Category: AMERICA

ഡാളസ്: ഡാളസ് സെന്റ് പോൾസ് പാരിഷ് മിഷൺ ഇടവകയിലുള്ള 170 ഫാമിലി നിന്നും കർഷക ശ്രീ അവാർഡിന് അപേക്ഷ സ്വീകരിക്കുകയും 2023 ലെ ഏറ്റവും മെച്ചപ്പെട്ട അടുക്കള തോട്ടം പരിചാരകനായി ശ്രീ.പി എം സ്കറിയായെ തെരഞ്ഞെടുക്കുകയും ചെയ്തു. ഒക്ടോബർ 8 ഞയറാഴ്ച്ച വിശുദ്ധ കർബ്ബാനക്ക് ശേഷം നടന്ന ലളിതമായ ചടങ്ങിൽ ഇടവക വികാരി റവ. ഷൈജു സി. ജോയ് 2023 ലെ “കർഷക ശ്രീ” ആയി തെരഞ്ഞെടുക്കപ്പെട്ട ശ്രീ.പി എം സക്കറിയയെ പൊന്നാട അണിയിച്ചു ആദരിച്ചു. തിരക്കിട്ട ജോലിത്തിരക്കിനിടയിൽ അടുക്കത്തോട്ടം ക്രമമായി നട്ടു വളർത്തുവാൻ സക്കറിയയെ സഹായിച്ച അദ്ദേഹത്തിന്റെ മരുമകളായ ലിജി സ്കറിയയ്ക്കു പ്രത്യേകമായി ക്യാഷ് അവാർഡും സമ്മാനിച്ചു.

മയാമി: 2023 നവംബർ 2 മുതൽ 4 വരെ മയാമിയിലുള്ള ഹോളിഡേ ഇൻ മയാമി വെസ്റ്റ് ഹോട്ടലിൽ നടക്കുന്ന ഇന്ത്യ പ്രസ് ക്ലബ് ഓഫ് നോർത്ത് അമേരിക്ക (IPCNA ) അന്താരാഷ്ട്ര മാധ്യമ സമ്മേളനത്തിൽ പി ശ്രീകുമാർ പങ്കെടുക്കും. ജന്മഭൂമി തിരുവനന്തപുരം, ന്യൂഡൽഹി എന്നീ ബ്യുറോകളുടെ ചീഫ് ആയിരുന്നു. ഇപ്പോൾ ജന്മഭൂമി ഓൺലൈൻ എഡിറ്റർ ആണ്. കോട്ടയം പുതുപ്പള്ളി തൃക്കോതമംഗലം സ്വദേശിയായ ശ്രീകുമാർ 33 വര്‍ഷമായി പത്രപ്രവര്‍ത്ത രംഗത്തു പ്രതിഭ തെളിയിച്ച വ്യക്തിത്വമാണ്. നിരവധി ദേശീയ അന്തര്‍ദേശീയ കായികമത്സരങ്ങള്‍, ന്യൂഡൽഹിയിൽ നടന്ന ജി 20 ഉച്ചകോടി ഉള്‍പ്പെടെ പ്രധാന സംഭവങ്ങൾ റിപ്പോർട്ട് ചെയ്തിട്ടുണ്ട്. ജന്മഭൂമി, കേസരി, ചിതി, നേര്‍ക്കാഴ്ച തുടങ്ങിയ പ്രസിദ്ധീകരണങ്ങളില്‍ കോളം എഴുതുന്ന പി ശ്രീകുമാർ ചാനല്‍ ചര്‍ച്ചകളില്‍ ദേശീയ കാഴ്ചപ്പാടോടെ വിഷയങ്ങള്‍ അവതരിപ്പിക്കുന്ന സംവാദകൻ കൂടിയാണ് . കേസരി ട്രസ്റ്റ്, പത്രപ്രവര്‍ത്തക യൂണിയന്‍, ബാലഗോകുലം…

