ന്യൂഡല്ഹി: ‘ഓപ്പറേഷൻ അജയ്’ പ്രകാരം നാലാമത്തെ എയര് ഇന്ത്യ വിമാനം 274 ഇന്ത്യക്കാരുമായി ഞായറാഴ്ച പുലർച്ചെ ഇസ്രായേലിലെ ടെല് അവീവില് നിന്ന് ഇന്ത്യയിലേക്ക് പുറപ്പെട്ടതായി വിദേശകാര്യ മന്ത്രി എസ് ജയശങ്കർ പറഞ്ഞു. ഒരു ദിവസത്തിനിടെ ഇസ്രായേലിൽ നിന്ന് ഇന്ത്യയിലേക്ക് പുറപ്പെടുന്ന രണ്ടാമത്തെ വിമാനമാണിതെന്ന് സോഷ്യൽ മീഡിയ എക്സിൽ ജയശങ്കർ പറഞ്ഞു. 274 യാത്രക്കാരുമായി ടെൽ അവീവിൽ നിന്നാണ് ഈ ദിവസത്തെ #ഓപ്പറേഷൻ അജയ് രണ്ടാം വിമാനം പുറപ്പെടുന്നത്,” ജയശങ്കർ എക്സിൽ പോസ്റ്റ് ചെയ്തു. ഇസ്രയേലിലുള്ള 18,000 ഇന്ത്യക്കാരെ തിരികെ കൊണ്ടുവരാനാണ് പ്രധാനമന്ത്രി നരേന്ദ്ര മോദിയുടെ നിര്ദ്ദേശ പ്രകാരം ‘ഓപ്പറേഷൻ അജയ്’ ആരംഭിച്ചത്. വ്യാഴാഴ്ച മുതൽ ഇന്ത്യക്കാരുടെ രജിസ്ട്രേഷൻ ആരംഭിച്ചു. ‘ഓപ്പറേഷൻ അജയ്’ പ്രകാരം ഇസ്രായേലിൽ നിന്ന് 197 ഇന്ത്യൻ പൗരന്മാരുമായി മൂന്നാമത്തെ വിമാനം ഇന്ന് രാവിലെ ഡല്ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില് എത്തിയിരുന്നു. ഇസ്രായേലിൽ നിന്ന് ഒഴിപ്പിച്ച…
‘ഓപ്പറേഷൻ അജയ്’: 274 ഇന്ത്യക്കാരുമായി നാലാമത്തെ വിമാനം ഇസ്രായേലിലെ ടെൽ അവീവിൽ നിന്ന് പുറപ്പെട്ടു
