Year: 2026

ടെക്സസ്: മുപ്പത് വർഷത്തിലേറെയായി അമേരിക്കയിൽ താമസിക്കുന്ന ഇന്ത്യൻ വംശജയായ കോടതി വിവർത്തക മീനു ബത്രയെ  ഫെഡറൽ കസ്റ്റഡിയിൽ നിന്ന് മോചിപ്പിച്ചു. മീനുവിനെ തടങ്കലിൽ വെച്ച നടപടിയിൽ ഭരണഘടനാപരമായ ചട്ടങ്ങൾ ലംഘിക്കപ്പെട്ടുവെന്ന് കണ്ടെത്തിയതിനെത്തുടർന്നാണ് ടെക്സസിലെ ഫെഡറൽ കോടതിയുടെ ഉത്തരവ്. അറസ്റ്റ്: കഴിഞ്ഞ മാർച്ച് 17-ന് ഹാർലിംഗനിലെ വിമാനത്താവളത്തിൽ വെച്ചാണ് ഇമിഗ്രേഷൻ ഉദ്യോഗസ്ഥർ മീനുവിനെ അറസ്റ്റ് ചെയ്തത്. പഞ്ചാബി, ഹിന്ദി, ഉറുദു ഭാഷകളിൽ പ്രാവീണ്യമുള്ള ടെക്സസിലെ ഏക ലൈസൻസുള്ള വിവർത്തകയാണ് ഇവർ. കൃത്യമായ നോട്ടീസോ നിയമപരമായ നടപടിക്രമങ്ങളോ പാലിക്കാതെയാണ് മീനുവിനെ രണ്ടു മാസത്തോളം തടവിൽ വെച്ചതെന്ന് കോടതി കണ്ടെത്തി. ഇവരുടെ അവകാശങ്ങൾ ലംഘിക്കപ്പെട്ടുവെന്ന് ചൂണ്ടിക്കാട്ടി ഏപ്രിൽ 30-ന് ഇവരെ ഉടൻ മോചിപ്പിക്കാൻ ജഡ്ജി ഉത്തരവിടുകയായിരുന്നു. അമേരിക്കൻ സൈന്യത്തിൽ സേവനമനുഷ്ഠിക്കുന്ന തന്റെ മകൻ വഴി ഗ്രീൻ കാർഡിനായി മീനു ഉടൻ അപേക്ഷിക്കും. ഇവരെ നാടുകടത്താനുള്ള നീക്കങ്ങളെ നിയമപരമായി നേരിടുമെന്ന് അഭിഭാഷകൻ ദീപക്…

ഡാളസ്: സന്നദ്ധ സുവിശേഷ സംഘം നോർത്ത് അമേരിക്കൻ ഭദ്രാസനത്തിന്റെ പതിനെട്ടാമത് കോൺഫറൻസിനുള്ള ഒരുക്കങ്ങൾ ഡാളസിൽ  പുരോഗമിക്കുന്നു . 2026 ഓഗസ്റ്റ് 20 മുതൽ 23 വരെ നടക്കുന്ന ഈ സംഗമത്തിന് ആതിഥേയത്വം വഹിക്കുന്നത് സന്നദ്ധ സുവിശേഷ സംഘം ഡാല്ലസ്   സെന്റർ-എ  ആണ്. വിശുദ്ധ മത്തായിയുടെ സുവിശേഷത്തെ ആസ്പദമാക്കി “വന്നു കാൺമീൻ: വിശുദ്ധ ജീവിതത്തിലേക്കുള്ള ക്ഷണം” (Come and See: The Divine Invite) എന്നതാണ് ഈ വർഷത്തെ കോൺഫറൻസ് പ്രമേയം. ഫാർമേഴ്സ് ബ്രാഞ്ച് മാർത്തോമ ഇവന്റ് സെന്ററാണ് കോൺഫറൻസിന് വേദിയാകുന്നത്. നോർത്ത് അമേരിക്കൻ ഭദ്രാസന എപ്പിസ്കോപ്പ റൈറ്റ് റവ. ഡോ. എബ്രഹാം മാർ പൗലോസ്,  പ്രശസ്ത വചന പ്രഘോഷകൻ റവ. മോത്തി വർക്കിഎന്നിവരാണ് മുഖ്യ പ്രഭാഷകർ.  സെന്റർ-എ  പ്രസിഡന്റ് റവ. എബ്രഹാം വി . സാംസൺ, ജനറൽ കൺവീനർ ഷാജി എസ്. രാമപുരം എന്നിവരുടെ നേതൃത്വത്തിലുള്ള…

