Month: March 2026

ആലപ്പുഴ: മുൻ മന്ത്രി ജി. സുധാകരൻ സിപിഐഎമ്മിൽ നിന്ന് അകന്നു നിൽക്കുന്നതിനെക്കുറിച്ച് മന്ത്രി സജി ചെറിയാൻ പ്രതികരിച്ചു. ഒരിക്കലും ചെയ്യാൻ പാടില്ലാത്ത കാര്യമാണ് ജി. സുധാകരൻ ചെയ്തതെന്നും സുധാകരൻ പാർട്ടിയെ വഞ്ചിച്ചുവെന്നും സജി ചെറിയാൻ പറഞ്ഞു. നേതൃത്വം ഉചിതമായ മറുപടി നൽകും. തിരഞ്ഞെടുപ്പില്‍ മത്സരിക്കുന്നത് വ്യക്തിപരമായ കാര്യമാണ്. തനിക്കെതിരെ പറഞ്ഞ കാര്യങ്ങൾക്ക് ഇപ്പോള്‍ മറുപടി നൽകുന്നില്ലെന്നും സജി ചെറിയാൻ പറഞ്ഞു. പാർട്ടിക്കെതിരെ ഒരു വാക്കുപോലും പറയാൻ ജി. സുധാകരന് അവകാശമില്ല. അമ്പലപ്പുഴയിൽ സുധാകരൻ ഒരു ഭീഷണിയല്ല. മത്സരിക്കണോ വേണ്ടയോ എന്നത് എല്ലാവരുടെയും വ്യക്തിപരമായ തീരുമാനമാണ്. സുധാകരൻ ഉന്നയിച്ച രാഷ്ട്രീയ വിഷയങ്ങൾ പരിശോധിക്കും. ഇക്കാര്യത്തിൽ പാർട്ടിക്ക് ഒന്നും മറച്ചുവെക്കാനില്ലെന്നും സജി ചെറിയാൻ വ്യക്തമാക്കി. പാർട്ടിക്കുള്ളിൽ നിന്ന് നിലപാട് പ്രകടിപ്പിക്കണമായിരുന്നു. പാർട്ടിയെ വഞ്ചിക്കുന്ന നിലപാട് സ്വീകരിക്കുന്നത് ശരിയായ പ്രവണതയല്ല. ഇടതുപക്ഷം തിരഞ്ഞെടുപ്പിലേക്ക് പോകുമ്പോൾ, പാർട്ടിയിൽ വളരെക്കാലം പ്രവർത്തിച്ച ഒരു സഖാവ്…

കൊച്ചി: ഇന്ത്യയിലെ വിവിധ സംസ്ഥാനങ്ങളിൽ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) സ്ഥാപിക്കുന്നതിന് കേന്ദ്രം സ്വീകരിക്കുന്ന മാനദണ്ഡം എന്താണെന്ന് ഹൈക്കോടതി ബുധനാഴ്ച ചോദിച്ചു. എന്തുകൊണ്ടാണ് ഇതുവരെ ഇത്തരമൊരു സ്ഥാപനം കേരളത്തിൽ സ്ഥാപിക്കാത്തതെന്നും കോടതി ചോദിച്ചു. കാസർഗോഡ് എയിംസ് ജനകീയ കൂട്ടായ്മയുടെ ഹർജി പരിഗണിക്കുകയായിരുന്നു കോടതി. കാസർഗോഡ് ഇൻസ്റ്റിറ്റ്യൂട്ട് സ്ഥാപിക്കുന്നതിനുള്ള നടപടികൾ വേഗത്തിലാക്കണമെന്ന് ആവശ്യപ്പെട്ടുകൊണ്ടാണ് ഹർജി സമർപ്പിച്ചത്. എയിംസ് സ്ഥാപിക്കാൻ കഴിയുന്ന സ്ഥലങ്ങൾ വ്യക്തമാക്കാൻ 2014 ൽ കേന്ദ്രം വിവിധ സംസ്ഥാനങ്ങളോട് ആവശ്യപ്പെട്ടിരുന്നു. നിലവിൽ 18 സംസ്ഥാനങ്ങളിൽ എയിംസുണ്ട്, മറ്റ് നാലെണ്ണത്തിൽ ഇത് നിർമ്മിക്കുന്ന ഘട്ടത്തിലാണ്. ഓരോ സംസ്ഥാനത്തും ഒരു എയിംസ് സ്ഥാപിക്കുക എന്നതാണ് തങ്ങളുടെ നയമെന്ന് കേന്ദ്രം പറയുന്നു. പിന്നെ എന്തുകൊണ്ട് കേരളത്തിൽ ആയിക്കൂടാ എന്ന് കോടതി ചോദിച്ചു. ഫെബ്രുവരിയിൽ ആരോഗ്യ-കുടുംബക്ഷേമ മന്ത്രാലയത്തിലെ ഒരു യോഗ്യതയുള്ള ഉദ്യോഗസ്ഥൻ മാർച്ച് 11 ന് വെർച്വലായി ഹാജരാകണമെന്ന്…

