Category: KERALA

തിരുവനന്തപുരം: ഉപതിരഞ്ഞെടുപ്പ് നടക്കുന്ന പാലക്കാട്, ചേലക്കര നിയമസഭാ മണ്ഡലങ്ങളിലേക്കുള്ള യു ഡി എഫ് സ്ഥാനാർത്ഥി നിർണയം സംബന്ധിച്ച് കോൺഗ്രസ് ആലോചനകൾ പൂർത്തിയാക്കി. ഔദ്യോഗിക പ്രഖ്യാപനം ഇന്നുണ്ടായേക്കും. പാലക്കാട് മണ്ഡലത്തിൽ യൂത്ത് കോൺഗ്രസ് സംസ്ഥാന പ്രസിഡൻ്റ് രാഹുൽ മാങ്കൂട്ടത്തിലും, ചേലക്കരയിൽ മുൻ എംപി രമ്യാ ഹരിദാസും യു ഡി എഫ് സ്ഥാനാർത്ഥികളായേക്കും. വിജയസാധ്യത കണക്കിലെടുത്താണ് സ്ഥാനാർത്ഥികളെ നിര്‍ണ്ണയിക്കുന്നത്. എഐസിസി നിയോഗിച്ച സർവേ ഏജൻസിയുടെ സർവേയും നിർണായകമാണ്. കോൺഗ്രസിൻ്റെ കേന്ദ്ര തിരഞ്ഞെടുപ്പ് കമ്മിറ്റിയായിരിക്കും സ്ഥാനാർഥികളെ പ്രഖ്യാപിക്കുക. പാലക്കാട്ടെ പ്രാദേശിക എതിർപ്പുകൾ മറികടന്നാണ് രാഹുൽ മാങ്കൂട്ടത്തിലിനെ കോൺഗ്രസ് സ്ഥാനാർഥിയാക്കുന്നത്. ഷാഫി പറമ്പിൽ, പ്രതിപക്ഷ നേതാവ് വി.ഡി. സതീശന്‍ എന്നിവരുടെ പിന്തുണയും രാഹുലിന് തുണയായി. ലോക്‌സഭാ തെരഞ്ഞെടുപ്പിൽ മത്സരിച്ച് പരാജയപ്പെട്ട രമ്യക്ക് കോൺഗ്രസ് ഒരവസരം കൂടി നല്‍കുകയാണ്. മുൻ എം.പി കൂടിയായ രമ്യ ഹരിദാസ് ഇത്തവണ ലോക്‌സഭാ തെരഞ്ഞെടുപ്പിൽ ആലത്തൂരിൽ നിന്ന് മത്സരിക്കുകയും…

കടന്നമണ്ണ: വെൽഫെയർ പാർട്ടി മങ്കട പഞ്ചായത്ത് സമ്മേളനം സമാപിച്ചു. സമ്മേളനത്തിൽ വെൽഫെയർ പാർട്ടി ദേശീയ വൈസ് പ്രസിഡന്റ് ഹമീദ് വാണിയമ്പലം ഉദ്ഘാടനം ചെയ്ത് സംസാരിച്ചു. മലപ്പുറം ജില്ലയെ രാജ്യവിരുദ്ധ പ്രവർത്തനങ്ങളുടെ കേന്ദ്രമായി ചിത്രീകരിച്ച കേരള മുഖ്യമന്ത്രി ആർഎസ്എസിൻ്റെ ഫാസിസ രാഷ്ട്രീയം ഏറ്റെടുത്ത് നടത്തുകയാണെന്നും ആർ.എസ്.എസി.ൻ്റെ അജണ്ടകൾ നടപ്പാക്കാനുള്ള സർക്കാർ സംവിധാനമായി മുഖ്യമന്ത്രി മാറിയെന്നും അദ്ദേഹം പറഞ്ഞു. പാർട്ടി മലപ്പുറം ജില്ലാ സെക്രട്ടറി കാദർ അങ്ങാടിപ്പുറം പുതിയ ഭാരവാഹി പ്രഖ്യാപനവും, മുഖ്യപ്രഭാഷണവും നിർവഹിച്ചു. നിയുക്ത പ്രസിഡന്റ് മുസ്തഖീം കടന്നമണ്ണ അധ്യക്ഷത വഹിച്ച പരിപാടിയിൽ, സെക്രട്ടറി ഹബീബ് പിപി സ്വാഗതവും, ട്രഷറർ മുഹമ്മദലി മങ്കട സമാപനവും നിർവ്വഹിച്ചു. പ്രശസ്ത ഗായിക അസിൻ വെള്ളില ഗാനവും, കെൻസ ഉസാമ മോണാക്ടും അവതരിപ്പിച്ചു. പൊതുസമ്മേളനത്തോട് മുന്നോടിയായി വേരുംപിലാക്കൽ മുതൽ കടന്നമണ്ണ വരെ സംഘടിപ്പിച്ച പ്രകടനത്തിൽ നൂറുകണക്കിന് പ്രവർത്തകർ പങ്കെടുത്തു. ഉസാമ മങ്കട, അഷ്കർ…