വാഷിംഗ്ടൺ  : തൊഴിലാളി അവകാശങ്ങൾക്കും കുടിയേറ്റ വിരുദ്ധ നടപടികൾ അവസാനിപ്പിക്കണമെന്നാവശ്യപ്പെട്ടും വാഷിംഗ്ടൺ സ്റ്റേറ്റിൽ മെയ് ദിനത്തിൽ വൻ പ്രതിഷേധം. ട്രംപ് ഭരണകൂടത്തിന്റെ കുടിയേറ്റ വേട്ട അവസാനിപ്പിക്കുക, ഐ.സി.ഇ  ഏജൻസിയെ നിർത്തലാക്കുക തുടങ്ങിയ മുദ്രാവാക്യങ്ങളുമായി ആയിരക്കണക്കിന് ആളുകൾ തെരുവിലിറങ്ങി. സീറ്റിൽ, ടാക്കോമ, യാക്കിമ തുടങ്ങി വിവിധ നഗരങ്ങളിൽ റാലികളും പണിമുടക്കും നടന്നു. ജീവിതച്ചെലവ് വർധിക്കുന്ന സാഹചര്യത്തിൽ ശമ്പള വർധനവും മെച്ചപ്പെട്ട ജോലി സാഹചര്യങ്ങളും പ്രതിഷേധക്കാർ ആവശ്യപ്പെട്ടു. ടാക്കോമയിലെ കുടിയേറ്റ തടങ്കൽ കേന്ദ്രം പൂട്ടുക, ഈ വർഷം സീറ്റിലിൽ നടക്കുന്ന ലോകകപ്പ് മത്സരങ്ങളിൽ നിന്ന് ഐ.സി.ഇ ഏജന്റുകളെ ഒഴിവാക്കുക എന്നിവയായിരുന്നു പ്രധാന ആവശ്യങ്ങൾ. ആമസോൺ പോലുള്ള വൻകിട കമ്പനികൾ കുടിയേറ്റ തൊഴിലാളികളെ ചൂഷണം ചെയ്യുന്നുവെന്നും ഐ.സി.ഇ-ക്ക് സാങ്കേതിക സഹായം നൽകുന്നുവെന്നും പ്രതിഷേധക്കാർ ആരോപിച്ചു. പലരും ജോലിയും ക്ലാസുകളും ഉപേക്ഷിച്ച് “ഐക്യദാർഢ്യത്തിന്റെ ഉച്ചതിരിഞ്ഞ്” (Afternoon of Solidarity) പരിപാടിയിൽ പങ്കുചേർന്നു. കുടിയേറ്റക്കാരാണ്…

ന്യൂയോർക്ക്: അമേരിക്കയിലെ ഏറ്റവും ആദ്യ സംഘടനയായ കേരളാ സമാജം ഓഫ് ഗ്രെയ്റ്റർ ന്യൂയോർക്കിൻറെ അൻപത്തിനാലാമതു വാർഷിക പ്രവർത്തനോദ്ഘാടനവും ഈസ്റ്റർ-വിഷു ആഘോഷവും മെയ് 9 ശനിയാഴ്ച്ച വൈകിട്ട് 6-ന് എൽമോണ്ടിലെ സെൻറ് വിൻസെൻറ് ഡീപോൾ മലങ്കര കത്തീഡ്രൽ ഓഡിറ്റോറിയത്തിൽ (1500 DePaul Street, Elmont, NY 11003) നടത്തപ്പെടുന്നു. കേരളാ ഗവൺമെൻറ് പ്രിൻസിപ്പൽ സെക്രട്ടറി ഡോ. രാജു നാരായണ സ്വാമി-IAS, ചടങ്ങിൽ മുഖ്യാതിഥിയായിരിക്കും. ഉദ്‌ഘാടന ചടങ്ങുകൾ നടത്തുന്നതിനുള്ള ക്രമീകരണങ്ങൾ എല്ലാം പുരോഗമിച്ചു വരുന്നു എന്ന് സമാജം പ്രസിഡൻറ് ഹേമചന്ദ്രൻ ലോങ്ങ് ഐലൻഡിൽ പ്രസ്താവിച്ചു. ചങ്ങനാശ്ശേരി സേക്രഡ് ഹാർട്ട് ഹൈസ്കൂളിൽ നിന്നും 1983-ൽ ഒന്നാം റാങ്കോടെ SSLC പരീക്ഷ പാസ്സായി, പിന്നീട് ചങ്ങനാശ്ശേരി S.B കോളേജിൽ നിന്നും പ്രീ ഡിഗ്രി പരീക്ഷയിൽ ഒന്നാംറാങ്ക് കരസ്ഥമാക്കി, മദ്രാസ് IIT -ൽ നിന്നും കമ്പ്യൂട്ടർ സയൻസ് എൻജിനീയറിങ്ങിൽ വീണ്ടും ഒന്നാം റാങ്ക് നേടി,…

