മിഷിഗണ്: ബേബി ഫോർമുലയുടെ രാജ്യത്തെ ഏറ്റവും വലിയ വിതരണക്കാരിൽ ഒരാളായ സ്റ്റർഗിസ് പ്ലാന്റ് വീണ്ടും തുറന്ന് പ്രവര്ത്തനമാരംഭിച്ചു. കനത്ത മഴയെത്തുടർന്നുണ്ടായ വെള്ളക്കെട്ടു മൂലം ജൂൺ പകുതിയോടെ താൽക്കാലികമായി അടച്ചുപൂട്ടാൻ നിർബന്ധിതരായിത്തീര്ന്ന പ്ലാന്റാണ് വീണ്ടും തുറന്നത്. അബോട്ട് ന്യൂട്രീഷൻ ഫെസിലിറ്റി ജൂലൈ 1 ന് വീണ്ടും തുറക്കുകയും അതിന്റെ സ്പെഷ്യാലിറ്റി ബേബി ഫോർമുലയായ എലികെയർ നിർമ്മിക്കാൻ തുടങ്ങുകയും ചെയ്തായി അബോട്ട് വക്താവ് സിബിഎസ് ന്യൂസിനോടും മറ്റ് മാധ്യമങ്ങളോടും പറഞ്ഞു. മൾട്ടി ബില്യൺ ഡോളർ ശിശു ഫോർമുല വിപണിയുടെ ഏകദേശം 90% നിയന്ത്രിക്കുന്ന യുഎസിലെ നാല് കമ്പനികളിലൊന്നാണ് അബോട്ട്. മുമ്പ്, ഫോർമുല കഴിച്ച ശിശുക്കളിൽ ബാക്ടീരിയ മലിനീകരണം കണ്ടെത്തിയതിനെത്തുടർന്ന് ഫെബ്രുവരിയിൽ അബോട്ട് സ്റ്റർഗിസ് പ്ലാന്റ് അടച്ചുപൂട്ടുകയും ബേബി ഫോർമുല ഉൽപ്പന്നങ്ങൾ തിരിച്ചുവിളിക്കുകയും ചെയ്തിരുന്നു. ഈ സ്ഥാപനത്തിൽ നിർമ്മിച്ച ഫോർമുല കഴിച്ച് രണ്ട് കുട്ടികൾ രോഗികളാകുകയും രണ്ട് കുട്ടികൾ മരിക്കുകയും ചെയ്തു.…
Category: AMERICA
വാഹനാപകടത്തില് രണ്ട് മക്കളെ നഷ്ടമായ മാതാവ് നായകളുടെ ആക്രമണത്തില് കൊല്ലപ്പെട്ടു
നോര്ത്ത് കരോലിന: വാഹനാപകടത്തില് രണ്ടു മക്കളെ നഷ്ടമായ മാതാവ് വളര്ത്തു നായകളുടെ ആക്രമണത്തില് കൊല്ലപ്പെട്ടു. നോര്ത്ത് കരോലിനയിലെ ട്രീന പീഡിന് (46) ആണ് ദാരുണമായി കൊല്ലപ്പെട്ടത്. വീടിനു പിന്നിലുള്ള നായക്കൂട്ടില് നിന്ന് പുറത്തിറക്കിയ പിറ്റ്ബുള് വിഭാഗത്തില്പ്പെടുന്ന നായകളാണ് ട്രീനയെ കൂട്ടമായി ആക്രമിച്ചത്. പുലര്ച്ചെ രണ്ടിനു ഇവരുടെ നിലവിളികേട്ടാണ് സമീപവാസികള് ഓടിയെത്തിയത്. ഈ സമയം രണ്ട് പിറ്റ് ബുള്ളുകള് ട്രീനയെ ആക്രമിക്കുകയായിരുന്നു. ശരീരം മുഴുവന് കടിച്ചു കീറിയ അവസ്ഥയിലായിരുന്നു. ഉടന് തന്നെ പോലീസിനെ വിളിച്ചു. കൗണ്ടി ആനിമല് കണ്ട്രോള് ഉള്പ്പെടെയുള്ളവര് സ്ഥലത്തെത്തി നായകളെ നിയന്ത്രിക്കാന് ശ്രമിച്ചെങ്കിലും വിഫലമായി. തുടര്ന്ന് ഒരു നായയെ വെടിവെച്ച് കൊല്ലുകയും മറ്റേ നായയെ പിടികൂടി ഷെല്ട്ടറില് അടയ്ക്കുകയും ചെയ്തു. നായകളുടെ യഥാര്ത്ഥ ഉടമസ്ഥര് ആരാണെന്ന് വ്യക്തമല്ലെന്ന് പോലീസ് പറഞ്ഞു. ട്രീനയുടെ 14 വയസുള്ള ഒരു മകന് 2017ല് റോഡ് മുറിച്ച് കടക്കുമ്പാള് വാഹനമിടിച്ച് മരിച്ചിരുന്നു.…
