Month: September 2026

ദുബായ്: യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ ഇളയ സഹോദരൻ ശൈഖ് അഹമ്മദ് ബിൻ റാഷിദ് അൽ മക്തൂം (76) അന്തരിച്ചു. തിങ്കളാഴ്ച രാവിലെയായിരുന്നു അന്ത്യം. ദുബായ് ഭരണാധികാരിയുടെ ഓഫീസ് ഔദ്യോഗിക പ്രസ്താവനയിലൂടെയാണ് മരണവിവരം അറിയിച്ചത്. ശൈഖ് അഹമ്മദിന്റെ നിര്യാണത്തെ തുടർന്ന് ദുബായിൽ 10 ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. ദുഃഖാചരണ കാലയളവിൽ എമിറേറ്റിലുടനീളം ദേശീയ പതാകകൾ പകുതി താഴ്ത്തിക്കെട്ടും. ദുബായ് രാജകുടുംബത്തിലെ മുതിർന്ന അംഗമായിരുന്ന ശൈഖ് അഹമ്മദ് പൊതുസേവനം, കായികരംഗം, കുതിരപ്പന്തയം, ബിസിനസ് തുടങ്ങിയ വിവിധ മേഖലകളിൽ സജീവ സാന്നിധ്യമായിരുന്നു. ദുബായ് പൊലീസിന്റെയും പബ്ലിക് സെക്യൂരിറ്റിയുടെയും ഡെപ്യൂട്ടി ചെയർമാനായും അദ്ദേഹം സേവനമനുഷ്ഠിച്ചിട്ടുണ്ട്. എ.ആർ.എം. ഹോൾഡിങ്, ദുബായ് റിയൽ എസ്റ്റേറ്റ് സെന്റർ എന്നിവയുടെ ഗ്രൂപ്പ് ചെയർമാനായും പ്രവർത്തിച്ച അദ്ദേഹം അൽ വാസൽ ഫുട്ബോൾ ക്ലബ്ബിന്റെ ചെയർമാനുമായിരുന്നു. ദുബായുടെ…

മൂന്ന് കേസുകൾ തീർപ്പാക്കിയത് മൂന്ന് മാസത്തിനുള്ളിൽ; 457 പേർക്ക് മുഴുവൻ തുകയും ലഭിച്ചു, 491 പേർക്ക് ശേഷിക്കുന്ന തുക ഗഡുക്കളായി നൽകും അബുദാബി: തൊഴിൽ തർക്കങ്ങളിൽ കുടുങ്ങിയ നൂറുകണക്കിന് തൊഴിലാളികൾക്ക് ആശ്വാസമായി അബുദാബി ലേബർ കോർട്ടിന്റെ ഇടപെടൽ. മൂന്ന് പ്രധാന തൊഴിൽ തർക്ക കേസുകൾ മൂന്ന് മാസത്തിനുള്ളിൽ പരിഹരിച്ച കോടതി, 948 തൊഴിലാളികൾക്ക് ലഭിക്കാനുണ്ടായിരുന്ന 78.11 ലക്ഷത്തിലധികം ദിർഹം വീണ്ടെടുത്ത് നൽകിയതായി അധികൃതർ അറിയിച്ചു. മൊത്തം 1.23 കോടി ദിർഹത്തോളം സാമ്പത്തിക ആനുകൂല്യങ്ങൾ ആവശ്യപ്പെട്ട് തൊഴിലാളികൾ നൽകിയ ഹർജികളിലാണ് കോടതി അതിവേഗ നടപടികൾ സ്വീകരിച്ചത്. ശമ്പള കുടിശ്ശികയും മറ്റ് തൊഴിൽ ആനുകൂല്യങ്ങളും ഉൾപ്പെടെയുള്ള സാമ്പത്തിക അവകാശങ്ങളുമായി ബന്ധപ്പെട്ട തർക്കങ്ങളാണ് കേസുകളുടെ പരിഗണനയിൽ ഉണ്ടായിരുന്നത്. കേസുകളിൽ ഉൾപ്പെട്ട 948 തൊഴിലാളികളിൽ 457 പേർക്ക് ലഭിക്കേണ്ട മുഴുവൻ സാമ്പത്തിക ആനുകൂല്യങ്ങളും ഇതിനകം കൈമാറി. ഇവരുടെ അവകാശവാദങ്ങൾ പരിശോധിച്ച് നടപടിക്രമങ്ങൾ പൂർത്തിയാക്കിയ…

