വാഷിംഗ്ടണ്: 1995 മുതല് 2015 വരെ കൊരിന്ത്യന് കോളേജുകളില് പഠിച്ചിരുന്ന വിദ്യാര്ത്ഥികളുടെ വിദ്യാഭ്യാസ വായ്പ ബൈഡന് ഭരണകൂടം എഴുതിത്തള്ളി. 5,60,000 വിദ്യാര്ത്ഥികള്ക്കായി 5.8 ബില്യണ് ഡോളറാണ് സര്ക്കാര് ഖജനാവില് നിന്ന് ചെലവഴിച്ചത് . അമേരിക്കയില് 105 ക്യാമ്പസുകളിലായി 1,10,000 വിദ്യാര്ത്ഥികളാണ് കൊരിന്ത്യന് കോളേജുകളില് പ്രവേശനം നേടിയിരിക്കുന്നത്. തെറ്റായ പരസ്യം നല്കി വിദ്യാര്ത്ഥികളെ വഞ്ചിച്ചെന്ന കേസില് 2013 ല് കാലിഫോര്ണിയ അറ്റോര്ണി ജനറലായിരുന്ന ഇപ്പോഴത്തെ വൈസ് പ്രസിഡന്റ് കമലാ ഹാരിസ് കൊരിന്ത്യന് കോളേജുകള്ക്കെതിരെ കേസെടുത്തിരുന്നു. തുടര്ന്ന് ഫെഡറല്/സംസ്ഥാന ഏജന്സികള് അന്വേഷണം നടത്തുന്നതിനിടെ കൊരിന്ത്യന് കോളേജുകളില് ഭൂരിഭാഗവും കൈമാറ്റം ചെയ്യുകയും 2015 ല് ശേഷിക്കുന്ന കോളേജുകള് അടച്ചുപൂട്ടുകയും ചെയ്തിരുന്നു. ജൂണ് 1 ബുധനാഴ്ചയിലെ തീരുമാനം ഫെഡറല് വായ്പകള് എഴുത്തിത്തള്ളാന് സ്വീകരിച്ച നടപടികളില് ഏറ്റവും വലുതാണ്. 2021 മുതല് ബൈഡന് ഭരണകൂടം 25 ബില്യണ് ഡോളറാണ് വിദ്യാഭ്യാസ വായ്പാ ഇനത്തില് എഴുതിത്തള്ളിയത്.…
Category: AMERICA
ക്യാപിറ്റല് ഡിസ്ട്രിക്റ്റ് മലയാളി അസ്സോസിയേഷന് പിക്നിക് ജൂണ് 25 ശനിയാഴ്ച
ആല്ബനി (ന്യൂയോര്ക്ക്): ന്യൂയോര്ക്കിന്റെ തലസ്ഥാനമായ ആല്ബനിയിലെ മലയാളികളുടെ കൂട്ടായ്മയായ ക്യാപിറ്റല് ഡിസ്ട്രിക്റ്റ് മലയാളി അസ്സോസിയേഷന്റെ ഈ വര്ഷത്തെ പിക്നിക് ജൂണ് 25 ശനിയാഴ്ച നടത്തുമെന്ന് ഭാരവാഹികള് അറിയിച്ചു. രാവിലെ 11:00 മണി മുതല് വൈകീട്ട് 6:00 മണിവരെ നിസ്കായുന കമ്മ്യൂണിറ്റി സെന്ററില് (Niskayuna Community Centre, 2682 Aqueduct Rd., Niskayuna, NY 12309) വെച്ചാണ് പിക്നിക്കും അതിനോടനുബന്ധിച്ചുള്ള പരിപാടികളും നടക്കുക. വിവിധതരം സ്പോര്ട്സ്, മ്യൂസിക്, കളികള് എന്നിവ കൂടാതെ രുചികരമായ ഭക്ഷണവും ഉണ്ടായിരിക്കും. കഴിഞ്ഞ രണ്ടു വർഷത്തെ ഇടവേളയ്ക്ക് ശേഷം ആദ്യമായി നടത്തുന്ന ഈ പിക്നിക്കില് എല്ലാവരും, പ്രത്യേകിച്ച് ആല്ബനിയിലേയും പരിസരപ്രദേശങ്ങളിലേയും മലയാളികള്, പങ്കെടുത്ത് വിജയിപ്പിക്കണമെന്ന് ഭാരവാഹികള് അഭ്യര്ത്ഥിച്ചു. പ്രവേശനം സൗജന്യമാണ്. കൂടുതല് വിവരങ്ങള്ക്ക്: സുനില് സാക്ക് 518 894 1564, അനൂപ് അലക്സ് 224 616 0411. വെബ്: https://cdmany.org/