ന്യൂയോർക്കിൽ സെൻറ് തോമസ് ദിനാചരണവും എക്യൂമെനിക്കൽ കൺവൻഷനും ജൂലൈ 23, 24 തീയതികളിൽ
ന്യൂയോർക്ക്: മലയാളി ക്രൈസ്തവ കൂട്ടായ്മയായ സെന്റ് തോമസ് എക്യൂമെനിക്കൽ ഫെഡറേഷൻ ഓഫ് നോർത്ത് അമേരിക്കയുടെ ആഭിമുഖ്യത്തിൽ സെൻറ് തോമസ് ദിനാചരണവും എക്യൂമെനിക്കൽ കൺവൻഷനും ജൂലൈ 23, 24 തീയതികളിൽ നടത്തപ്പെടുന്നു. ജൂലൈ 23-നു വൈകുന്നേരം 5:00 മണിക്ക് ലോങ്ങ് ഐലൻഡ് മാർത്തോമ്മാ പള്ളിയിൽ വച്ചു നടക്കുന്ന സെൻറ് തോമസ് ദിനാചരണ യോഗത്തിൽ എപ്പിസ്കോപ്പൽ സഭയുടെ ബിഷപ്പ് ഡോ. ജോൺസി ഇട്ടി മുഖ്യാതിഥിയും കിഡ്നി ഫെഡറേഷൻ ഓഫ് ഇന്ത്യയുടെ സ്ഥാപകൻ ഫാ. ഡേവിസ് ചിറമേൽ വിശിഷ്ടാതിഥിയുമായിരിക്കും. ന്യൂയോർക്കിലുള്ള വിവിധ സഭകളിലെ വൈദീകരും സഭാവിശ്വാസികളും ഈ പരിപാടിയിൽ പങ്കെടുക്കുന്നു. ഫെഡറേഷൻറെ ആഭിമുഖ്യത്തിലുള്ള കൺവെൻഷൻ യോഗങ്ങൾ ജൂലൈ മാസം ഇരുപത്തിമൂന്നു (23), ഇരുപത്തിനാലു (24), തീയതികളിൽ വിവിധ പള്ളികളിൽ വെച്ച് നടത്തപ്പെടുന്നു. കിഡ്നി ഫെഡറേഷൻ ഓഫ് ഇന്ത്യയുടെ സ്ഥാപകൻ ഫാ. ഡേവിസ് ചിറമേൽ വചനം പ്രഘോഷിക്കുന്നു. ഇരുപത്തിമൂന്നാം തീയതി ശനിയാഴ്ച വൈകുന്നേരം…
പെന്ഷന് തുക തട്ടിയെടുക്കാന് മാതാവിന്റെ മൃതദേഹം ഫ്രീസറില് സൂക്ഷിച്ച മകളെ അറസ്റ്റു ചെയ്തു
ഫ്ളോറിഡ: ഭിന്നശേഷിക്കാര്ക്ക് സര്ക്കാരില് നിന്ന് ലഭിക്കുന്ന ആനുകൂല്യം തട്ടിയെടുക്കാന് മരണപ്പെട്ട മാതാവിന്റെ മൃതദേഹം ഫ്രീസറില് സൂക്ഷിച്ചു വെച്ച മകളെ പോലീസ് അറസ്റ്റ് ചെയ്ത് കേസെടുത്തു. 93 വയസ്സുള്ള മാതാവ് മേരി ഹോസ്ക്കിന്റെ മൃതദേഹമാണ് മകള് മിഷേല് ഹോസ്ക്കിന്സന് (69) ഫ്രീസറില് സൂക്ഷിച്ചത്. വ്യാഴാഴ്ചയാണ് മിഷേലിനെ പോലീസ് അറസ്റ്റ് ചെയ്തത്. എന്നാല്, ഏപ്രില് മാസത്തില് നടത്തിയ പരിശോധനയ്ക്കിടെയാണ് 93കാരിയുടെ മൃതദേഹം ഫ്രിഡ്ജില് സൂക്ഷിച്ച നിലയില് കണ്ടെത്തിയതെന്ന് പോലീസ് പറഞ്ഞു. വാര്ധക്യസഹജമായ അസുഖങ്ങളെ തുടര്ന്നാണ് മേരി മരിച്ചത്. ഇതിനു ശേഷം ഏതാണ്ട് രണ്ടാഴ്ചയോളം ഇവരുടെ മൃതദേഹം ഫ്രീസറില് സൂക്ഷിച്ചുവെന്നാണ് പൊലീസ് പറയുന്നത്. മാതാവിന്റെ മരണം കൃത്യമായി അറിയിച്ചില്ലെന്നും മൃതദേഹം ഫ്രീസറില് സൂക്ഷിച്ചുവെന്നും മിഷേല് കുറ്റസമ്മതം നടത്തി. പെന്ഷന് തുക സ്വന്തമാക്കുകയെന്ന ലക്ഷ്യത്തോടെയാണ് മൃതദേഹം ഫ്രീസറില് സൂക്ഷിച്ചതെന്നും വ്യക്തമായെന്ന് പൊലീസ് പറഞ്ഞു.
