Month: September 2026

ഒരാഴ്ചയ്ക്കിടെ രണ്ടാമത്തെ വൻ ഖനി അപകടം; നിരവധി പേർ അവശിഷ്ടങ്ങൾക്കിടയിൽ കുടുങ്ങിയതായി ആശങ്ക ഖാർത്തൂം: ആഭ്യന്തരയുദ്ധവും കടുത്ത മാനുഷിക പ്രതിസന്ധിയും തുടരുന്ന സുഡാനിൽ വീണ്ടും വൻ സ്വർണഖനി ദുരന്തം. വടക്കുകിഴക്കൻ സുഡാനിലെ ചെങ്കടൽ സംസ്ഥാനത്തെ വിദൂര പ്രദേശത്തുള്ള സ്വർണഖനി തകർന്നുവീണ് 11 തൊഴിലാളികൾ മരിച്ചു. ഏകദേശം 30 പേർക്ക് പരിക്കേറ്റു. അപകടത്തിൽപ്പെട്ട കൂടുതൽ തൊഴിലാളികൾ ഖനിയുടെ അവശിഷ്ടങ്ങൾക്കിടയിൽ കുടുങ്ങിക്കിടക്കുന്നതായുള്ള ആശങ്കയും നിലനിൽക്കുകയാണ്. ചെങ്കടൽ സംസ്ഥാനത്തെ വിദൂര ഒനി പ്രദേശത്തുള്ള ഖനിയിലാണ് അപകടമുണ്ടായത്. ശനിയാഴ്ച രാത്രിയോടെ ഖനിയിൽ തകർച്ചയുടെ ലക്ഷണങ്ങൾ കണ്ടുതുടങ്ങിയതായാണ് പ്രദേശവാസികൾ പറയുന്നത്. ഖനിയുടെ ചില ഭാഗങ്ങൾ ആദ്യം പതുക്കെ ഇടിഞ്ഞുതുടങ്ങുകയും പിന്നീട് വലിയ തോതിൽ തകർന്നുവീഴുകയുമായിരുന്നുവെന്ന് പ്രദേശവാസിയായ അബ്ദുൾഹായ് ഖാരിഫ് അബക്കർ പറഞ്ഞു. അപകടവിവരം പുറത്തുവന്നതിനു പിന്നാലെ രക്ഷാപ്രവർത്തകർ സ്ഥലത്തെത്തി തിരച്ചിൽ ആരംഭിച്ചു. എന്നാൽ പ്രദേശത്തിന്റെ വിദൂരസ്വഭാവവും ഖനിയുടെ തകർന്ന ഭാഗങ്ങളിലേക്ക് എത്തിച്ചേരുന്നതിനുള്ള ബുദ്ധിമുട്ടുകളും രക്ഷാപ്രവർത്തനത്തെ…

ഒരാളെ കൂടി കാണാനില്ല; പുലർച്ചെ പുനരാരംഭിച്ച തിരച്ചിലിൽ മൂന്ന് മൃതദേഹങ്ങൾ കണ്ടെത്തി; അപകടസമയത്ത് പ്രദേശത്ത് മഴയില്ലായിരുന്നുവെന്ന് വിവരം മലപ്പുറം: നിലമ്പൂർ അമരമ്പലത്തെ ടി.കെ. നഗറിലെ വിനോദസഞ്ചാര കേന്ദ്രത്തിലുണ്ടായ അപ്രതീക്ഷിത വെള്ളപ്പൊക്കത്തിൽ മരിച്ചവരുടെ എണ്ണം അഞ്ചായി ഉയർന്നു. തിങ്കളാഴ്ച പുലർച്ചെ തിരച്ചിൽ പുനരാരംഭിച്ചതിന് പിന്നാലെയാണ് കാണാതായവരിൽ മൂന്നുപേരുടെ മൃതദേഹങ്ങൾ കൂടി കണ്ടെത്തിയത്. ഞായറാഴ്ച രാത്രിയിൽ രണ്ടുപേരുടെ മൃതദേഹങ്ങൾ കണ്ടെത്തിയിരുന്നു. കരുവാരകുണ്ട് സ്വദേശി റഹീം, വണ്ടൂർ കോട്ടക്കുന്ന് സ്വദേശികളായ റഫീഖ്, സജ്ജാദ് എന്നിവരുടെ മൃതദേഹങ്ങളാണ് തിങ്കളാഴ്ച നടത്തിയ തിരച്ചിലിൽ കണ്ടെത്തിയത്. മൃതദേഹങ്ങൾ നടപടിക്രമങ്ങൾക്കായി മഞ്ചേരി മെഡിക്കൽ കോളേജ് ആശുപത്രിയിലേക്ക് മാറ്റി. അപകടത്തിന് പിന്നാലെ നടത്തിയ തിരച്ചിലിൽ ഞായറാഴ്ച രാത്രി രണ്ടുപേരുടെ മൃതദേഹങ്ങൾ കണ്ടെത്തിയിരുന്നു. മാങ്ങാടൻ ബസ് ഉടമ കോട്ടക്കൽ മങ്ങാടൻ ഹമീദിന്റെ മകൻ അനസ് (31), തിരൂർ സ്വദേശി മുഹമ്മദ് കുട്ടി (63) എന്നിവരാണ് മരിച്ചതായി തിരിച്ചറിഞ്ഞത്. ഇതോടെ ദുരന്തത്തിൽ…