കൊച്ചി: പുതുതായി റിക്രൂട്ട് ചെയ്യപ്പെട്ട മൂന്ന് യുവതികളെ കൊച്ചി വാട്ടർ മെട്രോ ഫെറികളുടെ ക്രൂ അംഗങ്ങളായി നിയമിച്ചു. അവരെ ഇപ്പോൾ ട്രെയിനി ലസ്‌കർ (ക്രൂ അംഗങ്ങൾ) ആയിട്ടാണ് നിയമിച്ചിരിക്കുന്നത്. ബോട്ട് ജീവനക്കാരിൽ കൂടുതലും പുരുഷന്മാരായ കേരളത്തിലെ ജലഗതാഗത മേഖലയിൽ ഇത് അപൂർവമാണ്. മൂന്ന് ട്രെയിനികൾ – അരുണിമ, ലക്ഷ്മി, സ്‌നേഹ – ജനറൽ പർപ്പസ് റേറ്റിംഗ് (ജിപിആർ) കൺവേർഷൻ കോഴ്‌സിന് യോഗ്യത നേടുന്ന ഇന്ത്യയിലെ ആദ്യത്തെ വനിതകൾ കൂടിയാണ്. കൂടാതെ, ഇപ്പോൾ 100 യാത്രക്കാരുടെ ശേഷിയുള്ള ഫെറികൾ കൈകാര്യം ചെയ്യുന്നതുൾപ്പെടെ ജോലിസ്ഥലത്ത് വിപുലമായ പരിശീലനത്തിലാണെന്ന് കൊച്ചി വാട്ടർ മെട്രോ ലിമിറ്റഡ് (കെഡബ്ല്യുഎംഎൽ) വൃത്തങ്ങൾ പറഞ്ഞു. ഇവരിൽ കൊല്ലം സ്വദേശിയായ അരുണിമ എ. ഇലക്‌ട്രിക്കൽ ആൻഡ് ഇലക്‌ട്രോണിക്‌സ് എൻജിനീയറിംഗ് ഡിപ്ലോമ കോഴ്‌സ് കഴിഞ്ഞ് ലാസ്‌കാർ ലൈസൻസ് ലഭിക്കുന്നതിന് കെ.ഡബ്ല്യു.എം.എല്ലിൽ ഒരു വർഷത്തെ പരിശീലനം നേടി. ഇന്ത്യയിലെ ആദ്യത്തെ വാട്ടർ…