നിരണം: ക്രിസ്തീയ സംഗീത രംഗത്ത് കഴിഞ്ഞ ഒരു പതിറ്റാണ്ടായി നിലകൊള്ളുന്ന തിരുവല്ല ആസ്ഥാനമായി പ്രവര്‍ത്തിക്കുന്ന ഹാർമോണിക്ക് കളക്ടീവ് എന്ന സംഗീത സംഘത്തിന്റെ നേത്യത്വത്തില്‍ യേശു ക്രിസ്തുവിന്റെ പീഡാനുഭവ സംഗീത ആൽബം ഒരുങ്ങുന്നു. യേശു ക്രിസ്തുവിന്റെ അരുമ ശിഷ്യൻ തോമാ സ്ളീഹായുടെ പാദ സ്പർശനമേറ്റ വിശുദ്ധ ഭൂമിയായ നിരണം ഗ്രാമത്തിൽ ഉള്ള സെന്റ് തോമസ് ബിലീവേഴ്സ് ഈസ്റ്റേൺ ചർച്ച് നിരണം ഇടവകയുടെ പശ്ചാത്തലത്തിലാണ് ചിത്രീകരണം. സജിമോൻ ജോർജ്ജ്, സുനിൽ കെ സാമുവൽ, റോയി ജോർജ്ജ് ഏബ്രഹാം, മോൻസി കുരുവിള, അജി ജോർജ്ജ്, എബി ചെറിയാന്‍ ഏബ്രഹാം എന്നിവരാണ് ഗായകർ. “കണ്ടോ കുരിശുമരത്തിൽ” എന്ന സംഗീത ആൽബത്തിന്റെ ചിത്രീകരണത്തിന് ബിലീവേഴ്സ് ഈസ്റ്റേൺ ചർച്ച് കേരളം അതിഭദ്രാസനം ബിഷപ്പ് അഭിവന്ദ്യ മാത്യുസ് മാർ സിൽവാനിയോസ് എപ്പിസ്ക്കോപ്പ, സെന്റ് തോമസ് ബിലീവേഴ്സ് ഈസ്റ്റേൺ ചർച്ച് ഇടവക വികാരി ഫാദർ മർക്കോസ് പള്ളിക്കുന്നേൽ, ഇടവക…

