Category: AMERICA

ചിക്കാഗോ: സ്‌പെയിനിൽ നിന്നും ചിക്കാഗോയിലേക്ക് എത്തിയ അമേരിക്കൻ എയർലൈൻസ് വിമാനത്തിന് ഒ’ഹെയർ അന്താരാഷ്ട്ര വിമാനത്താവളത്തിൽ ഇന്ന്  ലാൻഡിംഗിനിടയിൽ സാങ്കേതിക തകരാർ. വിമാനത്തിന്റെ ബ്രേക്കിനുണ്ടായ തകരാറിനെത്തുടർന്ന് ടയർ പൊട്ടിത്തെറിക്കുകയായിരുന്നു. ഫെഡറൽ ഏവിയേഷൻ അഡ്മിനിസ്ട്രേഷൻ ആണ് ഇക്കാര്യം സ്ഥിരീകരിച്ചത്. സ്‌പെയിനിലെ ബാഴ്സലോണ-എൽ പ്രാറ്റ് എയർപോർട്ടിൽ നിന്നും പുറപ്പെട്ട അമേരിക്കൻ എയർലൈൻസിന്റെ ഫ്ലൈറ്റ് 41 (ബോയിംഗ് 787-800) ആണ് അപകടത്തിൽപ്പെട്ടത്. ചൊവ്വാഴ്ച ഉച്ചയ്ക്ക് ശേഷം പ്രാദേശിക സമയം രണ്ടരയോടെ വിമാനം ഒ’ഹെയർ വിമാനത്താവളത്തിൽ സുരക്ഷിതമായി ലാൻഡ് ചെയ്തു. ലാൻഡിംഗിന് പിന്നാലെ ബ്രേക്കിൽ തകരാറുണ്ടായതായും തുടർന്ന് ടയർ പൊട്ടിയതായും ജീവനക്കാർ എഫ്.എ.എയെ അറിയിക്കുകയായിരുന്നു. വിമാനത്തിലുണ്ടായിരുന്ന 234 യാത്രക്കാരെയും 11 ജീവനക്കാരെയും സ്റ്റെപ്പുകൾ ഉപയോഗിച്ച് പുറത്തിറക്കി. തുടർന്ന് ബസുകളിലായി ഇവരെ ടെർമിനലിലേക്ക് സുരക്ഷിതമായി മാറ്റി. സംഭവവിവരമറിഞ്ഞ് അഗ്നിശമനസേനയും മറ്റ് അടിയന്തര സേനാ വിഭാഗങ്ങളും റൺവേയിൽ എത്തിയിരുന്നു. ബ്രേക്ക് തകരാറുണ്ടായതിന്റെ കൃത്യമായ കാരണം ഇതുവരെ വ്യക്തമായിട്ടില്ല.…

“എന്തു പറ്റിയെടി ലിയാ, എന്താ സംഭവിച്ചത്?” ദുഃഖം നിഴലിക്കുന്ന മുഖവുമായി, മൗനയായി ഇരിക്കുന്ന ലിയയെ കണ്ട് സെയ്‌ന ചോദിച്ചു. “ഒന്നുമില്ലെടീ..” പെട്ടെന്ന് ലിയ മറുപടി പറഞ്ഞു. ജെന്‍സിയുടെ ജന്മദിനം ആഘോഷിക്കാനാണ് ലിയയും സെയ്നയും അവരുടെ സുഹൃത്തുക്കളും മന്‍‌ഹാട്ടനിലെ ആ ഹോട്ടലില്‍ ഒത്തുചേര്‍ന്നത്. സ്റ്റോണിബ്രൂക്ക് യൂണിവേഴ്സിറ്റിയിലെ വിദ്യാര്‍ത്ഥികളായ ജെന്‍സിയും ലിയയും സെയ്നയും അടുത്ത സുഹൃത്തുക്കളാണ്. അതുകൊണ്ടു തന്നെ ജെന്‍സിയുടെ ബര്‍ത്ത്ഡേ പാര്‍ട്ടി അടിച്ചു പൊളിക്കാന്‍ ഫിഫ്ത്ത് അവന്യൂവിലുള്ള ഈ ഹോട്ടല്‍ തിരഞ്ഞെടുത്തത് മനഃപ്പൂര്‍‌വ്വമാണ്. കുടുംബങ്ങളില്‍ നടക്കുന്ന പാര്‍ട്ടിയില്‍ അടിച്ചുപൊളി നടക്കില്ലെന്ന് അറിയാവുന്നതുകൊണ്ടു തന്നെയാണ് ഇങ്ങനെയൊരു പാര്‍ട്ടി അറേഞ്ച് ചെയ്തത്. പാര്‍ട്ടിയില്‍ ത്രില്ലടിച്ചു നില്‍ക്കുമ്പോഴാണ് പെട്ടെന്ന് ലിയയുടെ മുഖം വാടുന്നതും മൗനമായി ഒരു മൂലയിലേക്ക് ഒതുങ്ങുന്നതും സെയ്നയുടെ ശ്രദ്ധയില്‍ പെട്ടത്. ഇനി വല്ല തലവേദനയോ മറ്റോ ആണോ! സെയ്ന സംശയിച്ചു. കൂടുതല്‍ വിശദീകരിക്കാതെ ലിയ പെട്ടെന്ന് പറഞ്ഞു.. “എടീ എനിക്കൊരു…

