Author: പി പി ചെറിയാൻ

ന്യൂഡൽഹി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറുമായി കൂടിക്കാഴ്ച ആവശ്യപ്പെട്ട് ലോക്‌സഭാ പ്രതിപക്ഷ നേതാവ് രാഹുൽ ഗാന്ധിയുടെ നേതൃത്വത്തിൽ പ്രതിപക്ഷ എംപിമാർ മണിക്കൂറുകളോളം പ്രതിഷേധിച്ചിട്ടും കൂടിക്കാഴ്ച നടക്കാതിരുന്നതിൽ വിശദീകരണവുമായി തിരഞ്ഞെടുപ്പ് കമ്മീഷൻ. ചൊവ്വാഴ്ച വൈകുന്നേരം നാല് മണിവരെ ഒരു രാഷ്ട്രീയ പാർട്ടിയും കമ്മീഷനുമായി കൂടിക്കാഴ്ചയ്ക്കായി ഔദ്യോഗികമായി അപേക്ഷിച്ചിരുന്നില്ലെന്നാണ് തിരഞ്ഞെടുപ്പ് കമ്മീഷന്റെ വിശദീകരണം. ഗ്യാനേഷ് കുമാറിന്റെ രാജി ആവശ്യപ്പെട്ട് പ്രതിപക്ഷ ഇന്ത്യാ ബ്ലോക്ക് എംപിമാർ നടത്തിയ പ്രതിഷേധത്തിനിടെയാണ് കമ്മീഷൻ നിലപാട് വ്യക്തമാക്കിയത്. രാഹുൽ ഗാന്ധിയുടെ നേതൃത്വത്തിൽ എംപിമാർ പാർലമെന്റിൽ നിന്ന് തിരഞ്ഞെടുപ്പ് കമ്മീഷൻ ആസ്ഥാനമായ നിർവചൻ സദനിലേക്ക് മാർച്ച് നടത്തി. കമ്മീഷനുമായി കൂടിക്കാഴ്ച നടത്താൻ അനുവദിക്കണമെന്നും മുഖ്യ തിരഞ്ഞെടുപ്പ് കമ്മീഷണർ രാജിവയ്ക്കണമെന്നുമായിരുന്നു പ്രതിഷേധക്കാരുടെ ആവശ്യം. എന്നാൽ കമ്മീഷൻ ആസ്ഥാനത്തേക്കുള്ള മാർച്ച് പോലീസ് തടഞ്ഞതോടെ പ്രതിപക്ഷ നേതാക്കളും എംപിമാരും കുത്തിയിരിപ്പ് സമരം ആരംഭിച്ചു. രാഹുൽ ഗാന്ധിയുടെ നേതൃത്വത്തിലുള്ള എംപിമാരുടെ സംഘം…

ന്യൂഡൽഹി: തിരഞ്ഞെടുപ്പ് കമ്മീഷനെതിരെ ഇന്ത്യാ സഖ്യം നടത്തിയ പ്രതിഷേധ മാർച്ച് ചൊവ്വാഴ്ച സംഘർഷഭരിതമായി. കോൺഗ്രസ് നേതാക്കളായ രാഹുൽ ഗാന്ധിയും പ്രിയങ്ക ഗാന്ധി വാദ്രയും ഉൾപ്പെടെയുള്ള പ്രതിപക്ഷ നേതാക്കൾ മാർച്ചിൽ പങ്കെടുത്തു. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിന്റെ രാജി ആവശ്യപ്പെട്ട് പാർലമെന്റിലെ മകർ ദ്വാറിൽ നിന്ന് തിരഞ്ഞെടുപ്പ് കമ്മീഷൻ ആസ്ഥാനമായ നിർവാചൻ സദനിലേക്കായിരുന്നു മാർച്ച്. കനത്ത സുരക്ഷയ്ക്കും പോലീസ് ബാരിക്കേഡുകൾക്കുമിടയിൽ മുന്നോട്ടുനീങ്ങിയ രാഹുലിനെയും പ്രിയങ്കയെയും പോലീസ് കസ്റ്റഡിയിലെടുത്തു. വോട്ടർ പട്ടികയിൽ വ്യാപക ക്രമക്കേടുകൾ നടന്നുവെന്നും വോട്ടർ രജിസ്ട്രേഷനായി ഉപയോഗിക്കുന്ന ഫോം 6-ൽ വരുത്തിയ മാറ്റങ്ങൾ സംശയാസ്പദമാണെന്നും ആരോപിച്ചാണ് ഇന്ത്യാ സഖ്യത്തിന്റെ പ്രതിഷേധം. ‘സേവ് ഡെമോക്രസി’ പ്രചാരണത്തിന്റെ ഭാഗമായാണ് പ്രതിപക്ഷം സമരം സംഘടിപ്പിച്ചത്. കോൺഗ്രസ് അധ്യക്ഷൻ മല്ലികാർജുൻ ഖാർഗെ, രാഹുൽ ഗാന്ധി, തൃണമൂൽ കോൺഗ്രസ് എംപി അഭിഷേക് ബാനർജി, സമാജ്‌വാദി പാർട്ടി അധ്യക്ഷൻ അഖിലേഷ് യാദവ് തുടങ്ങിയ പ്രമുഖ…

ന്യൂഡല്‍ഹി: തിരഞ്ഞെടുപ്പ് കമ്മീഷനെതിരെ പ്രതിപക്ഷം നടത്തിയ പ്രതിഷേധത്തിനിടെ കേന്ദ്ര സർക്കാരിനും ബിജെപിക്കുമെതിരെ രൂക്ഷ വിമർശനവുമായി കോൺഗ്രസ് നേതാവ് രാഹുൽ ഗാന്ധി. ബിജെപി രാജ്യത്തെ ജനാധിപത്യ സംവിധാനത്തെ ദുർബലപ്പെടുത്തുകയാണെന്ന് ആരോപിച്ച അദ്ദേഹം, ഏകദേശം 300 പ്രതിപക്ഷ എംപിമാർക്ക് തിരഞ്ഞെടുപ്പ് കമ്മീഷൻ ആസ്ഥാനത്തേക്ക് പ്രവേശനം നിഷേധിച്ചതിനെയും ചോദ്യം ചെയ്തു. ചൊവ്വാഴ്ച പ്രസാർ ഭാരതി ഭവന് പുറത്ത് മാധ്യമങ്ങളോട് സംസാരിക്കവെയാണ് രാഹുൽ ഗാന്ധി കടുത്ത വിമർശനം ഉന്നയിച്ചത്. രാജ്യത്തോട് ചെയ്തിരിക്കുന്നത് “രാജ്യദ്രോഹം” ആയാണ് താൻ കാണുന്നതെന്നും അതിന് ഉത്തരവാദികളായവർ നടപടി നേരിടേണ്ടിവരുമെന്നും അദ്ദേഹം പറഞ്ഞു. ബിജെപിയെ കോൺഗ്രസ് നേരിടുക മാത്രമല്ല, രാഷ്ട്രീയമായി പരാജയപ്പെടുത്തി ഇല്ലാതാക്കുമെന്നും രാഹുൽ ഗാന്ധി വ്യക്തമാക്കി. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ കാണാൻ ശ്രമിച്ച ഏകദേശം 300 പ്രതിപക്ഷ എംപിമാരെ തടഞ്ഞ നടപടിയെയും രാഹുൽ ചോദ്യം ചെയ്തു. പാർലമെന്റിൽ നിന്ന് തിരഞ്ഞെടുപ്പ് കമ്മീഷൻ ആസ്ഥാനത്തേക്ക് പോകുന്ന ജനപ്രതിനിധികളെ…