Author: മുര്‍ഷിദ

തിരുവനന്തപുരം: കെപിസിസി പ്രസിഡന്റ് കെ സുധാകരന്റെ ആർഎസ്എസ് അനുകൂല പ്രസ്താവനകൾ പാർട്ടിയുമായും ഘടക കക്ഷികളുമായും കൂടിയാലോചിക്കുമെന്ന് പ്രതിപക്ഷ നേതാവ് വിഡി സതീശൻ. വിവാദ പ്രസ്താവന നാവുപിഴയാണെന്നാണ് സുധാകരൻ പറഞ്ഞത്. വിഷയത്തിൽ കെപിസിസി പ്രസിഡന്റുമായി പ്രമുഖ നേതാക്കൾ ആശയവിനിമയം നടത്തിയിട്ടുണ്ട്. പരാമർശത്തെ എതിർത്ത ഘടകകക്ഷികളുമായി സംസാരിക്കും. മതനിരപേക്ഷ നിലപാടിന് മങ്ങലേൽപ്പിക്കുന്ന നിലപാടുകൾ കോൺഗ്രസിലുണ്ടാകില്ലെന്നും സതീശൻ അറിയിച്ചു. സുധാകരന്റെ പരാര്‍മശത്തെ ഗൗരവതരമായാണ് പാര്‍ട്ടി കാണുന്നത്. കെപിസിസി അധ്യക്ഷ്‌നറെ ഭാഗത്ത് നിന്ന് തുടര്‍ച്ചയായി ഇത്തരം പ്രസ്താവനകള്‍ ഉണ്ടാകുന്നത് ഗൗരവതരമായെടുത്ത് കോണ്‍ഗ്രസ് പരിശോധിക്കുമെന്ന് പ്രതിപക്ഷ നേതാവ് അറിയിച്ചു. സുധാകരന്റെ അടിക്കടിയുള്ള പ്രസ്താവനകൾ കോൺഗ്രസിൽ കടുത്ത അതൃപ്തി ഉണ്ടാക്കുന്നുണ്ട്. ആര്‍ എസ് എസ് ശാഖക്ക് സംരക്ഷണം കൊടുത്തുവെന്ന പ്രസ്താവനക്കു പിന്നാലെ വര്‍ഗീയതയോട് നെഹ്‌റു സന്ധി ചെയ്തുവെന്ന പരാമര്‍ശം കൂടി വന്നതോടെ പാര്‍ട്ടി തന്നെ അങ്കലാപ്പിലായിരിക്കയാണ്. പ്രാദേശിക തലങ്ങളില്‍ പോലും സുധാകരന്റെ പ്രസ്താവനക്കെതിരെ അമര്‍ഷം ഉയരുകയാണ്.

തിരുവനന്തപുരം: ഡെങ്കിപ്പനിക്കെതിരെ ഏഴ് ജില്ലകളിൽ പ്രത്യേക ജാഗ്രതാ നിർദേശം നൽകിയതായി ആരോഗ്യമന്ത്രി വീണാ ജോർജ് അറിയിച്ചു. ഡെങ്കിപ്പനി ബാധിതരായ തിരുവനന്തപുരം, കൊല്ലം, ആലപ്പുഴ, എറണാകുളം, പാലക്കാട്, കോഴിക്കോട്, മലപ്പുറം തുടങ്ങിയ ജില്ലകളിൽ പ്രത്യേക ജാഗ്രതാ നിർദേശം നൽകിയിട്ടുണ്ട്. മറ്റ് ജില്ലകളും ജാഗ്രത പാലിക്കണമെന്നും നിര്‍ദ്ദേശത്തില്‍ പറയുന്നു. എല്ലാ ജില്ലകളിലും കൊതുക് നശീകരണവും ഉറവിട നശീകരണവും നടത്തണം. തുടർച്ചയായി പെയ്യുന്ന മഴ പല ജില്ലകളിലും ഡെങ്കിപ്പനി വർധിപ്പിക്കുന്ന സാഹചര്യത്തിൽ പ്രതിരോധ, ബോധവൽക്കരണ പ്രവർത്തനങ്ങൾ ശക്തമാക്കാനും മന്ത്രി നിർദേശിച്ചു. ജില്ലകളിലെ സ്ഥിതി വിലയിരുത്താൻ മന്ത്രിയുടെ നേതൃത്വത്തിൽ യോഗം ചേർന്നു. എറണാകുളം ജില്ലയുടെ സ്ഥിതി പ്രത്യേകം വിലയിരുത്തി. ഓരോ ജില്ലകളും ആക്ഷൻ പ്ലാനനുസരിച്ച് പ്രവർത്തനങ്ങൾ നടത്തണം. ഇത് കൃത്യമായി വിലയിരുത്തുകയും വേണം. വാർഡുതല ശുചിത്വ ഫണ്ട് ഫലപ്രദമായി വിനിയോഗിക്കണം. സംസ്ഥാനതലത്തിൽ ആഴ്ചയിലൊരിക്കൽ ഡ്രൈ ഡേ ആചരിക്കാനും തീരുമാനമായി. വെക്ടർ കൺട്രോൾ യൂണിറ്റുകളെ…

