ന്യൂഡൽഹി: ഇന്ത്യൻ രാഷ്ട്രീയ ചരിത്രത്തിലെ ഏറ്റവും ദാരുണമായ അധ്യായങ്ങളിലൊന്നാണ് 1984 ഒക്ടോബർ 31. അന്നാണ് രാജ്യത്തിന്റെ പ്രധാനമന്ത്രിയായിരുന്ന ഇന്ദിരാഗാന്ധി സ്വന്തം സുരക്ഷാ ഉദ്യോഗസ്ഥരുടെ വെടിയേറ്റ് കൊല്ലപ്പെട്ടത്. ഇന്ത്യയെ മാത്രമല്ല, ലോകത്തെ മുഴുവൻ ഞെട്ടിച്ച ആ കൊലപാതകത്തിന്റെ ഓർമകൾ നാല് പതിറ്റാണ്ടുകൾക്കിപ്പുറവും മായാതെ നിൽക്കുകയാണ്. അന്നത്തെ സംഭവങ്ങൾ ഒരു മരുമകളുടെയും അമ്മയുടെയും ഭാര്യയുടെയും കാഴ്ചപ്പാടിലൂടെ ഹൃദയഭേദകമായി വിവരിക്കുകയാണ് കോൺഗ്രസ് നേതാവ് സോണിയ ഗാന്ധി. നവംബർ 10ന് പുറത്തിറങ്ങാനിരിക്കുന്ന സോണിയ ഗാന്ധിയുടെ ആത്മകഥയായ ‘ബിലോങ്ങിംഗ്: എ ജേർണി ഓഫ് ലവ്’ (Belonging: A Journey of Love) എന്ന പുസ്തകത്തിലാണ് ഇന്ദിരാഗാന്ധിയുടെ ജീവിതത്തിലെ അവസാന നിമിഷങ്ങളും അതിനുശേഷം നെഹ്റു-ഗാന്ധി കുടുംബത്തിലുണ്ടായ സംഭവവികാസങ്ങളും വിശദീകരിക്കുന്നത്. ഒരു രാജ്യത്തിന്റെ പ്രധാനമന്ത്രിയെ നഷ്ടപ്പെട്ടതിന്റെ രാഷ്ട്രീയ ആഘാതത്തിനൊപ്പം, സ്വന്തം കുടുംബത്തിലെ ഏറ്റവും പ്രിയപ്പെട്ട ഒരാളെ അപ്രതീക്ഷിതമായി നഷ്ടപ്പെട്ടതിന്റെ വേദനയും സോണിയയുടെ ഓർമകളിൽ നിറഞ്ഞുനിൽക്കുന്നു. 1984 ഒക്ടോബർ…
Year: 7 നവംബർ 2026
നരേന്ദ്ര മോദി ട്രംപിന്റെ കളിപ്പാവ; താരിഫ് ഭീഷണിക്ക് മുന്നിൽ കീഴടങ്ങിയ പ്രധാനമന്ത്രി രാജ്യത്തെ വിറ്റഴിച്ചെന്ന് അഭിജിത് ദീപ്കെ
കൊച്ചി: പ്രധാനമന്ത്രി നരേന്ദ്ര മോദിക്കും കേന്ദ്രത്തിലെ ബി.ജെ.പി സർക്കാരിനുമെതിരെ അതിരൂക്ഷ വിമർശനവുമായി സി.ജെ.പി സ്ഥാപകൻ അഭിജിത് ദീപ്കെ. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ കളിപ്പാവയായി നരേന്ദ്ര മോദി മാറിയിരിക്കുകയാണെന്നും അമേരിക്കയുടെ താരിഫ് ഭീഷണികൾക്ക് മുന്നിൽ രാജ്യത്തിന്റെ താൽപര്യങ്ങൾ സംരക്ഷിക്കുന്നതിനു പകരം ഭയന്ന് കീഴടങ്ങുകയാണ് പ്രധാനമന്ത്രി ചെയ്തതെന്നും അദ്ദേഹം ആരോപിച്ചു. കൊച്ചിയിൽ സംഘടിപ്പിച്ച ‘ജന്തർ മന്തർ@കൊച്ചി’ പരിപാടിയിൽ സംസാരിക്കവെയാണ് കേന്ദ്രസർക്കാരിന്റെ വിദേശനയം, ജനാധിപത്യവിരുദ്ധ സമീപനങ്ങൾ, കർഷകസമരങ്ങളോടുള്ള നിലപാട്, വർഗീയ രാഷ്ട്രീയം തുടങ്ങിയ വിഷയങ്ങളിൽ അഭിജിത് കടുത്ത വിമർശനമുന്നയിച്ചത്. രാജ്യത്തിന്റെ പരമാധികാരവും സാമ്പത്തിക താൽപര്യങ്ങളും സംരക്ഷിക്കേണ്ട പ്രധാനമന്ത്രി വിദേശശക്തികളുടെ സമ്മർദങ്ങൾക്ക് വഴങ്ങുന്നത് അംഗീകരിക്കാനാവില്ലെന്ന് അഭിജിത് പറഞ്ഞു. അമേരിക്കൻ പ്രസിഡന്റ് ഡൊണാൾഡ് ട്രംപ് ഉയർത്തിയ താരിഫ് ഭീഷണികൾക്ക് മുന്നിൽ ഉറച്ച നിലപാട് സ്വീകരിക്കാൻ നരേന്ദ്ര മോദിക്ക് കഴിഞ്ഞില്ലെന്നാണ് അദ്ദേഹത്തിന്റെ ആരോപണം. ശക്തനായ ഭരണാധികാരിയെന്ന പ്രതിച്ഛായ സൃഷ്ടിക്കുന്ന പ്രധാനമന്ത്രി നിർണായക ഘട്ടങ്ങളിൽ ദുർബലമായ…
കണ്ണൂരിൽ 17കാരന്റെ മരണം: ശസ്ത്രക്രിയ നടത്തിയ ഡോക്ടർക്കും ക്ലിനിക്കിനും രജിസ്ട്രേഷനില്ല; ചികിത്സയിൽ ഗുരുതര വീഴ്ചയെന്ന് മനുഷ്യാവകാശ കമ്മീഷൻ
കണ്ണൂർ: തൊണ്ടയിലെ ശസ്ത്രക്രിയയ്ക്ക് പിന്നാലെ പതിനേഴുകാരൻ മരിച്ച സംഭവത്തിൽ ഗുരുതരമായ ചികിത്സാവീഴ്ചകളും നിയമലംഘനങ്ങളും കണ്ടെത്തി സംസ്ഥാന മനുഷ്യാവകാശ കമ്മീഷൻ. ശസ്ത്രക്രിയ നടത്തിയ ഡോക്ടർക്കും ചികിത്സ നൽകിയ സ്വകാര്യ ക്ലിനിക്കിനും ആവശ്യമായ ഔദ്യോഗിക രജിസ്ട്രേഷൻ ഉണ്ടായിരുന്നില്ലെന്ന ഞെട്ടിക്കുന്ന വിവരമാണ് കമ്മീഷന്റെ അന്വേഷണത്തിൽ പുറത്തുവന്നത്. ചികിത്സയിലും തുടർന്നുള്ള അടിയന്തര പരിചരണത്തിലും ഗുരുതരമായ വീഴ്ചകളുണ്ടായെന്ന കണ്ടെത്തലിന്റെ അടിസ്ഥാനത്തിൽ സംഭവത്തിൽ പുനരന്വേഷണം നടത്താൻ കമ്മീഷൻ ഉത്തരവിട്ടു. ചികിത്സാപ്പിഴവില്ലെന്ന് വ്യക്തമാക്കി കേസ് അവസാനിപ്പിച്ച ജില്ലാ മെഡിക്കൽ ഓഫീസറുടെയും (ഡി.എം.ഒ) പൊലീസിന്റെയും അന്വേഷണ നടപടികളെയും മനുഷ്യാവകാശ കമ്മീഷൻ രൂക്ഷമായി വിമർശിച്ചു. ശസ്ത്രക്രിയ നടത്തിയ ഡോക്ടർക്ക് ആവശ്യമായ നിയമപരമായ രജിസ്ട്രേഷൻ ഉണ്ടായിരുന്നോ, ക്ലിനിക്ക് അംഗീകൃതമായിരുന്നോ തുടങ്ങിയ അടിസ്ഥാനകാര്യങ്ങൾ പോലും പരിശോധിക്കാതെയാണ് അന്വേഷണസംഘം നടപടികൾ അവസാനിപ്പിച്ചതെന്നാണ് കമ്മീഷന്റെ കണ്ടെത്തൽ. 2024 ജൂലൈയിലാണ് കണ്ണൂർ സ്വദേശിയായ സൂര്യജിത്ത് (17) തൊണ്ടയിലെ ശസ്ത്രക്രിയയെ തുടർന്ന് മരിച്ചത്. കണ്ണൂരിലെ പ്രിയ ഇ.എൻ.ടി ക്ലിനിക്കിലായിരുന്നു…
