Author: .

കെഎസ്എഫ്ഡിസി ചെയർമാനായി പ്രേംകുമാർ; ലളിതകലാ അക്കാദമിയിൽ പ്രകാശ് മൂർത്തി, ഫോക്‌ലോർ അക്കാദമിയിൽ സുരേഷ് ബാബു എളയാവൂർ തിരുവനന്തപുരം: സംസ്ഥാനത്തെ പ്രമുഖ സാംസ്കാരിക സ്ഥാപനങ്ങളുടെയും അക്കാദമികളുടെയും തലപ്പത്ത് പുതിയ നേതൃത്വത്തെ നിയോഗിച്ച് യുഡിഎഫ് സർക്കാർ. സാഹിത്യം, സിനിമ, സംഗീതം, നാടകം, ചിത്രകല, നാടോടി കലകൾ തുടങ്ങിയ മേഖലകളിൽ പ്രവർത്തിച്ചുവരുന്ന പ്രമുഖരെയാണ് വിവിധ സ്ഥാപനങ്ങളുടെ ചെയർമാൻ, വൈസ് ചെയർമാൻ, സെക്രട്ടറി തുടങ്ങിയ സ്ഥാനങ്ങളിലേക്ക് പരിഗണിച്ചിരിക്കുന്നത്. സാംസ്കാരിക സ്ഥാപനങ്ങളുടെ പ്രവർത്തനം കൂടുതൽ സജീവമാക്കുകയും കലാ-സാഹിത്യ മേഖലകളിൽ പുതിയ പദ്ധതികൾക്ക് വഴിയൊരുക്കുകയും ചെയ്യുക എന്ന ലക്ഷ്യത്തോടെയാണ് പുതിയ നിയമനങ്ങളെന്നാണ് സർക്കാർ നിലപാട്. കേരള സ്റ്റേറ്റ് ഫിലിം ഡെവലപ്‌മെന്റ് കോർപറേഷന്റെ (കെഎസ്എഫ്ഡിസി) ചെയർമാനായി നടനും സാംസ്കാരിക പ്രവർത്തകനുമായ പ്രേംകുമാർ ചുമതലയേൽക്കും. സിനിമയ്ക്ക് പുറമെ സാമൂഹിക-സാംസ്കാരിക വിഷയങ്ങളിലെ ഇടപെടലുകളിലൂടെയും ശ്രദ്ധേയനായ വ്യക്തിയാണ് പ്രേംകുമാർ. മുൻ എൽഡിഎഫ് സർക്കാരിന്റെ കാലത്ത് കേരള സംസ്ഥാന ചലച്ചിത്ര അക്കാദമിയുടെ വൈസ്…

കൊച്ചിയിലെ പരിപാടിക്കെത്തിയ മാധ്യമപ്രവർത്തകരെ പൊലീസ് തടഞ്ഞതായി ആക്ഷേപം; മുഖ്യമന്ത്രിയുടെ ചാർട്ടേഡ് വിമാനയാത്രാ വിവാദം തുടരുന്നതിനിടെയാണ് സംഭവം കൊച്ചി: മുഖ്യമന്ത്രി വി.ഡി. സതീശനോട് ചോദ്യങ്ങൾ ചോദിക്കരുതെന്ന് പരിപാടി റിപ്പോർട്ട് ചെയ്യാനെത്തിയ മാധ്യമപ്രവർത്തകർക്ക് പൊലീസ് നിർദേശം നൽകിയതായി പരാതി. കൊച്ചിയിൽ മുഖ്യമന്ത്രിയുടെ പരിപാടി റിപ്പോർട്ട് ചെയ്യാനെത്തിയ മാധ്യമപ്രവർത്തകരോടാണ് പൊലീസ് ഇത്തരമൊരു നിർദേശം നൽകിയതെന്നാണ് മാധ്യമ പ്രവർത്തകർ പറയുന്നത്. അസിസ്റ്റന്റ് കമ്മിഷണർ പീറ്റർ കെ.