ഫിലാഡല്ഫിയ സീറോ മലബാര് പള്ളിയില് ദുക്റാന തിരുനാള് ഭക്തിപൂര്വ്വം ആഘോഷിച്ചു
ഫിലാഡല്ഫിയ: യേശു ശിഷ്യനും, ഭാരതഅപ്പസ്തോലനുമായ മാര് തോമ്മാശ്ലീഹാ രക്തസാക്ഷിത്വം വഹിച്ചതിന്റെ 1950ാം വാര്ഷികവും, ദുക്റാനതിരുനാളും സെന്റ് തോമസ് സീറോമലബാര് ഫൊറോനാ ദേവാലയത്തില് ജൂണ് 24 വെള്ളിയാഴ്ച്ച മുതല് ജൂലൈ 4 തിങ്കളാഴ്ച്ച വരെ ഭക്തിനിര്ഭരമായ തിരുക്കര്മ്മങ്ങളോടെ ആഘോഷിച്ചു. ഇടവകയില് പ്രവര്ത്തിക്കുന്ന മാതൃസംഘടനയായ മരിയന് മദേഴ്സിലെ 63 മാതാക്കളും അവരുടെ കുടുംബങ്ങളുമായിരുന്നു ഈ വര്ഷത്തെ തിരുനാള് പ്രസുദേന്തിമാര്. കൊവിഡ് 19 മഹാമാരിയുടെ ഭീതിയില് ദേവാലയത്തില് നേരിട്ടെത്തി ഇടവക മദ്ധ്യസ്ഥന്റെ തിരുനാള്ക്കര്മ്മങ്ങളില് പങ്കെടുക്കാന് സാധിക്കാത്തവര്ക്കായി ലൈവ് സ്റ്റ്രീമിങ്ങിലൂടെ പെരുനാളിന്റെ എല്ലാ ദൃശ്യമനോഹാരിതയും ആസ്വദിക്കുന്നതിനും, മദ്ധ്യസ്ഥനോടുള്ള തിക്ഷ്ണമായ പ്രാര്ത്ഥനയിലൂടെ ദൈവാനുഗ്രഹം പ്രാപിക്കുന്നതിനും മീഡിയാ ടീം വഴിയൊരുക്കിയിരുന്നു. ജൂണ് 24 വെള്ളിയാഴ്ച്ച ഇടവക വികാരി റവ. ഫാ. കുര്യാക്കോസ് കുമ്പക്കീല് പുതുതായി സ്ഥാപിച്ച കൊടിമരത്തിന്റെ വെഞ്ചരിപ്പു നടത്തി തിരുനാള്കൊടി ഉയര്ത്തി പതിനൊന്നുദിവസം നീണ്ടുനിന്ന തിരുനാള് ആഘോഷങ്ങള്ക്കു തുടക്കമിട്ടു. ജൂണ് 24 മുതല് ജുലൈ…
എച്ച്.ഒ.വി. ലൈനില് ഗര്ഭസ്ഥ ശിശുവുമായി വാഹനമോടിക്കുമ്പോള് രണ്ടായി പരിഗണിക്കണമെന്ന് യുവതി
ഡാളസ് : ‘ഹൈ ഒക്യുപെന്സി വെഹിക്കള്’ എം.ഓ.വി.ലൈനിലൂടെ യാത്ര ചെയ്യണമെങ്കില് വാഹനത്തില് ഡ്രൈവര്ക്കു പുറമെ മറ്റൊരു യാത്രക്കാരന് കൂടി ഉണ്ടാകണമെന്നാണ് നിയമം അനുശാസിക്കുന്നത്. അല്ലെങ്കില് അത് ട്രാഫിക്ക് നിയമലംഘനമായി കണക്കാക്കി ടിക്കറ്റ് നല്കുന്നതിന് വ്യവസ്ഥയുണ്ട്. പ്ലാനോയില് നിന്നുള്ള ബ്രാണ്ടി ബൊട്ടോണ് (34) എന്ന സ്ത്രീ എച്ച്.ഓ.വി. ലൈനിലൂടെ വാഹനം ഓടിക്കുമ്പോള് പോലീസ് വാഹനത്തെ പിന്തുടര്ന്ന് പിടിച്ചു. യു.