ആലപ്പുഴ: മുക്കുപണ്ടം ഉണ്ടാക്കി വിവിധ ധനകാര്യ സ്ഥാപനങ്ങളിൽ നിന്നായി ഒരു കോടിയോളം രൂപ തട്ടിയെടുത്ത സംഘത്തിലെ നാലുപേർ പിടിയിൽ. തൃച്ചാട്ടുകുളം സിയാദ് മൻസിലിൽ സിയാദ് (32), അരൂക്കുറ്റി ലൈലാ മൻസിലിൽ നിയാസ് (32), വടുതല ഊട്ടുകുളം വീട്ടിൽ റിയാസ് (45), കോയമ്പത്തൂർ തെലുങ്കുപാളയത്തിൽ അറുമുഖം എന്നിവരെ ചേർത്തല പൊലീസ് അറസ്റ്റ് ചെയ്തു. കോയമ്പത്തൂർ സ്വദേശി അറുമുഖം എന്ന സ്വർണപ്പണിക്കാരനാണ് പ്രതികൾക്കു വേണ്ടി മുക്കുപണ്ടം നിർമിച്ചത്. ആഭരണങ്ങളുടെ പുറം‌ഭാഗത്ത് ഒന്നര മുതൽ രണ്ടര ഗ്രാം വരെ മാത്രം സ്വർണം ചേർത്താണ് 10 ഗ്രാം ഭാരമുള്ള വളകൾ ഇവർ നിർമിച്ചത്. കോയമ്പത്തൂരില്‍ പോയി വളകൾ പണിയിപ്പിച്ചത് നിയാസും സിയാദും ചേര്‍ന്നാണ്. 250 ഓളം സ്വർണ്ണ വളകളാണ് ഇത്തരത്തിൽ ഇവര്‍ പണിയിപ്പിച്ചത്. കഴിഞ്ഞ ഒരു വർഷക്കാലമായി പ്രതികൾ തട്ടിപ്പ് നടത്തി വരികയായിരുന്നു. പണം അത്യാവശ്യമുള്ള സുഹൃത്തുക്കളെ കണ്ടെത്തി അവരെ കൊണ്ടാണ് സ്വർണം…
മുക്കുപണ്ടം പണയം വെച്ച് ഒരു കോടിയോളം രൂപ തട്ടിയെടുത്ത നാല്‍‌വര്‍ സംഘത്തെ അറസ്റ്റു ചെയ്തു
