Category: AMERICA

സൗത്ത് ഡാക്കേറ്റ: ഡ്യൂട്ടിക്കിടെ വെടിയേറ്റു ഗുരുതരമായി പരിക്കേറ്റ് ചികിത്സയിലായിരുന്ന 26 കാരിയായ ഷെരീഫ് ഡെപ്യൂട്ടി കാതറിൻ ഫ്രാങ്ക്  അന്തരിച്ചു. സിയൂസ് ഫോൾസിലെ  ഒരു വീട്ടിൽ വെച്ചുണ്ടായ ഏറ്റുമുട്ടലിലാണ് ഫ്രാങ്കിന് വെടിയേറ്റത്. മൂന്ന് ദിവസമായി ഗുരുതരാവസ്ഥയിൽ തുടർന്നിരുന്ന അവർ തിങ്കളാഴ്ചയാണ് മരണത്തിന് കീഴടങ്ങിയത്. കഴിഞ്ഞ വെള്ളിയാഴ്ച രാത്രിയാണ് മിനെഹാഹ കൗണ്ടിയിലെ ഒരു വീട്ടിൽ വെടിയൊച്ച ഉയർന്നത്. സംഭവസ്ഥലത്ത് വെച്ച് തന്നെ ഫ്രാങ്കിനും പരിക്കേറ്റ പ്രതിക്കും പ്രാഥമിക ചികിത്സ നൽകിയ ശേഷം ആശുപത്രിയിലേക്ക് മാറ്റിയിരുന്നു. അവയവ ദാനത്തിലൂടെ മരണശേഷവും മറ്റുള്ളവർക്ക് തുണയായി മാറിയാണ് കാതറിൻ ഫ്രാങ്ക് യാത്രയായതെന്ന് ഷെരീഫ് ഓഫീസ് അറിയിച്ചു. സംഭവത്തിൽ 39കാരനായ ബ്രാൻഡൻ ജോൺ ഔട്കെൻ  എന്ന പ്രതിക്കെതിരെ കൊലപാതക ശ്രമം ഉൾപ്പെടെയുള്ള വിവിധ കുറ്റങ്ങൾ ചുമത്തിയിട്ടുണ്ട്. പ്രതിയെ ജാമ്യമില്ലാതെ റിമാൻഡ് ചെയ്തിരിക്കുകയാണ്. സൗത്ത് ഡാക്കേറ്റ ഡിവിഷൻ ഓഫ് ക്രിമിനൽ ഇൻവെസ്റ്റിഗേഷൻ്റെ നേതൃത്വത്തിൽ സംഭവത്തിൽ അന്വേഷണം പുരോഗമിക്കുകയാണ്.…

വാഷിംഗ്ടണ്‍: ടെക്സസ് അറ്റോർണി ജനറൽ കെൻ പാക്സ്റ്റനെ പിന്തുണയ്ക്കാനുള്ള അമേരിക്കൻ പ്രസിഡന്റ് ഡൊണാൾഡ് ട്രംപിന്റെ തീരുമാനം വീണ്ടും രാഷ്ട്രീയ പരിശോധനയ്ക്ക് വിധേയമാകുന്നു. നിലവിലെ റിപ്പബ്ലിക്കൻ സെനറ്റർ ജോൺ കോർണിനെക്കാൾ പാക്സ്റ്റനെ പിന്തുണയ്ക്കാൻ ട്രംപ് തീരുമാനിച്ചതിനു പിന്നാലെ പുറത്തുവരുന്ന പുതിയ വെളിപ്പെടുത്തലുകൾ വരാനിരിക്കുന്ന ഇടക്കാല തിരഞ്ഞെടുപ്പിൽ റിപ്പബ്ലിക്കൻ പാർട്ടിക്ക് തിരിച്ചടിയായേക്കുമെന്നാണ് വിലയിരുത്തൽ. പാക്സ്റ്റനെ സംബന്ധിച്ച അപകീർത്തികരമായ വിവരങ്ങൾ പുറത്തുവരാൻ സാധ്യതയുണ്ടെന്ന് ഈ വർഷം