Author: പ്രശാന്ത്, ന്യൂഡല്‍ഹി

നെടുമ്പാശ്ശേരി: നെടുമ്പാശ്ശേരിയില്‍ അർധരാത്രിയിലുണ്ടായ വാഹനാപകടത്തിൽ മൂന്ന് യുവജീവനുകൾ പൊലിഞ്ഞ സംഭവം നാടിനെ നടുക്കി. 19 വയസ്സുകാരൻ ഓടിച്ച ആഡംബര മിനി കൂപ്പർ കാർ അമിതവേഗത്തിൽ സ്കൂട്ടറിന്റെ പിന്നിലിടിച്ചതാണ് മൂന്ന് വിദ്യാർത്ഥികളുടെ മരണത്തിനിടയാക്കിയത്. പഠനത്തിനൊപ്പം പാർട്ട് ടൈം ജോലി ചെയ്ത് ജീവിതത്തിൽ മുന്നേറാൻ ശ്രമിച്ചിരുന്ന മൂന്ന് യുവാക്കളുടെ സ്വപ്നങ്ങളാണ് നിമിഷങ്ങൾക്കുള്ളിൽ തകർന്നടിഞ്ഞത്. വയനാട് കൽപ്പറ്റ സന്തോഷ് ഭവനിൽ സന്തോഷിന്റെയും സരിതയുടെയും മകൾ ദേവിക എന്ന കുക്കു (21), പാലക്കാട് മണ്ണാർക്കാട് എടക്കുറിശ്ശി നെല്ലാട്ട കരിമ്പ മുള്ളൻകുഴി ഹൗസിൽ ഓട്ടോറിക്ഷാ ഡ്രൈവറായ എം.ആർ. പ്രദീപ് കുമാറിന്റെയും സജിതയുടെയും മകൾ ഗോപിക (22), കർണാടകയിലെ കൂർഗ് കനകമഞ്ചൽ ഹൗസിൽ ഇബ്രാഹിമിന്റെയും റുഖിയയുടെയും മകൻ ഇയാസ് (21) എന്നിവരാണ് ദാരുണമായി മരിച്ചത്. ശനിയാഴ്ച അർധരാത്രി കഴിഞ്ഞ് പുലർച്ചെ 1.40ഓടെ നെടുമ്പാശ്ശേരി വിമാനത്താവളത്തിന് സമീപമുള്ള സുവർണോദ്യാനം ബയോളജിക്കൽ പാർക്കിനടുത്തായിരുന്നു അപകടം. നെടുമ്പാശ്ശേരിയിലെ ഹോട്ടലിൽനിന്ന് ഭക്ഷണം…

കൊച്ചി: നെടുമ്പാശ്ശേരി വിമാനത്താവളത്തിന് സമീപം അമിതവേഗത്തിലെത്തിയ മിനി കൂപ്പർ കാർ സ്കൂട്ടറിലിടിച്ച് മൂന്ന് വിദ്യാർത്ഥികൾ ദാരുണമായി മരിച്ച സംഭവത്തിൽ രണ്ട് പേർ കൂടി അറസ്റ്റിലായി. അപകടമുണ്ടാക്കിയ കാർ ഓടിച്ചിരുന്ന സുഹൈൽ സജീവിന്റെ (19) സുഹൃത്തുക്കളായ അമീൻ, ജോയൽ എന്നിവരെയാണ് പോലീസ് അറസ്റ്റ് ചെയ്തത്. നേരത്തെ സുഹൈലിനെയും കാറിലുണ്ടായിരുന്ന മറ്റൊരു സുഹൃത്തായ ആലപ്പുഴ കൊമ്മാടി പാലപ്പറമ്പിൽ ഹൗസിലെ നിനവിനെയും (22) അറസ്റ്റ് ചെയ്തിരുന്നു. ഇതോടെ കേസിൽ അറസ്റ്റിലായവരുടെ എണ്ണം നാലായി. മദ്യലഹരിയിൽ അമിതവേഗത്തിൽ വാഹനം ഓടിച്ചതാണ് അപകടത്തിന് കാരണമായതെന്നാണ് പ്രാഥമിക അന്വേഷണത്തിലെ കണ്ടെത്തൽ. സംഭവവുമായി ബന്ധപ്പെട്ട് പ്രതികൾക്കെതിരെ മനഃപൂർവമല്ലാത്ത നരഹത്യ ഉൾപ്പെടെയുള്ള കുറ്റങ്ങൾ ചുമത്തിയിട്ടുണ്ട്. മദ്യപിച്ച ശേഷം വാഹനം ഓടിക്കുന്നത് തടയാതിരുന്നതിലും അപകടകരമായ രീതിയിലുള്ള യാത്രയ്ക്ക് കൂട്ടുനിന്നതിലും മറ്റ് പ്രതികളുടെ പങ്ക് പോലീസ് പരിശോധിച്ചുവരികയാണ്. അപകടത്തിന് മുമ്പ് സുഹൈലും സുഹൃത്തുക്കളും കൊച്ചിയിലെ മൂന്ന് വ്യത്യസ്ത ബാറുകളിൽ കയറി മദ്യപിച്ചിരുന്നതായാണ്…

തിരുവനന്തപുരം: സംസ്ഥാനത്തെ സർക്കാർ ആശുപത്രികളിൽ മരുന്നുകൾ പാഴാക്കിയതുമായി ബന്ധപ്പെട്ട വിവാദങ്ങൾക്കു പിന്നാലെ ആരോഗ്യമേഖലയിൽ മറ്റൊരു ഗുരുതര ക്രമക്കേട് കൂടി പുറത്തുവരുന്നു. മെഡിക്കൽ കോളേജുകൾ ഉൾപ്പെടെയുള്ള പ്രമുഖ സർക്കാർ ആശുപത്രികളിൽ ഏകദേശം 450 കോടി രൂപ വിലമതിക്കുന്ന അത്യാധുനിക ചികിത്സാ ഉപകരണങ്ങൾ ഉപയോഗിക്കാതെ കെട്ടിക്കിടക്കുന്നതായാണ് അന്വേഷണ റിപ്പോർട്ടിലെ കണ്ടെത്തൽ. വെന്റിലേറ്ററുകൾ, ഡയാലിസിസ് മെഷീനുകൾ, ഡിജിറ്റൽ എക്സ്-റേ യൂണിറ്റുകൾ, മാമോഗ്രാം മെഷീനുകൾ തുടങ്ങി രോഗികളുടെ ജീവൻ രക്ഷിക്കാൻ നിർണായകമായ നിരവധി ഉപകരണങ്ങളാണ് വർഷങ്ങളായി ആശുപത്രി സ്റ്റോറുകളിൽ പൊടിപിടിച്ചുകിടക്കുന്നത്. പത്തുവർഷം മുമ്പ് വാങ്ങിയ ഉപകരണങ്ങൾ പോലും ഇക്കൂട്ടത്തിലുണ്ട്. ചില യന്ത്രങ്ങളുടെ പാക്കിങ് ഇതുവരെ തുറന്നിട്ടില്ലെന്ന കണ്ടെത്തൽ ആരോഗ്യവകുപ്പിലെ ആസൂത്രണ വീഴ്ചകളുടെ ഗൗരവം വ്യക്തമാക്കുന്നു. ആരോഗ്യവകുപ്പ് പ്രിൻസിപ്പൽ സെക്രട്ടറി ഡോ. ശർമ്മിള മേരി ജോസഫ് സർക്കാരിന് സമർപ്പിച്ച അന്വേഷണ റിപ്പോർട്ടിലാണ് കോടികളുടെ ഉപകരണങ്ങൾ ഉപയോഗശൂന്യമായി കിടക്കുന്നതിനെക്കുറിച്ചുള്ള വിവരങ്ങളുള്ളത്. ആരോഗ്യമന്ത്രി കെ. മുരളീധരന്റെ നിർദേശപ്രകാരം…

