ചേരിയം: ചേരിയം പ്രദേശത്ത് മൂർക്കനാട് കുടിവെള്ള പൈപ്പ് ലൈൻ തകർന്ന് ദിവസങ്ങളായി കുടിവെള്ളം മുടങ്ങിയ സാഹചര്യത്തിൽ പൊട്ടിപ്പോയ പൈപ്പ് ലൈൻ ഉടൻ പുനസ്ഥാപിക്കണമെന്ന് ചേരിയം വെൽഫയർ പാർട്ടി യൂണിറ്റ് ആവശ്യപ്പെട്ടു. കടുത്ത ചൂടിലും ദിവസങ്ങളായി കുടിവെള്ളം മുടങ്ങിക്കിടക്കുന്നതിൽ പ്രവർത്തകർ പ്രതിഷേധിച്ചു. യൂണിറ്റ് പ്രസിഡന്റ് അബൂബക്കർ സിദ്ദീഖിൻ്റെ അദ്ധ്യക്ഷതയിൽ ചേർന്ന യോഗത്തിൽ സെക്രട്ടറി മുഹമ്മദ് ശരീഫ്, ദാനിഷ് , മമ്മദ് കുട്ടി തുടങ്ങിയവർ സംസാരിച്ചു.
Day: March 8, 2022
വനിതാ ദിനത്തിൽ അവകാശ സംരക്ഷണ സദസ്സ് സംഘടിപ്പിച്ച് വിമൻസ് ജസ്റ്റിസ് മൂവ്മെന്റ്
പാലക്കാട്: അന്താരാഷ്ട്ര വനിതാ ദിനമായ മാർച്ച് 8 ന് വിമൻസ് ജസ്റ്റിസ് മൂവ്മെന്റ് പാലക്കാട് ജില്ലാ കമ്മിറ്റി നേതൃത്വത്തിൽ സ്റ്റേഡിയം സ്റ്റാന്റ് ഗ്രൗണ്ടിൽ അവകാശ സംരക്ഷണ സദസ്സ് സംഘടിപ്പിച്ചു. പരിപാടി വിമൻസ് ജസ്റ്റിസ് മൂവ്മെന്റ് സംസ്ഥാന കമ്മിറ്റി അംഗം ഇ.സി.ആയിശ ഉൽഘാടനം ചെയ്തു. വനിതാ ദിനത്തിൽ മാത്രം സ്ത്രീകളുടെ അവകാശത്തെയും അഭിമാനത്തെയും സംബന്ധിച്ച് വാചാലരാകുന്നതിന് അപ്പുറം സമൂഹം നിത്യേനയുള്ള ജീവിത സാഹചര്യത്തിൽ സ്ത്രീകൾക്ക് മാനവികമായ വലിയ പരിഗണന നൽകണമെന്നും രാഷ്ട്രീയ, മത,സാമൂഹിക, സാംസ്ക്കാരിക, വിദ്യാഭ്യാസ, തൊഴിൽ തുടങ്ങി എല്ലാ മേഖലകളിലും സ്വാതന്ത്ര്യവും സുരക്ഷിതത്വവും ഭരണഘടന നൽകുന്ന മൗലികാവകാശങ്ങളും സംരക്ഷിക്കപ്പെടണമെന്നും ഇ.സി.ആയിശ ഓർമ്മിപ്പിച്ചു. ജില്ലാ വൈസ് പ്രസിഡന്റ് ആസിയ റസാഖ് അദ്ധ്യക്ഷത വഹിച്ച യോഗത്തിൽ മുൻ വനിതാ കമ്മീഷൻ അംഗം തുളസി ടീച്ചർ, പാലക്കാട് നഗരസഭ മുൻ കൗണ്സിലർ ചെമ്പകം, ഫ്രറ്റേണിറ്റി ജില്ലാ വൈസ് പ്രസിഡന്റ് ഹിബ തൃത്താല,…
കുവൈറ്റില് താമസ നിയമലംഘകര്ക്ക് രാജ്യം വിടാന് അവസരം