ടാമ്പാ : ഫ്ലോറിഡയിലെ ടാമ്പാ ബേയിൽ നിന്ന് കണ്ടെടുത്ത മൃതദേഹം, കാണാതായ സൗത്ത് ഫ്ലോറിഡ സർവകലാശാലയിലെ ഗവേഷക വിദ്യാർത്ഥിനി നഹിദ ബ്രിസ്റ്റി (27) യുടേതാണെന്ന് പോലീസ് സ്ഥിരീകരിച്ചു. ബംഗ്ലാദേശ് സ്വദേശികളായ നഹിദയെയും സുഹൃത്ത് സമീൽ ലിമോനെയും (27) ഏപ്രിൽ 16 മുതലാണ് കാണാതായത്. കെമിക്കൽ എൻജിനീയറിങ് വിദ്യാർത്ഥിനിയായിരുന്നു നഹിദ. പരിസ്ഥിതി ശാസ്ത്രത്തിൽ AI ഉപയോഗിക്കുന്നതിനെക്കുറിച്ച് ഗവേഷണം നടത്തുകയായിരുന്നു സമീൽ. മൃതദേഹങ്ങൾ ബംഗ്ലാദേശിലെ ഇവരുടെ കുടുംബങ്ങൾക്ക് വിട്ടുനൽകാനുള്ള നടപടികൾ പോലീസ് ആരംഭിച്ചു. സമീൽ ലിമോന്റെ മൃതദേഹം നേരത്തെ പ്ലാസ്റ്റിക് ബാഗുകളിലാക്കിയ നിലയിൽ കണ്ടെത്തിയിരുന്നു. പിന്നാലെ നടത്തിയ തിരച്ചിലിലാണ് നഹിദയുടെ മൃതദേഹ അവശിഷ്ടങ്ങൾ ജലാശയത്തിൽ നിന്ന് കണ്ടെത്തിയത്. ഡിഎൻഎ പരിശോധനയിലൂടെയും പല്ലുകളുടെ ഘടനയിലൂടെയുമാണ് മൃതദേഹം തിരിച്ചറിഞ്ഞത്. ലിമോന്റെ റൂംമേറ്റായ ഹിഷാം അബുഗർബിയ (26) എന്നയാളെ പോലീസ് അറസ്റ്റ് ചെയ്തു. ഇയാൾക്കെതിരെ ഇരട്ടക്കൊലപാതകം ഉൾപ്പെടെയുള്ള കുറ്റങ്ങൾ ചുമത്തിയിട്ടുണ്ട്. മൃതദേഹം എങ്ങനെ മറവു…