തിരുവനന്തപുരം: സിഎംആർഎൽ–എക്സാലോജിക് സാമ്പത്തിക ഇടപാടുമായി ബന്ധപ്പെട്ട ആരോപണങ്ങളിൽ മുൻ മുഖ്യമന്ത്രി പിണറായി വിജയൻ, മകൾ വീണ വിജയൻ, മുൻ മന്ത്രിയും വീണയുടെ ഭർത്താവുമായ പി.എ. മുഹമ്മദ് റിയാസ് എന്നിവർക്കെതിരെ വിജിലൻസ് കേസെടുത്തു. എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി.) കൈമാറിയ വിവരങ്ങളുടെ അടിസ്ഥാനത്തിൽ അഴിമതി നിരോധന നിയമപ്രകാരം രണ്ട് എഫ്ഐആറുകളാണ് രജിസ്റ്റർ ചെയ്തിരിക്കുന്നത്. സിഎംആർഎൽ–എക്സാലോജിക് സാമ്പത്തിക ഇടപാടുമായി ബന്ധപ്പെട്ട ആദ്യ കേസിൽ പിണറായി വിജയനാണ് ഒന്നാം പ്രതി. വീണ വിജയനെ രണ്ടാം പ്രതിയായും ഉൾപ്പെടുത്തിയിട്ടുണ്ട്. മുഹമ്മദ് റിയാസ് മന്ത്രിയായിരുന്ന കാലയളവിൽ അഴിമതിയിലൂടെ സമ്പാദിച്ച പണം വിദേശത്തേക്ക് കടത്തിയെന്ന ആരോപണമാണ് രണ്ടാമത്തെ കേസിന് ആധാരം. ഈ കേസിൽ മുഹമ്മദ് റിയാസ് ഒന്നാം പ്രതിയും വീണ വിജയൻ രണ്ടാം പ്രതിയുമാണ്. രണ്ട് കേസുകളിലും വിശദമായ അന്വേഷണം നടത്തുന്നതിനായി പ്രത്യേക അന്വേഷണസംഘത്തെ നിയോഗിക്കുമെന്നാണ് റിപ്പോർട്ടുകൾ. എൻഫോഴ്‌സ്‌മെന്റ് ഡയറക്ടറേറ്റ് സംസ്ഥാന പൊലീസ് മേധാവിക്ക് നൽകിയ കത്തിന്റെ…

വാഷിംഗ്ടൺ: അമേരിക്കൻ പ്രസിഡന്റ് ഡൊണാൾഡ് ട്രംപിന്റെ രാഷ്ട്രീയ സന്ദേശങ്ങൾ പ്രചരിപ്പിക്കുന്നതിനായി നികുതിദായകരുടെ കോടിക്കണക്കിന് ഡോളർ ചെലവഴിച്ച് സംപ്രേഷണം ചെയ്യുന്ന ടെലിവിഷൻ പരസ്യങ്ങൾ നിർത്തിവയ്ക്കണമെന്ന് ഫെഡറൽ കോടതി ഉത്തരവിട്ടു. ഞായറാഴ്ച രാത്രിയാണ് ഫെഡറൽ ജഡ്ജി ഇതുസംബന്ധിച്ച താൽക്കാലിക നിരോധന ഉത്തരവ് പുറപ്പെടുവിച്ചത്. അതേസമയം, പരസ്യപ്രചാരണം അവസാനിപ്പിക്കാനുള്ള നടപടികൾ ആരംഭിച്ചതായി ട്രംപ് ഭരണകൂടം കോടതിയെ അറിയിച്ചു. രണ്ടാഴ്ചത്തേക്കാണ് കോടതി താൽക്കാലിക നിരോധന ഉത്തരവ് പുറപ്പെടുവിച്ചിരിക്കുന്നത്. ഈ കാലയളവിൽ വിവാദ പരസ്യങ്ങളുടെ നിർമ്മാണം, രൂപകൽപ്പന, വിതരണം, പ്രചാരണം, സംപ്രേഷണം എന്നിവയ്ക്ക് അനുമതി നൽകുന്ന പുതിയ കരാറുകളിൽ ഏർപ്പെടാനോ നിലവിലുള്ള കരാറുകൾ പുതുക്കാനോ വിപുലീകരിക്കാനോ പാടില്ലെന്ന് ജഡ്ജി വ്യക്തമാക്കി. ശനിയാഴ്ച രാത്രി കോടതിയിൽ സമർപ്പിച്ച രേഖയിൽ, വിവാദമായ പരസ്യപ്രചാരണം അടുത്ത ദിവസം അവസാനിക്കുമെന്നതിനാൽ താൽക്കാലിക നിരോധന ഉത്തരവിന്റെ ആവശ്യമില്ലെന്ന് നീതിന്യായ വകുപ്പ് വാദിച്ചിരുന്നു. ആഭ്യന്തര സുരക്ഷാ വകുപ്പാണ് (DHS) പരസ്യങ്ങൾക്കായി നികുതിദായകരുടെ പണത്തിൽനിന്ന്…