കളമശ്ശേരി: മോഷണത്തിനായി ഉപയോഗിക്കുന്ന ബൈക്കുകൾ മുൻകൂട്ടി ട്രെയിനിൽ കേരളത്തിലെത്തിക്കുകയും പിന്നാലെ സംഘം വിമാനത്തിൽ എത്തി ബൈക്കുകളിൽ വിവിധ സ്ഥലങ്ങളിലെത്തി കവർച്ച നടത്തുകയും ചെയ്തിരുന്നുവെന്ന് പോലീസ് പറയുന്ന ഉത്തരേന്ത്യൻ സംഘത്തിലെ അംഗങ്ങൾ പിടിയിൽ. തൃശ്ശൂർ, കളമശ്ശേരി, കണ്ണൂർ പോലീസിന്റെ ഏകോപിതമായ അന്വേഷണത്തിലാണ് സംഘത്തെക്കുറിച്ചുള്ള നിർണായക വിവരങ്ങൾ ലഭിച്ചതെന്ന് പോലീസ് അറിയിച്ചു. തൃശ്ശൂരിൽ നടന്ന മോഷണശ്രമത്തിനിടെ സംഘത്തിലെ പ്രധാനികളിൽ ഒരാളെന്ന് പോലീസ് പറയുന്ന ഉത്തർപ്രദേശ് ബാഗ്പെറ്റ് സ്വദേശി റിഹാൻ (20) ആദ്യം പിടിയിലായതോടെയാണ് സംഘത്തിന്റെ പ്രവർത്തനരീതിയെക്കുറിച്ചുള്ള വിവരങ്ങൾ പുറത്തുവന്നത്. ഇയാളെ വിശദമായി ചോദ്യം ചെയ്തപ്പോൾ കൂട്ടാളികളിൽ ചിലർ കൊച്ചി കേന്ദ്രീകരിച്ച് താമസിക്കുന്നതായി പോലീസിന് വിവരം ലഭിച്ചു. തുടർന്ന് തൃശ്ശൂർ പോലീസ് ഈ വിവരം കളമശ്ശേരി പോലീസിന് കൈമാറി. ലഭിച്ച വിവരത്തിന്റെ അടിസ്ഥാനത്തിൽ കളമശ്ശേരിയിലെ ഒരു ലോഡ്ജിൽ തൃശ്ശൂർ, കളമശ്ശേരി പോലീസ് സംഘങ്ങൾ സംയുക്തമായി മിന്നൽ പരിശോധന നടത്തി. പരിശോധനയിൽ അവിടെ…