ദോഹ: നൂറു കണക്കിനാളുകളുടെ മരണത്തിനിടയാക്കിയ ഇറാനിൽ പ്രതിഷേധക്കാരെ അടിച്ചമർത്തുന്നത് ചർച്ച ചെയ്യാൻ പ്രത്യേക സമ്മേളനം നടത്തുമെന്ന് യുഎൻ മനുഷ്യാവകാശ കൗൺസിൽ തിങ്കളാഴ്ച അറിയിച്ചു. UNHRC നവംബർ 24-ന് ഇറാനിലെ “മനുഷ്യാവകാശങ്ങൾ വഷളാകുന്ന അവസ്ഥ” എന്ന വിഷയത്തിൽ ഒരു സെഷൻ നടത്തും. ജർമ്മനിയും ഐസ്‌ലൻഡും പ്രമേയം അവതരിപ്പിച്ചതിന് ശേഷമാണ് യോഗം നടത്താനുള്ള തീരുമാനം. യുഎൻഎച്ച്ആർസിയിലെ 47 അംഗങ്ങളിൽ 16 പേരും നിർദ്ദേശം അംഗീകരിച്ചാൽ മാത്രമേ സെഷൻ നടത്താൻ കഴിയൂ എന്നത് ശ്രദ്ധിക്കേണ്ടതാണ്. 17 കൗൺസിൽ അംഗങ്ങൾ ഉൾപ്പെടെ 44 രാജ്യങ്ങൾ ഈ നിർദ്ദേശത്തെ പിന്തുണച്ചിട്ടുണ്ട്. ഇറാൻ ഹ്യൂമൻ റൈറ്റ്‌സ് പ്രസ്താവന പ്രകാരം, മഹസ അമിനിയുടെ മരണത്തിൽ ഇറാനിൽ നടന്നുകൊണ്ടിരിക്കുന്ന പ്രതിഷേധങ്ങളിൽ കുറഞ്ഞത് 326 പ്രതിഷേധക്കാർ കൊല്ലപ്പെട്ടതായി ഓസ്‌ലോ ആസ്ഥാനമായുള്ള ഒരു സംഘടന റിപ്പോർട്ട് ചെയ്തു.

കൊച്ചി: നടൻ മോഹൻലാലിനെതിരെയുള്ള ആനക്കൊമ്പ് കേസ് എങ്ങനെയാണ് പിൻവലിക്കാൻ കഴിയുക എന്ന് ഹൈക്കോടതി സര്‍ക്കാരിനോട് ചോദിച്ചു. അദ്ദേഹത്തിനെതിരെ ഫയല്‍ ചെയ്തിട്ടുള്ള കേസ് പിൻവലിക്കണമെന്ന ഹർജി പരിഗണിക്കവെയാണ് കോടതി ഇക്കാര്യം ആവശ്യപ്പെട്ടത്. 2012ലാണ് കേസ് രജിസ്റ്റർ ചെയ്തത്. എന്നാൽ, മോഹൻലാലിന് ഉടമസ്ഥാവകാശ സർട്ടിഫിക്കറ്റ് ലഭിച്ചത് 2016ലാണെന്ന് കോടതി നിരീക്ഷിച്ചു. നേരത്തെ കേ​സ് പി​ൻ​വ​ലി​ക്ക​ണ​മെ​ന്ന് ആ​വ​ശ്യ​പ്പെ​ട്ട് സം​സ്ഥാ​ന സ​ർ​ക്കാ​ർ പെ​രു​മ്പാ​വൂ​ർ മ​ജി​സ്‌​ട്രേ​റ്റ് കോ​ട​തി​യി​ൽ അ​പേ​ക്ഷ ന​ൽ​കി​യി​രു​ന്നു. എ​ന്നാ​ൽ അ​പേ​ക്ഷ കോ​ട​തി ത​ള്ളി. ഇ​തി​നെ​തു​ട​ർ​ന്ന് സ​ർ​ക്കാ​ർ ഹൈ​ക്കോ​ട​തി​യെ സ​മീ​പി​ക്കു​ക​യാ​യി​രു​ന്നു. ഹ​ർ​ജി​യി​ൽ‌ മോ​ഹ​ൻ​ലാ​ലും ക​ക്ഷി ചേ​ർ​ന്നി​രു​ന്നു. ആ​ന​ക്കൊ​മ്പ് പി​ടി​ക്കു​മ്പോ​ൾ മോ​ഹ​ൻ​ലാ​ലി​ന് ഉ​ട​മ​സ്ഥ​ത അ​വ​കാ​ശം ഉ​ണ്ടാ​യി​രു​ന്നോ​യെ​ന്ന​ത് അ​ന്വേ​ഷി​ച്ച് ക​ണ്ടെ​ത്തേ​ണ്ട​താ​ണെ​ന്നും കോ​ട​തി വി​ല​യി​രു​ത്തി.