തിരുവനന്തപുരം: നേമം, കൊച്ചുവേളി റെയിൽവേ സ്റ്റേഷനുകളുടെ പേര് മാറ്റി. കൊച്ചുവേളി ഇനി മുതൽ തിരുവനന്തപുരം നോർത്ത് എന്നും നേമം തിരുവനന്തപുരം സൗത്ത് എന്നും അറിയപ്പെടും. സംസ്ഥാന സർക്കാരിൻ്റെ അപേക്ഷ പരിഗണിച്ചാണ് റെയില്‍‌വേയുടെ നടപടി. തിരുവനന്തപുരം സെൻട്രലിൽ പരമാവധി ട്രെയിനുകൾ സർവീസ് നടത്തുന്നതിനാൽ സമീപ സ്റ്റേഷനുകളുടെ വികസനത്തിന് പ്രാധാന്യം നൽകുന്നു. പേരുമാറ്റവും ഇതിൻ്റെ ഭാഗമാണ്. കൊച്ചുവേളിയിൽ നിന്നും രാജ്യത്തെ പ്രധാന നഗരങ്ങളിലേക്ക് തിരിച്ചും നിലവിൽ ഒരുപാട് ദീർഘദൂര ട്രെയിനുകളുണ്ട്. പക്ഷെ മറ്റ് പല സംസ്ഥാനങ്ങളിൽ നിന്നെത്തുന്നവർക്ക് ഈ സ്റ്റേഷൻ പരിചിതമല്ല. നേമത്ത് നിന്നും കൊച്ചുവേളിയിൽ നിന്നും തിരുവനന്തപുരം സെൻട്രലിലേക്ക് വെറും ഒമ്പത് കിലോമീറ്റർ ദൂരം മാത്രമാണെങ്കിലും ഭൂരിഭാഗം പേരും ആശ്രയിക്കുന്നത് സെൻട്രൽ സ്റ്റേഷനെ തന്നെയാണ്. തിരുവനന്തപുരം എന്ന പേര് ബ്രാൻഡ് ചെയ്ത് സമീപ സ്റ്റേഷനുകൾ കൂടി നവീകരിക്കുന്നതോടെ യാത്രക്കാരുടെ എണ്ണം കൂടുമെന്നാണ് പ്രതീക്ഷ. ഒപ്പം കൂടുതൽ ട്രെയിനുകളുമെത്തുമെന്നും കരുതുന്നു.

കൊച്ചി: ഉരുൾപൊട്ടലുണ്ടായ വയനാട് ജില്ലയുടെ സംരക്ഷണം കേന്ദ്രം ഏറ്റെടുക്കുമെന്ന് കേന്ദ്ര ധനമന്ത്രി നിർമല സീതാരാമൻ പറഞ്ഞു. വയനാടിന് വേണ്ടി എന്ത് ചെയ്യണമോ അത് ചെയ്യും. വയനാടിനുള്ള കേന്ദ്ര സർക്കാരിൻ്റെ ധനസഹായം വൈകുന്നതിനെതിരെ കേരള നിയമസഭ അംഗീകരിച്ച പ്രമേയത്തെക്കുറിച്ചുള്ള ചോദ്യത്തിന് മറുപടിയായാണ് അവർ തിങ്കളാഴ്ച മാധ്യമ പ്രവർത്തകരോട് പറഞ്ഞത്. എറണാകുളം സെൻ്റ് തെരേസാസ് കോളേജിൽ പ്രൊഫ. കെ.വി.തോമസ് വിദ്യാധനം ട്രസ്റ്റ് സംഘടിപ്പിച്ച ‘മീറ്റ് ദി ഗ്രേറ്റ് ലീഡേഴ്‌സ്’ പരിപാടിയിൽ പങ്കെടുക്കാൻ എത്തിയതായിരുന്നു മന്ത്രി. “വയനാട് അനുഭവിച്ച വേദന കാണുമ്പോൾ മനസ്സ് തകർന്നു. ഇന്ത്യയുടെ ചില ഭാഗങ്ങൾ അങ്ങേയറ്റത്തെ കാലാവസ്ഥാ സംഭവങ്ങളാൽ വളരെ നിർഭാഗ്യകരമാണ്. ഇത്തരം ദാരുണമായ സംഭവങ്ങളിൽ സംസ്ഥാനങ്ങൾ വലയുമ്പോൾ അവരെ സഹായിക്കാൻ കേന്ദ്രത്തിന് ഒരു മടിയും ഉണ്ടായിട്ടില്ല,” അവർ പറഞ്ഞു. പ്രധാനമന്ത്രി ഈ ദാരുണമായ സംഭവം ഫോട്ടോ-ഓപ്പായി ഉപയോഗിച്ചുവെന്ന വിമർശനത്തിന്, “ഇത് ഒരു ഫോട്ടോ അവസരമാണെന്ന് പറയാൻ…

