Day: October 4, 2026

നാന്റക്കെറ്റ് തീരത്ത് വിമാനാവശിഷ്ടങ്ങൾ കണ്ടെത്തി; നാല് ജീവനക്കാരും രണ്ട് യാത്രക്കാരും ഉൾപ്പെടെ ആറുപേർ വിമാനത്തിൽ, എല്ലാവരും മരിച്ചതായി ആശങ്ക ന്യൂയോർക്ക്: ബെർമുഡയിൽ നിന്ന് യുഎസിലെ ബോസ്റ്റണിലേക്ക് പുറപ്പെട്ട എയർ ആംബുലൻസ് അറ്റ്ലാന്റിക് സമുദ്രത്തിൽ തകർന്നുവീണതായി റിപ്പോർട്ട്. മസാച്യുസെറ്റ്സിലെ നാന്റക്കെറ്റ് തീരത്തിന് സമീപം വിമാനത്തിന്റെ അവശിഷ്ടങ്ങൾ കണ്ടെത്തിയതായി യുഎസ് കോസ്റ്റ് ഗാർഡ് അറിയിച്ചു. നാല് ജീവനക്കാരും രണ്ട് യാത്രക്കാരും ഉൾപ്പെടെ ആറുപേരാണ് വിമാനത്തിലുണ്ടായിരുന്നത്. ഇവരിൽ ആരെങ്കിലും രക്ഷപ്പെട്ടിട്ടുണ്ടോ എന്ന കാര്യത്തിൽ സ്ഥിരീകരണം ലഭിച്ചിട്ടില്ലെങ്കിലും എല്ലാവരും മരിച്ചിരിക്കാമെന്നാണ് ആശങ്ക. ബെർമുഡയിലെ എൽ.എഫ്. വേഡ് അന്താരാഷ്ട്ര വിമാനത്താവളത്തിൽ നിന്ന് ബോസ്റ്റണിലേക്ക് പുറപ്പെട്ട കനേഡിയൻ രജിസ്ട്രേഷനിലുള്ള ഗൾഫ്‌സ്ട്രീം ജി100 എയർ ആംബുലൻസാണ് അപകടത്തിൽപ്പെട്ടത്. പറക്കലിനിടെ വിമാനവുമായുള്ള ആശയവിനിമയം പെട്ടെന്ന് നഷ്ടപ്പെടുകയായിരുന്നു. തുടർന്ന് വ്യാപകമായ തിരച്ചിലിനൊടുവിലാണ് നാന്റക്കെറ്റ് തീരക്കടലിൽ വിമാനത്തിന്റെ അവശിഷ്ടങ്ങൾ കണ്ടെത്തിയത്. യുഎസ് കോസ്റ്റ് ഗാർഡ് നൽകിയ വിവരമനുസരിച്ച് വിമാനത്തിലുണ്ടായിരുന്ന ആറുപേരിൽ നാല്…

ഒക്ടോബർ 5 ലോക അധ്യാപക ദിനമായി ആചരിക്കുമ്പോൾ, അധ്യാപകന്റെ മഹത്തായ ദൗത്യത്തെക്കുറിച്ച് വീണ്ടും ചിന്തിക്കേണ്ട സമയമാണിത്. അറിവ് പകർന്നുനൽകുന്ന ഒരാൾ എന്നതിലുപരി, ഒരു തലമുറയുടെ ചിന്തയെയും സ്വഭാവത്തെയും ജീവിതവീക്ഷണത്തെയും രൂപപ്പെടുത്തുന്ന വ്യക്തിയാണ് അധ്യാപകൻ. കേരളത്തിന്റെ വിദ്യാഭ്യാസ ചരിത്രത്തിൽ അധ്യാപകർക്ക് വലിയ സ്ഥാനമാണുള്ളത്. പ്രത്യേകിച്ച് മലബാറിന്റെ സാമൂഹിക മുന്നേറ്റത്തിൽ അധ്യാപകരുടെ പങ്ക് വളരെ പ്രധാനപ്പെട്ടതാണ്. പരിമിതമായ സൗകര്യങ്ങളുള്ള കാലത്തുപോലും വീടുകളിലും വിദ്യാലയങ്ങളിലും അറിവിന്റെ വെളിച്ചം എത്തിക്കാൻ അധ്യാപകർ നടത്തിയ ശ്രമങ്ങൾ കേരളത്തിന്റെ സാമൂഹിക പുരോഗതിക്ക് ശക്തമായ അടിത്തറയായി. പഴയകാലത്ത് ഒരു അധ്യാപകൻ പാഠപുസ്തകം പഠിപ്പിക്കുന്ന വ്യക്തി മാത്രമായിരുന്നില്ല. വിദ്യാർത്ഥിയുടെ കുടുംബത്തെയും സമൂഹത്തെയും മനസ്സിലാക്കുന്ന ഒരാളായിരുന്നു. കുട്ടിയുടെ പഠനത്തിലെ ബുദ്ധിമുട്ടുകൾ മാത്രമല്ല, അവന്റെ ജീവിതത്തിലെ പ്രയാസങ്ങളും അധ്യാപകൻ തിരിച്ചറിഞ്ഞിരുന്നു. പല ഗ്രാമങ്ങളിലും അധ്യാപകൻ സമൂഹത്തിലെ വിശ്വാസമുള്ള വ്യക്തിയായിരുന്നു. ഇന്ന് കാലം മാറിയിരിക്കുന്നു. സാങ്കേതികവിദ്യ വിദ്യാഭ്യാസത്തിന്റെ ഭാഗമായിരിക്കുന്നു. മൊബൈൽ ഫോണും ഇന്റർനെറ്റും…