വാഷിംഗ്ടൺ: ഇസ്രായേലിനെതിരായ ഹമാസിന്റെ ഏറ്റവും പുതിയ ആക്രമണം ഇസ്രായേൽ-സൗദി അറേബ്യ ബന്ധം സാധാരണ നിലയിലാക്കുന്നതിന് തടസ്സമാകുമെന്ന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കെൻ പറഞ്ഞു. അതോടൊപ്പം, വാഷിംഗ്ടൺ ഇസ്രായേലിന് പുതിയ സഹായം ഞായറാഴ്ച പ്രഖ്യാപിക്കുമെന്ന് കൂട്ടിച്ചേർത്തു. പതിറ്റാണ്ടുകളിലെ ഏറ്റവും രക്തരൂക്ഷിതമായ ദിനം ശനിയാഴ്ച ഹമാസ് പോരാളികൾ ഇസ്രായേലി പട്ടണങ്ങളിൽ ആക്രമണം നടത്തിയതോടെ രാജ്യം അനുഭവിച്ചു. തുടർന്ന് ഞായറാഴ്ച ഗാസയിൽ നടത്തിയ വ്യോമാക്രമണത്തിലൂടെ ഫലസ്തീനികളെ ഇസ്രയേല്‍ പാഠം പഠിപ്പിച്ചു. “ഇസ്രായേലുമായുള്ള ബന്ധം സാധാരണ നിലയിലാക്കാൻ താൽപ്പര്യമുള്ള മറ്റ് രാജ്യങ്ങൾക്കൊപ്പം സൗദി അറേബ്യയെയും ഇസ്രായേലിനെയും ഒരുമിച്ച് കൊണ്ടുവരാനുള്ള ശ്രമങ്ങളെ തടസ്സപ്പെടുത്തുന്നത് പ്രചോദനത്തിന്റെ ഭാഗമാകാം എന്നതില്‍ അതിശയിക്കാനില്ല,” ബ്ലിങ്കെൻ സി‌എന്‍‌എന്നിനോട് ഞായറാഴ്ച ഒരു അഭിമുഖത്തിൽ പറഞ്ഞു. ഇസ്രായേലിൽ നിരവധി അമേരിക്കക്കാർ കൊല്ലപ്പെടുകയും കാണാതാവുകയും ചെയ്തതിന്റെ റിപ്പോർട്ടുകൾ അമേരിക്ക ശ്രദ്ധിച്ചിട്ടുണ്ടെന്നും വിശദാംശങ്ങളും കണക്കുകളും പരിശോധിക്കാൻ വാഷിംഗ്ടൺ ശ്രമിക്കുന്നുണ്ടെന്നും ബ്ലിങ്കെൻ കൂട്ടിച്ചേർത്തു. ഇസ്രയേലിനെതിരായ ആക്രമണത്തെ…

ഇസ്രായേൽ-ഗാസ സംഘർഷങ്ങൾക്കിടയിൽ, ഫലസ്തീൻ സായുധ ഗ്രൂപ്പായ ഹമാസിന്റെ അംഗങ്ങൾ ജർമ്മൻ യുവതി ഷാനി ലൂക്കിന്റെ നഗ്നമായ മൃതദേഹം ഇസ്രായേലിന്റെ തെരുവുകളിലൂടെ പരേഡ് ചെയ്യുന്നതിന്റെ വേദനാജനകമായ ദൃശ്യങ്ങൾ പുറത്തുവന്നു. ഞെട്ടിക്കുന്ന സംഭവം സംഘർഷമേഖലയിലെ സാധാരണക്കാരോടുള്ള പെരുമാറ്റത്തെക്കുറിച്ച് കടുത്ത ആശങ്ക ഉയർത്തിയിട്ടുണ്ട്. സോഷ്യൽ മീഡിയയിൽ പ്രചരിക്കുന്ന വീഡിയോകളില്‍, ഷാനി ലൂക്കിന്റെ ചേതനയറ്റ ശരീരം വഹിച്ച ഹമാസ് വാഹനത്തിന് ചുറ്റും ഒരു ജനക്കൂട്ടത്തെയും ചിത്രീകരിച്ചിട്ടുണ്ട്. ആൾക്കൂട്ടം അട്ടഹസിക്കുകയും പരിഹസിക്കുകയും യുവതിയുടെ മൃതദേഹത്തില്‍ തുപ്പുകയും ചെയ്തതായി ദൃക്‌സാക്ഷികൾ പറഞ്ഞു. ഇര ഒരു വനിതാ ഇസ്രായേൽ സൈനികയാണെന്ന് ഹമാസ് ആദ്യം അവകാശപ്പെട്ടിരുന്നുവെങ്കിലും, ഷാനി ലൂക്കിന്റെ സഹോദരി ആദി ലൂക്ക് പിന്നീട് അവരുടെ വ്യക്തിത്വം സ്ഥിരീകരിച്ചു. ഒരു ജർമ്മൻ പൗരയും ടാറ്റൂ ആർട്ടിസ്റ്റുമായിരുന്നു ഷാനി. ഹൃദയസ്പർശിയായ ഒരു വീഡിയോ സന്ദേശത്തിൽ, ഷാനിയുടെ അമ്മ മകളുടെ ഐഡന്റിറ്റി സ്ഥിരീകരിക്കുകയും അവൾ എവിടെയാണെന്നതിനെക്കുറിച്ചുള്ള വിവരങ്ങൾക്കായി അപേക്ഷിക്കുകയും ചെയ്തു. The…