ജെയുടെ നേതൃത്വത്തിലുള്ള പൊലീസ് സംഘമാണ് മാധ്യമ പ്രവർത്തകരെ നിയന്ത്രിച്ചതെന്നാണ് പരാതി. മുഖ്യമന്ത്രി മാധ്യമ പ്രവർത്തകരുടെ ചോദ്യങ്ങൾക്ക് മറുപടി നൽകാൻ താത്പര്യപ്പെടുന്നില്ലെന്നും അതിനാൽ അദ്ദേഹത്തോട് ചോദ്യങ്ങൾ ചോദിക്കരുതെന്നും പൊലീസ് അറിയിച്ചതായി മാധ്യമ പ്രവർത്തകർ പറയുന്നു. മുഖ്യമന്ത്രി ഇസഡ് പ്ലസ് സുരക്ഷയുള്ള വ്യക്തിയാണെന്ന കാരണവും പൊലീസ് ചൂണ്ടിക്കാട്ടിയതായി റിപ്പോർട്ടുണ്ട്. സുരക്ഷാ ക്രമീകരണങ്ങളുടെ ഭാഗമായി മുഖ്യമന്ത്രിയിൽനിന്ന് നിശ്ചിത അകലം പാലിക്കണമെന്നും അടുത്തേക്ക് പോകരുതെന്നും മാധ്യമ പ്രവർത്തകർക്ക് നിർദേശം നൽകിയതായാണ് പരാതി. മുഖ്യമന്ത്രിയോട്…

ഉപരോധം പിൻവലിച്ചാൽ ഏഴു ദിവസത്തിനകം ഹോർമുസ് തുറക്കാമെന്നായിരുന്നു ടെഹ്‌റാന്റെ നിർദേശം; ആണവചർച്ചകൾ പുനരാരംഭിക്കാമെന്നും വാഗ്ദാനം. എന്നാൽ നിർദേശം അംഗീകരിക്കില്ലെന്ന് ട്രംപ് വ്യക്തമാക്കി; നിർണായക ജലപാതയ്ക്ക് സ്വന്തം പേര് നൽകിയുള്ള ഭൂപടവും പങ്കുവച്ചു വാഷിംഗ്ടണ്‍: അമേരിക്കയും ഇറാനും തമ്മിലുള്ള സംഘർഷം അവസാനിപ്പിക്കാൻ ടെഹ്‌റാൻ മുന്നോട്ടു വെച്ച ഏഴുദിന സമാധാന പദ്ധതിക്ക് തിരിച്ചടിയായി യുഎസ് പ്രസിഡന്റ് ഡൊണാൾഡ് ട്രംപിന്റെ നിലപാട്. ഹോർമുസ് കടലിടുക്ക് വീണ്ടും തുറക്കുന്നതും ആണവ ചർച്ചകൾ പുനരാരംഭിക്കുന്നതും ഉൾപ്പെടുന്ന ഇറാന്റെ നിർദേശം അംഗീകരിക്കില്ലെന്ന് ട്രംപ് വ്യക്തമാക്കി. ഇതിനു പിന്നാലെ ഹോർമുസ് കടലിടുക്കിനെ ‘Trump Strait’ എന്ന് വിശേഷിപ്പിക്കുന്ന ഭൂപടം ട്രംപ് പങ്കുവച്ചതും ശ്രദ്ധേയമായി. ഇറാന്റെ നിർദേശം അംഗീകരിച്ചാൽ ഏഴു ദിവസത്തിനകം ഹോർമുസ് കടലിടുക്ക് തുറക്കാമെന്നാണ് വിദേശകാര്യ മന്ത്രി അബ്ബാസ് അരാഗ്ചി വ്യക്തമാക്കിയിരുന്നത്. അമേരിക്ക ഇറാനിയൻ തുറമുഖങ്ങൾക്കെതിരായ നാവിക ഉപരോധം അവസാനിപ്പിക്കുക, ഇറാന്റെ എണ്ണവിൽപ്പനയ്ക്കുമേലുള്ള നിയന്ത്രണങ്ങളിൽ ഇളവ് നൽകുക,…