‘സ്‌മൈൽ വിത്ത് ജൂബിലി’യിൽ ഒത്തുചേർന്നത് ചികിത്സയിലൂടെ ആത്മവിശ്വാസം വീണ്ടെടുത്തവർ; ഡോ. ഏഡൻവാല ഫെലോഷിപ്പ് പ്രഖ്യാപിച്ചു തൃശ്ശൂർ: ഒരുകാലത്ത് പുഞ്ചിരിക്കാനും സംസാരിക്കാനും മറ്റുള്ളവരെ ആത്മവിശ്വാസത്തോടെ അഭിമുഖീകരിക്കാനും പ്രയാസപ്പെട്ടിരുന്ന ആയിരത്തോളം പേർ, ചികിത്സയിലൂടെ തിരിച്ചുകിട്ടിയ പുഞ്ചിരിയും ആത്മവിശ്വാസവുമായി ഒരേ വേദിയിൽ ഒത്തുകൂടി. ജീവിതത്തിലെ പ്രതിസന്ധികളെ അതിജീവിച്ച് പുതിയ സ്വപ്നങ്ങളിലേക്ക് നടന്നുനീങ്ങിയവരുടെ അനുഭവങ്ങൾ പങ്കുവെച്ച അപൂർവ സംഗമമായി തൃശ്ശൂരിൽ നടന്ന ‘സ്‌മൈൽ വിത്ത് ജൂബിലി’ പരിപാടി. ജൂബിലി മിഷൻ ആശുപത്രിയുടെ പ്ലാറ്റിനം ജൂബിലിയുടെയും മുറിച്ചുണ്ട്, മുറിയണ്ണാക്ക് പ്രശ്നങ്ങൾക്കുള്ള സൗജന്യ ചികിത്സയ്ക്ക് പിന്തുണ നൽകുന്ന ആഗോള ജീവകാരുണ്യ സംഘടനയായ സ്‌മൈൽ ട്രെയിന്റെ 25 വർഷത്തെ സേവനത്തിന്റെയും ഭാഗമായാണ് പരിപാടി സംഘടിപ്പിച്ചത്. വിവിധ പ്രായക്കാരായ ചികിത്സാ ഗുണഭോക്താക്കളും അവരുടെ കുടുംബാംഗങ്ങളും സംഗമത്തിൽ പങ്കെടുത്തു. ചികിത്സയ്ക്കുമുമ്പ് സാമൂഹിക ഒറ്റപ്പെടലും മാനസിക ബുദ്ധിമുട്ടുകളും നേരിട്ടിരുന്ന പലരും ജീവിതത്തിൽ സംഭവിച്ച മാറ്റങ്ങൾ സദസ്സുമായി പങ്കുവെച്ചു. ശസ്ത്രക്രിയയും തുടർചികിത്സയും സംസാരശേഷിയിലും…

അവധി ദിനങ്ങൾ ഒന്നിച്ചെത്തിയതോടെ ക്ഷേത്രനഗരിയിലേക്ക് ഭക്തരുടെ ഒഴുക്ക്; ദർശനനിര ഇന്നർ റിംഹ് റോഡും കടന്നു, വഴിപാടുകളിൽ വൻ വരുമാനം ഗുരുവായൂർ: വിവാഹങ്ങളുടെ എണ്ണത്തിൽ റെക്കോഡുകൾ സൃഷ്ടിച്ച ഗുരുവായൂർ ക്ഷേത്രത്തിൽ ഇപ്പോൾ ദർശനത്തിനെത്തുന്ന ഭക്തരുടെ തിരക്കും പുതിയ റെക്കോഡിലേക്ക്. വിശേഷ ദിവസങ്ങളെയും പ്രധാന ഉത്സവാവസരങ്ങളെയും അനുസ്മരിപ്പിക്കുന്ന തരത്തിലുള്ള വൻ ഭക്തജനത്തിരക്കാണ് ഞായറാഴ്ച ക്ഷേത്രത്തിലും പരിസരപ്രദേശങ്ങളിലും അനുഭവപ്പെട്ടത്. സാധാരണ ദർശനത്തിനായി എത്തിയവർക്ക് മണിക്കൂറുകളോളം കാത്തുനിൽക്കേണ്ടിവന്നു. അഞ്ച് മണിക്കൂർ വരെയാണ് പലർക്കും ദർശനത്തിനായി വരിയിൽ ചെലവഴിക്കേണ്ടിവന്നതെന്ന് ഭക്തർ പറഞ്ഞു. പുലർച്ചെ മുതൽ തന്നെ ക്ഷേത്രത്തിലേക്കുള്ള ഭക്തരുടെ ഒഴുക്ക് ശക്തമായിരുന്നു. സമയം കടന്നുപോയതോടെ ദർശനത്തിനുള്ള വരി ക്ഷേത്രപരിസരവും കടന്ന് പുറത്തേക്ക് നീണ്ടു. പടിഞ്ഞാറേ നടയിലെ ഇന്നർ റിങ് റോഡും കെ.എസ്.ആർ.ടി.സി. ഡിപ്പോയുടെ പിൻവശവും കടന്നാണ് ഒരു ഘട്ടത്തിൽ ക്യൂ നീണ്ടത്. രാവിലെ ക്ഷേത്രത്തിനകത്തേക്ക് പ്രവേശിക്കാൻ എത്തിയ ഭക്തർക്ക് ക്ഷേത്രത്തിൽനിന്ന് ഏകദേശം 300 മീറ്റർ…