തിരുവനന്തപുരം: മുന്‍ മന്ത്രി കടകംപള്ളി സുരേന്ദ്രന്‍ തന്നെ കള്ളക്കേസിൽ കുടുക്കാൻ ശ്രമിച്ചുവെന്ന് ആരോപിച്ച് ശബരിമല സ്വര്‍ണ മോഷണക്കേസിലെ മുഖ്യപ്രതി ഉണ്ണികൃഷ്ണന്‍ പോറ്റി ഇന്നലെ ഡിജിപിക്ക് പരാതി നൽകി. അന്യസംസ്ഥാനങ്ങളില്‍ നിന്നുള്ള സ്പോണ്‍സര്‍മാരെ ബോര്‍ഡിലേക്ക് പരിചയപ്പെടുത്തിയത് കടകംപള്ളിയാണെന്ന് പ്രത്യേക അന്വേഷണ സംഘത്തിന് (എസ്‌ഐടി) മുമ്പാകെയും മൊഴി നല്‍കി. രമേശ് റാവുവിനും ഗോവർദ്ധനും സാധ്യമായ എല്ലാ സഹായങ്ങളും നൽകാൻ നിർദ്ദേശിച്ചത് കടകം‌പള്ളിയാണെന്ന് പോറ്റി വ്യക്തമാക്കി. ഹൈക്കോടതിയിൽ സമർപ്പിച്ച എസ്‌ഐടി റിപ്പോർട്ടിലും ഇക്കാര്യം പരാമർശിക്കുന്നുണ്ട്. മുൻ മന്ത്രിയുമായി അവർക്ക് പരിചയമുണ്ടെന്ന് സ്പോൺസർമാരുടെ മൊഴികളിലും പരാമർശമുണ്ട്. കഴക്കൂട്ടത്തെ പ്രതിഭ എന്ന സ്ത്രീ ഭൂമി തട്ടിപ്പുമായി ബന്ധപ്പെട്ട് തനിക്കെതിരെ നൽകിയ പരാതിക്ക് പിന്നിൽ കടകംപള്ളിയാണെന്ന് പോറ്റി ആരോപിച്ചു. ശബരിമല സ്വർണ്ണ മോഷണക്കേസിൽ ജയിൽ മോചിതനാകുന്നത് തടയാൻ കടകംപള്ളി ശ്രമിച്ചതായും ഇതിനെക്കുറിച്ച് അന്വേഷണം നടത്തണമെന്നും പോറ്റി ആവശ്യപ്പെട്ടു. എന്നാൽ, ആരുടെയും സാമ്പത്തിക കാര്യങ്ങളിൽ ഇടപെട്ടിട്ടില്ലെന്ന് കടകംപള്ളി…

തിരുവനന്തപുരം: 1965 മോഡൽ കെഎസ്ആർടിസി ബസ് വീണ്ടും തലസ്ഥാന നഗരിയിലേക്ക് പ്രവേശിക്കാൻ ഒരുങ്ങുന്നു. ഇന്ന് ഉച്ചയ്ക്ക് 2 മണിക്ക് കവടിയാർ മുതൽ തമ്പാനൂർ വരെ ബസ് മന്ത്രി കെ ബി ഗണേഷ് കുമാർ ഓടിക്കും. തലസ്ഥാന നഗരത്തിലൂടെ സർവീസ് നടത്തിയിരുന്ന വിന്റേജ് ബസിന്‍റെ ശൈലിയിലാണ് പാപ്പനംകോട് സെൻട്രൽ വർക്ക്സിൽ ബസ് നിർമ്മിച്ചിരിക്കുന്നത്. പുതിയ മോഡൽ ബസിന്‍റെ ബോഡിയിൽ മാറ്റം വരുത്തിയിട്ടുണ്ട്. ഡബിൾ ഡെക്കർ ബസ് പോലെ ടൂറിസ്റ്റ് ആവശ്യങ്ങൾക്കായി ബസ് ഉപയോഗിക്കും. വിശദാംശങ്ങൾ മന്ത്രി പ്രഖ്യാപിക്കും.