ദുബായ്: പ്രവൃത്തിദിവസങ്ങളിലെ ജോലി തിരക്കുമൂലം പാസ്പോർട്ട് ഉൾപ്പെടെയുള്ള രേഖകൾ കൈപ്പറ്റാൻ സമയം കണ്ടെത്താൻ ബുദ്ധിമുട്ടുന്ന യു.എ.ഇയിലെ ഇന്ത്യൻ പ്രവാസികൾക്ക് ആശ്വാസമായി പുതിയ സംവിധാനം. യു.എ.ഇയിലുടനീളമുള്ള ഇന്ത്യൻ കോൺസുലാർ ആപ്ലിക്കേഷൻ സെന്ററുകളിൽ (ഐ.സി.എ.സി) ഇനി ഞായറാഴ്ചകളിലും പാസ്പോർട്ട് കൈപ്പറ്റാൻ അവസരമൊരുങ്ങും. കേന്ദ്രങ്ങളുടെ നടത്തിപ്പ് ചുമതലയുള്ള അൽഹിന്ദ് ഗ്ലോബൽ സർവീസസാണ് ഞായറാഴ്ചകളിൽ പാസ്പോർട്ട് വിതരണത്തിനായി പ്രത്യേക കൗണ്ടറുകൾ ആരംഭിച്ചത്. യു.എ.ഇയിലെ 16 ഐ.സി.എ.സി കേന്ദ്രങ്ങളിലും പുതിയ സൗകര്യം ലഭ്യമാകും. ഞായറാഴ്ചകളിൽ രാവിലെ 10 മുതൽ ഉച്ചയ്ക്ക് 12 വരെയാണ് പാസ്പോർട്ട് വിതരണത്തിനുള്ള പ്രത്യേക കൗണ്ടറുകൾ പ്രവർത്തിക്കുക. പ്രവൃത്തിദിവസങ്ങളിൽ ജോലി ഒഴിവാക്കി പാസ്പോർട്ട് കൈപ്പറ്റേണ്ടിവരുന്നവർക്ക് പുതിയ സംവിധാനം ഏറെ പ്രയോജനകരമാകുമെന്നാണ് പ്രതീക്ഷിക്കുന്നത്. പാസ്പോർട്ട് പുതുക്കൽ, വിവിധ രേഖകളുടെ സാക്ഷ്യപ്പെടുത്തൽ തുടങ്ങിയ ഇന്ത്യൻ കോൺസുലാർ സേവനങ്ങളുടെ നടത്തിപ്പ് കഴിഞ്ഞ ജൂലായിലാണ് കേരളം ആസ്ഥാനമായ അൽഹിന്ദ് ഗ്രൂപ്പ് ഏറ്റെടുത്തത്. 2025 നവംബറിൽ ഇതുമായി ബന്ധപ്പെട്ട…