കൊച്ചി: കണ്ണൂർ സർവ്വകലാശാലയിൽ അസോസിയേറ്റ് പ്രൊഫസറായി പ്രിയാ വർഗീസ് നിയമനത്തിൽ സർക്കാരിനെ വിമർശിച്ച് ഹൈക്കോടതി. പ്രിയാ വര്‍ഗീസിന്റെ നിയമനം ചട്ടങ്ങൾ പാലിച്ചാണോ നടത്തിയതെന്നും കോടതി ചോദിച്ചു. അസോസിയേറ്റ് പ്രൊഫസർ നിയമനം കുട്ടിക്കളിയല്ലെന്നും, യോഗ്യതാ രേഖകൾ സ്ക്രീനിംഗ് കമ്മിറ്റി എങ്ങനെയാണ് വിലയിരുത്തിയതെന്നും ഹൈക്കോടതി സർക്കാരിനോട് വിശദീകരണം തേടി. പ്രി​യ വ​ർ​ഗീ​സി​ന്‍റെ നി​യ​മ​നം ചോ​ദ്യം ചെ​യ്ത് സ​മ​ർ​പ്പി​ച്ച ഹർജി പ​രി​ഗ​ണി​ക്കു​ക​യാ​യി​രു​ന്നു കോടതി. സ​ർ​വ​ക​ലാ​ശാ​ല​യും പ്രി​യ വ​ർ​ഗീ​സും ന​ൽ​കി​യ സ​ത്യ​വാ​ങ്മൂ​ല​ത്തി​ൽ ഹൈ​ക്കോ​ട​തി അ​തൃ​പ്തി അ​റി​യി​ച്ചു. ര​ണ്ട് സ​ത്യ​വാ​ങ്മൂ​ല​ത്തി​ലും കൃ​ത്യ​മാ​യ വി​വ​ര​ങ്ങ​ളി​ല്ലെ​ന്ന് കോ​ട​തി നി​രീ​ക്ഷി​ച്ചു. എ​ല്ലാ നി​യ​മ​ന​ങ്ങ​ളി​ലും സു​താ​ര്യ​ത​വേ​ണ​മെ​ന്നും കോ​ട​തി പ​റ​ഞ്ഞു. ഹ​ർ​ജി​യി​ൽ ബു​ധ​നാ​ഴ്ച​യും വാ​ദം കേ​ൾ​ക്കും. ച​ങ്ങ​നാ​ശേ​രി എ​സ്ബി കോ​ള​ജ് മ​ല​യാ​ളം അദ്ധ്യാപകന്‍ ജോ​സ​ഫ് സ്ക​റി​യ ന​ൽ​കി​യ ഹ​ർ​ജി​യാ​ണ് കോ​ട​തി​യു​ടെ പ​രി​ഗ​ണ​ന​യി​ലു​ള്ള​ത്.

ഇന്തോനേഷ്യ: യുഎസ് പ്രസിഡന്റ് ജോ ബൈഡൻ ഉൾപ്പെടെ നിരവധി ലോക നേതാക്കളെ ഫ്നാം പെന്നിൽ നടന്ന ഉച്ചകോടിക്ക് ആതിഥേയത്വം വഹിച്ചതിന് തൊട്ടുപിന്നാലെ, തനിക്ക് COVID-19 പോസിറ്റീവ് ആണെന്ന് ചൊവ്വാഴ്ച സ്ഥിരീകരിച്ചതായി കംബോഡിയൻ പ്രധാനമന്ത്രി ഹുൻ സെൻ പറഞ്ഞു. തിങ്കളാഴ്ച രാത്രി ഒരു ഇന്തോനേഷ്യന്‍ ഫിസിഷ്യന്‍ നടത്തിയ പരിശോധനയില്‍ പോസിറ്റീവ് സ്ഥിരീകരിച്ചതായും കംബോഡിയൻ നേതാവ് തന്റെ ഫേസ്ബുക്ക് പേജിലെ പോസ്റ്റിംഗിൽ പറഞ്ഞു. താൻ കംബോഡിയയിലേക്ക് മടങ്ങുകയാണെന്നും ജി-20യിലെയും ബാങ്കോക്കിൽ നടക്കുന്ന അപെക് സാമ്പത്തിക ഫോറത്തിലെയും തന്റെ മീറ്റിംഗുകൾ റദ്ദാക്കുകയാണെന്ന് അദ്ദേഹം പറഞ്ഞു. ഞായറാഴ്ച സമാപിച്ച അസോസിയേഷൻ ഓഫ് സൗത്ത് ഈസ്റ്റ് ഏഷ്യൻ നേഷൻ ഉച്ചകോടിയുടെ ആതിഥേയത്വം കംബോഡിയയായിരുന്നു. ഹുൻ സെൻ നിരവധി നേതാക്കളുമായി കൂടിക്കാഴ്ച നടത്തി. ബൈഡനെ കൂടാതെ, അതിഥികളിൽ ജാപ്പനീസ് പ്രധാനമന്ത്രി ഫ്യൂമിയോ കിഷിദ, കനേഡിയൻ പ്രധാനമന്ത്രി ജസ്റ്റിൻ ട്രൂഡോ, റഷ്യൻ വിദേശകാര്യ മന്ത്രി സെർജി ലാവ്‌റോവ്,…