സിപിഐയ്ക്കും സംസ്ഥാന സെക്രട്ടറി ബിനോയ് വിശ്വത്തിനുമെതിരെ രൂക്ഷവിമര്‍ശനവുമായി പി വി അന്‍വര്‍ എംഎല്‍എ. ഏറനാട് മണ്ഡലം 25 ലക്ഷം രൂപയ്ക്ക് വിറ്റ പാർട്ടിയാണ് സിപിഐ’യെന്നും അൻവർ പറഞ്ഞു. രണ്ട് തവണ സിപിഐ സീറ്റ് കച്ചവടം നടത്തിയെന്നും അവർ ആരോപിച്ചു. ഏറനാട്ടിൽ സിപിഐക്കെതിരെ മത്സരിച്ചത് സിപിഎം ആവശ്യപ്പെട്ടതു കൊണ്ടാണ്. മണ്ഡലത്തിൽ തന്നെ സ്ഥാനാർഥിയാക്കണമെന്ന എൽഡിഎഫ് ധാരണയിൽ നിന്നു സിപിഐ അവസാന നിമിഷം പിൻമാറിയെന്നും അൻവർ തുറന്നടിച്ചു. സിപിഐ പണം വാങ്ങിയതിന്റെ തെളിവുകള്‍ ഉള്‍പ്പെടെ തന്റെ കൈവശം ഉണ്ടെന്നാണ് അന്‍വറിന്റെ ആരോപണം. വെളിയം ഭാര്‍ഗവാനുമായി ലീഗ് നേതൃത്വം ചര്‍ച്ച നടത്തിയായിരുന്നു തീരുമാനം. അന്ന് ഇടതുപക്ഷം ദയനീയമായി പരാജയപ്പെട്ടതിന് കാരണം സിപിഐ നിര്‍ത്തിയ സ്ഥാനാര്‍ത്ഥിയെ നാട്ടുകാര്‍ക്ക് പോലും അറിയാത്തതുകൊണ്ടായിരുന്നുവെന്നും താന്‍ നിന്നാല് ജയിക്കുമെന്ന് ലീഗിന് നല്ല ബോധ്യമുണ്ടായിരുന്നെന്നും അന്‍വര്‍ പറഞ്ഞു. സീറ്റ് വില്‍ക്കുന്ന പാര്‍ട്ടിയാണ് സിപിഐ എന്നും അന്‍വര്‍ ആഞ്ഞടിച്ചു. ‘കഴിഞ്ഞ…

മക്കരപ്പറമ്പ: പോലീസിൻ്റെ ഗുണ്ടാ രാജിനെതിരെയും, ആർ.എസ്‌.എസ് ഇടത് അവിശുദ്ധ ബന്ധത്തിനെതിരെയും ശക്തമായ പ്രക്ഷോഭവുമായി മുന്നോട്ട് പോകുമെന്നും വെൽഫെയർ പാർട്ടി ജില്ല പ്രസിഡന്റ് നാസർ കഴുപറമ്പ്. വെൽഫെയർ പാർട്ടി മക്കരപ്പറമ്പ പഞ്ചായത്ത് പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ധേഹം. ജില്ല വൈസ് പ്രസിഡണ്ട് സുഭദ്ര വണ്ടൂർ, സെക്രട്ടറി മെഹ്ബൂബ്, മങ്കട മണ്ഡലം പ്രസിഡണ്ട് ഫാറൂഖ് കെ.പി എന്നിവർ സംസാരിച്ചു. പാർട്ടി മക്കരപ്പറമ്പ് പഞ്ചായത്ത് പ്രസിഡണ്ട് സി.ടി മായിൻകുട്ടി മാസ്റ്റർ അധ്യക്ഷത വഹിച്ചു. സെക്രട്ടറി ജാബിർ കെ റിപ്പോർട്ട് അവതരിപ്പിച്ചു. വൈസ് പ്രസിഡണ്ട് റഷീദ് കൊന്നോല സ്വാഗതവും കെ.പി. ബഷീർ നന്ദിയും പറഞ്ഞു.