എസ്. ഹൈഡേ 75 സൗത്തിലൂടെ വാഹനം ഓടിക്കുമ്പോളായിരുന്നു പോലീസ് പിടികൂടിയത്. കാറില് വേറെ ആരെങ്കിലും ഉണ്ടോ? പോലീസ് ബ്രാണ്ടിയോടു ചോദിച്ചു. ഉവ്വ എന്റെ ഉദരത്തില് ജീവനുള്ള ഒരു കുഞ്ഞു ഉണ്ട്. പക്ഷെ അതു ഒരു യാത്രക്കാരനായി കണക്കാക്കാനാവില്ലെന്ന് പോലീസ് റൊ.വി.വേഡ് ഭരണഘടനയില് നിന്നും നീക്കം ചെയ്തതോടെ ടെക്സസ് പീനല് കോഡ് ജനിക്കാത്ത ഒരു കുട്ടിയെ ഒരു വ്യക്തിയായിട്ടാണ് കണക്കാക്കുന്നതെന്ന് യുവതി വാദിച്ചുവെങ്കിലും പോലീസ് അംഗീകരിച്ചില്ല. ഗര്ഭസ്ഥശിശു ജനിക്കുന്നതിനു മുമ്പുള്ള ഒരു…
മുതിർന്ന ട്രംപ് ഉപദേഷ്ടാവിന് നൽകിയ പണം വീണ്ടെടുക്കാൻ പെന്റഗൺ ശ്രമിക്കുന്നു
വാഷിംടണ്: ട്രംപ് ഭരണകൂടത്തിന്റെ ആദ്യ ദേശീയ സുരക്ഷാ ഉപദേഷ്ടാവ് മൈക്കൽ ഫ്ലിന്നിന് ലഭിച്ച അനധികൃത പണം വീണ്ടെടുക്കാൻ യുഎസ് പ്രതിരോധ വകുപ്പ് ശ്രമിക്കുന്നു. മുൻ യുഎസ് പ്രസിഡന്റ് ഡൊണാൾഡ് ട്രംപിന്റെ ഉപദേശകനായി മൂന്നാഴ്ച സേവനമനുഷ്ഠിച്ച ഫ്ലിൻ, 2015 ൽ യുഎസ് സർക്കാരിന്റെ അനുമതിയില്ലാതെ തുർക്കി, റഷ്യൻ സ്ഥാപനങ്ങളിൽ നിന്ന് ലക്ഷക്കണക്കിന് ഡോളർ സ്വീകരിച്ചതായി വാഷിംഗ്ടൺ പോസ്റ്റിന് ലഭിച്ച രേഖകൾ പറയുന്നു. റഷ്യൻ വാർത്താ ഏജൻസിയായ റഷ്യ ടുഡേയുടെ (ആർടി) ആഘോഷത്തിൽ പങ്കെടുത്തതിന് റഷ്യൻ സർക്കാരിൽ നിന്ന് ലഭിച്ച 38,557.06 ഡോളർ തിരിച്ചുപിടിക്കാൻ മുൻ ജനറലിന് മെയ് മാസത്തിൽ ഉത്തരവിട്ടിരുന്നു. സൈനിക അഭിഭാഷകൻ ക്രെയ്ഗ് ആർ. ഷ്മൗഡർ പറയുന്നതനുസരിച്ച്, ഈ പണം സ്വീകരിക്കാന് ഫ്ലിൻ സൈനിക സെക്രട്ടറിയുടെയും സ്റ്റേറ്റ് സെക്രട്ടറിയുടെയും അംഗീകാരം നേടിയില്ല. തന്റെ റഷ്യൻ കോൺടാക്റ്റുകളെ കുറിച്ച് എഫ്ബിഐയോട് കള്ളം പറഞ്ഞതിന് 2017 ഡിസംബറിൽ കുറ്റസമ്മതം നടത്തിയ…
44 ബില്യൺ ഡോളറിന്റെ ഏറ്റെടുക്കൽ കരാർ അവസാനിപ്പിച്ചതിന് മസ്കിനെതിരെ ട്വിറ്റർ കേസെടുക്കും