ഒത്തൊരുമയുടെ യാത്ര…. സന്തോഷവും സൗഹൃദവും പങ്കുവെച്ച മറക്കാനാകാത്ത അനുഭവം ആദ്യ അന്താരാഷ്ട്ര വനിതാ ക്രൂസ് സംഘടിപ്പിച്ച് ചരിത്രനേട്ടം കൈവരിച്ച് കാനഡയിലെ ക്‌നാനായ കത്തോലിക്ക വനിതാ ഫോറം (KCWFC). സാഹോദരര്യം, സ്ത്രീശക്തീകരണം, സൗഹൃദം എന്നിവ ആഘോഷിച്ച ഈ യാത്ര ഒരു അവിസ്മരണീയമായ മൈൽസ്റ്റോണായി മാറി .മനസ്സറിഞ്ഞവർ മനസ്സുവെച്ച് ഒരുമിച്ചപ്പോൾ, ജീവിതത്തിലെ പല ചിന്തകളും ജോലിഭാരങ്ങളും മറന്ന് സന്തോഷത്തോടെ സമയം ചിലവഴിക്കാൻ അവർക്കായി. ദിവസേനയുള്ള തങ്ങളുടെ തിരക്കുകൾക്ക് അവധി കൊടുത്ത് ഒരുമിച്ച് കൂടിയപ്പോൾ അവരുടെ സന്തോഷം വാനമേഘങ്ങളോളം ഉയർന്നു. ഈ യാത്രയിൽ പങ്കെടുത്ത എല്ലാവരും സൗഹൃദത്തോടെയും ഐക്യത്തോടെയും സമയം ചിലവഴിച്ചപ്പോൾ അത് അവരുടെ ജീവിതത്തിലെ ഒരു പ്രത്യേക അനുഭവമായി മാറി. യാത്ര അവസാനിക്കുമ്പോൾ പലരുടെയും മനസ്സിൽ വീണ്ടും ഇതുപോലൊരു യാത്രയ്ക്ക് പോകണമെന്ന ആഗ്രഹം നിറഞ്ഞിരുന്നു. ഒരുമിച്ച് യാത്ര ചെയ്യുമ്പോൾ അതിന്റെ സന്തോഷവും അനുഭവവും മറ്റൊരു തലത്തിലാണെന്ന് എല്ലാവരും തിരിച്ചറിഞ്ഞു. അതുകൊണ്ടുതന്നെ…

ഗാർലാൻഡ് (ഡാളസ് )മൗണ്ട് സീനായ് ചർച്ച ഓഫ് ഗോഡ് സഭയുടെ നേതൃത്വത്തിൽ ഗാർലൻഡിൽ വനിതാ സമ്മേളനം സംഘടിപ്പിക്കുന്നു. 2026 മാർച്ച് 21-ന് രാവിലെ 9:30 മുതൽ ഉച്ചയ്ക്ക് 1:00 വരെ 5313 Robin Road, Garland, Texas എന്ന വിലാസത്തിലുള്ള സഭയിൽ സമ്മേളനം നടക്കും. “ചെറിയ കാര്യങ്ങളുടെ ദിവസത്തെ നിരസിച്ചവൻ ആര്?” എന്ന സന്ദേശം അടിസ്ഥാനമാക്കി Book of Zechariah 4:10 വചനത്തെ ആസ്പദമാക്കി ആത്മീയ സന്ദേശങ്ങൾ പങ്കുവെക്കുന്നതായിരിക്കും. സമ്മേളനത്തിൽ മുഖ്യപ്രഭാഷകയായി സിസ്‌റ്റർ . ബെറ്റ്സി തോമസ് പങ്കെടുക്കും. സമ്മേളനത്തിന്റെ കോർഡിനേറ്ററായി സിസ്‌റ്റർ . സുധാ വിൽഫ്രെഡ് പ്രവർത്തിക്കുന്നു. സിസ്‌റ്റർ . സുജാ മാത്യു സമ്മേളനത്തിന്റെ കൺവീനറാണ്. ആരാധനയ്ക്ക് MSCOG Choir നേതൃത്വം നൽകും. ആത്മീയ ഉണർവ്വിനും സഹവാസത്തിനുമായി വനിതകളെ സമ്മേളനത്തിൽ പങ്കെടുക്കാൻ സംഘാടകർ ക്ഷണിച്ചു. കൂടുതൽ വിവരങ്ങൾക്ക്: സിസ്‌റ്റർ  സുജാ മാത്യു 469-360-5742, സിസ്‌റ്റർ  സുധാ…