Category: KERALA

കോഴിക്കോട്: മലയാള സാഹിത്യത്തിലെ ഇതിഹാസ കൃതിയായ ‘ഖസാക്കിന്റെ ഇതിഹാസ’ത്തിനും രചയിതാവ് ഒ.വി. വിജയനും ആദരമർപ്പിച്ച് ബർഫി ആപ്പ് തങ്ങളുടെ ഏറ്റവും പുതിയ മലയാളം ഫോണ്ട് പുറത്തിറക്കി. നോവലിന്റെ പശ്ചാത്തലമായ പാലക്കാടൻ ഗ്രാമത്തിന്റെ പേരിൽ രൂപകൽപ്പന ചെയ്ത ‘തസ്രാക്ക്’ എന്ന ഫോണ്ടിന്റെ ഔദ്യോഗിക പ്രകാശനം കോഴിക്കോട് കടപ്പുറത്ത് നടക്കുന്ന കേരള ലിറ്ററേച്ചർ ഫെസ്റ്റിവൽ (KLF) വേദിയിൽ വെച്ചാണ് നടന്നത്. പ്രശസ്ത കാലിഗ്രഫി ആർട്ടിസ്റ്റ് നാരായണ ഭട്ടതിരി, പ്രമുഖ ബ്രാൻഡ് കമ്മ്യൂണിക്കേഷൻ വിദഗ്ധൻ ഫേവർ ഫ്രാൻസിസ്, പ്രശസ്ത എഴുത്തുകാരനും തിരക്കഥാകൃത്തുമായ ജമാൽ കൊച്ചാങ്ങാടി എന്നിവർ ചേർന്നാണ് ‘തസ്രാക്ക്’ ഫോണ്ട് പ്രകാശനം ചെയ്തത്. ചടങ്ങിൽ സാംസ്കാരിക-സാഹിത്യ രംഗത്തെ നിരവധി പ്രമുഖ വ്യക്തിത്വങ്ങൾ പങ്കെടുത്തു. എഴുത്തുകാർക്കും സോഷ്യൽ മീഡിയ ക്രിയേറ്റർമാർക്കും അവരുടെ ചിന്തകളും ആശയങ്ങളും ഡിജിറ്റൽ ഇടങ്ങളിൽ മനോഹരമായി ആവിഷ്കരിക്കാൻ സഹായിക്കുന്ന രീതിയിലാണ് ‘തസ്രാക്ക്’ ഫോണ്ട് രൂപകൽപ്പന ചെയ്തിരിക്കുന്നത്. ആകർഷകമായ പോസ്റ്ററുകൾ ഡിസൈൻ…

തിരുവല്ല: ആന്തരിക രൂപാന്തരമായിരിക്കണം ക്രൈസ്തവ ജീവിതത്തിന്റെ അടിസ്ഥാനമെന്ന് ഡോ. സാമുവേൽ മാർ തെയോഫിലോസ് മെത്രാപ്പോലീത്താ പ്രസ്താവിച്ചു. സെന്റ് മേരീസ് ബിലിവേഴ്സ് ഈസ്റ്റേൺ ചർച്ച് തോട്ടഭാഗം ഇടവകയിൽ വൈദീക ദിനത്തില്‍ നടന്ന ആരാധനയിൽ വിശുദ്ധ കുർബാനയ്ക്ക് ശേഷം മുഖ്യ പ്രഭാഷണം നടത്തുകയായിരുന്നു ബിലീവേഴ്‌സ് ഈസ്റ്റേൺ ചർച്ച് പരമാധ്യക്ഷൻ അഭിവന്ദ്യ മോറാൻ മോർ ഡോ.സാമുവല്‍ തിയോഫിലോസ് മെത്രാപ്പോലീത്ത. പ്രാർത്ഥന ജീവിതവും വിശ്വാസവും അനുകമ്പയും ഉള്ളവരായി വിശ്വാസികൾ മാറണമെന്നും, വീണ്ടും ജനനത്തിന്റെ പുതുക്കം ഓരോ ദിവസവും ജീവിതത്തിൽ വർദ്ധിച്ചു വരണമെന്നും, ആത്മീയ ഫലങ്ങൾ പുറപ്പെടുവിച്ച് ദൈവരാജ്യത്തിന്റെ വളർച്ചയ്ക്ക് വിശ്വാസസമൂഹം നിലകൊള്ളണമെന്നും മെത്രാപ്പോലീത്താ കൂട്ടിച്ചേര്‍ത്തു. വിശുദ്ധ കുർബാനയ്ക്ക് അഭിവന്ദ്യ മാത്യുസ് മാർ സിൽവാനിയോസ് എപ്പിസ്ക്കോപ്പ സഹകാർമ്മികത്വം വഹിച്ചു. വൈദികർ ദേശത്തിന്റെ പ്രകാശ ഗോപുരമായി മാറണമെന്നും വെല്ലുവിളികളും പ്രതിസന്ധികളും നിറഞ്ഞ ജീവിതത്തിനിടയിൽ ഇടവകയിലെ കുടുംബങ്ങള്‍ക്ക് വേണ്ടി പ്രാർത്ഥിക്കുവരായ വൈദീകർ സഭയുടെ ശക്തിയാണെന്നും അഭിവന്ദ്യ മാത്യുസ്…