സാൻഫ്രാൻസിസ്കോ: 44 ബില്യൺ ഡോളറിന്റെ ഏറ്റെടുക്കൽ കരാർ അവസാനിപ്പിച്ചതിന് ടെസ്ല സിഇഒ എലോൺ മസ്കിനെതിരെ കേസെടുക്കാൻ പോകുകയാണെന്ന് മൈക്രോ ബ്ലോഗിംഗ് പ്ലാറ്റ്ഫോമായ ട്വിറ്റർ ശനിയാഴ്ച അറിയിച്ചു. ട്വിറ്റർ തങ്ങളുടെ കരാറിന്റെ “മെറ്റീരിയൽ ലംഘന”ത്തിലായതിനാലും ചർച്ചകൾക്കിടയിൽ “തെറ്റായതും തെറ്റിദ്ധരിപ്പിക്കുന്ന” പ്രസ്താവനകൾ നടത്തിയതിനാലും താൻ കരാർ അവസാനിപ്പിക്കുകയാണെന്ന് യുഎസ് സെക്യൂരിറ്റീസ് ആൻഡ് എക്സ്ചേഞ്ച് (എസ്ഇസി) ഫയലിംഗിൽ മസ്കിന്റെ നിയമ സംഘം പറഞ്ഞു. ട്വിറ്ററിലെ വ്യാജ അക്കൗണ്ടുകളെക്കുറിച്ച് വിവരങ്ങള് നല്കിയില്ലെന്ന് ആരോപിച്ചാണ് മസ്ക് കരാറില്നിന്ന് പിന്മാറിയത്. ഏപ്രിലിലായിരുന്നു 44 ബില്യണ് ഡോളറിന്റെ കരാര് ഒപ്പിട്ടത്. വ്യാജ അക്കൗണ്ടുകളുടെ വിവരങ്ങള്ക്കൊപ്പം സ്പാം അക്കൗണ്ടുകളെക്കുറിച്ചുള്ള വിവരങ്ങളും തേടിയിരുന്നതായും എന്നാല് രണ്ടും കമ്പനി നല്കിയില്ലെന്ന് അഭിഭാഷകന് അയച്ച കത്തില് പറയുന്നു. ദിവസവും പത്തുലക്ഷം സ്പാം അക്കൗണ്ടുകള് തടയുന്നുണ്ടെന്ന് അവകാശമുന്നയിച്ച ട്വിറ്ററിനോട് ഇതിന്റെ വിശദാംശങ്ങള് ഇലോണ് മസ്ക് തേടിയിരുന്നു. വ്യാജ അക്കൗണ്ടുകളെപ്പറ്റിയും സ്പാം അക്കൗണ്ടുകളെക്കുറിച്ചും വിവരങ്ങള് കൈമാറിയില്ലെങ്കില്…
ലീലാ മാരേട്ടിനെ പ്രവാസി കോൺഗ്രസ് പ്രവർത്തകർ നെഞ്ചേറ്റും
ഫ്ലോറിഡ: ഫൊക്കാനാ പ്രസിഡണ്ട് പദവിയിലേക്ക് ഇത്തവണയെങ്കിലും വിജയിക്കുമെന്ന പ്രതീക്ഷയിലായിരുന്നു ലീല മാരാട്ട് എന്നാൽ കൂടെയുണ്ടായിരിക്കും എന്ന് വിശ്വസിച്ചവർ പോലും കൈവിട്ടു എന്നാണ് ഫ്ലോറിഡായിൽ ഇന്നു നടന്ന ഫൊക്കാനാ തിരഞ്ഞെടുപ്പു ഫല പ്രഖ്യാപനത്തിൽ തെളിഞ്ഞു വന്ന ചിത്രം. .കഴിഞ്ഞ തവണ പ്രസിഡന്റ്പദവി ചുണ്ടോടു അടുപ്പിച്ചുവെങ്കിലും അവസാന നിമിഷം എല്ലാവരും ചേർന്ന് തട്ടിക്കളയുകയായിരുന്നു .