കുവൈറ്റ് സിറ്റി : താമസ നിയമലംഘകര്ക്ക് പിഴ അടയ്ക്കാതെ രാജ്യം വിടാന് റസിഡന്സ് അഫയേഴ്സ് ഡിപ്പാര്ട്ട്മെന്റ് നിര്ദ്ദേശം സമര്പ്പിച്ചതായി പ്രാദേശിക പത്രമായ അല് അന്ബ റിപ്പോര്ട്ടു ചെയ്തു. ഏറ്റവും പുതിയ കണക്കുകള് പ്രകാരം രാജ്യത്തു നിലവില് 1,50,000 നിയമലംഘകര് അനധികൃതമായി താമസിക്കുന്നുണ്ട്. നേരത്തെ നിരവധി തവണ പൊതുമാപ്പ് അടക്കമുള്ള ഇളവുകള് നല്കിയിരുന്നുവെങ്കിലും ഇത്തരക്കാര് രാജ്യം വിടാന് തയാറായിരുന്നില്ല. അതിനിടെ രാജ്യത്തിന്റെ വിവിധ ഭാഗങ്ങളില് ആഭ്യന്തര മന്ത്രാലയം സുരക്ഷാ പരിശോധന ആരംഭിച്ചിട്ടുണ്ട്. പോലീസ് ഉദ്യോഗസ്ഥര് സിവില് വേഷത്തിലെത്തിയാണ് ഫ്ലാറ്റുകള് കയറിയും മറ്റും അനധികൃത താമസക്കാരെ പിടികൂടുന്നത്. കഴിഞ്ഞ ദിവസങ്ങളില് അബാസിയ, ഹസാവി, മഹബൂല, ഫഹാഹീല് തുടങ്ങിയ ഭാഗങ്ങളില് പരിശോധന നടത്തിയതായി അധികൃതര് അറിയിച്ചു. സലിം കോട്ടയില്
ഫോക്ക് വനിതാവേദി വെബിനാര് മാര്ച്ച് 11 ന്
കുവൈറ്റ് സിറ്റി: ഫ്രണ്ട്സ് ഓഫ് കണ്ണൂര് കുവൈറ്റ് എക്സ്പാറ്റ്സ് അസോസിയേഷന് (ഫോക്ക്) വനിതാവേദിയുടെ ആഭിമുഖ്യത്തില്, അന്താരാഷ്ട്രാ വനിതാദിനത്തോടനുബന്ധിച്ചു ‘ഹെല്ത്തി ഡയറ്റ് വെല്ത്തി ലൈഫ്’ എന്ന വിഷയത്തില് വെബിനാര് സംഘടിപ്പിക്കുന്നു. മാര്ച്ച് 11 നു (വെള്ളി) കുവൈറ്റ് സമയം വൈകുന്നേരം 5.30 മുതല് ആരംഭിക്കുന്ന വെബിനാറിന് തിരുവനന്തപുരത്തെ ഡോ. ദിവ്യാസ് ഹോമിയോപ്പതി സ്പെഷാലിറ്റി ക്ലിനിക്ക് മാനേജിംഗ് ഡയറക്ടറും ചീഫ് കണ്സള്ട്ടന്റുമായ ഡോ. ദിവ്യ നായര് നേതൃത്വം നല്കുന്നു. വിവരങ്ങള്ക്ക്: 65839954, 99553632. സലിം കോട്ടയില്<
പ്രവാസി വെല്ഫെയര് ചര്ച്ചാ സദസ് മാര്ച്ച് 11 ന്
മനാമ : പ്രവാസി വെല്ഫെയര്, ബഹറിന് വനിതാദിനത്തോടനുബന്ധിച്ച് സ്ത്രീ സുരക്ഷയും അവകാശങ്ങളും എന്ന വിഷയത്തില് സംഘടിപ്പിക്കുന്ന അവകാശ സംരക്ഷണ സദസ് ദേശീയ മഹിള ഫെഡറേഷന് ജനറല് സെക്രട്ടറി ആനിരാജ ഉദ്ഘാടനം ചെയ്യും. മാര്ച്ച് 11 നു (വെള്ളി) വൈകുന്നേരം നാലിന് സൂം വെര്ച്വല് പ്ലാറ്റ്ഫോമില് നടക്കുന്ന വെബിനാറില് വെല്ഫെയര് പാര്ട്ടി