വസന്തകാലത്ത് ട്രംപിന് മുന്നറിയിപ്പ് നൽകിയിരുന്നതായി ചർച്ചകളെക്കുറിച്ച് അറിവുള്ളവർ പറയുന്നു. എന്നാൽ, ഡെമോക്രാറ്റിക് സ്ഥാനാർഥി ജെയിംസ് തലാരിക്കോയെക്കുറിച്ചും പ്രതികൂലമായ വിവരങ്ങൾ പുറത്തുവരുമെന്ന നിലപാടിൽ ട്രംപ് ഈ ആശങ്കകൾ തള്ളിക്കളഞ്ഞതായാണ് റിപ്പോർട്ട്. ഒടുവിൽ പാക്സ്റ്റനെ പിന്തുണയ്ക്കാനുള്ള തീരുമാനത്തിൽ ട്രംപ് ഉറച്ചുനിന്നു. മേയിൽ നടന്ന റിപ്പബ്ലിക്കൻ പ്രൈമറി റൺഓഫ് തിരഞ്ഞെടുപ്പിൽ വിജയിക്കാൻ ട്രംപിന്റെ പിന്തുണ പാക്സ്റ്റനെ സഹായിക്കുകയും ചെയ്തു. എന്നാൽ നവംബർ മൂന്നിലെ തിരഞ്ഞെടുപ്പ് അടുത്തുവരുമ്പോൾ ഈ പിന്തുണ…

വാഷിംഗ്ടണ്‍: യുഎസ് കോൺഗ്രസ് അംഗം ഇൽഹാൻ ഒമറിന്റെ ആസ്തി സംബന്ധിച്ച വെളിപ്പെടുത്തലുകളിൽ ഉണ്ടായതായി റിപ്പോർട്ട് ചെയ്യപ്പെട്ട തിരുത്തലിനെ ചോദ്യം ചെയ്ത് അമേരിക്കൻ പ്രസിഡന്റ് ഡൊണാൾഡ് ട്രംപ് രംഗത്ത്. സാമ്പത്തിക ക്രമക്കേടുകൾ നടന്നിരിക്കാമെന്ന ആരോപണവും അദ്ദേഹം ഉന്നയിച്ചു. ചൊവ്വാഴ്ച തന്റെ ട്രൂത്ത് സോഷ്യൽ അക്കൗണ്ടിലൂടെയാണ് ട്രംപ് ഒമറിനെതിരെ രൂക്ഷവിമർശനം നടത്തിയത്. ഇൽഹാൻ ഒമർ നേരത്തെ തന്റെ ആസ്തി മൂല്യം മൂന്ന് കോടി യുഎസ് ഡോളർ വരെയാണെന്ന് വെളിപ്പെടുത്തിയതായും പിന്നീട് അത് അക്കൗണ്ടിങ്ങിലെ പിഴവാണെന്നും യഥാർഥ ആസ്തി ഒരു ലക്ഷം ഡോളർ മാത്രമാണെന്നും വ്യക്തമാക്കിയതായുമുള്ള റിപ്പോർട്ടുകളെയാണ് ട്രംപ് ചോദ്യം ചെയ്തത്. ആദ്യം വെളിപ്പെടുത്തിയ തുക യഥാർഥമായിരുന്നോ എന്നും ഇത്രയും വലിയ സമ്പത്തിന്റെ ഉറവിടം വിശദീകരിക്കാൻ കഴിയാത്തതിനാലാണോ പിന്നീട് തിരുത്തിയതെന്നും ട്രംപ് സംശയം പ്രകടിപ്പിച്ചു. ‘‘കുറച്ചുകാലം മുമ്പ് ഇൽഹാൻ ഒമർ തന്റെ ആസ്തി മൂല്യം മൂന്ന് കോടി ഡോളർ വരെയാണെന്ന് റിപ്പോർട്ട്…

ഹൂസ്റ്റൺ: കേവലം ആരാധനകൾക്കും ആചാരങ്ങൾക്കും അപ്പുറം കാലഘട്ടത്തിന്റെ പ്രവാചകശബ്ദമായി മാറാൻ സഭയ്ക്ക് കഴിയണമെന്ന് റവ. സോനു വർഗീസ് ആഹ്വാനം നൽകി.ഒക്ടോബർ 13 ചൊവ്വാഴ്ച രാത്രി ഭക്തിനിർഭരമായ അന്തരീക്ഷത്തിൽ നടന്ന ഇന്റർനാഷണൽ പ്രെയർ ലൈനിന്റെ (IPL) 648-ാമത് പ്രതിവാര പ്രാർത്ഥനാ യോഗത്തിൽ മുഖ്യാതിഥിയായി പങ്കെടുത്തു  വചനസന്ദേശം നൽകുകയായിരുന്നു സോനു അച്ചൻ സമൂഹത്തിലെ തിന്മകൾ ചൂണ്ടിക്കാണിക്കുന്നതോടൊപ്പം സ്വന്തം ജീവിതത്തിലേക്ക് തിരിഞ്ഞുനോക്കുന്ന ആന്തരിക മാനസാന്തരം അനിവാര്യമാണ്. മറ്റുള്ളവരെ കുറ്റപ്പെടുത്തുന്നതിന് മുൻപ് സ്വന്തം ജീവിതം പരിശോധിക്കണം. സഭയുടെ ദൗത്യം കേവലം ചടങ്ങുകളിൽ ഒതുങ്ങേണ്ടതല്ല. ഓരോ വിശ്വാസിയും സ്വാർത്ഥതയും സ്വയംകേന്ദ്രീകൃതമായ ചിന്തകളും വെടിഞ്ഞ് ഈ കാലഘട്ടത്തിന്റെ പ്രവാചകശബ്ദമായി മാറണമെന്നു അസിൻ ഓർമപ്പെടുത്തി പ്രതിസന്ധികളുടെയും വരൾച്ചയുടെയും നടുവിലും ദൈവത്തിന്റെ അപാരമായ ദിവ്യപരിപാലനം വെളിപ്പെടുന്നു. കേരീത്ത് തോട്ടിനരികിൽ ഒളിച്ചിരുന്ന ഏലിയാവിന് ഭക്ഷണമെത്തിക്കാൻ ദൈവം കാക്കകളെ നിയോഗിച്ചതുപോലെ, വരൾച്ചയുടെ നടുവിലും ദൈവം തന്റെ ജനത്തെ പൂർണ്ണമായി കൈവിടുന്നില്ല.ബൈബിൾ കോടിക്കണക്കിന്…

വാഷിംഗ്ടണ്‍: യു എസ് സ്റ്റേറ്റ് സെക്രട്ടറി മാർക്കോ റൂബിയോ ഒക്ടോബർ 17 മുതൽ 22 വരെ ഇന്ത്യ സന്ദർശിക്കും. ഇന്ത്യയും അമേരിക്കയും തമ്മിലുള്ള തന്ത്രപ്രധാന പങ്കാളിത്തം ശക്തിപ്പെടുത്തുക, ഊർജമേഖലയിലെ സഹകരണം വിപുലീകരിക്കുക, വാണിജ്യ നിക്ഷേപങ്ങൾ പ്രോത്സാഹിപ്പിക്കുക എന്നിവയാണ് സന്ദർശനത്തിന്റെ പ്രധാന ലക്ഷ്യങ്ങളെന്ന് അമേരിക്കൻ വിദേശകാര്യ വകുപ്പ് ചൊവ്വാഴ്ച അറിയിച്ചു. സന്ദർശനത്തിന്റെ ഭാഗമായി റൂബിയോ മുംബൈയിലും ഗുജറാത്തിലെ ജാംനഗറിലും എത്തും. അവിടെ മുതിർന്ന സർക്കാർ ഉദ്യോഗസ്ഥരുമായും വ്യവസായ പ്രമുഖരുമായും അദ്ദേഹം ചർച്ചകൾ നടത്തും. ഉസ്ബെക്കിസ്ഥാനിലെ സമർഖണ്ഡിൽ മധ്യേഷ്യൻ രാജ്യങ്ങളുമായി