ഇത്തവണ അതിൽ നിന്നും വിഭിന്നമായി വിജയ പ്രതീക്ഷകൾ അവസാന നിമിഷം വരെ ഇവർ നിലനിർത്തിയിരുന്നു അമേരിക്കയുടെ വിവിധ സംസ്ഥാനങ്ങളിൽ നിന്നും വമ്പിച്ച പിന്തുണയാണ് ലഭിക്കുന്നതെന്ന് കഴിഞ്ഞ ഒരു മാസമായി ഓൺലൈൻ പത്രങ്ങളിൽ വന്നിരുന്ന വാർത്തകളിൽ നിന്നും വ്യക്തമായിരുന്നു അമേരിക്കയിൽ ഇത്രയും നേതൃത്വപാടവവും ,കൂടെയുള്ളവരെ ചേർത്ത് പിടിക്കുന്നതിനും, സൗമ്യമായ പെരുമാറ്റത്തിലൂടെ ആരെയും തന്നിലേക്ക് ആകർഷിക്കുവാൻ കഴിയുന്ന വ്യക്തിത്വത്തിന് ഉടമയായ ലീല അമേരിക്കയിൽ പ്രവാസി കോൺഗ്രസിനു എക്കാലത്തും നൽകിയ നേതൃത്വം പ്രത്യേകം ശ്രദ്ധിക്കപ്പെട്ടി രുന്നു കോൺഗ്രസ് വികാരം ഉൾക്കൊണ്ട്…
ഗർഭഛിദ്രം നടത്തുന്നതിനുള്ള എക്സിക്യൂട്ടീവ് ഉത്തരവിൽ ബൈഡൻ ഒപ്പുവച്ചു
വാഷിംഗ്ടൺ: സമൂഹത്തെ ഭിന്നിപ്പിക്കുന്ന പ്രശ്നം തുടരുന്ന സാഹചര്യത്തിൽ ഗർഭച്ഛിദ്രം അനുവദിക്കുന്നതിനുള്ള എക്സിക്യൂട്ടീവ് ഉത്തരവിൽ യുഎസ് പ്രസിഡന്റ് ജോ ബൈഡൻ ഒപ്പുവച്ചു. യുഎസ് സുപ്രീം കോടതി നാഴികകല്ലായ റോയ് വേർഡ് വെയ്ഡ് റദ്ദാക്കുകയും രാജ്യത്തുടനീളമുള്ള സ്ത്രീകൾക്ക് ഗർഭച്ഛിദ്രാവകാശത്തിന്റെ ഭരണഘടനാപരമായ സംരക്ഷണം ഇല്ലാതാക്കുകയും ചെയ്ത് രണ്ടാഴ്ചയ്ക്ക് ശേഷമാണ് വെള്ളിയാഴ്ചത്തെ നീക്കം നടന്നത്. വൈറ്റ് ഹൗസ് പറയുന്നതനുസരിച്ച്, പ്രത്യുൽപാദന ആരോഗ്യ പരിപാലന സേവനങ്ങളിലേക്കുള്ള പ്രവേശനം സംരക്ഷിക്കാനും രോഗികളുടെ സ്വകാര്യതയും കൃത്യമായ വിവരങ്ങളിലേക്കുള്ള അവരുടെ പ്രവേശനവും സംരക്ഷിക്കാനും എക്സിക്യൂട്ടീവ് ഓർഡർ ലക്ഷ്യമിടുന്നു. എന്നാല്, പ്രസിഡന്റിന്റെ ഉത്തരവ് ഗർഭച്ഛിദ്രാവകാശം പൂർണ്ണമായും പുനഃസ്ഥാപിക്കില്ല. ആ ശ്രമങ്ങളെക്കുറിച്ച് 30 ദിവസത്തിനകം റിപ്പോർട്ട് സമർപ്പിക്കാൻ ഹെൽത്ത് ആൻഡ് ഹ്യൂമൻ സർവീസസ് സെക്രട്ടറി സേവ്യർ ബെസെറയോട് നിർദേശിക്കുകയും ചെയ്യുന്നു. പ്രത്യുൽപാദന ആരോഗ്യ സേവനങ്ങൾ തേടുന്നവർക്കും വാഗ്ദാനം ചെയ്യുന്നവർക്കും നിയമപരമായ പ്രാതിനിധ്യം പ്രോത്സാഹിപ്പിക്കുന്നതിനായി സ്വകാര്യ വോളണ്ടിയർ അറ്റോർണിമാരെയും പൊതുതാൽപ്പര്യ സംഘടനകളെയും വിളിച്ചുകൂട്ടാൻ…
