ദോഹ (ഖത്തര്‍): അമേരിക്കയുമായുള്ള സംഘർഷത്തിന് അറുതിവരുത്താനും വീണ്ടും ചർച്ചകളിലേക്ക് മടങ്ങാനും നിബന്ധനകൾ മുന്നോട്ടുവച്ച് ഇറാൻ. ഖത്തറിന്റെ മധ്യസ്ഥതയിലൂടെയാണ് ടെഹ്‌റാൻ തങ്ങളുടെ ആവശ്യങ്ങൾ വാഷിങ്ടണിനെ അറിയിച്ചിരിക്കുന്നത്. എല്ലാ മുന്നണികളിലെയും യുദ്ധം അവസാനിപ്പിക്കുക, വിദേശത്ത് മരവിപ്പിച്ചിരിക്കുന്ന ഇറാന്റെ പണം വിട്ടുനൽകുക, അമേരിക്ക ഏർപ്പെടുത്തിയ നാവിക ഉപരോധം അവസാനിപ്പിക്കുക എന്നിവയാണ് പരസ്യമായി വെളിപ്പെടുത്തിയ പ്രധാന ആവശ്യങ്ങൾ. ഇറാന്റെ സുപ്രീം നാഷണൽ സെക്യൂരിറ്റി കൗൺസിൽ സെക്രട്ടറി മൊഹ്‌സെൻ റെസായിയാണ് ഇക്കാര്യം വ്യക്തമാക്കിയത്. ഖത്തറുമായി ഇറാൻ നിരന്തരം ബന്ധപ്പെടുന്നുണ്ടെന്നും യുദ്ധം അവസാനിപ്പിക്കുകയെന്ന ലക്ഷ്യത്തോടെ തങ്ങളുടെ വ്യവസ്ഥകൾ ഖത്തർ അമേരിക്കയ്ക്ക് കൈമാറിയിട്ടുണ്ടെന്നും അദ്ദേഹം പറഞ്ഞു. ഇനി അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പ്രതികരണത്തിനാണ് ടെഹ്‌റാൻ കാത്തിരിക്കുന്നതെന്നും റെസായി വ്യക്തമാക്കി. ഇറാൻ പരസ്യമായി വ്യക്തമാക്കിയ ആവശ്യങ്ങളിൽ ഏറ്റവും പ്രധാനപ്പെട്ടത് എല്ലാ മുന്നണികളിലെയും സൈനിക സംഘർഷം അവസാനിപ്പിക്കണമെന്നതാണ്. ഇതിനൊപ്പം വിദേശരാജ്യങ്ങളിൽ മരവിപ്പിച്ചിരിക്കുന്ന ഇറാനിയൻ ഫണ്ടുകൾ വിട്ടുനൽകണമെന്നും അമേരിക്കയുടെ നാവിക…
അമേരിക്കയ്ക്ക് മുന്നിൽ നിബന്ധനകളുമായി ഇറാൻ; ഖത്തർ വഴി സന്ദേശം, മറുപടിക്കായി കാത്ത് ടെഹ്‌റാൻ
