ന്യൂയോർക്ക്: ഐക്യരാഷ്ട്രസഭയുടെ 81-ാമത് പൊതുസഭാ സമ്മേളനത്തിൽ (UNGA) പങ്കെടുക്കുന്നതിനായി ഇറാൻ വിദേശകാര്യ മന്ത്രി സെയ്ദ് അബ്ബാസ് അരഘ്ചി ഉന്നതതല നയതന്ത്ര പ്രതിനിധി സംഘത്തോടൊപ്പം ന്യൂയോർക്കിലെത്തി. പൊതുസഭയിലും അനുബന്ധ ഉന്നതതല യോഗങ്ങളിലും ഇറാന്റെ ഔദ്യോഗിക നിലപാടുകൾ അവതരിപ്പിക്കുകയാണ് സന്ദർശനത്തിന്റെ പ്രധാന ലക്ഷ്യമെന്ന് ഇറാൻ വിദേശകാര്യ മന്ത്രാലയം പ്രസ്താവനയില്‍ പറഞ്ഞു. വിദേശകാര്യ മന്ത്രാലയ വക്താവ് എസ്മായിൽ ബഗായ് സമൂഹമാധ്യമമായ എക്‌സിലൂടെയാണ് അരഘ്ചിയുടെ ന്യൂയോർക്ക് സന്ദർശനത്തെക്കുറിച്ചുള്ള വിവരങ്ങൾ പുറത്തുവിട്ടത്. ഐക്യരാഷ്ട്രസഭ ആസ്ഥാനത്ത് നടക്കുന്ന വിവിധ യോഗങ്ങളിലും ചർച്ചകളിലും വിദേശകാര്യ മന്ത്രി സജീവമായി പങ്കെടുക്കുമെന്ന് അദ്ദേഹം വ്യക്തമാക്കി. പൊതുസഭയുടെ അജണ്ടയുമായി ബന്ധപ്പെട്ട ചർച്ചകൾക്കു പുറമേ, സമ്മേളനത്തിനെത്തുന്ന വിവിധ രാജ്യങ്ങളിലെ രാഷ്ട്രത്തലവന്മാർ, വിദേശകാര്യ മന്ത്രിമാർ, മുതിർന്ന ഉദ്യോഗസ്ഥർ എന്നിവരുമായി അരഘ്ചി ഉഭയകക്ഷി കൂടിക്കാഴ്ചകൾ നടത്തും. പ്രാദേശികവും അന്താരാഷ്ട്രവുമായ വിഷയങ്ങളും ഈ ചർച്ചകളിൽ ഉയർന്നുവരുമെന്നാണ് പ്രതീക്ഷ. ഐക്യരാഷ്ട്രസഭയുടെ 81-ാമത് പൊതുസഭയുടെ ഉന്നതതല പൊതുചർച്ച ചൊവ്വാഴ്ച ലോകനേതാക്കളുടെ…
ഐക്യരാഷ്ട്രസഭയുടെ 81-ാമത് പൊതുസഭാ സമ്മേളനത്തിൽ പങ്കെടുക്കുന്നതിനായി ഇറാൻ വിദേശകാര്യ മന്ത്രി ന്യൂയോര്‍ക്കിലെത്തി