സഞ്ചാരസാഹിത്യകാരൻ എം.സി.ചാക്കോ മണ്ണാർക്കാട്ടിൽ അനുസ്മരണവും, ചർച്ചയും ജൂൺ അഞ്ചിന്
ഹൂസ്റ്റൺ: കേരള ലിറ്റററി ഫോറം യുഎസ്എയുടെ ആഭിമുഖ്യത്തിൽ മൺമറഞ്ഞ പ്രശസ്ത സഞ്ചാര സാഹിത്യകാരൻ എം.സി.ചാക്കോ, മണ്ണാർക്കാട്ടിൽ അനുസ്മരണവും, സഞ്ചാര സാഹിത്യ ചർച്ചയും വെർച്ച്വൽ, സും, പ്ലാറ്റ്ഫോമിൽ ജൂൺ അഞ്ചിനു ഞായർ വൈകിട്ട് എട്ടിനു ന്യൂയോർക്ക് സമയം (ഈസ്റ്റേൺ സ്റ്റാൻഡേർഡ് ടൈം) സംഘടിപ്പിക്കുന്നു. ലോകത്തെമ്പാടും, തലങ്ങും വിലങ്ങും നിരവധി യാത്രകൾ നടത്തി, അനുഭവങ്ങളും വിസ്മയകാഴ്ചകളുമായി അനവധി യാത്രാവിവരണങ്ങളും ഗ്രന്ഥങ്ങളും രചിച്ചു ശ്രദ്ധനേടിയ ചാക്കോ മണ്ണാർക്കാട്, എന്ന സഞ്ചാരസാഹിത്യ പ്രതിഭയുടെ, ജീവിതവും, യാത്രയും കൃതികളെയും സഞ്ചാര പഥങ്ങളേയും ആധാരമാക്കി ചുരുക്കി അവലോകനം ചെയ്യാനും, അനുസ്മരണങ്ങൾ പരസ്പരം പങ്കുവെക്കുവാനും ഈ അവസരം വിനിയോഗിക്കാം. ചാക്കോ മണ്ണാർക്കാട് സഞ്ചാര സാഹിത്യ കൃതികളുടെ വെളിച്ചത്തിൽ സഞ്ചാര സാഹിത്യ ശാഖയെ കുറിച്ച് സമയോചിതമായി ചുരുക്കമായി സംസാരിക്കാനും അവസരമുണ്ട്. . ഈ അനുസ്മരണ യോഗത്തിൽ ചാക്കോയുടെ മക്കളും മറ്റു ബന്ധുക്കളും അനുഭവങ്ങൾ പങ്കു വയ്ക്കാം എന്ന് അറിയിച്ചിട്ടുണ്ട്.…
വിദ്യാഭ്യാസ ധനസഹായ പദ്ധതിയുമായി നയാഗ്ര മലയാളി സമാജം
നയാഗ്ര: മലയാളി സമാജത്തിന്റെ “തണൽ മരം’ പദ്ധതിക്ക് കീഴിലുള്ള വിദ്യാഭ്യാസ ധനസഹായ പദ്ധതിയുടെ ഉത്ഘാടനം ഇടുക്കിയിൽ നടന്നു. ജൂൺ 1നു മാങ്കുളത്തു സെന്റ് മേരീസ് സ്കൂളിലെ പ്രവേശനോത്സവത്തോടനുബന്ധിചായിരുന്നു ഈ വർഷത്തെ തണൽമരം പദ്ധതികളുടെ ഉത്ഘാടനം. ഇന്ത്യയുടെ സ്വാതന്ത്ര്യത്തിന്റെ എഴുപത്തിയഞ്ചാം വാർഷികത്തോടനുബന്ധിച്ചു 75 വിദ്യാർത്ഥികളുടെ പഠനത്തിനുള്ള സഹായങ്ങളാണ് നയാഗ്ര മലയാളി സമാജം നൽകുന്നത്. 