Day: October 3, 2026

മൃഗക്ഷേമവും നഗരത്തിന്റെ പൈതൃകവും ഒരുമിപ്പിക്കുന്ന മൂന്നാമതൊരു വഴി കേരളം ആലോചിക്കേണ്ട സമയമാണോ? തിരുവനന്തപുരം മൃഗശാലയെക്കുറിച്ചുള്ള വാർത്തകൾ വായിക്കുമ്പോൾ എനിക്ക് അത് വെറുമൊരു മൃഗശാലയെക്കുറിച്ചുള്ള ചർച്ചയായി തോന്നുന്നില്ല. ജീവിതത്തിലെ ഏഴു വർഷങ്ങൾ തിരുവനന്തപുരത്ത് ചെലവഴിച്ച ഒരാളെന്ന നിലയിൽ അതിനോടൊപ്പം ഒരുപാട് വ്യക്തിപരമായ ഓർമ്മകളും എനിക്കുണ്ട്. ഞങ്ങളുടെ കുട്ടികൾ ജനിച്ചത് തിരുവനന്തപുരത്താണ്. അവർ ചെറുപ്പമായിരുന്നപ്പോൾ പലപ്പോഴും ഞങ്ങൾ മൃഗശാലയിലും മ്യൂസിയം വളപ്പിലും പോകുമായിരുന്നു. വിശാലമായ പുൽത്തകിടികളിൽ കുടുംബങ്ങൾ വൈകുന്നേരങ്ങൾ ചെലവഴിക്കുന്നതും കുട്ടികൾ കളിക്കുന്നതും ഇന്നും ഓർമ്മയിലുണ്ട്. ചില വൈകുന്നേരങ്ങളിൽ പൊതുശബ്ദ സംവിധാനത്തിലൂടെ ഒഴുകിയെത്തിയിരുന്ന സംഗീതവും ആ ഓർമ്മകളുടെ ഭാഗമാണ്. ഞങ്ങളുടെ വീട്ടിൽനിന്ന് ചിലപ്പോഴൊക്കെ സിംഹങ്ങളുടെ ഗർജ്ജനം പോലും കേൾക്കാമായിരുന്നു. അതുകൊണ്ട് തിരുവനന്തപുരം മൃഗശാല എനിക്ക് കൂടുകളിലടച്ച കുറെ മൃഗങ്ങളുടെ സ്ഥലം മാത്രമായിരുന്നില്ല. നഗരത്തിന്റെ പച്ചപ്പിന്റെയും കുടുംബജീവിതത്തിന്റെയും കുട്ടിക്കാല കൗതുകങ്ങളുടെയും ഒരു ഭാഗമായിരുന്നു അത്. ഇപ്പോൾ ആ മൃഗശാലയുടെ ഭാവിയെക്കുറിച്ച് കേരളത്തിൽ…

ഹ്യൂസ്റ്റൺ: അമേരിക്കൻ മലയാളികളുടെ ദേശീയ സംഘടനയായ ഫോമയുടെ ലൈഫ് ടൈം അച്ചീവ്മെന്റ് അവാർഡ് പ്രമുഖ സാമൂഹിക-സാംസ്‌കാരിക പ്രവർത്തകനും ഫോമയുടെ ആദ്യകാല നേതാക്കളിലൊരാളുമായ ജോൺ സി. വർഗീസിന് (സലിം) സമ്മാനിച്ചു. ഹ്യൂസ്റ്റണിൽ നടന്ന ഫോമാ കൺവൻഷനിലാണ് അദ്ദേഹത്തെ പുരസ്‌കാരം നൽകി ആദരിച്ചത്. ഫോമയുടെ വളർച്ചയ്ക്കും മലയാളി സമൂഹത്തിന്റെ സാമൂഹിക-സാംസ്‌കാരിക മുന്നേറ്റത്തിനും നൽകിയ ദീർഘകാലവും സമഗ്രവുമായ സേവനങ്ങൾ പരിഗണിച്ചാണ് സലിമിന് ഈ ബഹുമതി നൽകിയത്. ഫോമയുടെ വളർച്ചയുടെ നിർണായക ഘട്ടമായിരുന്ന ലാസ് വെഗാസ് കൺവൻഷന്റെ ജനറൽ സെക്രട്ടറിയായി സംഘടനയുടെ പ്രവർത്തനങ്ങൾക്ക് നേതൃത്വം നൽകിയ സലിം, ഫോമയുടെ പ്രാരംഭകാലത്ത് തന്നെ സംഘടനയെ ശക്തമായ വളർച്ചയുടെ പാതയിലേക്ക് നയിച്ച നേതാക്കളിൽ പ്രധാനിയായിരുന്നു. സംഘടനയുടെ അടിത്തറ ശക്തിപ്പെടുത്തുന്നതിലും പ്രവർത്തനങ്ങൾക്ക് പുതിയ ദിശ നൽകുന്നതിലും അദ്ദേഹത്തിന്റെ നേതൃത്വപാടവം നിർണായകമായി. ഫോമയിലെ സലിമിനെയും സലിമിലെ ഫോമയെയും അടുത്തറിയണമെങ്കിൽ, ഫോമയുടെ കഴിഞ്ഞ ഒരു ദശാബ്ദത്തിലേറെക്കാലത്തെ പ്രവർത്തനങ്ങളിലേക്ക് തിരിഞ്ഞുനോക്കിയാൽ മതിയാകും.…

