Year: 2025

തിരുവനന്തപുരം: സംസ്ഥാന ഭാഗ്യക്കുറി വകുപ്പിന്റെ പുതിയ സമ്മർ ബമ്പർ ലോട്ടറി ടിക്കറ്റ് വിപണിയിലെത്തി. പത്തു കോടി രൂപയാണ് സമ്മർ ബമ്പറിന് ഒന്നാം സമ്മാനമായി നൽകുന്നത്. രണ്ടാം സമ്മാനമായി 50 ലക്ഷം രൂപ പൊതുവായി എല്ലാ സീരീസുകൾക്കും നൽകും. കഴിഞ്ഞ ദിവസം ധനമന്ത്രി കെ എൻ ബാലഗോപാലാണ് പുതിയ സമ്മർ ബമ്പർ ടിക്കറ്റ് പ്രകാശനം ചെയ്തത്. 250 രൂപ വിലയുള്ള ടിക്കറ്റിന് മൂന്നാം സമ്മാനമായി അഞ്ചു ലക്ഷം രൂപ ഓരോ പരമ്പരയിലും രണ്ടു വീതം ആകെ 60 ലക്ഷവും നൽകുന്നുണ്ട്. അവസാന അഞ്ചക്കത്തിന് നാലാം സമ്മാനമായി ഒരു ലക്ഷവും നൽകും. കൂടാതെ 5000, 2000, 1000, 500 രൂപയുടെ സമ്മാനങ്ങളുമുണ്ട്. ഏപ്രിൽ രണ്ടാം തീയതി രണ്ടു മണിയ്ക്കാണ് ഇത്തവണത്തെ സമ്മർ ബമ്പർ ഭാഗ്യക്കുറിയുടെ നറുക്കെടുപ്പ്. പി ആര്‍ ഡി, കേരള സര്‍ക്കാര്‍

അടൂര്‍: പുതുതലമുറയിലെ ആശയങ്ങള്‍ ഉള്‍ക്കൊള്ളുന്നതിനായി അടൂര്‍ ഹോളിഏഞ്ചല്‍സ് സ്‌കൂളില്‍ നഗരനയ കമ്മിഷന്‍ വിദ്യാർത്ഥി കൗണ്‍സില്‍ സംഘടിപ്പിച്ചു. കില നഗരനയ സെല്ലും യൂനിസെഫും അടൂര്‍ മുനിസിപ്പാലിറ്റിയും ചേര്‍ന്നാണ് മൂന്നാമത് നഗരനയ കൗണ്‍സില്‍ നടത്തിയത്. അടൂര്‍ നഗരസഭാ ചെയര്‍പേഴ്സണ്‍ ദിവ്യ റെജി മുഹമ്മദ് ഉദ്ഘാടനം നിര്‍വഹിച്ചു. മേയര്‍, ഡെപ്യൂട്ടി മേയര്‍, സ്റ്റാന്റിംഗ് കമ്മിറ്റി ചെയര്‍പേഴ്സണ്‍മാര്‍, സെക്രട്ടറി എന്നിവരെ വിദ്യാർത്ഥികളില്‍ നിന്ന് തിരഞ്ഞെടുത്ത സ്റ്റുഡന്റ്സ് കൗണ്‍സില്‍ അജണ്ടകള്‍ ചര്‍ച്ച ചെയ്ത് പ്രമേയം പാസാക്കി. കില കണ്‍സള്‍ട്ടന്റ് ആന്റണി അഗസ്റ്റിന്‍ നേതൃത്വം നല്‍കി. നഗരസഭ പരിധിയിലെ 13 വിദ്യാഭ്യാസ സ്ഥാപനങ്ങളിലെ കുട്ടികള്‍ പങ്കെടുത്തു. വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍പേഴ്സണ്‍ എം. അലാവുദ്ദീന്‍ അധ്യക്ഷനായി. നഗരസഭാ സെക്രട്ടറി എം രാജു, എസ് പി സി അസിസ്റ്റന്റ് ഡിസ്ട്രിക്റ്റ് നോഡല്‍ ഓഫീസര്‍ ജി സുരേഷ് കുമാര്‍, ജില്ലാ ടൗണ്‍ പ്ലാനര്‍ ജി അരുണ്‍, കില അര്‍ബന്‍…