2022-23ൽ മാങ്കുളം സെന്റ് മേരീസ് സ്കൂളിലെ സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്കാണ് പദ്ധതിയുടെ ഗുണം ലഭ്യമാകുക. ദേവികുളം എംൽഎ എ രാജ ആദ്യ ഗഡു നൽകി വിദ്യാഭ്യാസ ധനസഹായ പദ്ധതിയുടെ ഉൽഘാടനം നിർവഹിച്ചു. നാടിനെ മറക്കാത്ത നയാഗ്ര മലയാളികളെ അദ്ദേഹം പ്രശംസിച്ചു. നയാഗ്ര മലയാളി സമാജത്തിന്റെ തണൽ മരം പദ്ധതി മറ്റുള്ള പ്രവാസി സംഘടനകൾക്ക് മാതൃകയാണെന്നും അദ്ദേഹം കൂട്ടിച്ചേർത്തു. കമ്മിറ്റി അംഗമായ ടോണി മാത്യു സമാജത്തിന്റെ സേവന മറ്റു പദ്ധതികളെക്കുറിച്ചു ചടങ്ങിൽ വിശദീകരിച്ചു. വരും…
മലയാളി അസോസിയേഷന് ഓഫ് സൗത്ത് കരോലിന (മാസ്ക്) അപ്പ്സ്റ്റേറ്റിനു പുതിയ സാരഥികള്
സൗത്ത് കരോലിന: മലയാളി അസോസിയേഷന് ഓഫ് സൗത്ത് കരോലിന (മാസ്ക്) അപ്പ്സ്റ്റേറ്റ് നു പുതിയ നേതൃത്വം. അനീഷ് രാജേന്ദ്രന് (പ്രസിഡന്റ്), ജോണ് മാത്യു (രജി – വൈസ് പ്രസിഡന്റ്), സംഗീത് പോള് (സെക്രട്ടറി), ബിജോയ് നായര് (ട്രെഷറര്), സുമന് വര്ഗീസ്, വര്ഗീസ് ഫിലിപ്പ് (കൊച്ചുമോന്), സുതീഷ് തോമസ്, ദില്രാജ് ത്യാഗരാജന്, ആശിഷ് ഭാനു, പ്രീത ബിജോയ് , രഞ്ജന് ഭാസി, സിജോ പറമ്പത് (എക്സിക്യൂട്ടീവ് കമ്മിറ്റി അംഗങ്ങള് ) എന്നിവരാണ് പുതിയ ഭാരവാഹികള്. കഴിഞ്ഞ മാസം (മെയ്) ഏഴിന് പിക്നിക്കിനോട് അനുബന്ധിച്ചു നടന്ന ജനറല് ബോഡി യോഗത്തിലാണ് പുതിയ ഭാരവാഹികളെ ഐക്യകണ്ഠ്യേന തിരഞ്ഞെടുത്തത്. അസോസിയേഷന്റെ മുന് പ്രസിഡന്റ് സ്റ്റീഫന് ഫിലിപ്പോസിന്റെ (ജേക്കബ്) അധ്യക്ഷതയില് ചേര്ന്ന യോഗത്തില് മുന് ട്രെഷറര് ബാബു തോമസ് കഴിഞ്ഞ രണ്ടു വര്ഷത്തെ വരവ് ചെലവ് കണക്കുകള് അവതരിപ്പിച്ചു. പുതിയ പ്രസിഡന്റ് അനീഷ് രാജേന്ദ്രന്…
മറിയാമ്മ പിള്ളക്ക് ആദരാഞ്ജലി അർപ്പിക്കാൻ വമ്പിച്ച ജനപ്രവാഹം