വാഷിംഗ്ടണ്‍: യു എസ് പ്രസിഡന്റ് ഡൊണാൾഡ് ട്രംപിന്റെ ജനപ്രീതിയിൽ കനത്ത ഇടിവ് രേഖപ്പെടുത്തിയതോടെ നവംബർ മൂന്നിന് നടക്കാനിരിക്കുന്ന ഇടക്കാല തിരഞ്ഞെടുപ്പിനെക്കുറിച്ച് റിപ്പബ്ലിക്കൻ പാർട്ടിയിൽ ആശങ്ക ശക്തമാകുന്നു. റോയിട്ടേഴ്‌സും ഇപ്‌സോസും സംയുക്തമായി നടത്തിയ ഏറ്റവും പുതിയ അഭിപ്രായ സർവേ പ്രകാരം, ട്രംപിന്റെ ഭരണപ്രകടനത്തെ അംഗീകരിക്കുന്ന അമേരിക്കക്കാരുടെ എണ്ണം വെറും 31 ശതമാനമായി കുറഞ്ഞിരിക്കുകയാണ്. അദ്ദേഹത്തിന്റെ രണ്ട് പ്രസിഡൻഷ്യൽ കാലയളവുകളിലെയും ഏറ്റവും താഴ്ന്ന അംഗീകാരനിരക്കാണിതെന്നാണ് സർവേ വ്യക്തമാക്കുന്നത്. തിരഞ്ഞെടുപ്പിന് ദിവസങ്ങൾ മാത്രം ശേഷിക്കെ പുറത്തുവന്ന ഈ കണക്കുകൾ റിപ്പബ്ലിക്കൻ പാർട്ടിക്ക് വലിയ രാഷ്ട്രീയ തിരിച്ചടിയായാണ് വിലയിരുത്തപ്പെടുന്നത്. ട്രംപിന്റെ ഭരണത്തിനെതിരായ ജനവികാരം ശക്തിപ്പെടുന്നതിനൊപ്പം കോൺഗ്രസിന്റെ നിയന്ത്രണം തിരിച്ചുപിടിക്കാനുള്ള ഡെമോക്രാറ്റിക് പാർട്ടിയുടെ സാധ്യതകളും വർധിക്കുന്നതായാണ് സർവേ സൂചിപ്പിക്കുന്നത്. അമേരിക്കൻ കോൺഗ്രസ് തിരഞ്ഞെടുപ്പിൽ റിപ്പബ്ലിക്കൻ പാർട്ടിയെക്കാൾ 12 ശതമാനം പോയിന്റിന്റെ ലീഡാണ് ഡെമോക്രാറ്റിക് പാർട്ടിക്ക് സർവേ പ്രവചിക്കുന്നത്. ഇന്ന് തിരഞ്ഞെടുപ്പ് നടന്നാൽ രജിസ്റ്റർ ചെയ്ത…