അറ്റ്ലാന്റാ: മാർത്തോമ്മാ സഭയുടെ നോർത്ത് അമേരിക്ക – യൂറോപ്പ് ഭദ്രാസന  ഫാമിലി വെൽനസ് റിട്രീറ്റ് ഒക്ടോബർ 6 ന് (വെള്ളിയാഴ്ച) അറ്റ്ലാന്റായിലെ കർമ്മേൽ മാർത്തോമ്മാ സെന്ററിൽ തുടക്കം കുറിച്ചു. ഭദ്രാസനാധിപൻ ബിഷപ് ഡോ. ഐസക് മാർ ഫിലക്സിനോസ് സമ്മേളനം ഉത്ഘാടനം ചെയ്തു.  സമൃദ്ധമായ ജീവൻ: ദൈവത്തിന്റെ ഉദ്ദേശ്യം വീണ്ടും തിരിച്ചറിയുക എന്നതാണ് ഒക്ടോബർ 6 മുതൽ 8 വരെ അറ്റ്ലാന്റാ കർമ്മേൽ മാർത്തോമ്മാ സെന്ററിൽ വെച്ച് നടത്തപ്പെടുന്ന റിട്രീറ്റിന്റെ മുഖ്യ ചിന്താവിഷയം. കൊളംബിയ തിയോളജിക്കൽ സെമിനാരിയുടെ പ്രസിഡന്റ് റവ.ഡോ.വിക്ടർ അലോയോ ഫാമിലി റിട്രീറ്റിന്റെ മുഖ്യ പ്രഭാഷണം  നടത്തി. മാനുഷിക പോരാട്ടങ്ങൾക്കും വെല്ലുവിളികൾക്കുമിടയിൽ നമ്മെ സൃഷ്ടിച്ചവനിലേക്ക്   നാം നോക്കുമ്പോഴും, പുനരുത്ഥാനത്തിന്റെ ശരിയായ യാഥാർത്ഥ്യത്തിൽ ശ്രദ്ധ കേന്ദ്രീകരിക്കുമ്പോഴും നമുക്ക്  പ്രതിസന്ധികളെ തരണം ചെയ്യുവാൻ സാധിക്കുമെന്ന് ഡോ. അലോയോ അഭിപ്രായപ്പെട്ടു. കൊളംബിയ തിയോളജിക്കൽ സെമിനാരിയിലെ പുതിയ നിയമത്തിന്റെ അസോസിയേറ്റ് പ്രൊഫസർ ഡോ.…

ഹൂസ്റ്റൺ: നോർത്ത് അമേരിക്കയിലെ  ഏറ്റവും വലിയ കത്തീഡ്രൽ   ദേവാലയമായ ഹൂസ്റ്റൺ സെന്റ് തോമസ് ഓർത്തഡോൿസ് ഇടവക 2024 ൽ 50 വർഷം പൂർത്തീകരിക്കുന്ന വേളയിൽ ഇടവകയുടെ ഒരു വർഷം നീണ്ടു നിൽക്കുന്ന ആഘോഷപരിപാടികൾക്കു തുടക്കം കുറിച്ചു. ഒക്ടോബർ 1 നു ഞായറാഴ്ച രാവിലെ നടന്ന വിശുദ്ധ കുർബാന ശുശ്രൂഷയ്ക്ക്  ദീർഘകാലം ഇടവകയുടെ വികാരിയായി സേവനമനുഷ്ഠിച്ച വന്ദ്യ ഗീവർഗീസ് അരൂപാലാ കോർഎപ്പിസ്‌കോപ്പ മുഖ്യ കാർമികത്വം വഹിച്ചു. സഹവികാരിമാർ   സഹകാർമികത്വം വഹിച്ചു. ശുശ്രൂഷയ്ക്ക് ശേഷം കൂടിയ പൊതു സമ്മേളനത്തിൽ ഇടവകയുടെ സുവർണ ജൂബിലി ആഘോഷങ്ങളുടെ  കിക്ക് ഓഫ് കർമ്മം നടത്തപ്പെട്ടു. ഇടവക സഹവികാരി റവ,ഫാ. രാജേഷ് ജോൺ ഏവർക്കും സ്വാഗതം ആശംസിച്ചു. ഇടവക വികാരി റവ. ഫാ.  പി.എം .ചെറിയാൻ, സഹ വികാരിമാരായ റവ. ഫാ. മാമ്മൻ  മാത്യു, റവ. ഫാ ക്രിസ്റ്റഫർ മാത്യു, ജൂബിലി കൺവീനർ…