ബെൽറോസ് (ന്യൂയോർക്ക്): മലങ്കര ഓർത്തഡോക്സ് സഭയുടെ നോർത്ത് ഈസ്റ്റ് അമേരിക്കൻ ഭദ്രാസന ഫാമിലി & യൂത്ത് കോൺഫറൻസ് കമ്മിറ്റിയെ പ്രതിനിധീകരിക്കുന്ന ഒരു സംഘം ഫെബ്രുവരി 2 ഞായറാഴ്ച ബെൽറോസ്‌ സെന്റ് ജോൺസ് മലങ്കര ഓർത്തഡോക്സ് പള്ളി സന്ദർശിച്ചു. വികാരി ഫാ. ജോർജ് (ദിലീപ്) ചെറിയാന്റെ നേതൃത്വത്തിൽ നടന്ന കുർബാനയ്ക്ക് ശേഷം ഫാമിലി/യൂത്ത് കോൺഫറൻസിനായി ഒരു കിക്കോഫ് മീറ്റിംഗ് ഉണ്ടായിരുന്നു. ഫാ. ജോർജ് ചെറിയാൻ കോൺഫറൻസ് കമ്മിറ്റി അംഗങ്ങളെ ഊഷ്മളമായി സ്വാഗതം ചെയ്യുകയും നോർത്ത് ഈസ്റ്റ് അമേരിക്കൻ ഭദ്രാസനത്തിന്റെ ഏറ്റവും വലിയ ആത്മീയ കൂട്ടായ്മയായ ഫാമിലി/ യൂത്ത് കോൺഫറൻസിന്റെ പ്രാധാന്യവും മൂല്യവും എടുത്തുപറയുകയും ചെയ്തു. ജോൺ താമരവേലിൽ (ട്രഷറർ), മാത്യു ജോഷ്വ (മുൻ ട്രഷറർ), ഡോ. ഷെറിൻ എബ്രഹാം (ജോയിന്റ് സെക്രട്ടറി), പ്രേംസി ജോൺ II (ഫിനാൻസ് കമ്മിറ്റി), ഡോ. സിനി വർഗീസ് (മെഡിക്കൽ കമ്മിറ്റി), ജേക്കബ് എബ്രഹാം…

വേലി ചാടി വന്നവനെ വിലങ്ങു വച്ച് തിരിച്ചയക്കുന്നു, സുരക്ഷിതമായി ഇവർ തിരിച്ചെത്തുമെന്നു മാത്രമല്ല വേലി ചാടാൻ നിൽക്കുന്നവർ രണ്ടു വട്ടം ആലോചിക്കുകമല്ലോ സംഭവം സിമ്പിൾ… ഏതു രാജ്യത്തും അവിടത്തെ നിയമം തെറ്റിച്ചാൽ അവർ കുറ്റവാളികൾ ആണ്. കുറ്റവാളികളെ നാടുകടത്തുമ്പോൾ സൗകര്യങ്ങളേക്കാൾ കൂടുതൽ സുരക്ഷയ്ക്കായിരിക്കും മുൻ‌തൂക്കം കൊടുക്കുന്നത്. തിരികെ പോകുന്ന ഒരുവൻ കുതറി ഓടി നിലത്തു വീണാലോ, വിമാനയാത്രയിൽ മറ്റൊരാളെ അക്രമിച്ചാലോ അത് ഇതിലപ്പുറമുള്ള മനുഷ്യാവകാശ പ്രശ്നമാവില്ലേ ? ഒരാളെങ്കിലും ചോര ഒലിപ്പിച്ചു നിൽക്കുന്ന ഒരു ചിത്രം കിട്ടിയാൽ ഇടതു ലിബറലുകളും ചിലപ്പോൾ മാത്രം പ്രതികരിക്കുന്ന സംസ്കാരിക നായകരും മനുഷ്യാവകാശ പ്രവർത്തകരും ചാനൽ തൊഴിലാളികളും എങ്ങനെ ആഘോഷിച്ചേനെ എന്ന് ചിന്തിക്കുക. “കൈയ്യിൽ വിലങ്ങ്…. കാലിൽ ചങ്ങല ” എന്ന തലക്കെട്ട് മാറ്റി. “ചോരയിൽ കുതിർന്നു മടക്കം”, “ചോര വാർന്നു ഇന്ത്യ” എന്ന തലക്കെട്ടുകൾ പ്രത്യക്ഷപ്പെട്ടേനെ. ഇന്ത്യൻ പൗരന്മാരുടെ സുരക്ഷ…