ഡാളസ്: നോർത്ത് ടെക്സസിലെ കോപ്പൽ പോസ്റ്റൽ സർവീസിലെ മലയാളി ജീവനക്കാരുടെ ആഭിമുഖ്യത്തിൽ 2026-ൽ സർവീസിൽ നിന്ന് വിരമിച്ച അഞ്ച് ജീവനക്കാർക്ക് യാത്രയയപ്പ് നൽകി. ഗ്രേപ്‌വൈനിൽ നടന്ന ചടങ്ങിൽ ബാബു ജോസ്, ബിജിലി ബാബു, ജോൺ മാത്യു, തോമസ്, മേരി ടീച്ചർ എന്നിവരെയാണ് ആദരിച്ചത്. തോമസ് തൈമുറിയിൽ സ്വാഗതം ആശംസിച്ച യോഗത്തിൽ ഫാ. ജോസഫ് കുര്യൻ പ്രാർത്ഥന നിർവഹിച്ചു. സഹപ്രവർത്തകരും കുടുംബാംഗങ്ങളും പങ്കെടുത്ത ചടങ്ങിൽ എം.ഡി.ഒ. അനൂപ് ചെറിയൻ, സൂപ്പർവൈസർമാരായ സാബു മാത്യു, ജോസഫ് ജോർജ് എന്നിവർ ചേർന്ന് വിരമിച്ച ജീവനക്കാർക്ക് ഉപഹാരങ്ങൾ സമ്മാനിച്ചു. ദീർഘകാലത്തെ സേവനത്തിനുശേഷം വിരമിച്ച ജീവനക്കാരെ അഭിനന്ദിച്ച സഹപ്രവർത്തകർ അവരുടെ തുടർജീവിതത്തിന് എല്ലാവിധ ആശംസകളും നേർന്നു. വർഷങ്ങളോളം ഒരുമിച്ച് ജോലി ചെയ്ത കാലയളവിലെ രസകരവും ഹൃദയസ്പർശിയുമായ ഓർമകളും അനുഭവങ്ങളും ചടങ്ങിൽ പങ്കുവെച്ചു. ജോലിസ്ഥലത്തെ സൗഹൃദബന്ധങ്ങളും പരസ്പര സഹകരണവും നിറഞ്ഞ അനുഭവങ്ങൾ പങ്കുവെച്ചത് ചടങ്ങിനെ കൂടുതൽ…

ഹൂസ്റ്റൺ: ഇന്റർനാഷണൽ  പ്രെയർ ലൈൻ (IPL) ഓൺലൈൻ പ്രാർത്ഥനാ കൂട്ടായ്മയുടെ 649-ാമത് സെഷൻ ഒക്ടോബര് 20ചൊവ്വാഴ്ച ടെലിഫോൺ കോൺഫറൻസ് വഴി വിപുലമായ പങ്കാളിത്തത്തോടെ സംഘടിപ്പിച്ചു. അമേരിക്കയുടെ വിവിധ ഭാഗങ്ങളിൽ നിന്നുള്ള നിരവധിയാളുകൾ പ്രാർത്ഥനായോഗത്തിൽ പങ്കെടുത്തു. ഡിട്രോയിറ്റിൽ നിന്നുള്ള സി. വി. സാമുവലിന്റെ സ്വാഗതത്തോടും ആമുഖ സന്ദേശത്തോടും കൂടി ആരംഭിച്ച യോഗത്തിൽ ഫിലാഡൽഫിയയിൽ നിന്നുള്ള സന്തോഷ് അബ്രഹാം പ്രാരംഭ പ്രാർത്ഥന നടത്തി. ഡാളസിൽ നിന്നുള്ള ഷാജി രാമപുരം വിശുദ്ധ വേദപുസ്തകത്തിൽ നിന്ന് 2 പത്രോസ് 3:14-18 വരെയുള്ള ഭാഗങ്ങൾ വായിച്ചു. യോഗത്തിൽ തിരുവല്ലയിൽ നിന്നുള്ള പ്രമുഖ ദൈവവചന പ്രാസംഗികൻ പ്രൊഫ. ഡോ. ജോർജ് മാത്യു (ഫിലാഡൽഫിയ) മുഖ്യ പ്രഭാഷണം നടത്തി. ക്രിസ്തീയ ജീവിതത്തിന്റെ പ്രധാന ലക്ഷ്യം യേശുക്രിസ്തുവിന്റെ കൃപയിലും പരിജ്ഞാനത്തിലും വളരുക എന്നതാണെന്ന് അദ്ദേഹം ചൂണ്ടിക്കാട്ടി. ഓരോ ദിവസവും ദൈവകൃപയിൽ ആശ്രയിച്ച് മുന്നേറേണ്ടതിന്റെയും വചന ധ്യാനത്തിലൂടെയും പ്രാർത്ഥനയിലൂടെയും ക്രിസ്തുവിനെ…