മേരിലാൻഡ് :പ്രശസ്ത ടിക്ക്‌ടോക്ക് താരവും എഎൽഎസ് (ALS) ആക്ടിവിസ്റ്റുമായ ബ്രൂക്ക് എബി (Brooke Eby)37 അന്തരിച്ചു     മാരകമായ നാഡീവ്യൂഹ രോഗമായ എഎൽഎസിനോടുള്ള (Amyotrophic Lateral Sclerosis) നാല് വർഷത്തെ പോരാട്ടത്തിനൊടുവിൽ ഒക്ടോബർ 1-നാണ് വിയോഗം. ടിക്ക്‌ടോക്കിൽ 3 ലക്ഷത്തിലധികം ഫോളോവേഴ്‌സ് ഉണ്ടായിരുന്ന ബ്രൂക്ക്, തന്റെ രോഗാവസ്ഥയെ ഹാസ്യത്തിലൂടെയും ധൈര്യത്തിലൂടെയും ലോകത്തിന് മുന്നിൽ അവതരിപ്പിച്ച് ലക്ഷക്കണക്കിന് ആളുകളിലേക്ക് ബോധവൽക്കരണം എത്തിച്ചു. എഎൽഎസ് രോഗബാധിതരെ പരസ്പരം ബന്ധിപ്പിക്കുന്നതിനായി ‘ALS Together’ എന്ന കൂട്ടായ്മ സ്ഥാപിച്ചു. മികച്ച പ്രവർത്തനങ്ങൾക്ക് ‘അഡ്വക്കേറ്റ് ഓഫ് ദി ഇയർ’ അവാർഡും നേടിയിട്ടുണ്ട്, രോഗത്തിന്റെ ഭീകരതയെക്കുറിച്ച് ജനങ്ങളെ ബോധവൽക്കരിക്കുന്നതിനൊപ്പം, രോഗികളിൽ പ്രതീക്ഷയും ആത്മവിശ്വാസവും പകർന്നാണ് ബ്രൂക്ക് വിടവാങ്ങിയത്.

ഒഹായോയിലെ റിച്ച്മണ്ട് ഹൈറ്റ്സിലുള്ള ശ്രീ സ്വാമിനാരായണ വഡ്താൽ ധാം ക്ഷേത്രമാണ് ആക്രമിക്കപ്പെട്ടത്. അജ്ഞാതർ ക്ഷേത്രത്തിലേക്ക് ഇഷ്ടികകൾ എറിഞ്ഞതോടെ നിരവധി ജനൽച്ചില്ലുകൾ തകർന്നു. സംഭവസമയത്ത് അകത്തുണ്ടായിരുന്ന പുരോഹിതനും ഭക്തരും പരിക്കേൽക്കാതെ രക്ഷപ്പെട്ടു. ഒഹായോ: അമേരിക്കയിൽ ഹിന്ദു ആരാധനാലയങ്ങൾക്ക് നേരെയുള്ള ആക്രമണങ്ങളിൽ വീണ്ടും ആശങ്ക ഉയർത്തി ഒഹായോയിലെ റിച്ച്മണ്ട് ഹൈറ്റ്സിലുള്ള ശ്രീ സ്വാമിനാരായണ വഡ്താൽ ധാം ഹിന്ദു ക്ഷേത്രത്തിന് നേരെ ആക്രമണം. ക്ഷേത്രത്തിനുള്ളിൽ പുരോഹിതനും നിരവധി ഭക്തരും ഉണ്ടായിരുന്ന സമയത്താണ് അജ്ഞാതർ കെട്ടിടത്തിന് നേരെ ഇഷ്ടികകൾ എറിഞ്ഞത്. ആക്രമണത്തിൽ ജനൽച്ചില്ലുകൾ തകർന്നെങ്കിലും ആളപായമോ പരിക്കുകളോ റിപ്പോർട്ട് ചെയ്തിട്ടില്ല. ഹിന്ദു അമേരിക്കൻ ഫൗണ്ടേഷനും (HAF) കോയലിഷൻ ഓഫ് ഹിന്ദൂസ് ഓഫ് നോർത്ത് അമേരിക്കയും (CoHNA) പുറത്തുവിട്ട വിവരങ്ങൾ പ്രകാരം വെള്ളിയാഴ്ച ഉച്ചയ്ക്ക് ഏകദേശം 1.30ഓടെയായിരുന്നു സംഭവം. യാതൊരു മുന്നറിയിപ്പുമില്ലാതെ ക്ഷേത്രത്തിന് നേരെ തുടർച്ചയായി ഇഷ്ടികകൾ എറിയുകയായിരുന്നുവെന്നാണ് സംഘടനകൾ വ്യക്തമാക്കിയത്. ഇഷ്ടികകൾ പതിച്ചതോടെ…