എണ്ണ-വാതക മേഖലയിലെ തകർച്ചയും ഹോർമുസ് കടലിടുക്കിലെ ഗതാഗത തടസ്സവും പ്രതിസന്ധി രൂക്ഷമാക്കുന്നു; 2026ൽ സമ്പദ്‌വ്യവസ്ഥ 5.4 ശതമാനം ചുരുങ്ങുമെന്ന് ഐഎംഎഫ് ദോഹ (ഖത്തര്‍): അമേരിക്കയും ഇസ്രായേലുമായി തുടരുന്ന യുദ്ധവും കടുത്ത സാമ്പത്തിക നിയന്ത്രണങ്ങളും ഇറാന്റെ സമ്പദ്‌വ്യവസ്ഥയ്ക്ക് കനത്ത തിരിച്ചടിയായി മാറുന്നു. രാജ്യത്തിന്റെ പ്രധാന വരുമാന സ്രോതസ്സായ എണ്ണ-വാതക മേഖലയിലെ ഇടിവ്, കയറ്റുമതി തടസ്സങ്ങൾ, കറൻസിയുടെ മൂല്യത്തകർച്ച, ഉയർന്ന പണപ്പെരുപ്പം എന്നിവ ഒരേസമയം സമ്മർദം സൃഷ്ടിച്ചതോടെ സാമ്പത്തിക പ്രവർത്തനങ്ങൾ കുത്തനെ ചുരുങ്ങിയിരിക്കുകയാണ്. ഇറാന്റെ ഔദ്യോഗിക സ്റ്റാറ്റിസ്റ്റിക്കൽ സെന്ററിന്റെ കണക്കുകൾ പ്രകാരം, പേർഷ്യൻ കലണ്ടറിലെ ആദ്യ പാദമായ മാർച്ച് 21 മുതൽ ജൂൺ 20 വരെയുള്ള കാലയളവിൽ രാജ്യത്തിന്റെ മൊത്ത ആഭ്യന്തര ഉൽപ്പാദനം (ജിഡിപി) മുൻവർഷത്തെ സമാന കാലയളവിനെ അപേക്ഷിച്ച് 10.1 ശതമാനം കുറഞ്ഞു. ഫെബ്രുവരി 28ന് ആരംഭിച്ച യുഎസ്-ഇസ്രായേൽ ആക്രമണങ്ങൾക്കു പിന്നാലെയുള്ള യുദ്ധത്തിന്റെ ആദ്യ മാസങ്ങളാണ് ഈ കാലയളവിൽ…

ദോഹ (ഖത്തര്‍): വർഷങ്ങളായി തുടരുന്ന സംഘർഷങ്ങൾക്കും പ്രതിസന്ധികൾക്കും ശേഷം മിഡിൽ ഈസ്റ്റ് മേഖലയ്ക്ക് സമാധാനവും സ്ഥിരതയും അനിവാര്യമാണെന്നും 2027 അതിനുള്ള വർഷമായി മാറണമെന്നാണ് ആഗ്രഹമെന്നും ഖത്തർ പ്രധാനമന്ത്രി ഷെയ്ഖ് മുഹമ്മദ് ബിൻ അബ്ദുൾറഹ്മാൻ അൽതാനി. തുടർച്ചയായ മേഖലാ പ്രതിസന്ധികൾക്കിടയിൽ ഖത്തറിനും മേഖലയിലെ മറ്റു രാജ്യങ്ങൾക്കും ആശ്വാസം ആവശ്യമാണെന്നും അദ്ദേഹം പറഞ്ഞു. ഞായറാഴ്ച നടന്ന ഖത്തർ സാമ്പത്തിക ഫോറത്തിൽ സംസാരിക്കവെയാണ് മേഖലയിലെ നിലവിലെ സാഹചര്യത്തെക്കുറിച്ച് പ്രധാനമന്ത്രി ആശങ്ക പങ്കുവച്ചത്. 2022-ലെ ഫിഫ ലോകകപ്പിന് ആതിഥേയത്വം വഹിച്ചതിന് പിന്നാലെ ഖത്തറിനും മേഖലയ്ക്കും ഒന്നിനു പിന്നാലെ മറ്റൊന്നായി പ്രതിസന്ധികളെ നേരിടേണ്ടിവന്നതായി അദ്ദേഹം ചൂണ്ടിക്കാട്ടി. വർഷങ്ങളായി കാര്യമായ ഇടവേളയില്ലാതെ സംഘർഷങ്ങളും രാഷ്ട്രീയ അനിശ്ചിതത്വവും തുടരുകയാണെന്നും ഇനി മേഖലയ്ക്ക് സമാധാനത്തിലേക്കും സ്ഥിരതയിലേക്കും മടങ്ങേണ്ട സമയമാണെന്നും അദ്ദേഹം വ്യക്തമാക്കി. 2023 ഒക്ടോബറിൽ ഇസ്രായേലിനെതിരെ ഹമാസ് നടത്തിയ ആക്രമണത്തിന് പിന്നാലെ ആരംഭിച്ച യുദ്ധവും തുടർന്നുണ്ടായ സംഭവവികാസങ്ങളും മിഡിൽ…