സൗജന്യ പിയാനോ പരിശീലനത്തിന് അന്താരാഷ്ട്ര അംഗീകാരം; ട്രിനിറ്റി സിലബസിൽ പഠിക്കാനും സർട്ടിഫിക്കറ്റ് നേടാനും അവസരം ​ഹൂസ്റ്റൺ, ടെക്സസ്: സ്റ്റാഫോർഡിലെ ഗുഡ് ഷെപ്പേർഡ് എപ്പിസ്കോപ്പൽ ഇന്ത്യൻ ചർച്ചിന്റെ സാമൂഹിക സേവന സംരംഭമായ ‘ബഡ്ഡീസ്’ (Buddies) സൗജന്യ സംഗീതപഠന പദ്ധതിക്ക് ലണ്ടനിലെ പ്രശസ്തമായ ട്രിനിറ്റി കോളേജ് ഓഫ് മ്യൂസിക്കിന്റെ അഫിലിയേഷൻ ലഭിച്ചു. കുട്ടികൾക്ക് പൂർണമായും സൗജന്യമായി പിയാനോ പരിശീലനം നൽകുന്ന ഈ സംരംഭത്തിന് അന്താരാഷ്ട്ര സംഗീതവിദ്യാഭ്യാസ രംഗവുമായി ഔദ്യോഗിക ബന്ധം സ്ഥാപിക്കാൻ കഴിഞ്ഞതായി സഭാവികാരി റവ. ഡോ. റോയ് വർഗീസ് അറിയിച്ചു. ​അഞ്ചുവർഷത്തോളമായി പ്രവർത്തിക്കുന്ന ബഡ്ഡീസ് പ്രോഗ്രാമിൽ നിലവിൽ വിവിധ പ്രായക്കാരായ അൻപതോളം കുട്ടികൾ സൗജന്യമായി പിയാനോ അഭ്യസിക്കുന്നുണ്ട്. പുതിയ അഫിലിയേഷനിലൂടെ വിദ്യാർഥികൾക്ക് ട്രിനിറ്റി കോളേജിന്റെ അംഗീകൃത സിലബസ് അനുസരിച്ച് പഠനം നടത്താനും ഗ്രേഡഡ് സംഗീതപരീക്ഷകളിൽ പങ്കെടുക്കാനും അവസരം ലഭിക്കും. പരീക്ഷകൾ വിജയകരമായി പൂർത്തിയാക്കുന്നവർക്ക് അന്താരാഷ്ട്ര അംഗീകാരമുള്ള പ്രാവീണ്യ സർട്ടിഫിക്കറ്റുകൾ…

ഡാളസ് : അധ്യാപകന്റെ ലൈംഗികാതിക്രമ പരാതികൾ കൈകാര്യം ചെയ്യുന്നതിൽ വീഴ്ച വരുത്തിയെന്നാരോപിച്ച് ഡള്ളാസ് ഇൻഡിപെൻഡന്റ് സ്കൂൾ ഡിസ്ട്രിക്റ്റിന് 10 ലക്ഷം ഡോളറിന്റെ പിഴയും ഒത്തുതീർപ്പ് വ്യവസ്ഥകളും. യു.എസ് അറ്റോർണി ഓഫീസാണ് ചൊവ്വാഴ്ച ഇക്കാര്യം അറിയിച്ചത്. 1,45,000 ഡോളർ നേരിട്ടുള്ള പിഴയായും, 8,55,000 ഡോളർ അടുത്ത മൂന്ന് വർഷത്തിനുള്ളിൽ നിർബന്ധിത പരിശീലനങ്ങൾ, ഓഡിറ്റുകൾ, നിയമനങ്ങളിലെ മാറ്റങ്ങൾ എന്നിവയ്ക്കായും സ്കൂൾ അധികൃതർ ചെലവഴിക്കും. മുൻ സ്പെഷ്യൽ എജ്യുക്കേഷൻ അധ്യാപകനായ മൈക്കൽ റോയലിനെതിരെയുള്ള ലൈംഗികാതിക്രമ ആരോപണങ്ങൾ സ്‌കൂൾ അധികൃതർ രഹസ്യമായി ഒതുക്കിത്തീർക്കുകയും, സ്റ്റേറ്റ് ബോർഡിനെ അറിയിക്കാതെ രാജി വെക്കാൻ അനുവദിക്കുകയും ചെയ്തുവെന്നാണ് പ്രധാന ആരോപണം. ആരോപണങ്ങൾ പൂർണ്ണമായും നിഷേധിച്ചെങ്കിലും, വിദ്യാർത്ഥികളുടെ സുരക്ഷ മുൻനിർത്തിയാണ് ഈ ഒത്തുതീർപ്പെന്ന് ഡള്ളാസ് ഐ.എസ്‌.ഡി വ്യക്തമാക്കി. ഫെഡറൽ ഫണ്ടുകൾ കൈപ്പറ്റുന്ന സ്കൂളുകൾ സുരക്ഷാ നിയമങ്ങൾ കർശനമായി പാലിക്കണമെന്ന് ഉറപ്പാക്കുന്ന ‘പ്രോജക്ട് സേഫ് സ്കൂൾസ്’ പദ്ധതിയുടെ ഭാഗമായാണ് ഈ…