അടുത്ത സുഹൃത്തുക്കൾക്കിടയിൽ എന്തു സംഭവിച്ചു? കൊലപാതകത്തിലേക്ക് നയിച്ച കാരണം ഇപ്പോഴും ദുരൂഹം; സുഹൃത്ത് അനില ബേബി പൊലീസ് കസ്റ്റഡിയിൽ തൃശൂർ/കോട്ടയം: അമേരിക്കയിലെ കാലിഫോർണിയയിൽ കൊല്ലപ്പെട്ട മലയാളികളായ അഞ്ജന ഹരി (35), ആൻ മേരി മാത്യു (40) എന്നിവരുടെ മൃതദേഹങ്ങൾ സംഭവം നടന്ന് ഏകദേശം ഒരു മാസത്തിനുശേഷം കേരളത്തിലെത്തി. തിങ്കളാഴ്ച മൃതദേഹങ്ങൾ നാട്ടിലെത്തിയതോടെ കുടുംബാംഗങ്ങളും ബന്ധുക്കളും സുഹൃത്തുക്കളും നാട്ടുകാരുമടക്കം നിരവധി പേരാണ് അന്ത്യാഞ്ജലി അർപ്പിക്കാനെത്തിയത്. അതേസമയം, അമേരിക്കയിൽ അടുത്ത സുഹൃത്തുക്കളായി കഴിഞ്ഞിരുന്ന മൂന്ന് മലയാളി സ്ത്രീകൾക്കിടയിൽ എന്താണ് സംഭവിച്ചതെന്നും രണ്ട് പേരുടെ മരണത്തിലേക്ക് നയിച്ച സാഹചര്യം എന്താണെന്നുമുള്ള ചോദ്യങ്ങൾക്ക് ഇനിയും വ്യക്തമായ ഉത്തരമില്ല. ഓഗസ്റ്റ് 28ന് നടന്ന സംഭവവുമായി ബന്ധപ്പെട്ട് അഞ്ജനയുടെയും ആൻ മേരിയുടെയും സുഹൃത്തും കോട്ടയം സ്വദേശിനിയുമായ അനില ബേബിയെ മിൽപിറ്റാസ് പൊലീസ് അറസ്റ്റ് ചെയ്തിട്ടുണ്ട്. കൊലപാതകങ്ങളുടെ സാഹചര്യവും പിന്നിലെ കാരണവും കണ്ടെത്തുന്നതിനുള്ള അന്വേഷണം തുടരുകയാണ്. അഞ്ജനയുടെ…

ന്യൂയോർക്ക്: യുഎസ് പ്രസിഡന്റ് ഡൊണാൾഡ് ട്രംപും ചൈനീസ് പ്രസിഡന്റ് ഷി ജിൻപിംഗും തമ്മിലുള്ള നിർണായക ഉച്ചകോടിക്ക് മുന്നോടിയായി യുഎസ്–ചൈന ഉന്നതതല സാമ്പത്തിക ചർച്ചകൾ സജീവമായി. യുഎസ് ട്രഷറി സെക്രട്ടറി സ്കോട്ട് ബസന്റും ചൈനീസ് വൈസ് പ്രീമിയർ ഹീ ലൈഫെംഗും ന്യൂയോർക്ക് സിറ്റിയിൽ കൂടിക്കാഴ്ച നടത്തി. വ്യാപാരം, ആർട്ടിഫിഷ്യൽ ഇന്റലിജൻസ് (എഐ), അപൂർവ ഭൂമി ധാതുക്കൾ, താരിഫ് തുടങ്ങിയ വിഷയങ്ങളാണ് പ്രധാനമായും ചർച്ചയായത്. സെപ്റ്റംബർ 24ന് വാഷിംഗ്ടണിൽ നടക്കാനിരിക്കുന്ന ട്രംപ്–ഷി കൂടിക്കാഴ്ചയ്ക്ക് അടിത്തറയൊരുക്കുന്നതാണ് ഈ ചർച്ചകൾ. മന്‍‌ഹാട്ടനിലെ ജെ.പി. മോർഗൻ ചേസ് ആസ്ഥാനത്ത് നടന്ന ചർച്ചയിൽ യുഎസ് ട്രേഡ് റെപ്രസന്റേറ്റീവ് ജാമിസൺ ഗ്രീറും പങ്കെടുത്തു. മണിക്കൂറുകൾ നീണ്ട ചർച്ചയിൽ ഇരുരാജ്യങ്ങളും തമ്മിലുള്ള സാമ്പത്തിക–വ്യാപാര ബന്ധങ്ങളിലെ പ്രധാന തർക്കവിഷയങ്ങൾ വിശദമായി പരിശോധിച്ചു. നിലവിലുള്ള വ്യാപാര ധാരണകൾ മുന്നോട്ടുകൊണ്ടുപോകുന്നതും ഇരുരാജ്യങ്ങൾക്കുമിടയിലെ സാമ്പത്തിക സംഘർഷം നിയന്ത്രിക്കുന്നതിനുള്ള മാർഗങ്ങളും ചർച്ചയായി. ആർട്ടിഫിഷ്യൽ ഇന്റലിജൻസ് മേഖലയിലെ…