയിനുകൾ അനുവദിക്കണമെന്ന ആവശ്യം ഉന്നയിച്ചു. കൂടാതെ, എറണാകുളം-ഷൊർണൂർ മെമു ട്രെയിൻ നിലമ്പൂർ വരെ നീട്ടണമെന്നും നിലവിൽ പകൽ സമയം നിലമ്പൂരിൽ പാർക്കുന്ന രാജ്യറാണി എക്‌സ്പ്രസിനെ മറ്റ് ദിശകളിലേക്ക് സർവീസ് നടത്താൻ ക്രമീകരിക്കണമെന്നും ആവശ്യപ്പെട്ടു. കോവിഡ് കാലത്ത് റദ്ദാക്കിയ കോട്ടയം എക്‌സ്പ്രസിന്റെ സ്റ്റോപ്പുകൾ പുനഃസ്ഥാപിക്കണമെന്ന് നിവേദനത്തിൽ ചൂണ്ടിക്കാട്ടി. വിദ്യാർത്ഥികൾക്കും തൊഴിൽ…

മലപ്പുറം: ടൈലറിംഗ് & ഗാർമെന്റ് വർക്കേഴ്സ് യൂണിയൻ മലപ്പുറം ജില്ലാ ഭാരവാഹികളെ യൂണിയൻ സംസ്ഥാന ജനറൽ സെക്രട്ടറി ഹനീഫ ഇ എച്ച് മലപ്പുറം സാബിർ അൻസാരി മെമ്മോറിയൽ ഹാളിൽ വച്ച് നടന്ന സംഗമത്തിൽ വച്ച് പ്രഖ്യാപിച്ചു. ജില്ലാ പ്രസിഡന്റ് സെയ്താലി വലമ്പൂർ, സെക്രട്ടറി സമീറ വടക്കാങ്ങര, ട്രഷറർ പിടി അബൂബക്കർ, വൈസ് പ്രസിഡണ്ട് ഷീബ വടക്കാങ്ങര, അബൂബക്കർ പൂപ്പലം, ഖദീജ വേങ്ങര, അസിസ്റ്റന്റ് സെക്രട്ടറി, അനിതാ ദാസ്, സലീജ കീഴുപറമ്പ്, സുരയ്യ കുന്നക്കാവ്. എഫ്ഐടിയു ജില്ലാ പ്രസിഡന്റ് ഖാദർ അങ്ങാടിപ്പുറം പരിപാടിയിൽ അദ്ധ്യക്ഷത വഹിച്ചു. റഹ്മത്ത് പെരിന്തൽമണ്ണ, മുഹ്സിന താനൂര്‍, നസീമ കൊണ്ടോട്ടി എന്നിവർ പരിപാടിക്ക് നേതൃത്വം നൽകി. വാർത്ത: ജില്ലാ കൺവീനർ

തിരുവനന്തപുരം: അക്കാദമിക് മികവിനൊപ്പം വ്യാവസായിക സഹകരണത്തിനും പരിശീലനത്തിനും പ്രാധാന്യം നൽകിക്കൊണ്ട് തൊഴിൽ വിപണിയിലെ അവസരങ്ങൾ പ്രയോജനപ്പെടുത്താൻ യുവാക്കളെ സജ്ജമാക്കുകയാണ് കേരളത്തിന്റെ സംരംഭങ്ങളെന്ന് മുഖ്യമന്ത്രി പിണറായി വിജയൻ പറഞ്ഞു. മാർ ബസേലിയോസ് എഞ്ചിനീയറിംഗ് കോളേജിൽ എപിജെ അബ്ദുൾ കലാം സർവകലാശാലയുടെ എമർജിംഗ് ടെക്നോളജി ഫോർ ഇന്റലിജന്റ് സിസ്റ്റംസ് എന്ന ആദ്യ അന്താരാഷ്ട്ര സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മുഖ്യമന്ത്രി. വളർന്നുവരുന്ന സാങ്കേതികവിദ്യകൾ അവതരിപ്പിക്കുന്ന അവസരങ്ങളോട് കേരളം മുൻകൈയെടുക്കുന്ന സമീപനമാണ് സ്വീകരിക്കുന്നത്. സ്മാർട്ട് സിറ്റികളും ബുദ്ധിപരമായ ഗതാഗതവും മുതൽ കമ്പ്യൂട്ടർ സാങ്കേതികവിദ്യകളും സൈബർ സുരക്ഷയും വരെയുള്ള വിഷയങ്ങൾ സുസ്ഥിരവും നൂതനവുമായ ഒരു ഭാവി രൂപപ്പെടുത്തുന്നതിൽ നിർണായകമാണ്. ക്യാമ്പസ് ഇൻഡസ്ട്രിയൽ പാർക്കുകളും ക്യാമ്പസിലെ വ്യവസായവും പോലുള്ള കേരളത്തിന്റെ ആശയങ്ങൾ സംസ്ഥാനത്തിന്റെ വികസനവും വിദ്യാർത്ഥികളുടെ സംരംഭകത്വ പരിശീലനവും ലക്ഷ്യമിടുന്നുവെന്ന് മുഖ്യമന്ത്രി പറഞ്ഞു. എപിജെ അബ്ദുൾ കലാം ടെക്നോളജിക്കൽ യൂണിവേഴ്സിറ്റിയുടെ എമേർജിംഗ് ടെക്നോളജി ഫോർ…