രാശിഫലം (07-11-2026 ശനി)
ചിങ്ങം: നിങ്ങളുടെ ബുദ്ധിപരമായ കഴിവുകള് പ്രകടിപ്പിക്കാനായി ബൗദ്ധിക ചര്ച്ചകളില് പങ്കെടുക്കാന് നിങ്ങളിന്ന് താല്പര്യം കണിക്കുമെങ്കിലും അത്തരം ചര്ച്ചകള് ഒഴിവാക്കുക. ഇന്ന് കുടുംബാംഗങ്ങളുമായി സമയം ചെലവഴിക്കും. ഇന്ന് സാമ്പത്തിക നേട്ടങ്ങളും ഉണ്ടാകും. പക്ഷേ ദിവസത്തിൻ്റെ രണ്ടാം പകുതിയില് ഓരോ ചുവടും സൂക്ഷിച്ച് വേണം. സഹോദരന്മാരില് നിന്ന് നിങ്ങള്ക്ക് സഹായം ലഭിക്കും. കന്നി: ഇന്ന് പ്രതീക്ഷകളുടെ ദിനമാണ്. ഒരു നല്ല ഭാവി പ്രതീക്ഷിക്കുന്നു. പ്രിയതമയുടെ പരിഗണനയും സ്നേഹവും മൂലം ലോകത്തോടുള്ള നിങ്ങളുടെ കാഴ്ചപ്പാട് തന്നെ മാറ്റുന്നതിന് നിങ്ങള് തയ്യാറായേക്കാം. ഇങ്ങനെ ചെയ്യുന്നതുമൂലം നിങ്ങളുടെ ജീവിതം വളരെ മെച്ചപ്പെടും. ജോലിയിലും മികച്ച പ്രവർത്തനം കാഴ്ചവയ്ക്കാം. മേൽ ഉദ്യോഗസ്ഥരിൽ നിന്ന് പ്രശംസ ലഭിക്കും. തുലാം: കോപം നിയന്ത്രിക്കുക. നിയമപരമായ കാര്യങ്ങളില് തീരുമാനമെടുക്കുമ്പോള് സൂക്ഷിക്കുക. ചെലവുകള് ഇന്ന് വളരെ വർധിച്ചേക്കും. ശാരീരികവും മാനസികവുമായ ആരോഗ്യനിലയും അത്ര നന്നായിരിക്കുകയില്ല. പക്ഷേ ഉച്ചക്ക് ശേഷം സന്തോഷം അനുഭവപ്പെടാം.…
വനിതാവകാശ ചർച്ചയ്ക്ക് പിന്നാലെ വധഭീഷണിയും സൈബർ ആക്രമണവും; മാധ്യമപ്രവർത്തക അപർണ കുറുപ്പിനും മകനും പൊലീസ് സംരക്ഷണം ഉറപ്പാക്കണമെന്ന് ഹൈക്കോടതി
കൊച്ചി: വനിതകളുടെ അവകാശങ്ങളുമായി ബന്ധപ്പെട്ട് കാന്തപുരം എ.