സംസ്ഥാന പ്രവര്ത്തക സമിതിയംഗം പ്രേമ. ജി. പിശാരടി മുഖ്യ പ്രഭാഷണം നടത്തും. ഫ്രറ്റേണിറ്റി സംസ്ഥാന പ്രസിഡന്റ് നജ്ദാ റൈഹാന് വിശിഷ്ടാതിഥിയായി എത്തുന്ന സംഗമത്തില് ബഹറിനിലെ സാമൂഹിക സാംസ്കാരിക മേഖലയില്. പ്രവര്ത്തിക്കുന്ന വനിതാ പ്രമുഖരും പങ്കെടുക്കുമെന്ന് പ്രവാസി വെല്ഫെയര് സെക്രട്ടറി ഷിജിന ആഷിക് അറിയിച്ചു
സുമിയില് നിന്ന് എല്ലാ ഇന്ത്യന് വിദ്യാര്ഥികളെയും ഒഴിപ്പിച്ചതായി വിദേശകാര്യ മന്ത്രാലയം
ന്യൂഡല്ഹി: യുദ്ധം രുക്ഷമായ ഉക്രൈനിയന് നഗരമായ സുമിയില് കുടുങ്ങിയ എല്ലാ ഇന്ത്യന് വിദ്യാര്ഥികളെയും സുരക്ഷിത സ്ഥാനത്തേക്ക് മാറ്റിയതായി വിദേശകാര്യ മന്ത്രാലയം. ഇവരെ തിരികെ നാട്ടിലേക്ക് കൊണ്ടുവരാന് ഓപ്പറേഷന് ഗംഗയുടെ കീഴിലുള്ള വിമാനങ്ങള് തയ്യാറെടുക്കുകയാണെന്ന് വിദേശകാര്യ മന്ത്രാലയം ചൊവ്വാഴ്ച അറിയിച്ചു. എല്ലാ ഇന്ത്യന് വിദ്യാര്ഥികളെയും സുമിയില് നിന്ന് ഒഴിപ്പിക്കാന് കഴിഞ്ഞുവെന്ന് അറിയിക്കുന്നതില് സന്തോഷമുണ്ട്. അവര് ഇപ്പോള് പോള്ട്ടാവയിലേക്കുള്ള യാത്രയിലാണ്. അവിടെ നിന്ന് ട്രെയിനില് പടിഞ്ഞാറന് ഉക്രൈനിന് അതിര്ത്തിയിലെത്തും. അവരെ നാട്ടിലേക്ക് കൊണ്ടുവരാന് ഓപ്പറേഷന് ഗംഗയുടെ കീഴിലുള്ള വിമാനങ്ങള് തയ്യാറെടുക്കുകയാണ്.’, വിദേശകാര്യ മന്ത്രാലയ വക്താവ് അരിന്ദം ബാഗ്ചി ട്വിറ്ററിലൂടെ അറിയിച്ചു. ഇന്ന് ഉച്ചയോടെയാണ് സുമിയില് നിന്നുള്ള രക്ഷാദൗത്യം തുടങ്ങിയത്. 35 ബസുകളിലായി 700 ഓളം വിദ്യാര്ഥികളെ പുറത്തേക്ക് അയച്ചു. സ്വദേശികളും വിദേശികളും സൂമിയില് നിന്ന് അഭയം തേടി പുറത്തേക്ക് പോകുകയാണ്.
വര്ക്കലയിലെ തീപിടിത്തം: അഞ്ചംഗ കുടുംബത്തിന്റെ മരണത്തിനിടയാക്കിയത് വിഷപ്പുക