ന്യൂഡൽഹി: 77-ാമത് റിപ്പബ്ലിക് ദിനത്തോടനുബന്ധിച്ച് പ്രഖ്യാപിച്ച പത്മ അവാർഡുകൾ കേരളത്തിന് അഭിമാനമായി. അന്തരിച്ച മുൻ മുഖ്യമന്ത്രി വി.എസ്. അച്യുതാനന്ദനും മുൻ സുപ്രീം കോടതി ജസ്റ്റിസ് കെ.ടി. തോമസിനും രാജ്യത്തെ രണ്ടാമത്തെ പരമോന്നത സിവിലിയൻ ബഹുമതിയായ പത്മ വിഭൂഷൺ ലഭിച്ചു. വി.എസിന് മരണാനന്തരം പത്മ വിഭൂഷൺ നൽകും. മലയാളത്തിന്റെ മെഗാസ്റ്റാർ മമ്മൂട്ടിക്കും എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനും പത്മഭൂഷൺ നൽകി ആദരിച്ചു. വിവിധ മേഖലകളിലെ സമാനതകളില്ലാത്ത സംഭാവനകൾക്കാണ് രാജ്യം ഈ പ്രമുഖ വ്യക്തികളെ ആദരിക്കുന്നത്. ആലപ്പുഴ സ്വദേശിയായ എം.എസ്. ദേവകിയമ്മയ്ക്ക് പത്മശ്രീ പുരസ്‌കാരം ലഭിച്ചു. പ്രശസ്തിയുടെ ലോകത്തിന് പുറത്ത് നിശബ്ദ സേവനം അനുഷ്ഠിക്കുന്നവരെ ആദരിക്കുന്നതിനായി അവതരിപ്പിച്ച ‘അൺസംഗ്ഡ് ഹീറോസ്’ വിഭാഗത്തിലാണ് ദേവകിയമ്മയെ ഉൾപ്പെടുത്തിയത്. കാട്ടുകൊള്ളക്കാരന്‍ വീരപ്പനെ വേട്ടയാടിയതിന് നേതൃത്വം നൽകിയ മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ രോഹിത് ശർമ്മ, കെ. വിജയകുമാർ എന്നിവർക്കും പത്മശ്രീ…

കണ്ണൂർ: പയ്യന്നൂരിലെ രക്തസാക്ഷി ഫണ്ടിലടക്കം കോടികളുടെ അഴിമതി നടത്തിയെന്ന സിപിഎം കണ്ണൂർ ജില്ലാ കമ്മിറ്റി അംഗം വി കുഞ്ഞികൃഷ്ണന്റെ വെളിപ്പെടുത്തലിനെ തുടർന്ന് പയ്യന്നൂർ സംഘർഷ മേഖലയായി. നഗരത്തിൽ സിപിഎം, കോൺഗ്രസ്, ബിജെപി പ്രവർത്തകർ തമ്മില്‍ ഏറ്റുമുട്ടി. കോൺഗ്രസ് നേതാക്കൾ ഉൾപ്പെടെ നിരവധി പേർക്ക് പരിക്കേറ്റു. ആരോപണവിധേയനായ പയ്യന്നൂർ എംഎൽഎ ടി ഐ മധുസൂദനന്റെ രാജി ആവശ്യപ്പെട്ട് നടത്തിയ കോൺഗ്രസ് പ്രകടനത്തിന് നേരെ സിപിഎം, ഡിവൈഎഫ്ഐ പ്രവർത്തകർ ആക്രമണം നടത്തിയതായി കോൺഗ്രസ് നേതാക്കൾ ആരോപിച്ചു. പയ്യന്നൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ നടന്ന പ്രതിഷേധ പ്രകടനത്തിന് നേരെ പയ്യന്നൂർ സെൻട്രൽ ബസാറിലാണ് ആക്രമണം ഉണ്ടായത്. പയ്യന്നൂർ ഗാന്ധി മന്ദിരത്തിൽ നിന്ന് ആരംഭിച്ച പ്രകടനം സെൻട്രൽ ബസാറിലെത്തിയപ്പോൾ ആയുധങ്ങളുമായെത്തിയ 25 ഓളം സി.പി.എം, ഡി.വൈ.എഫ്.ഐ പ്രവർത്തകർ ആക്രമണം നടത്തിയെന്ന് കോണ്‍ഗ്രസ് നേതാക്കള്‍ പറഞ്ഞു. നിലത്തുവീണ പലരെയും മർദ്ദിക്കുകയും ചവിട്ടുകയും ചെയ്തതായി…