മനസ്സിനക്കരെ കടന്ന ചില ശീലങ്ങളെ തിരിച്ചു വിളിക്കാനും പിടിച്ചു കെട്ടാനും ഇനി കഴിയില്ലല്ലോ വെറുതെ ഓർക്കാനല്ലേ കഴിയൂ.. കടുപ്പമുള്ള പാൽചായ ചൂടാറ്റി കുടിക്കുമ്പോൾ.. പാലും ചൂടുമില്ലാത്ത ശർക്കര ചായ കുടിച്ചിരുന്നത്….. സോളാർ പാനലിൽ ചൂടായ വെള്ളം കുളി മുറിയിലെ ബക്കറ്റിൽ തിരിച്ചിട്ട് കോരി കുളിക്കുമ്പോൾ… തെക്കേ പാടത്തെ കല്ലു കുളത്തിൽ ചാടി കുളിച്ചിരുന്ന പ്രഭാതങ്ങളെ.. വറുത്ത അരിപ്പൊടി ചൂടു വെള്ളത്തിൽ വാട്ടി കുഴച്ച് വാഴയിലയിൽ പരത്തി ഇരുമ്പു ചട്ടിയിൽ ചുട്ടെടുക്കുന്ന കൈപ്പത്തിരിയിൽ വെള്ളം ചേർക്കാതെ പിഴിഞ്ഞെടുക്കുന്ന തേങ്ങാപാലൊഴിച്ച് പ്രാതൽ കഴിക്കുമ്പോൾ… കാന്താരി മുളകും ഉണക്ക വാളൻ പുളിയും ഉപ്പും അടച്ചുറ്റിപലകയിൽ ഞെരടിയെടുത്ത ചമ്മന്തിയും പഴങ്കഞ്ഞിയും പ്ലാവില കയിലാൽ കോരി കുടിച്ചിരുന്നത്… ഉച്ചതിരിഞ്ഞുള്ള ചായക്ക് എണ്ണപലഹാരം കഴിക്കുമ്പോൾ.. കട്ടൻ ചായക്കൊപ്പം കാച്ചിലോ കപ്പയോ പുഴുങ്ങിയത് കിട്ടിയിരു- ന്നെങ്കിൽ എന്നു കൊതിച്ചിരുന്നത്.. ചുവന്ന ഉണ്ടക്കണ്ണുള്ള അസ്തമയ സൂര്യൻ ജനലിനു പുറത്ത്…

ഡാലസ്: പൗരോഹിത്യ സുവർണ്ണ ജൂബിലിയുടെ നിറവിൽ ആയിരിക്കുന്ന മാർത്തോമ്മ സഭയുടെ സഫ്രഗൻ മെത്രാപ്പോലീത്തായും, റാന്നി- നിലയ്ക്കൽ ഭദ്രാസനാധിപനുമായ ഡോ.ജോസഫ് മാർ ബർന്നബാസ് സഫ്രഗൻ മെത്രാപ്പോലീത്തായ്ക്ക് ഡാലസ് അന്താരാഷ്ട്ര വിമാനത്താവളത്തിൽ ഊഷ്മള വരവേൽപ്പ് നൽകി. റവ.എബ്രഹാം വി.സാംസൺ, റവ. ജസ്റ്റിൻ പാപ്പച്ചൻ ജേക്കബ്, പി. ടി മാത്യു, ബാബു സി. മാത്യു, ഷാജി എസ്.രാമപുരം, ചെറിയാൻ അലക്സാണ്ടർ, ഈശോ മാളിയേക്കൽ, ജോൺ മാത്യു, പി. എം എബ്രഹാം, ആൻഡ്രൂസ് അഞ്ചേരി എന്നിവർ വ്യാഴാഴ്ച്ച ഉച്ചക്ക് കാനഡായിൽ നിന്നും ഡാലസിൽ എത്തിച്ചേർന്ന സഫ്രഗൻ മെത്രാപ്പോലീത്തായെ സ്വീകരിക്കുവാന്‍ എയർപോർട്ടിൽ എത്തിയിരുന്നു. ഡാലസിലെ റിച്ചാർഡ്സണിലുള്ള കോട്ടയം അഞ്ചേരി സ്വദേശി ബാബു സി. മാത്യുവിന്റെ ഭവനത്തിൽ വെച്ച് തുടർന്ന് നടന്ന സ്വീകരണ സമ്മേളനത്തിൽ അനേക വൈദിക ശ്രേഷ്ഠരും,ആത്മായ നേതാക്കളും സംബന്ധിച്ചു. സെപ്റ്റംബർ 27 ഞായറാഴ്ച (നാളെ ) ഡാലസ് ഫാർമേഴ്സ് ബ്രാഞ്ച് മാർത്തോമ്മാ ദേവാലയത്തിൽ…

