കൊൽക്കത്ത: പ്രശസ്ത ഗായകൻ കെകെ എന്നറിയപ്പെടുന്ന കൃഷ്ണകുമാർ കുന്നത്ത് ചൊവ്വാഴ്ച കൊല്ക്കത്തയില് വെച്ച് അന്തരിച്ചു. 53 വയസ്സായിരുന്നു. ഗുരുദാസ് കോളേജ് സംഘടിപ്പിച്ച നസ്റുൽ മഞ്ചിൽ നടന്ന ചടങ്ങിൽ പങ്കെടുക്കാനെത്തിയതായിരുന്നു കെ.കെ. പരിപാടിക്കിടെ കെ.കെ.യ്ക്ക് ദേഹാസ്വാസ്ഥ്യം അനുഭവപ്പെട്ടതായാണ് വിവരം. ഹോട്ടലിലേക്ക് മടങ്ങിയ ശേഷം, ഗായകൻ അസ്വസ്ഥതയെക്കുറിച്ച് പരാതിപ്പെട്ടു, തുടർന്ന് അദ്ദേഹത്തെ ആശുപത്രിയിൽ പ്രവേശിപ്പിച്ചുവെങ്കിലും അന്ത്യം സംഭവിക്കുകയായിരുന്നു. മൃതദേഹം പോസ്റ്റ്മോർട്ടത്തിന് അയച്ചതായി പശ്ചിമ ബംഗാൾ കായിക യുവജനകാര്യ മന്ത്രി അരൂപ് ബിശ്വാസ് മാധ്യമങ്ങളോട് പറഞ്ഞു. “അദ്ദേഹത്തിന്റെ കുടുംബാംഗങ്ങളെ വിവരം അറിയിച്ചിട്ടുണ്ട്. അവർ ബുധനാഴ്ച രാവിലെ കൊൽക്കത്തയിലെത്താൻ സാധ്യതയുണ്ട്,” ബിശ്വാസ് പറഞ്ഞു. കെ കെ തിങ്കളാഴ്ച കൊൽക്കത്തയിൽ വന്നിരുന്നുവെന്നും അതേ ദിവസം തന്നെ നഗരം ആസ്ഥാനമായുള്ള മറ്റൊരു കോളേജ് സംഘടിപ്പിച്ച ചടങ്ങിൽ നസ്രുൾ മഞ്ചിൽ പരിപാടി അവതരിപ്പിച്ചുവെന്നും അദ്ദേഹം പറഞ്ഞു. 1968 ഓഗസ്റ്റ് 23 ന് ജനിച്ച കെ കെ ഹിന്ദി,…
പ്രശസ്ത ഗായകൻ കൃഷ്ണകുമാർ കുന്നത്ത് ‘കെകെ’ (53) കൊൽക്കത്തയിൽ അന്തരിച്ചു