മലപ്പുറം: സംഘ്പരിവാറും ഇടത് പക്ഷവും മുന്നോട്ട് വെക്കുന്ന അപരത്വവൽക്കരണ ശ്രമങളെ ഭയപ്പെടാതെ മലപ്പുറത്ത് ശക്തിപ്പെടുവരുന്ന വിദ്യാർത്ഥി യുവജന സമരങ്ങൾ ആത്മാഭിമാനത്തിൻ്റെയും ,രാഷ്ട്രിയമായ ഇഛാശക്തിയുടെതുമാണെന്ന് വെൽഫെയർ പാർട്ടി സംസ്ഥാന വൈസ് പ്രസിഡൻ്റ് കെ.എ.ഷഫീഖ് പറഞ്ഞു. ജനസംഖ്യാനുപാതിക വികസനം യാഥാർത്യമാക്കുക.മലപ്പുറത്തോടുള്ള വിവേചനം സർക്കാർ ധവളപത്രം പുറത്തിറക്കുക തുടങ്ങിയ മുദ്രാവാക്യമുയർത്തി ഫ്രറ്റേണിറ്റി ജില്ലാ പ്രസിഡൻ്റ് ജംഷീൽ അബൂബക്കർ നയിക്കുന്ന ജില്ലാ നിവർത്തന പ്രക്ഷോഭ റാലിയുടെ സമാപനം മക്കരപറമ്പിൽ രോഹിത് വെമുല നഗരിയിൽ ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ ജനറൽ സെക്രട്ടറി ബാസിത് താനൂർ അധ്യക്ഷത വഹിച്ചു.വെൽഫെയർ പാർട്ടി ജില്ലാ ജനറൽ സെക്രട്ടറി മുനീബ്കാരക്കുന്ന്, ജംഷീൽ അബൂബക്കർ ,ആരിഫ് ചുണ്ടയിൽ, ഖാദർ അങ്ങാടിപ്പുറം, കെ.പി.സമീറ, ബന്ന മുതുവല്ലൂർ, മെഹബൂബ് റഹ്മാൻ,വി.ടി.എസ് ഉമർ തങ്ങൾ,ഷബീർ പി. കെ, അഡ്വ: റാഷിന, മുബീൻ മലപ്പുറം അൽത്താഫ്,എന്നിവർ പ്രസംഗിച്ചു., അജ്മൽ ഷെഹീൻ, ഫായിസ് എല്ലാംങ്കോട്, അജ്മൽ തോട്ടോളി,…