കൊച്ചി: സര്‍ക്കാര്‍ സഹായം പറ്റുന്ന മദ്രസ്സ ബോര്‍ഡുകള്‍ പൂട്ടണമെന്ന ദേശീയ ബാലാവകാശ കമ്മീഷന്‍ നിര്‍ദ്ദേശത്തിന്റെ പേരില്‍ കത്തോലിക്കാ സെമിനാരികളെയും ക്രൈസ്തവ മതപഠനകേന്ദ്രങ്ങളെയും ഈ വിഷയത്തിലേയ്ക്ക് വലിച്ചിഴയ്ക്കവാൻ ചിലർ ബോധപൂര്‍വ്വം നടത്തുന്ന കുത്സിതശ്രമങ്ങള്‍ വിലപ്പോവില്ലെന്നും വിശ്വാസിസമൂഹത്തിനു മാത്രമായുള്ള സെമിനാരി-മതപഠന വിദ്യാഭ്യാസത്തിന് ഇന്ത്യയിലെ ക്രൈസ്തവര്‍ക്ക് സര്‍ക്കാരുള്‍പ്പെടെ ആരുടെയും ഔദാര്യവും സഹായവും വേണ്ടെന്നും ഒരിക്കലും സ്വീകരിച്ചിട്ടില്ലെന്നും കാത്തലിക് ബിഷപ്‌സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി.സി.സെബാസ്റ്റ്യന്‍. കത്തോലിക്കാ സെമിനാരികളെയും മതപഠനകേന്ദ്രങ്ങളെയുംകുറിച്ച് അറിവില്ലാത്തവര്‍ നടത്തുന്ന ജ്വല്പനങ്ങള്‍ മുഖവിലയ്‌ക്കെടുക്കാതെ പുച്ഛിച്ചുതള്ളുന്നു. എങ്കിലും ചില ജനപ്രതിനിധികളും രാഷ്ട്രീയ നേതൃത്വങ്ങളും വസ്തുതകള്‍ വളച്ചൊടിച്ച് പച്ചക്കള്ളങ്ങള്‍ ആവര്‍ത്തിക്കുമ്പോള്‍ സമൂഹത്തിലിത് അനാവശ്യ ചര്‍ച്ചകൾക്ക് ഇടയാക്കും. സെമിനാരികള്‍ പ്രാഥമിക വിദ്യാഭ്യാസകേന്ദ്രങ്ങളല്ല; സഭാശുശ്രൂഷകള്‍ക്കായി വൈദികരെ വാര്‍ത്തെടുക്കുന്ന ആത്മീയകേന്ദ്രങ്ങളും അതോടൊപ്പം അവർക്കായി ഉന്നതവിദ്യാഭ്യാസ സൗകര്യങ്ങള്‍ ഒരുക്കുന്ന സഭാസ്ഥാപനങ്ങളുമാണ്. ക്രൈസ്തവ മതപഠനശാലകള്‍ വിശ്വാസികളുടെയും സഭാസംവിധാനങ്ങളുടെയും ഭാഗമാണ്. ഇവയുടെ പ്രവര്‍ത്തനങ്ങള്‍ക്ക് സര്‍ക്കാരിന് യാതൊരു…

എടത്വ: സാമൂഹിക – സാംസ്ക്കാരിക രാഷ്ട്രീയ രംഗത്ത് സജീവ സാന്നിദ്ധ്യമായിരുന്ന ചീരംവേലിൽ അഡ്വ. ബിജു സി ആന്റണിയുടെ ഒന്നാം ചരമ വാർഷികവും അനുസ്മരണ സമ്മേളനവും ഒക്ടോബർ 16 3.30ന് മുട്ടാർ സെന്റ് ജോർജ് ചർച്ച് പാരിഷ് ഹാളിൽ നടക്കും. ഫാ. ജേക്കബ് ചീരംവേലിൽ അദ്ധ്യക്ഷത വഹിക്കും. എടത്വ സെന്റ് ജോർജ്ജ് ഫൊറോന പള്ളി വികാരി ഫാ. ഫിലിപ്പ് വൈക്കത്തുകാരൻവീട്ടിൽ ഉദ്ഘാടനം ചെയ്യും. ചടങ്ങിൽ രാഷ്ട്രീയ-സാംസ്ക്കാരിക-സാമൂഹിക രംഗത്തെ പ്രമുഖര്‍ പങ്കെടുക്കും. യൂത്ത് ഫ്രണ്ട്, കെ എസ് സി ജില്ലാ പ്രസിഡന്റ്, സംസ്ഥാന ജനറൽ സെക്രട്ടറി, പമ്പ ബോട്ട് റേസ് ക്ലബ് മാമ്മൻ മാപ്പിള സ്മാരക ട്രോഫി ജലോത്സവം ജനറൽ കൺവീനർ, മുട്ടാർ ലയൺസ് ക്ലബ് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. ഒന്നാം ചരമ വാർഷിക ദിനത്തോടനുബന്ധിച്ച് വിവിധ സാമൂഹിക ക്ഷേമ ജീവകാരുണ്യ പദ്ധതികള്‍ നടപ്പിലാക്കുമെന്ന് സിസ്റ്റർ ലീമാ റോസ്…