തിരുവനന്തപുരം: വര്ക്കലയില് പിഞ്ച് കുഞ്ഞ് ഉള്പ്പെടെ അഞ്ച് പേരുടെ ദാരുണ മരണത്തിനിടയാക്കിയത് വിഷപ്പുക. ശ്വാസംമുട്ടിയാണ് മരണമെന്നാണ് പോസ്റ്റുമോര്ട്ടത്തിലെ പ്രാഥമിക നിഗമനം. പ്രാഥമിക റിപ്പോര്ട്ട് ഡോക്ടര്മാര് പോലീസിന് കൈമാറി. ശരീരത്തില് പൊള്ളലേറ്റെങ്കിലും മരണകാരണമല്ല. ചെറുന്നിയൂര് ബ്ലോക്ക് ഓഫീസിന് സമീപം ദളവാപുരത്ത് പച്ചക്കറി വ്യാപാരിയായ പ്രതാപന്റെ വീടായ രാഹുല് നിവാസിലാണ് തീ പിടിത്തം ഉണ്ടായത്. അപകടത്തില് വീട്ടുടമസ്ഥനായ പ്രതാപന് (ബേബി -62), ര്യ ഷെര്ളി (53), മകന് അഖില് (25), മറ്റൊരു മകനായ നിഹുലിന്റെ ഭാര്യ അഭിരാമി (24) , നിഹുലിന്റെയും അഭിരാമിയുടെയും എട്ട് മാസം പ്രായമുള്ള ആണ്കുഞ്ഞ് റയാന് എന്നിവരാണ് മരിച്ചത്. ഗുരുതരമായി പരിക്കേറ്റ നിഹുലിനെ (29) നഗരത്തിലെ സ്വകാര്യാശുപത്രിയില് പ്രവേശിപ്പിച്ചു. ചൊവ്വാഴ്ച പുലര്ച്ചെ ഒന്നരയോടെയായിരുന്നു തീപിടിത്തമെന്ന് പോലീസ് പറഞ്ഞു. അയല്ക്കാര് അറിയിച്ചതനുസരിച്ച് എത്തിയ പോലീസും ഫയര് ഫോഴ്സും വീടിന്ന്റെഗേറ്റും അടുക്കള വാതിലും തകര്ത്ത് അകത്തു കട…
കൂറുമാറ്റം: രാജകുമാരി പഞ്ചായത്ത് പ്രസിഡന്റിനെ തെരഞ്ഞെടുപ്പ് കമ്മീഷന് അയോഗ്യയാക്കി
തിരുവനന്തപുരം: കൂറുമാറ്റ നിരോധന നിയമപ്രകാരം ഇടുക്കി ജില്ലയിലെ രാജകുമാരി പഞ്ചായത്ത് അംഗം എം.കെ. ടിസിയെ സംസ്ഥാന തെരഞ്ഞെടുപ്പ് കമ്മീഷണര് എ.ഷാജഹാന് അയോഗ്യയാക്കി. നിലവില് പഞ്ചായത്ത് അംഗമായി തുടരുന്നതിനും തദ്ദേശ സ്വയംഭരണ സ്ഥാപനങ്ങളിലേക്ക് മത്സരിക്കുന്നതിനും ആറ് വര്ഷത്തേക്കാണ് വിലക്ക്. ടിസി നിലവില് രാജകുമാരി പഞ്ചായത്ത് പ്രസിഡന്റ് ആയതിനാല് അംഗത്വത്തിന് പുറമെ പ്രസിഡന്ററ് സ്ഥാനവും നഷ്ടമാകും. രാജകുമാരി പഞ്ചായത്ത് അംഗം പി.ടി. എല്ദോ നല്കിയ ഹര്ജിയിലാണ് കമ്മീഷന്റെ നടപടി. 2015 നവംബറില് നടന്ന പഞ്ചായത്ത് തെരഞ്ഞെടുപ്പില് കോണ്ഗ്രസ് സ്ഥാനാര്ഥിയായാണ് ടിസി ജയിച്ചത്. 2019 സെപ്റ്റംബര് 17 നു നടന്ന പ്രസിഡന്റ് തെരഞ്ഞെടുപ്പില് ഇവര് കാലുവാരി യുഡിഎഫിന്റെ ഔദ്യോഗിക സ്ഥാനാര്ഥിക്കെതിരെ മത്സരിച്ചു. വിപ്പ് ലംഘിച്ച് മത്സരിച്ച ഇവര് ജയിച്ച് പ്രസിഡന്റ് ആയി. ഇതിനെതിരെയായിരുന്നു എല്ദോ പരാതിപ്പെട്ടത്.