പി. അബൂബക്കർ മുസ്ലിയാർ നടത്തിയ പരാമർശങ്ങളെക്കുറിച്ച് ടെലിവിഷൻ ചർച്ച നയിച്ചതിന്റെ പേരിൽ വധഭീഷണിയും രൂക്ഷമായ സൈബർ ആക്രമണവും നേരിടുന്നതായി പരാതിപ്പെട്ട മാധ്യമപ്രവർത്തക അപർണ കുറുപ്പിനും പ്രായപൂർത്തിയാകാത്ത മകനും ആവശ്യമായ പൊലീസ് സംരക്ഷണം ഉറപ്പാക്കാൻ കേരള ഹൈക്കോടതിയുടെ നിർദേശം. മാധ്യമപ്രവർത്തകയുടെയും മകന്റെയും ജീവനും അവർ താമസിക്കുന്ന അപ്പാർട്ട്മെന്റിനും മതിയായ സുരക്ഷ ഉറപ്പുവരുത്തണമെന്ന് എറണാകുളം സൗത്ത് പൊലീസ് സ്റ്റേഷൻ ഹൗസ് ഓഫീസറോട് കോടതി നിർദേശിച്ചു. ജസ്റ്റിസ് മുരളി പുരുഷോത്തമനാണ് നവംബർ ആറിന് ഇതുസംബന്ധിച്ച ഉത്തരവ് പുറപ്പെടുവിച്ചത്. ബിഗ് ടി.വി. ചാനലിലെ സീനിയർ കോഓർഡിനേറ്റിങ് എഡിറ്ററായ അപർണ കുറുപ്പ് സമർപ്പിച്ച ഹർജി പരിഗണിച്ചാണ് ഹൈക്കോടതിയുടെ ഇടപെടൽ. വനിതകളുടെ അവകാശങ്ങളെ സംബന്ധിച്ച കാന്തപുരം എ.പി. അബൂബക്കർ മുസ്ലിയാരുടെ പരാമർശങ്ങൾ ചർച്ചാവിഷയമാക്കി ചാനലിൽ സംപ്രേഷണം ചെയ്ത ‘ബിഗ് ഡയലോഗ്’ എന്ന പരിപാടി നയിച്ചതിന് പിന്നാലെയാണ് തനിക്കെതിരെ സംഘടിത…
കാക്കനാട്ട് സ്വകാര്യ ബസിടിച്ച് യുവതി മരിച്ച സംഭവം: നടപ്പാതകളുടെ അഭാവത്തിലും അശ്രദ്ധമായ ഡ്രൈവിംഗിലും അതീവ ദുഃഖവും കടുത്ത ആശങ്കയും രേഖപ്പെടുത്തി ഹൈക്കോടതി; സുരക്ഷാ സംവിധാനങ്ങളുടെ വീഴ്ചയിൽ രൂക്ഷ വിമർശനം
കൊച്ചി: കാക്കനാടിന് സമീപം സ്വകാര്യ ബസിടിച്ച് 28 വയസ്സുകാരിയായ അക്ഷര ദാരുണമായി മരിച്ച സംഭവത്തിൽ അതീവ ദുഃഖവും കടുത്ത ആശങ്കയും രേഖപ്പെടുത്തി കേരള ഹൈക്കോടതി. സംസ്ഥാനത്തെ പ്രധാന റോഡുകളിൽ കാൽനടയാത്രക്കാർക്ക് സുരക്ഷിതമായി സഞ്ചരിക്കാൻ ആവശ്യമായ നടപ്പാതകളില്ലാത്തതും പൊതുഗതാഗത വാഹനങ്ങളുടെ അശ്രദ്ധമായ ഡ്രൈവിങ്ങും മനുഷ്യജീവനുകൾക്ക് ഗുരുതരമായ ഭീഷണിയായി മാറുകയാണെന്ന് കോടതി നിരീക്ഷിച്ചു. കാൽനടയാത്രക്കാരുടെ സുരക്ഷ ഉറപ്പാക്കുന്നതിൽ ബന്ധപ്പെട്ട അധികാരികൾക്കുണ്ടായ വീഴ്ചയുടെ ദാരുണമായ ഉദാഹരണമാണ് അക്ഷരയുടെ മരണമെന്ന് ജസ്റ്റിസ് ദേവൻ രാമചന്ദ്രൻ അഭിപ്രായപ്പെട്ടു. സംസ്ഥാനത്തെ റോഡുകളുടെ ശോച്യാവസ്ഥ, ഗതാഗതനിയമലംഘനങ്ങൾ, വർധിച്ചുവരുന്ന വാഹനാപകടങ്ങൾ, കാൽനട യാത്രക്കാർ നേരിടുന്ന സുരക്ഷാഭീഷണി എന്നിവയുമായി ബന്ധപ്പെട്ട ഹർജി പരിഗണിക്കുന്നതിനിടെയാണ് ഹൈക്കോടതി ശക്തമായ പരാമർശങ്ങൾ നടത്തിയത്. അമിക്കസ് ക്യൂറിമാരുടെ അഭ്യർഥനയെ തുടർന്ന് അക്ഷരയുടെ മരണത്തിനിടയാക്കിയ അപകടത്തിന്റെ ദൃശ്യങ്ങൾ കോടതിയിൽ പ്രദർശിപ്പിച്ചു. ദൃശ്യങ്ങൾ പരിശോധിച്ച കോടതി, അപകടം നടന്ന സാഹചര്യങ്ങളിലും കാൽനടയാത്രക്കാർ നേരിടുന്ന അപകടസാധ്യതകളിലും കടുത്ത ആശങ്ക പ്രകടിപ്പിച്ചു.…
‘ചട്ടപ്രകാരം പ്രവർത്തിച്ചിട്ടും എന്തിനാണ് എന്നെ മാറ്റിയതെന്ന് മനസ്സിലാകുന്നില്ല’; എക്സൈസ് കമ്മീഷണർ സ്ഥാനത്തുനിന്ന് നീക്കിയതിൽ കടുത്ത അതൃപ്തിയുമായി സീറാം സാംബശിവറാവു
തിരുവനന്തപുരം: എക്സൈസ് കമ്മീഷണർ സ്ഥാനത്തുനിന്ന് തന്നെ മാറ്റിയ സർക്കാർ നടപടിയിൽ കടുത്ത അതൃപ്തിയും പ്രതിഷേധവും പ്രകടിപ്പിച്ച് സീറാം സാംബശിവറാവു. ഔദ്യോഗിക ചട്ടങ്ങളും നിയമനടപടികളും കൃത്യമായി പാലിച്ചാണ് താൻ പ്രവർത്തിച്ചതെന്നും, എന്നിട്ടും സ്ഥാനത്തുനിന്ന് മാറ്റാനുള്ള കാരണം എന്താണെന്ന് മനസ്സിലാകുന്നില്ലെന്നും അദ്ദേഹം പ്രതികരിച്ചു. വകുപ്പുമായി ബന്ധപ്പെട്ട് സർക്കാരിനെ അറിയിക്കേണ്ട എല്ലാ കാര്യങ്ങളും യഥാസമയം കൃത്യമായി അറിയിച്ചിട്ടുണ്ടെന്നും തന്റെ ഭാഗത്തുനിന്ന് സർക്കാരിന് ദോഷകരമാകുന്ന ഒരു നടപടിയും ഉണ്ടായിട്ടില്ലെന്നും അദ്ദേഹം വ്യക്തമാക്കി. എക്സൈസ് കമ്മീഷണർ എന്ന നിലയിൽ തന്റെ ചുമതലകൾ ഉത്തരവാദിത്വത്തോടെയും നിയമാനുസൃതമായുമാണ് നിർവഹിച്ചതെന്ന നിലപാടിലാണ് സാംബശിവറാവു. സർക്കാർ തീരുമാനത്തോടുള്ള വിയോജിപ്പ് വാക്കുകളിൽ മാത്രം ഒതുക്കാതെ, സ്ഥാനമൊഴിയുമ്പോൾ പതിവായി സംഘടിപ്പിക്കുന്ന ഔദ്യോഗിക യാത്രയയപ്പ് ചടങ്ങും സർക്കാർ വാഹനവും ഒഴിവാക്കിയാണ് അദ്ദേഹം പ്രതിഷേധം രേഖപ്പെടുത്തിയത്. ഈ നടപടി അദ്ദേഹത്തിന്റെ അതൃപ്തിയുടെ ശക്തമായ പ്രകടനമായി മാറി. അതിനിടെ, സ്ഥാനമൊഴിയുന്നതിന് തൊട്ടുമുമ്പ് എക്സൈസ് വകുപ്പിലെ ഉന്നത ഉദ്യോഗസ്ഥർക്കെതിരെ…
വയനാട് ദുരന്തത്തിൽ ഉറ്റവരെയെല്ലാം നഷ്ടപ്പെട്ട ശ്രുതിക്ക് ഇനി സന്ദീപ് ജീവിതപങ്കാളി; കണ്ണീരിന്റെ നാളുകൾക്ക് വിടചൊല്ലി ഗുരുവായൂരിൽ മംഗല്യം