ചിക്കാഗോ: ചിക്കാഗോയിലെ ഡെസ് പ്ലൈൻസിലെ പോട്ടർ റോഡിലെ വീഥികളിൽ നിറഞ്ഞു നിന്ന ജനസഞ്ചയം സാക്ഷിയാക്കി, മൂടിക്കെട്ടിയ കാർമേഘങ്ങൾ കാലേക്കൂട്ടി പിൻവാങ്ങിയപ്പോൾ ആയിരക്കണക്കിനാളുകൾ ഇടതടവില്ലാതെ ദർശിച്ചുകൊണ്ട് ഫോക്നയുദ്ധേ പ്രഥമ വനിത പ്രസിഡണ്ടും ഫൊക്കാനയുടെ ഉരുക്കു വനിതയുമെന്നറിയപ്പെട്ടിരുന്ന ചിക്കാഗോ മലയാളികളുടെ പ്രിയപ്പെട്ട മറിയാമ്മ ചേച്ചിക്ക് കണ്ണീരിൽ കുതിർന്ന യാത്രാമൊഴി. മറിയാമ്മ പിള്ളയ്ക്ക് അശ്രുപൂജകളുമായി അണമുറിയാത്ത ജനപ്രവാഹം ചിക്കാഗോ മാര്ത്തോമാ ചര്ച്ചിലേക്ക് ഒഴുകിയെത്തിയപ്പോൾ തങ്ങളുടെ പ്രിയ നേതാവിനു അന്തിമോപചാരമർപ്പിക്കാനെത്തിയ ആയിരക്കണക്കിനാളുകളുടെ കൺതടങ്ങളിൽനിന്നോഴുകിയ മിഴിതുള്ളികൾ തെളിച്ച കണ്ണീർ ചാലുകളിൽ മുഖരിതമായിരുന്നു ആ പ്രദേശമൊക്കെയും. ഒരുപക്ഷെ ഇതേപോലൊരു ജനപങ്കാളിത്തം അമേരിക്കന് മലയാളി സമൂഹത്തില് ഇതാദ്യമായിരിക്കാം ദർശിച്ചിട്ടുണ്ടാകുക. ജാതി മത ഭേദമന്യേ പൊതുദര്ശനത്തിൽ പങ്കെടുത്തവർക്കും പങ്കെടുത്തു പ്രസംഗിച്ച വിവിധ മത മേലധ്യക്ഷൻമാരാക്കും വൈദികർക്കും സന്യസ്തർക്കും സംഘടന രാഷ്ട്രീയ പ്രവർത്തകർക്കും ത്നങ്ങളുടെ പ്രിയ നേതാവിനെക്കുറിച്ച് കൂടുതലൊന്നും വിശേഷിപ്പിക്കാൻ ബാക്കിയുണ്ടായിരുന്നില്ല. ക്രിസ്തുവിന്റെ പ്രതിപുരുഷന്മാർ ബാക്കിവച്ചിട്ടുപോയ നന്മകളുടെ സുഗന്ധങ്ങളെ കൂടുതൽ…
നൂതന റോക്കറ്റുകൾ ഉൾപ്പെടെ ഉക്രെയ്ന് 700-മില്യൺ ഡോളർ സൈനിക സഹായം ബൈഡൻ പ്രഖ്യാപിച്ചു
വാഷിംഗ്ടണ്: റഷ്യയുമായുള്ള ഉക്രെയ്നിന്റെ പോരാട്ടം നീണ്ടുനിൽക്കുമ്പോൾ, യുഎസ് പ്രസിഡന്റ് ജോ ബൈഡൻ ചൊവ്വാഴ്ച ഉക്രെയ്നെ “കൂടുതൽ നൂതന റോക്കറ്റ് സംവിധാനങ്ങളും ബോംബുകളും” ഉപയോഗിച്ച് സഹായിക്കുമെന്ന് പ്രഖ്യാപിച്ചു. “കൂടുതൽ ആക്രമണങ്ങളിൽ നിന്ന് സ്വയം പ്രതിരോധിക്കാനും സ്വയം സംരക്ഷിക്കാനുമുള്ള കഴിവുള്ള ഒരു ജനാധിപത്യ, സ്വതന്ത്ര, പരമാധികാര, സമൃദ്ധമായ ഉക്രെയ്ൻ കാണാനാണ് യുഎസ് ആഗ്രഹിക്കുന്നത്. ഉക്രെയ്നിലെ യുദ്ധഭൂമിയില് നിന്ന് പ്രധാന ലക്ഷ്യങ്ങൾക്കെതിരെ കൂടുതൽ കൃത്യമായി ആക്രമണം നടത്താന് ആ റോക്കറ്റുകള്ക്ക് കഴിയും,” പുതിയ ആയുധ കയറ്റുമതിയെക്കുറിച്ച് അദ്ദേഹം കൂട്ടിച്ചേർത്തു. അതേസമയം, ബുധനാഴ്ച യുഎസ് ഉക്രെയ്നിനായുള്ള