യെമന് പൗരന്റെ കുടുംബത്തിന് ദയാധനം നല്കി മോചിപ്പിക്കാന് ശ്രമം; സുപ്രീംകോടതിയില് അപ്പീല് നല്കുമെന്ന് സേവ് നിമിഷ പ്രിയ കമ്മിറ്റി
പാലക്കാട്: സ്വദേശിയെ വധിച്ച കേസില് യെമനില് വധശിക്ഷയ്ക്ക് വിധിക്കപ്പെട്ട പാലക്കാട് കൊല്ലങ്കോട് സ്വദേശി നിമിഷ പ്രിയയെ ദയാധനം നല്കി മോചിപ്പിക്കാനുള്ള ശ്രമങ്ങള് ആരംഭിച്ചതായി സേവ് നിമിഷ പ്രിയ ഗ്ലോബല് ആക്ഷന് കമ്മറ്റി. കൊല്ലപ്പെട്ട യെമന് സ്വദേശിയുടെ കുടുംബവുമായി ചര്ച്ച ആരംഭിച്ചു. ദയാധനമായി രണ്ട് കോടി രൂപവരെ നല്കേണ്ടി വന്നേക്കാം. ഈതുക ഒരുമാസത്തിനകം കണ്ടെത്തണം. വധിശിക്ഷയ്ക്കെതിരെ ഉടന് സുപ്രീംകോടതിയില് അപ്പീല് നല്കുമെന്നും ആക്ഷന് കമ്മിറ്റി അറിയിച്ചു തിങ്കളാഴ്ചയാണ് നിമിഷ പ്രിയയുടെ വധശിക്ഷ യെമനിലെ അപ്പീല് കോടതി ശരിവച്ചത്. ഇതോടെ എല്ലാ വഴികളും അടഞ്ഞുവെന്ന പ്രചാരണം ശരിയല്ലെന്ന് സേവ് നിമിഷപ്രിയ ഗ്ലോബല് ആക്ഷന് കമ്മറ്റി വൈസ് ചെയര്പേഴ്ണും അഭിഭാഷകയുമായ ദീപ ജോസഫ് പറഞ്ഞു. അനകൂല വിധിക്ക് സാധ്യത കുറവാണെങ്കിലും സുപ്രീംകോടതിയില് അപ്പീല് നല്കും. കൊല്ലപ്പെട്ട യമന് സ്വദേശി തലാല് അബ്ദുല് ഹമദിയുടെ കുടുംബത്തിന് ദയാധനം നല്കിയാലും വധശിക്ഷ ഒഴിവാകും. ജനകീയ…
കൊരട്ടിയില് യുവതിയെ ഭര്തൃമാതാവിന്റെ സുഹൃത്ത് വീട്ടില് കയറി മര്ദ്ദിച്ചു; മുഖത്ത് ഇടിയേറ്റ യുവതി ആശുപത്രിയില്
കൊച്ചി: തൃശൂര് കൊരട്ടിയില് യുവതിയെ ഭര്തൃമാതാവിന്റെ സുഹൃത്ത് വീട്ടില് കയറി മര്ദ്ദിച്ചു. അമ്മയും സുഹൃത്തും തമ്മിലുള്ള അതിരുവിട്ട ബന്ധം എതിര്ത്തതാണ് മര്ദ്ദനത്തിന് കാരണമെന്നു പറയുന്നു. മുഖത്ത് ഇടിയേറ്റു ഗുരുതരാവസ്ഥയിലായ പെരുമ്പാവൂര് സ്വദേശിനി എം.എസ്. വൈഷ്ണവി അങ്കമാലി അപ്പോളോ ആശുപത്രിയില് ചികിത്സയിലാണ്. കൊരട്ടി പാലപ്പള്ളി മോഴിക്കുളം മുകേഷുമായി ആറുമാസം മുന്പായിരുന്നു യുവതിയുടെ വിവാഹം. കൊരട്ടിയിലെ ഭര്തൃവീട്ടില് എത്തിയ യുവതിയെ ഭര്തൃമാതാവും ഭര്ത്താവിന്റെ സഹോദരനും മര്ദിച്ചിരുന്നതായും തന്നെ പട്ടിണിക്കിട്ടെന്നും യുവതി പറയുന്നു. മൂന്നു കിലോമീറ്റര് പരിധിയില് താമസിക്കുന്ന സുഹൃത്തുമായി അമ്മയുടെ അടുപ്പം അതിരുവിടുന്നെന്നു തോന്നിയപ്പോള് വിലക്കിയതാണ് മര്ദനത്തിനു കാരണമെന്നാണു യുവതി പറയുന്നത്. നിരാലംബരായ സ്ത്രീകളെയും വിധവകളെയും സഹായിക്കുകയാണ് ഇയാള് എന്നാണ് അവകാശവാദം. ഇത്തരത്തില് വശത്താക്കിയതാണ് തന്റെ അമ്മയെ എന്നു പരുക്കേറ്റ യുവതിയുടെ ഭര്ത്താവ് പറയുന്നു. ഇയാള് പറയുന്നതു മാത്രമേ അമ്മ കേള്ക്കൂ എന്നു വന്നതോടെയാണ് വീട്ടില് വരുന്നതിനും അനാവശ്യമായി ഫോണ്…