തൃശ്ശൂർ: വയനാട് ചൂരൽമല ഉരുൾപൊട്ടൽ ദുരന്തത്തിൽ കുടുംബാംഗങ്ങളെയും പിന്നീട് വാഹനാപകടത്തിൽ പ്രതിശ്രുതവരനെയും നഷ്ടപ്പെട്ട ശ്രുതിയുടെ ജീവിതത്തിൽ പുതിയൊരു സന്തോഷാധ്യായം. ദുരന്തങ്ങളും തീരാവേദനകളും സമ്മാനിച്ച ജീവിതത്തിൽ പ്രതീക്ഷയുടെ പുതുവെളിച്ചം പകർന്ന് ശ്രുതി വിവാഹിതയായി. മാനന്തവാടി കളക്ടറേറ്റിലെ സഹപ്രവർത്തകനായ സന്ദീപ് ശങ്കരനാണ് ശ്രുതിയുടെ ജീവിതപങ്കാളിയായത്. ഗുരുവായൂരിൽ നടന്ന വിവാഹച്ചടങ്ങുകൾക്ക് റവന്യൂ വകുപ്പ് മുൻ മന്ത്രിയും എംഎൽഎയുമായ കെ. രാജൻ രക്ഷകർത്താവിന്റെ സ്ഥാനത്തുനിന്ന് നേതൃത്വം നൽകി. കേരളത്തെ ഒന്നാകെ കണ്ണീരിലാഴ്ത്തിയ 2024 ജൂലൈ 30ലെ വയനാട് ചൂരൽമല–മുണ്ടക്കൈ ഉരുൾപൊട്ടൽ ദുരന്തം ശ്രുതിയുടെ ജീവിതത്തിൽ സൃഷ്ടിച്ചത് നികത്താനാവാത്ത നഷ്ടങ്ങളായിരുന്നു. മാതാപിതാക്കളും സഹോദരങ്ങളും ഉൾപ്പെടെ ഒമ്പത് ഉറ്റബന്ധുക്കളെയാണ് ആ മഹാദുരന്തത്തിൽ ശ്രുതിക്ക് നഷ്ടമായത്. ഒരുനിമിഷംകൊണ്ട് കുടുംബവും വീടും ജീവിതത്തിലെ സന്തോഷങ്ങളും ഇല്ലാതായപ്പോൾ മുന്നോട്ടുള്ള ജീവിതം എങ്ങനെയെന്നറിയാതെ പകച്ചുനിൽക്കേണ്ടിവന്നു. എന്നാൽ, എല്ലാ പ്രതീക്ഷകളും അസ്തമിച്ച ആ ദുരന്തകാലത്തും ശ്രുതിക്ക് ആശ്വാസമായി ഒപ്പമുണ്ടായിരുന്നത് പ്രതിശ്രുതവരൻ ജെൻസനായിരുന്നു. കുടുംബാംഗങ്ങളെ…
അമേരിക്കൻ രാഷ്ട്രീയം പുതിയൊരു വഴിത്തിരിവിൽ; 2026 മിഡ്ടേം ഫലങ്ങളും വിശകലനവും: സണ്ണി മാളിയേക്കൽ
അമേരിക്കൻ രാഷ്ട്രീയത്തിൽ എപ്പോഴും ഭരണപക്ഷത്തിനെതിരായ ജനവികാര പ്രതിഫലനങ്ങളാണ് ഇടക്കാല തിരഞ്ഞെടുപ്പുകൾ. എന്നാൽ, 2026 നവംബർ ആദ്യവാരം നടന്ന ഇടക്കാല തിരഞ്ഞെടുപ്പ് വെറുമൊരു ഭരണവിരുദ്ധ തരംഗം എന്നതിലുപരി, അമേരിക്കൻ ജനസംഖ്യാ ശാസ്ത്രത്തിലും വോട്ട് ബാങ്കിലും സംഭവിച്ച വലിയൊരു സാമൂഹിക മാറ്റത്തെയാണ് അടയാളപ്പെടുത്തുന്നത്. റിപ്പബ്ലിക്കൻ പാർട്ടിയുടെ ഉറച്ച കോട്ടകളായി കരുതിയിരുന്ന പരമ്പരാഗത ‘റെഡ് സ്റ്റേറ്റുകളിൽ’ (Red States) പോലും