വാഷിംഗ്ടണ്‍: തങ്ങളുടെ ജീവനക്കാർക്ക് മേൽ ഉപരോധം ഏർപ്പെടുത്താനുള്ള യുഎസ് പ്രസിഡന്റ് ഡൊണാൾഡ് ട്രംപിന്റെ തീരുമാനത്തെ അന്താരാഷ്ട്ര ക്രിമിനൽ കോടതി (ഐസിസി) വെള്ളിയാഴ്ച അപലപിച്ചു. “കോടതി അതിന്റെ ജീവനക്കാർക്കൊപ്പം ഉറച്ചുനിൽക്കുകയും ലോകമെമ്പാടുമുള്ള അതിക്രമങ്ങൾക്ക് ഇരയായ ദശലക്ഷക്കണക്കിന് നിരപരാധികൾക്ക്, എല്ലാ സാഹചര്യങ്ങളിലും നീതിയും പ്രത്യാശയും നൽകുന്നത് തുടരുമെന്ന് പ്രതിജ്ഞയെടുക്കുകയും ചെയ്യുന്നു,” കോടതി പ്രസ്താവനയിൽ പറഞ്ഞതായി മാധ്യമങ്ങൾ റിപ്പോർട്ട് ചെയ്തു. “നീതിക്കും അടിസ്ഥാന മനുഷ്യാവകാശങ്ങൾക്കും വേണ്ടി ഐക്യത്തോടെ നിലകൊള്ളാൻ ഞങ്ങളുടെ 125 രാജ്യ കക്ഷികളോടും, സിവിൽ സമൂഹത്തോടും, ലോകത്തിലെ എല്ലാ രാഷ്ട്രങ്ങളോടും ഞങ്ങൾ ആഹ്വാനം ചെയ്യുന്നു,” എന്നും പ്രസ്താവനയില്‍ പറഞ്ഞു. വ്യാഴാഴ്ചയാണ് ട്രംപ് ഐസിസിക്ക് ഉപരോധം ഏര്‍പ്പെടുത്തുന്ന എക്സിക്യൂട്ടീവ് ഉത്തരവിൽ ഒപ്പുവെച്ചത്. “അമേരിക്കയെയും നമ്മുടെ അടുത്ത സഖ്യകക്ഷിയായ ഇസ്രായേലിനെയും ലക്ഷ്യം വച്ചുള്ള നിയമവിരുദ്ധവും അടിസ്ഥാനരഹിതവുമായ നടപടികൾ” ആണെന്നാണ് ട്രം‌‌പ് ആരോപിച്ചത്. ഗാസ മുനമ്പിൽ യുദ്ധക്കുറ്റങ്ങൾക്കും മനുഷ്യരാശിക്കെതിരായ കുറ്റകൃത്യങ്ങൾക്കും കഴിഞ്ഞ വർഷം നവംബറിൽ…

വാഷിംഗ്ടണ്‍: അമേരിക്കന്‍ പൗരന്മാരുടെയോ ഇസ്രായേൽ പോലുള്ള യുഎസ് സഖ്യകക്ഷികളുടെയോ അന്താരാഷ്ട്ര ക്രിമിനൽ കോടതി (ഐസിസി) അന്വേഷണങ്ങളിൽ പ്രവർത്തിക്കുന്ന ആളുകൾക്കെതിരെ സാമ്പത്തിക, യാത്രാ ഉപരോധങ്ങൾ ഏർപ്പെടുത്തുന്നതിനുള്ള ഒരു എക്സിക്യൂട്ടീവ് ഉത്തരവിൽ പ്രസിഡന്റ് ഡൊണാൾഡ് ട്രംപ് ഒപ്പുവച്ചു. അമേരിക്കയെയും അടുത്ത സഖ്യകക്ഷിയായ ഇസ്രായേലിനെയും ലക്ഷ്യം വച്ചുള്ള നിയമവിരുദ്ധവും അടിസ്ഥാനരഹിതവുമായ നടപടികൾ” എന്ന് ആരോപിച്ചാണ് അന്താരാഷ്ട്ര ക്രിമിനൽ കോടതിയെ ഉപരോധിച്ചുകൊണ്ട് പ്രസിഡന്റ് ഡൊണാൾഡ് ട്രംപ് എക്സിക്യൂട്ടീവ് ഉത്തരവിൽ ഒപ്പു വെച്ചത്. അമേരിക്കൻ പൗരന്മാരുടെയോ സഖ്യകക്ഷികളുടെയോ ഐസിസി അന്വേഷണങ്ങളിൽ സഹായിക്കുന്ന വ്യക്തികൾക്കും അവരുടെ കുടുംബങ്ങൾക്കും സാമ്പത്തിക, വിസ നിയന്ത്രണങ്ങൾ ഈ നടപടി ഏർപ്പെടുത്തും. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു വാഷിംഗ്ടൺ സന്ദർശിക്കുന്നതിനിടെയാണ് ട്രംപ് ഈ ഉത്തരവില്‍ ഒപ്പു വെച്ചത്. കഴിഞ്ഞ നവംബറിൽ ഗാസയിലെ യുദ്ധക്കുറ്റകൃത്യങ്ങളുടെ പേരിൽ ഐസിസി നെതന്യാഹുവിനെതിരെ അറസ്റ്റ് വാറണ്ട് പുറപ്പെടുവിച്ചിരുന്നത് ശ്രദ്ധേയമാണ്. ഐസിസിക്കെതിരെ ഉപരോധങ്ങൾ ഏര്‍പ്പെടുത്തുന്നത് അന്താരാഷ്ട്ര ക്രിമിനൽ നീതിന്യായ…