മദ്രസകളിൽ അമുസ്‌ലിം കുട്ടികള്‍ക്ക് മതപരിശീലനം നല്‍കുന്നതിനെക്കുറിച്ച് അന്വേഷിക്കാന്‍ എൻസിപിസിആർ ഉത്തരവ്

ന്യൂഡൽഹി: അമുസ്‌ലിം കുട്ടികളെ പ്രവേശിപ്പിക്കുന്ന മദ്രസകളെക്കുറിച്ച് വിശദമായ അന്വേഷണത്തിന് ഉത്തരവിട്ടുകൊണ്ട് ദേശീയ ബാലാവകാശ സംരക്ഷണ കമ്മീഷൻ (എൻസിപിസിആർ) എല്ലാ സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും നോട്ടീസ് അയച്ചു. ഇതോടൊപ്പം എല്ലാ മദ്രസകളും പരിശോധനയ്ക്ക് വിധേയമാക്കാന്‍ ചീഫ് സെക്രട്ടറിമാരോട് ആവശ്യപ്പെട്ടിട്ടുണ്ട്.

എല്ലാ സംസ്ഥാനങ്ങളുടെയും കേന്ദ്ര ഭരണ പ്രദേശങ്ങളുടെയും ചീഫ് സെക്രട്ടറിമാർക്ക് എഴുതിയ കത്തിലാണ് എൻസിപിസിആർ പ്രസിഡന്റ് പ്രിയങ്ക് കനൂംഗോ ഈ നിർദേശങ്ങൾ നൽകിയത്. അമുസ്‌ലിം കുട്ടികളെ പ്രവേശിപ്പിക്കുന്ന എല്ലാ സർക്കാർ ധനസഹായമുള്ള/അംഗീകൃത മദ്രസകളെക്കുറിച്ചും വിശദമായ അന്വേഷണം നടത്താൻ ദേശീയ ബാലാവകാശ സംരക്ഷണ കമ്മീഷൻ ശുപാർശ ചെയ്യുന്നതായി NCPCR ചീഫ് അതിന്റെ നിർദ്ദേശങ്ങളിൽ പറഞ്ഞു. അമുസ്‌ലിം സമുദായത്തിലെ കുട്ടികൾക്ക് സർക്കാർ ഫണ്ട് നൽകുന്ന മദ്രസകളിൽ പ്രവേശനം നൽകുന്നതായും അവർക്ക് സ്‌കോളർഷിപ്പ് നൽകുന്നതായും നിരവധി പരാതികൾ ലഭിച്ചിട്ടുണ്ടെന്നും എൻസിപിസിആർ കത്തിൽ പറയുന്നു.

മാതാപിതാക്കളുടെ സമ്മതമില്ലാതെ കുട്ടികളെ നിർബന്ധിച്ച് മതവിദ്യാഭ്യാസത്തിൽ പങ്കെടുപ്പിക്കുന്നതിൽ നിന്ന് വിദ്യാഭ്യാസ സ്ഥാപനങ്ങളെ വിലക്കുന്ന ഭരണഘടനയുടെ ആർട്ടിക്കിൾ 28(3) ന്റെ വ്യക്തമായ ലംഘനമാണ് ഇതെന്നും കത്തിൽ പറയുന്നു. മതവിദ്യാഭ്യാസം നൽകുന്നതിൽ മദ്രസകൾക്കാണ് പ്രാഥമിക ഉത്തരവാദിത്തമെന്നും എൻസിപിസിആർ ചെയർമാൻ പ്രിയങ്ക് കനൂംഗോ പറഞ്ഞു. സർക്കാർ ധനസഹായം ലഭിക്കുന്ന മദ്രസകള്‍ കുട്ടികൾക്ക് മതപരവും ഒരു പരിധിവരെ ഔപചാരികവുമായ വിദ്യാഭ്യാസം നൽകുന്നുണ്ട്.

 

Print Friendly, PDF & Email

One Thought to “മദ്രസകളിൽ അമുസ്‌ലിം കുട്ടികള്‍ക്ക് മതപരിശീലനം നല്‍കുന്നതിനെക്കുറിച്ച് അന്വേഷിക്കാന്‍ എൻസിപിസിആർ ഉത്തരവ്”

  1. പഠിക്കാൻ സൗകര്യമുള്ള സ്കൂളുകൾ ഇല്ലാത്ത സ്ഥലങ്ങളിൽ എന്താണ് തെറ്റ്

Leave a Comment