ഡാളസ് : ദൈവം നൽകിയിരിക്കുന്ന സഭയ്ക്കും വിശ്വാസത്തിനും നന്ദി അർപ്പിച്ചുകൊണ്ട്, ജീവിതം എന്നത് കേവലം ഒരു സ്ഥലത്തുനിന്ന് മറ്റൊരു സ്ഥലത്തേക്കുള്ള യാത്രയല്ലെന്നും മറിച്ച് സ്വയം കണ്ടെത്താനുള്ള ആത്മീയ തീർത്ഥാടനമാണെന്നും ഡോ . ജോസഫ് മാർ ബർണബാസ്‌ സഫ്രഗൻ മെത്രാപോലിത്ത പറഞ്ഞു . ഡാലസ്: സെന്റ് പോൾസ് മാർത്തോമ്മാ ഇടവകയുടെ യുവജനപ്രസ്ഥാനത്തിന്റെ (Youth Fellowship) ആഭിമുഖ്യത്തിൽ  സെപ്റ്റംബർ 25-ന് വെള്ളിയാഴ്ച വൈകുന്നേരം ‘സെന്റർ എ വൈൻ’ (Center A VINE) ബൈബിൾ പഠന ക്ലാസിൽ പങ്കെടുത്തവരെ അഭിസംബോധന ചെയ്‌തു പ്രസംഗിക്കുകയായിരുന്നു തിരുമേനി. ആരാധനയ്ക്കും ദൈവവചനം കേൾക്കാനും പഠിക്കാനുമൊപ്പം നമ്മെത്തന്നെ അറിയുക കൂടിയാണ് ഈ യാത്രയുടെ ലക്ഷ്യം . “ഞാൻ ഒരു മനുഷ്യനാണ്”, “ഞാൻ ഒരു വിശ്വാസിയാണ്” എന്നതിലുപരി, യേശുക്രിസ്തുവിൽ വിശ്വസിക്കുന്ന ഒരു ദൈവപൈതലാണ് താനെന്ന അടിസ്ഥാന തിരിച്ചറിവിലേക്ക് ഓരോരുത്തരും എത്തേണ്ടതുണ്ട്. ദൈവത്തിന്റെ കൃപയാണ് മനുഷ്യന്റെ യഥാർത്ഥ അനുഗ്രഹം എന്ന…

സ്ത്രീകളുടെ വസ്ത്രധാരണത്തെ വിശ്വാസ്യതയുമായും മാതൃത്വവുമായും ബന്ധപ്പെടുത്തി ഇറ്റാലിയൻ ഉപപ്രധാനമന്ത്രിയും വിദേശകാര്യ മന്ത്രിയുമായ അന്റോണിയോ തജാനി നടത്തിയ പരാമർശം വൻ രാഷ്ട്രീയ വിവാദമായി. പ്രതിഷേധത്തിന്റെ ഭാഗമായി പ്രതിപക്ഷ വനിതാ സെനറ്റർമാർ പാവാട ധരിച്ച് സെനറ്റിലെത്തി. വിവാദം ശക്തമായതോടെ തജാനി പിന്നീട് ക്ഷമാപണം നടത്തി. സ്ത്രീകളുടെ വസ്ത്രത്തിന്റെ നീളം അവരുടെ സ്വഭാവത്തിന്റെയോ വിശ്വാസ്യതയുടെയോ അളവുകോലാകുമോ? ഇറ്റലിയിൽ ഇപ്പോൾ ചൂടേറിയ രാഷ്ട്രീയ ചർച്ചയ്ക്ക് വഴിവച്ചിരിക്കുന്നത് വിദേശകാര്യ മന്ത്രി അന്റോണിയോ തജാനിയുടെ ഒരു പരാമർശമാണ്. നീളമുള്ള പാവാട ധരിക്കുന്ന, അധികം പ്രകടനപരമല്ലാത്ത സ്ത്രീകളെ വിവാഹത്തിന് തിരഞ്ഞെടുക്കുന്നതാണ് നല്ലതെന്ന തരത്തിലുള്ള അദ്ദേഹത്തിന്റെ വാക്കുകളാണ് പ്രതിഷേധത്തിന് തുടക്കമിട്ടത്. റോമിന് സമീപമുള്ള ഫോർമെല്ലോയിൽ നടന്ന രാഷ്ട്രീയ പരിപാടിക്കിടെയാണ് വിവാദ പരാമർശം ഉണ്ടായത്. മകന് നൽകുന്ന വിവാഹ ഉപദേശത്തിന്റെ പശ്ചാത്തലത്തിൽ സംസാരിക്കവെ, ആകർഷകവും പ്രകടനപരവുമായ സ്ത്രീയെക്കാൾ അധികം ശ്രദ്ധയാകർഷിക്കാത്ത, വിശ്വസനീയയായ സ്ത്രീയെയാണ് തിരഞ്ഞെടുക്കുകയെന്ന ആശയം തജാനി മുന്നോട്ടുവച്ചു. നീളമുള്ള…

തിരുവനന്തപുരം: സിഎംആർഎൽ സാമ്പത്തിക ഇടപാടുമായി ബന്ധപ്പെട്ട് രാഷ്ട്രീയ നേതാക്കളുടെ പേരുകൾ ഉൾപ്പെട്ടതായി പറയപ്പെടുന്ന ഡയറിക്കുറിപ്പുകൾ പുറത്തുവിട്ടത് ബിജെപി നേതൃത്വത്തിന്റെ പൂർണ അനുമതിയോടെയാണെന്ന് ബിജെപി സംസ്ഥാന വൈസ് പ്രസിഡന്റ് ഷോൺ ജോർജ്. രേഖ പുറത്തുവിട്ടതിനെച്ചൊല്ലി പാർട്ടിക്കുള്ളിൽ അതൃപ്തിയുണ്ടെന്ന റിപ്പോർട്ടുകൾക്കിടെയാണ് ഷോൺ ജോർജ് വിശദീകരണവുമായി രംഗത്തെത്തിയത്. ബിജെപി നേതാവും എംഎൽഎയുമായ വി. മുരളീധരൻ തനിക്കെതിരെ പാർട്ടി നേതൃത്വത്തിന് പരാതി നൽകിയിട്ടുണ്ടെന്ന് തെളിയിച്ചാൽ പൊതുജീവിതം അവസാനിപ്പിക്കാൻ തയ്യാറാണെന്നും ഷോൺ ജോർജ് പറഞ്ഞു. സിഎംആർഎൽ വിഷയത്തിലെ പരാതി ശക്തമായി മുന്നോട്ടുകൊണ്ടുപോകണമെന്ന് തന്നോട് ആവശ്യപ്പെട്ടവരിൽ വി. മുരളീധരനും ഉൾപ്പെടുന്നുവെന്നാണ് ഷോണിന്റെ വാദം. സിഎംആർഎൽ വിഷയത്തിൽ ബിജെപിയുടെ നിലപാടിൽ യാതൊരു മാറ്റവുമില്ലെന്നും കേസിൽ എഫ്‌ഐആർ രജിസ്റ്റർ ചെയ്ത് സമഗ്ര അന്വേഷണം നടത്തണമെന്ന ആവശ്യത്തിൽ പാർട്ടി ഉറച്ചുനിൽക്കുകയാണെന്നും ഷോൺ വ്യക്തമാക്കി. രാഷ്ട്രീയ പാർട്ടികൾക്ക് നിയമാനുസൃതമായി സംഭാവനകൾ ലഭിക്കുന്നത് സ്വാഭാവികമാണെന്നും അത്തരം തുകകൾ പാർട്ടിയുടെ ഔദ്യോഗിക കണക്കുകളിൽ രേഖപ്പെടുത്തിയിട്ടുണ്ടോ…