നടക്കുന്ന ഉന്നതതല നയതന്ത്ര യോഗങ്ങളിൽ പങ്കെടുത്ത ശേഷമായിരിക്കും റൂബിയോ ഇന്ത്യയിലെത്തുക. ഇന്ത്യയും അമേരിക്കയും തമ്മിലുള്ള തന്ത്രപ്രധാന പങ്കാളിത്തം കൂടുതൽ ശക്തിപ്പെടുത്തുന്നതിനും പ്രാദേശിക, ആഗോള സാഹചര്യങ്ങളെക്കുറിച്ച് അഭിപ്രായങ്ങൾ കൈമാറുന്നതിനും ഊർജ സഹകരണം വിപുലീകരിക്കുന്നതിനുള്ള സാധ്യതകൾ ചർച്ച ചെയ്യുന്നതിനുമായി റൂബിയോ മുതിർന്ന സർക്കാർ ഉദ്യോഗസ്ഥരുമായി കൂടിക്കാഴ്ച നടത്തുമെന്ന് അമേരിക്കൻ വിദേശകാര്യ വകുപ്പ്…

ബ്രിട്ടനിൽ കടുവയുടെ ആക്രമണത്തിൽ യുവാവ് കൊല്ലപ്പെട്ട സംഭവത്തിന്റെ നടുക്കുന്ന ദൃശ്യങ്ങൾ തന്റെ ട്രൂത്ത് സോഷ്യൽ അക്കൗണ്ടിലൂടെ പങ്കുവെച്ച അമേരിക്കൻ പ്രസിഡന്റ് ഡൊണാൾഡ് ട്രംപിനെതിരെ സമൂഹ മാധ്യമങ്ങളിൽ വ്യാപക പ്രതിഷേധം. യുവാവിന്റെ മരണത്തിൽ കുടുംബം ദുഃഖത്തിലായിരിക്കെ, ആക്രമണത്തിന്റെ ദൃശ്യങ്ങൾ പങ്കുവെച്ച പ്രസിഡന്റിന്റെ നടപടിയാണ് കടുത്ത വിമർശനങ്ങൾക്ക് വഴിവെച്ചത്. ശനിയാഴ്ച ഡോൺകാസ്റ്ററിന് സമീപമുള്ള യോർക്ക്ഷയർ വൈൽഡ് ലൈഫ് പാർക്കിൽ കടുവ ഒരാളെ ആക്രമിക്കുന്നതിന്റെ 41 സെക്കൻഡ് ദൈർഘ്യമുള്ള വീഡിയോയാണ് ട്രംപ് പങ്കുവെച്ചത്. ചൊവ്വാഴ്ചയാണ് ‘പ്രകൃതിയോട് ഒരിക്കലും കളിക്കരുത്!’ എന്ന അടിക്കുറിപ്പോടെ ട്രംപ് ഈ ദൃശ്യങ്ങൾ പോസ്റ്റ് ചെയ്തത്. പിന്നീട് വൈറ്റ് ഹൗസിന്റെ ‘റാപ്പിഡ് റെസ്പോൺസ് 47’ എന്ന അക്കൗണ്ടും എക്സിൽ ഈ വീഡിയോ വീണ്ടും പങ്കുവെച്ചു. ഇതിനുപിന്നാലെ, വലിയ പൂച്ച വർഗത്തിൽപ്പെട്ട വന്യമൃഗങ്ങൾ മനുഷ്യരെ ആക്രമിക്കുന്നതായി കാണിക്കുന്ന, കൃത്രിമബുദ്ധി ഉപയോഗിച്ച് സൃഷ്ടിച്ചതെന്ന് തോന്നിക്കുന്ന മറ്റൊരു വീഡിയോയും ട്രംപ് പങ്കുവെച്ചു. നിലവാരം…