ആലപ്പുഴ: ദേശീയപാതയിൽ വണ്ടാനത്തിന് സമീപം മോട്ടോർ ബൈക്ക് ലോറിയുമായി കൂട്ടിയിടിച്ച് രണ്ട് പേർ മരിച്ചു. അർത്തുങ്കൽ സ്വദേശി അഖിൽ കൃഷ്ണ (22), ചേർത്തല സ്വദേശി അച്ചു എസ് ദാസ് (20) എന്നിവരാണ് മരിച്ചത്. ഇന്നലെ അർദ്ധരാത്രി 12 മണിയോടെയാണ് അപകടമുണ്ടായത്. മരിച്ച രണ്ടുപേരും അയൽക്കാരും അടുത്ത സുഹൃത്തുക്കളുമാണ്. മാർത്താണ്ഡത്ത് നഴ്‌സിംഗ് വിദ്യാർത്ഥിയായിരുന്നു അച്ചു, ഐടിഐ പഠനം അടുത്തിടെ പൂർത്തിയാക്കിയിരുന്നു അഖിൽ കൃഷ്ണ. മാർത്താണ്ഡത്ത് നിന്ന് എത്തിയ അച്ചുവിനെ റെയിൽവേ സ്റ്റേഷനിൽ നിന്ന് കൂട്ടി വീട്ടിലേക്ക് മടങ്ങുകയായിരുന്നു അഖിൽ. കായംകുളത്ത് നിന്ന് ചേർത്തലയിലേക്ക് പോകുമ്പോൾ, ദേശീയ പാതയിൽ നിന്ന് വണ്ടാനത്ത് സർവീസ് റോഡിലേക്ക് തിരിയുമ്പോൾ അവരുടെ ബൈക്ക് ഒരു ലോറിയുമായി ഇടിച്ചു. ഇടിയുടെ ആഘാതത്തിൽ റോഡിലേക്ക് തെറിച്ചു വീണ അച്ചുവിന്റെ ശരീരത്തിലൂടെ ലോറിയുടെ പിൻചക്രങ്ങൾ കയറിയിറങ്ങി. സംഭവസ്ഥലത്തുവെച്ചുതന്നെ അച്ചു മരിച്ചു. ഗുരുതരമായി പരിക്കേറ്റ അഖിലിനെ ആലപ്പുഴ മെഡിക്കൽ കോളേജ്…

ബംഗ്ലാദേശിലെ ഒരു റെയിൽവേ സ്റ്റേഷനിൽ നിന്നുള്ള ഒരു വീഡിയോ സമൂഹ മാധ്യമങ്ങളില്‍ വൈറലാകുകയാണ്. അതിൽ, ഒരു പിതാവ് തന്റെ കുട്ടിയുടെ ജീവൻ രക്ഷിക്കാൻ മനസ്സാന്നിധ്യവും ധൈര്യവും ഉപയോഗിക്കുന്ന കാഴ്ച അമ്പരപ്പിക്കുന്നതാണ്. അച്ഛനും കുട്ടിയും പ്ലാറ്റ്‌ഫോമിൽ നിൽക്കുമ്പോഴാണ് സംഭവം. കുട്ടി പെട്ടെന്ന് പ്ലാറ്റ്‌ഫോമിൽ നിന്ന് റെയിൽവേ ട്രാക്കിലേക്ക് വീണു. അതേ സമയം, ഒരു ട്രെയിൻ അതിവേഗം സ്റ്റേഷനിലേക്ക് അടുക്കുകയായിരുന്നു. ഉടന്‍ തന്നെ അച്ഛൻ ഒരു നിമിഷം പോലും പാഴാക്കാതെ ട്രാക്കിലേക്ക് ചാടി ഉടൻ തന്നെ കുട്ടിയെ ശരീരം കൊണ്ട് മൂടി, ആഘാതത്തിൽ നിന്ന് പൂർണ്ണമായും സംരക്ഷിച്ചു. ട്രെയിൻ അവരുടെ മുകളിലൂടെ കടന്നുപോകുമ്പോൾ, അച്ഛൻ കുട്ടിയെ പിടിച്ചുകൊണ്ട് ട്രാക്കുകള്‍ക്കിടയില്‍ അനങ്ങാതെ കിടന്നു. പ്ലാറ്റ്‌ഫോമിൽ നിന്നവരെല്ലാം സ്തബ്ധരായി.. എല്ലാവരും ട്രെയിൻ കടന്നുപോകുന്നത് നോക്കിനിന്നതല്ലാതെ ആ സമയത്ത് ഒന്നും ചെയ്യാന്‍ നിവൃത്തിയില്ലായിരുന്നു. ഒടുവിൽ ട്രെയിൻ കടന്നുപോയിക്കഴിഞ്ഞാണ് അച്ഛനും കുട്ടിയും പൂർണ്ണമായും സുരക്ഷിതരാണെന്നും അവർക്ക്…