“എടൈയ് ലോകത്തിലെ ഏറ്റവും പൊക്കം കൂടിയ മരം ഏതെന്നറിയാമോ”? വടസാർ ബോട്ടണി ക്ലാസ്സിലിരിക്കുന്ന എല്ലാവരോടുമായി ചോദിച്ചു. ആർക്കും ഉത്തരമുണ്ടായില്ല. “സസ്യ ശാസ്ത്രം പഠിക്കാൻ എത്തിയിരിക്കുകയാ എല്ലാവരും. ഇതൊന്നും അറിയില്ലേ”? സാറിന്റെ പതിവ് പരിഹാസം. “എടൈയ്.. സെക്വൊയ മരങ്ങൾ എന്നാണവയുടെ പേര്. ഈ മരങ്ങൾ 100 മീറ്ററിൽ കൂടുതൽ ഉയരത്തിൽ വളരും”. രണ്ടാംനിലയിലെ അഴികളില്ലാത്ത ജനാലയിലൂടെ ക്ലാസ്സിനുള്ളിലേക്ക് എത്തിനോൽക്കുന്നു വാക പൂമരത്തെ നോക്കി “മാമലയിലെ പൂമരം പൂത്തനാൾ പൊന്നൂഞ്ഞാലിൽ ആടുന്ന കാറ്റേ വരൂ” എന്ന മൂളിപ്പാട്ടുമായി അടുത്തിരുന്ന ഹാരിസ് പാട്ട് നിറുത്തി ചോദിച്ചു “എവിടെ പോയാൽ ഇവയെ കാണാൻ സാധിക്കും എൻ്റെ സാറേ “? വടസാറിന്റെ നർമത്തിൽ പൊതിഞ്ഞ ഉത്തരം പെട്ടെന്നു വന്നു. “അധികം ദൂരെയൊന്നും പോകണ്ട, അമേരിക്കയിലെ കാലിഫോർണിയവരെ പോയാൽ മതി. നൂറുകണക്കിന് കൂറ്റൻ സെക്വൊയ മരങ്ങളെ കാണാൻ സാധിക്കും.” അപ്പോൾ ഞാൻ വിചാരിച്ചു, “ബെസ്ററ്, നടന്നതുതന്നെ,…

ഡാളസ്‌: കൊപ്പേല്‍ സെന്റ്‌ അല്‍ഫോന്‍സാ സീറോ മലബാര്‍ കാത്തലിക്ക്‌ ദേവാലയത്തില്‍ സ്ത്രികളുടെ കൂട്ടായ്മയില്‍ രൂപീകൃതമായ സെന്റ്‌ അല്‍ഫോന്‍സാ കാത്തലിക്ക്‌ വുമന്‍സ്‌ ഫോറം (SACW) ഒക്ടോബര്‍ 7 ശനിയാഴ്ച ആന്‍ഡ്രു ബ്രൗണ്‍ കമ്മ്യൂണിററി പാര്‍ക്ക്‌ കൊപ്പെലില്‍ സംഘടിപ്പിച്ച പിക്നിക്ക്‌ ഏവര്‍ക്കും ഹൃദ്യമായ ഒരു അനുഭവമായി മാറി. എല്ലാവര്‍ക്കും ഒത്തുകൂടുവാനും പരസ്പരം പരിചയപ്പെടുവാനും ഈ ഒത്തുചേരല്‍ അവസരം ഒരുക്കി. അബിളി ടോമിന്റെ നേതൃത്വത്തില്‍ നടത്തിയ കുളംകര, വെള്ളംകുടി കസേരകളി, ഡംബ്ഷറാഡസ്‌ തുടങ്ങിയ കളികള്‍ എല്ലാവരേയും മാനസിക ഉല്ലാസത്തില്‍ എത്തിച്ചു. ഓരോരുത്തരും വീടുകളില്‍ നിന്ന്‌ ഉണ്ടാക്കി കൊണ്ടു വന്ന സ്‌നാക്കുകള്‍ കൂടാതെ ഉച്ചഭക്ഷണത്തിന്‌ ബിരിയാണിയും ഒരുക്കിയിരുന്നു. വുമന്‍സ്‌ ഫോറം രൂപീകൃതമായിട്ട്‌ മാസങ്ങള്‍ മാത്രമേ ആയിട്ടുള്ളു, എങ്കിലും ഇതിനോടകം സെന്റ്‌ അല്‍ഫോന്‍സാ ചര്‍ച്ചില്‍ എല്ലാ വര്‍ഷവും നടത്തിവരുന്ന 10 ദിവസത്തെ തിരുനാള്‍ ജൂലൈ 2023 ല്‍ ഏറെറടുത്ത്‌ നടത്തിയത്‌ സംഘടനയുടെ കൂട്ടായ്മയുടെ ഒരു…

