ബംഗ്ലാദേശിലെ ഒരു റെയിൽവേ സ്റ്റേഷനിൽ നിന്നുള്ള ഒരു വീഡിയോ സമൂഹ മാധ്യമങ്ങളില് വൈറലാകുകയാണ്. അതിൽ, ഒരു പിതാവ് തന്റെ കുട്ടിയുടെ ജീവൻ രക്ഷിക്കാൻ മനസ്സാന്നിധ്യവും ധൈര്യവും ഉപയോഗിക്കുന്ന കാഴ്ച അമ്പരപ്പിക്കുന്നതാണ്. അച്ഛനും കുട്ടിയും പ്ലാറ്റ്ഫോമിൽ നിൽക്കുമ്പോഴാണ് സംഭവം. കുട്ടി പെട്ടെന്ന് പ്ലാറ്റ്ഫോമിൽ നിന്ന് റെയിൽവേ ട്രാക്കിലേക്ക് വീണു. അതേ സമയം, ഒരു ട്രെയിൻ അതിവേഗം സ്റ്റേഷനിലേക്ക് അടുക്കുകയായിരുന്നു.
ഉടന് തന്നെ അച്ഛൻ ഒരു നിമിഷം പോലും പാഴാക്കാതെ ട്രാക്കിലേക്ക് ചാടി ഉടൻ തന്നെ കുട്ടിയെ ശരീരം കൊണ്ട് മൂടി, ആഘാതത്തിൽ നിന്ന് പൂർണ്ണമായും സംരക്ഷിച്ചു. ട്രെയിൻ അവരുടെ മുകളിലൂടെ കടന്നുപോകുമ്പോൾ, അച്ഛൻ കുട്ടിയെ പിടിച്ചുകൊണ്ട് ട്രാക്കുകള്ക്കിടയില് അനങ്ങാതെ കിടന്നു.
പ്ലാറ്റ്ഫോമിൽ നിന്നവരെല്ലാം സ്തബ്ധരായി.. എല്ലാവരും ട്രെയിൻ കടന്നുപോകുന്നത് നോക്കിനിന്നതല്ലാതെ ആ സമയത്ത് ഒന്നും ചെയ്യാന് നിവൃത്തിയില്ലായിരുന്നു. ഒടുവിൽ ട്രെയിൻ കടന്നുപോയിക്കഴിഞ്ഞാണ് അച്ഛനും കുട്ടിയും പൂർണ്ണമായും സുരക്ഷിതരാണെന്നും അവർക്ക് ഗുരുതരമായ പരിക്കുകളൊന്നുമില്ലെന്നും കണ്ടെത്തിയത്. അപകടം ഒഴിഞ്ഞയുടനെ ആളുകൾ സഹായത്തിനായി ഓടിയെത്തി.
നിരവധി പേർ ആ പിതാവിന്റെ ധൈര്യത്തെയും പെട്ടെന്നുള്ള നടപടിയെയും പ്രശംസിച്ചുകൊണ്ട് കൈയടിക്കാനും പ്രോത്സാഹിപ്പിക്കാനും തുടങ്ങി. വീഡിയോ സോഷ്യൽ മീഡിയയിൽ വ്യാപകമായി പങ്കുവെക്കപ്പെട്ടു. അപകടകരമായ സാഹചര്യത്തിൽ പെട്ടെന്ന് തീരുമാനങ്ങൾ എടുക്കാനുള്ള അച്ഛന്റെ സ്നേഹവും കഴിവുമാണ് തങ്ങളുടെ ജീവൻ രക്ഷിച്ചതെന്ന് പലരും പറഞ്ഞു.
ഈ സംഭവം നടന്ന സ്റ്റേഷൻ, പിതാവിന്റെ പേര്, കുട്ടിയുടെ പേര് എന്നിവയെക്കുറിച്ചുള്ള വിവരങ്ങൾ നിലവിൽ അജ്ഞാതമാണ്. ഈ വീഡിയോ അതിവേഗമാണ് പങ്കിടപ്പെടുന്നത്.
A father’s love knows no bounds! ❤️
At Bhairab Railway Station in Bangladesh, a dad risked his life by jumping in front of a speeding train to save his young son. This is true heroism and the ultimate parental sacrifice.
Real superheroes don’t wear capes… they become shields for… pic.twitter.com/El6Ys0U2E5— ಸನಾತನ (सनातन) (@sanatan_kannada) April 29, 2026