മക്കരപ്പറമ്പ് : മലർവാടി ബാലസംഘം സംഘടിപ്പിക്കുന്ന സംസ്ഥാന ബാല ചിത്രരചന മൽസരം ‘മഴവില്ല്’ മക്കരപ്പറമ്പ് ഏരിയതലം വടക്കാങ്ങര ടാലന്റ് പബ്ലിക് സ്കൂളിൽ നടന്നു. നഴ്സറി തലം മുതൽ ഏഴാം ക്ലാസ് വരെയുള്ള കുട്ടികൾക്ക് നാല് കാറ്റഗറികളിലായാണ് മൽസരം നടന്നത്. മികച്ച വിജയം നേടിയവർക്ക് മക്കരപ്പറമ്പ് ഗ്രാമപഞ്ചായത്ത് വികസനകാര്യ സ്ഥിരം സമിതി അദ്ധ്യക്ഷൻ ഹബീബുള്ള പട്ടാക്കൽ, എട്ടാം വാർഡ് നിയുക്ത മെമ്പർ സമീറ തങ്കയത്തിൽ, സ്വാഗതസംഘം മുഖ്യ രക്ഷാധികാരി അനസ് കരുവാട്ടിൽ, മലർവാടി ഏരിയ വനിത കൺവീനർ‌ റിസ് വാന ടീച്ചർ എന്നിവർ ഉപഹാരം നൽകി. പാരന്റിങ് സെഷനിൽ മലർവാടി മലപ്പുറം ജില്ല മുൻ കൺവീനർ കുഞ്ഞിമുഹമ്മദ് മുരിങ്ങേക്കൽ രക്ഷിതാക്കളോട് സംവദിച്ചു. മലർവാടി മക്കരപ്പറമ്പ് ഏരിയ രക്ഷാധികാരി പി.പി ഹൈദരലി, ജില്ല കൺവീനർ ശഹീർ വടക്കാങ്ങര, ഹുസൈൻ കാളാവ്, കെ ജാബിർ എന്നിവർ സംസാരിച്ചു.

കോഴിക്കോട്: ബസിനുള്ളിൽ ദീപക് എന്ന യുവാവ് ലൈംഗികാതിക്രമം കാണിച്ചെന്ന് വരുത്തിത്തീര്‍ക്കാന്‍ വീഡിയോ ചിത്രീകരിക്കുകയും അത് സോഷ്യല്‍ മീഡിയയില്‍ പ്രചരിപ്പിച്ചതിനെത്തുടര്‍ന്ന് ദീപക് ആത്മഹത്യ ചെയ്യുകയും ചെയ്ത സംഭവത്തിൽ ആത്മഹത്യാ പ്രേരണാക്കുറ്റം ചുമത്തി റിമാൻഡിൽ കഴിയുന്ന ഷിംജിത മുസ്തഫയുടെ ജാമ്യാപേക്ഷയിൽ ചൊവ്വാഴ്ച വിധി പറയും. ജാമ്യാപേക്ഷയിൽ ഇന്ന് വാദം പൂർത്തിയായതിനെ തുടർന്ന് ജനുവരി 27 ന് വിധി പറയുമെന്ന് കുന്നമംഗലം മജിസ്ട്രേറ്റ് കോടതി വ്യക്തമാക്കി. ജാമ്യം നൽകിയാൽ പ്രതി സാക്ഷികളെ സ്വാധീനിക്കുമെന്ന് പോലീസ് കോടതിയിൽ റിപ്പോർട്ട് സമർപ്പിച്ചിട്ടുണ്ട്. കേസിന്റെ അന്വേഷണം പ്രാരംഭ ഘട്ടത്തിലാണെന്നും, സാക്ഷികളുടെ മൊഴികളും തെളിവുകളും ശേഖരിച്ചു വരികയാണെന്നും അന്വേഷണ ഉദ്യോഗസ്ഥർ ചൂണ്ടിക്കാട്ടി. അതേസമയം, ദീപക്കിനെക്കുറിച്ച് ഷിംജിതയ്ക്ക് മുൻകൂർ അറിവില്ലെന്നും ആത്മഹത്യാ പ്രേരണാക്കുറ്റം നിലനിൽക്കില്ലെന്നും പ്രതിഭാഗം വാദിച്ചു. ഈ നിലപാടിലെ വാദങ്ങൾ കേട്ട ശേഷം, ജാമ്യാപേക്ഷയിൽ വിധി പറയുന്നത് കോടതി അടുത്ത ചൊവ്വാഴ്ചത്തേക്ക് മാറ്റി. ഷിംജിത മുസ്തഫ നിലവിൽ…