ഡെമോക്രാറ്റിക് പാർട്ടി ഉണ്ടാക്കിയ അപ്രതീക്ഷിത മുന്നേറ്റം അമേരിക്കൻ രാഷ്ട്രീയ നിരീക്ഷകരെ അമ്പരപ്പിച്ചിരിക്കുകയാണ്. അമേരിക്കൻ കോൺഗ്രസിന്റെ ഇരുസഭകളിലും (ഹൗസ് ഓഫ് റെപ്രസെന്റേറ്റീവ്സും സെനറ്റും) കേവലഭൂരിപക്ഷം നേടാൻ ഡെമോക്രാറ്റുകൾക്ക് കഴിഞ്ഞു. ഇത് വെറുമൊരു വ്യക്തിഗത വിജയമോ അല്ലെങ്കിൽ പ്രസിഡന്റ് ഡൊണാൾഡ് ട്രംപിന്റെ വ്യക്തിപരമായ വീഴ്ചയോ മാത്രം കൊണ്ടല്ല; മറിച്ച് അതിന് പിന്നിൽ അടിയൊഴുക്കുകളായി പ്രവർത്തിച്ച നയപരമായ വൈരുദ്ധ്യങ്ങളും സാമ്പത്തിക ബുദ്ധിമുട്ടുകളുമാണ്. 1. പരാജയത്തിന് പിന്നിലെ പ്രധാന കാരണങ്ങൾ എ) താരിഫ് നയങ്ങളും പണപ്പെരുപ്പവും…
നോർത്ത് ഡക്കോട്ടയിൽ ആദ്യമായി മഹാത്മാഗാന്ധിയുടെ പ്രതിമ അനാച്ഛാദനം ചെയ്തു
ബിസ്മാർക്ക് (നോർത്ത് ഡക്കോട്ട): നോർത്ത് ഡക്കോട്ടയിലെ പീസ് പാർക്കിൽ മഹാത്മാഗാന്ധിയുടെ പ്രതിമ അനാച്ഛാദനം ചെയ്തു. സംസ്ഥാനത്ത് സ്ഥാപിക്കുന്ന ആദ്യ ഗാന്ധി പ്രതിമയാണിത്. ഇന്ത്യൻ കോൺസൽ ജനറൽ പ്രകാശ് ഗുപ്ത പീസ് പാർക്ക് സന്ദർശിച്ചപ്പോഴാണ് ഇങ്ങനെയൊരു ആശയം ഉയർന്നുവന്നത്. മുൻപ് ഇവിടെ പ്രവർത്തിച്ചിരുന്ന ‘ഗാന്ധി പീസ് നെറ്റ്വർക്കി’ന്റെ ഫലകം ശ്രദ്ധയിൽപ്പെട്ട അദ്ദേഹം, ഗാന്ധിജിയുടെ ഒരു പ്രതിമ കൂടി ഇവിടെ സ്ഥാപിക്കുന്നത് അനുയോജ്യമായിരിക്കുമെന്ന് നിർദ്ദേശിക്കുകയായിരുന്നു. തുടർന്ന് ഇന്ത്യയിൽ നിർമ്മിച്ച പ്രതിമ ബിസ്മാർക്കിലേക്ക് എത്തിക്കുകയായിരുന്നു. ഇന്ത്യൻ-അമേരിക്കൻ സമൂഹത്തിലെ അംഗങ്ങൾ, ബിസ്മാർക്ക് പാർക്ക്സ് ആൻഡ് റെക്രിയേഷൻ പ്രതിനിധികൾ, നോർത്ത് ഡക്കോട്ട അഗ്രികൾച്ചർ കമ്മീഷണർ ഡഗ് ഗോറിംഗ്, സീാറ്റിലിലെ ഇന്ത്യൻ കോൺസുലേറ്റ് ഉദ്യോഗസ്ഥർ എന്നിവർ ചടങ്ങിൽ പങ്കെടുത്തു. ഗാന്ധിജിയുടെ ജീവിതത്തെക്കുറിച്ചും മാർട്ടിൻ ലൂഥർ കിംഗ് ജൂനിയറിന് അദ്ദേഹത്തിൽ നിന്നുണ്ടായ പ്രചോദനത്തെക്കുറിച്ചും സന്ദർശകർക്ക് മനസ്സിലാക്കാൻ പ്രതിമയ്ക്ക് സമീപം ക്യു.ആർ കോഡ് (QR Code) സംവിധാനവും ഒരുക്കിയിട്ടുണ്ട്.…