പത്തനംതിട്ട: വിമുക്ത ഭടൻ കോന്നി തെങ്ങുംകാവ് ഈട്ടിമൂട്ടിൽ ഇ. എസ് ജോഷ്വയുടെ (77) സംസ്കാര ശുശ്രൂഷ 9 ന് തിങ്കളാഴ്ച രാവിലെ 8.30 ന് ഭവനത്തിൽ ആരംഭിച്ച് തുടർന്ന് 12 ന് തെങ്ങുംകാവ് ചർച്ച് ഓഫ് ഗോഡ് സഭാ സെമിത്തേരിയിൽ സംസ്കരിക്കും. ഊന്നുകൽ പച്ചയിൽ കുടുംബാഗം റോസമ്മ ജോഷ്വയാണ് ഭാര്യ. മക്കൾ: ഷെറിൻ (കുവൈറ്റ് ), സ്റ്റാൻലി (യു.എസ്.എ), ആശ (കാനഡ). മരുമക്കൾ: ജിൻസി (കുവൈറ്റ് ), സിനി (യു.എസ്.എ), ബിനു (കാനഡ) കൊച്ചുമക്കൾ: പ്രിസില്ല, പ്രെസ്ലി, പെർസിസ്, ഐസയ്യ, എലിസ, ജോനാ, ലിലിയാന, ആരൺ, ഐലീൻ Right Way Media YouTube ചാനലിൽ സംസ്കാര ശ്രൂഷകളുടെ ലൈവ് ഉണ്ടായിരിക്കും.

ചിക്കാഗോ: ഇന്ത്യന്‍ ഓവര്‍സീസ് കോണ്‍ഗ്രസ്, ചിക്കാഗോയുടെ ആഭിമുഖ്യത്തില്‍ സംഘടിപ്പിച്ച ഗാന്ധി ജയന്തി ആഘോഷത്തില്‍ പങ്കെടുത്തു സംസാരിക്കുകയായിരുന്നു മുന്‍ മന്ത്രിയും, പ്രതിപക്ഷനേതാവും ഇപ്പോള്‍ കോണ്‍ഗ്രസ് വര്‍ക്കിംഗ് കമ്മറ്റിയുടെ സ്ഥിരം ക്ഷണിതാവുമായ രമേഷ് ചെന്നിത്തല. ഗാന്ധിയന്‍ ആശയങ്ങള്‍ എല്ലാറ്റിനുമുള്ള പ്രശ്‌നപരിഹാരമാണെന്നും ഗാന്ധിജി ഉയര്‍ത്തിപ്പിടിച്ച മതേതരത്വം നാനാജാതി മതസ്ഥരെ ഒറ്റക്കെട്ടായി മുന്നോട്ടു കൊണ്ടു പോകുവാനും, കൂടാതെ എല്ലാ മതങ്ങളും ഒരു പോലെ  കാണുവാന്‍ കഴിയുന്ന ഒരു ബൃഹത്തായ ആശയം ലോകത്തിനു നല്‍കിയ ഒരു രാജ്യമാണ് ഭാരതം എന്നും അദ്ദേഹം എടുത്തു പറഞ്ഞു. ഐ.ഓ.സി.ചിക്കാഗോ  പ്രസിഡന്റ് യോഗത്തില്‍ അദ്ധ്യക്ഷത വഹിച്ചു. ഗാന്ധിയന്‍ ആശയങ്ങള്‍ അടിയുറച്ചു വിശ്വസിക്കുകയും അതു പ്രചരിപ്പിക്കുകയും ചെയ്യേണ്ടത് കാലഘട്ടത്തിന്റെ ആവശ്യമാണെന്ന് പ്രസിഡന്റ് സന്തോഷ് നായര്‍ പറഞ്ഞു. തദവസരത്തില്‍ മുന്‍ മന്ത്രി പന്തളം സുധാകരനും സന്നിഹിതനായിരുന്നു. ആരു വിചാരിച്ചാലും ഗാന്ധിയന്‍ ചിന്തകളെ ഇല്ലാതാക്കുവാന്‍ സാധിക്കുകയില്ലെന്നും ലോകം മുഴുവന്‍ ആദരിക്കുന്ന ഒരു മഹാവ്യക്തിത്വമാണ്…