വാക്കുകൾ തോറ്റുപോകുന്നിടത്താണ് നമ്മുടെ പ്രണയം തുടങ്ങിയത്. മിണ്ടാതിരുന്ന നേരമത്രയും നിന്റെ ഹൃദയമിടിപ്പുകൾ എന്റെ ഉള്ളിൽ കവിതകളായി വിരിഞ്ഞു.

മിസൈൽ പരീക്ഷണം നടക്കുമെന്ന് അറിഞ്ഞിരുന്നു; ലക്ഷ്യം ഉപഗ്രഹമാണെന്ന് തിരിച്ചറിഞ്ഞില്ലെന്ന് ഡേവിഡ് ഗ്രഷിന്റെ അവകാശവാദം വാഷിംഗ്ടണ്‍: 2019-ൽ ഇന്ത്യ നടത്തിയ ‘മിഷൻ ശക്തി’ ഉപഗ്രഹവേധ മിസൈൽ പരീക്ഷണം അമേരിക്കൻ രഹസ്യാന്വേഷണ സംവിധാനത്തെ അമ്പരപ്പിച്ചിരുന്നുവെന്ന് മുൻ യുഎസ് ഇന്റലിജൻസ് ഉദ്യോഗസ്ഥൻ ഡേവിഡ് ഗ്രഷ്. മിസൈൽ പരീക്ഷണം നടക്കാനിരിക്കുന്നതായി യുഎസിന് സൂചനകളുണ്ടായിരുന്നെങ്കിലും, അത് ഒരു ഉപഗ്രഹത്തെ ലക്ഷ്യമിടുന്ന ആന്റി-സാറ്റലൈറ്റ് (ASAT) പരീക്ഷണമാണെന്ന് മുൻകൂട്ടി തിരിച്ചറിഞ്ഞിരുന്നില്ലെന്നാണ് ഗ്രഷിന്റെ അവകാശവാദം. 2019 മാർച്ച് 27-നാണ് ഇന്ത്യ ‘മിഷൻ ശക്തി’യുടെ ഭാഗമായി ലോ എർത്ത് ഓർബിറ്റിലുണ്ടായിരുന്ന ഇന്ത്യൻ ഉപഗ്രഹത്തെ മിസൈൽ ഉപയോഗിച്ച് തകർത്തത്. ഭൂമിയിൽനിന്ന് ഏകദേശം 300 കിലോമീറ്റർ ഉയരത്തിലായിരുന്നു ലക്ഷ്യമിട്ട ഉപഗ്രഹം. പരീക്ഷണം വിജയിച്ചതോടെ ഉപഗ്രഹവേധ ശേഷി തെളിയിച്ച രാജ്യങ്ങളുടെ പട്ടികയിൽ ഇന്ത്യയും ഇടം നേടി. മുൻ യുഎസ് വ്യോമസേന ഇന്റലിജൻസ് ഉദ്യോഗസ്ഥനായ ഡേവിഡ് ഗ്രഷ് പിന്നീട് ഒരു പോഡ്‌കാസ്റ്റ് അഭിമുഖത്തിലാണ് സംഭവവുമായി ബന്ധപ്പെട്ട…