നോർത്ത് കരോലിന: നോർത്ത് കരോലിനയിൽ വെസ്റ്റ് നൈൽ വൈറസ് ബാധിച്ച് രണ്ട് പേർ മരിച്ചു. ഈ വർഷം സംസ്ഥാനത്ത് 11 പുതിയ കേസുകൾ കൂടി റിപ്പോർട്ട് ചെയ്തിട്ടുണ്ടെന്ന് സെന്റർസ് ഫോർ ഡിസീസ് കൺട്രോൾ (CDC) അറിയിച്ചു. പനി, തലവേദന, ശരീരവേദന, സന്ധിവേദന, ഛർദ്ദി, വയറിളക്കം, തൊലിപ്പുറത്തുള്ള തടിപ്പുകൾ എന്നിവയാണ് ഈ രോഗത്തിന്റെ പ്രധാന ലക്ഷണങ്ങൾ. ചിലരിൽ രോഗലക്ഷണങ്ങൾ പ്രകടമാകണമെന്നില്ല. കൊതുകുകടകളിൽ നിന്ന് സ്വയം പരിരക്ഷിക്കുക എന്നതാണ് രോഗം തടയാനുള്ള ഏറ്റവും നല്ല മാർഗം. ഇതിനായി കൊതുകുനാശിനികൾ ഉപയോഗിക്കുക, അയഞ്ഞ വസ്ത്രങ്ങൾ ധരിക്കുക, കൊതുകുകൾ ഏറ്റവും സജീവമാകുന്ന സന്ധ്യാസമയത്തും പുലർച്ചെയും പുറത്തിറങ്ങാതിരിക്കുക തുടങ്ങിയ മുൻകരുതലുകൾ സ്വീകരിക്കണമെന്ന് അധികൃതർ മുന്നറിയിപ്പ് നൽകുന്നു.

ഫ്രിസ്കോ(ഡാളസ് ):ടീനേജ് പെൺകുട്ടിയെ തട്ടിക്കൊണ്ടുപോകാൻ പദ്ധതിയിടുകയും, ലൈഫ് (Lyft) റൈഡ് ഷെയർ ഡ്രൈവറുടെ തൊണ്ടയറുത്ത് കൊലപ്പെടുത്താൻ ശ്രമിക്കുകയും ചെയ്ത കേസിൽ ഫ്രിസ്കോ സ്വദേശിയായ യുവാവിന് 75 വർഷം തടവ് ശിക്ഷ വിധിച്ചു. ഇരുപതുകാരനായ ആന്റ്‌വെയ്ൻ കർമെൻ വില്യംസ് ആണ് കുറ്റക്കാരനാണെന്ന് കണ്ടെത്തിയതിനെ തുടർന്ന് ശിക്ഷിക്കപ്പെട്ടതായി കോളിൻ കൗണ്ടി ഡിസ്ട്രിക്റ്റ് അറ്റോർണി ഗ്രെഗ് വില്ലിസ് ഒക്ടോബർ 13 ചൊവ്വാഴ്ച പ്രഖ്യാപിച്ചു. 2024 ഡിസംബർ 16-നാണ് സംഭവം. ലൈഫ് ഡ്രൈവറെ കത്തിയുപയോഗിച്ച് ആക്രമിച്ച് ഗുരുതരമായി പരിക്കേൽപ്പിച്ച പ്രതി, അദ്ദേഹത്തിന്റെ കാർ മോഷ്ടിച്ച് കടന്നുകളയുകയായിരുന്നു. തൊണ്ടയിലും കൈയിലുമാണ് ഗുരുതര വെട്ടേറ്റതെങ്കിലും ഡ്രൈവർ ജീവനോടെ രക്ഷപ്പെട്ടു. 13 വയസ്സുള്ള ഒരു പെൺകുട്ടിയെ തട്ടിക്കൊണ്ടുപോകാൻ പ്രതി പദ്ധതിയിട്ടിരുന്നതായി അന്വേഷണത്തിൽ തെളിഞ്ഞു. സ്നാപ്ചാറ്റ് സന്ദേശങ്ങളിലൂടെയാണ് ഈ വിവരങ്ങൾ പുറത്തുവന്നത്. ഫസ്റ്റ് ഡിഗ്രി അഗ്രവേറ്റഡ് റോബറി കേസിൽ കുറ്റക്കാരനാണെന്ന് സമ്മതിച്ച വില്യംസിന് കൊളിൻ കൗണ്ടി കോടതിയാണ് 75…