പതിനൊന്നാമത്തെ സുരക്ഷാ സഹായ പാക്കേജ് അവതരിപ്പിക്കുമെന്ന് ഒരു മുതിർന്ന അഡ്മിനിസ്ട്രേഷൻ ഉദ്യോഗസ്ഥൻ സൂചിപ്പിച്ചു. അതിൽ ഹൈ മൊബിലിറ്റി ആർട്ടിലറി റോക്കറ്റ് സിസ്റ്റംസ് (ഹിമാർസ്) ഉൾപ്പെടുമെന്നും അദ്ദേഹം പറഞ്ഞു. “പ്രസിഡൻഷ്യൽ ഡ്രോഡൗൺ അതോറിറ്റിക്ക് കീഴിലുള്ള സുരക്ഷാ സഹായത്തിന്റെ 11-ാം ഘട്ടം നാളെ പ്രഖ്യാപിക്കും. ഹിമാർസ് പോലുള്ള ദീർഘദൂര…
അമേരിക്കയുമായി തായ്വാന്റെ ‘കൂട്ടുകെട്ട്’; ചൈന തായ്വാന് ചുറ്റും ജാഗ്രതാ റോന്തു ചുറ്റല് ശക്തമാക്കി
അമേരിക്കയും തായ്പേയിയും തമ്മിലുള്ള ഒത്തുകളിക്ക് മറുപടിയായി ചൈനീസ് സൈന്യം തായ്വാന് ചുറ്റുമുള്ള കടലുകളിലും വ്യോമമേഖലയിലും “ജാഗ്രതാ റോന്തു ചുറ്റല്” ശക്തമാക്കിയതായി ചൈനീസ് ലിബറേഷന് ആര്മി. “അടുത്തിടെയായി തായ്വാൻ വിഷയത്തിൽ അമേരിക്ക ഇടയ്ക്കിടെ പല നീക്കങ്ങളും നടത്തുന്നുണ്ട്. ഒന്ന് പറയുകയും മറ്റൊന്ന് ചെയ്യുകയും ചെയ്യുന്നു. തന്നെയുമല്ല, തായ്വാൻ സ്വാതന്ത്ര്യ സേനയ്ക്ക് പിന്തുണ നൽകുന്നു. ഇത് തായ്വാനെ അപകടകരമായ അവസ്ഥയിലേക്ക് തള്ളിവിടും,” പീപ്പിൾസ് ലിബറേഷൻ ആർമി ഈസ്റ്റേൺ തിയേറ്റർ കമാൻഡ് പ്രസ്താവനയിൽ പറഞ്ഞു. യുഎസ്-തായ്വാൻ ഒത്തുകളിക്ക് എതിരായ ഒരു ആവശ്യമായ നടപടിയാണ് ജാഗ്രതാ റോന്തു ചുറ്റല് എന്ന് ബുധനാഴ്ച പുറത്തുവിട്ട പ്രസ്താവനയില് കൂട്ടിച്ചേർത്തു. റോന്തു ചുറ്റല് എവിടെയാണ് നടന്നതെന്ന് കൃത്യമായി പ്രസ്താവനയിൽ വ്യക്തമാക്കിയിട്ടില്ല. തായ്പേയ്, ചൈനീസ് സൈനിക വിമാനങ്ങൾ നിരീക്ഷിക്കുന്ന പ്രദേശങ്ങളിൽ പറക്കുന്നത് ഭീഷണിയാണെന്ന് ആവർത്തിച്ച് പറയുന്നുണ്ട്. യുഎസ് സെനറ്ററുടെ തായ്പേയ് സന്ദർശനത്തിനെതിരെ ചൈനയുടെ വിമർശനം ഇരുപക്ഷവും തമ്മിലുള്ള ബന്ധം…
മൂന്നു വയസ്സുള്ള മകളെ കാറില് തനിച്ചാക്കി ഷോപ്പിംഗിനു പോയ അമ്മയെ അറസ്റ്റു ചെയ്തു
ഹൂസ്റ്റണ്: മൂന്നു വയസ് മാത്രം പ്രായമുള്ള മകളെ കാറില് തനിച്ചാക്കി ഷോപ്പിംഗിനു പോയ മാതാവിനെ പോലീസ് അറസ്റ്റു ചെയ്തു. മാര്സി ടയ്ലര് (36) എന്ന മാതാവിനെയാണ് ഞായറാഴ്ച നോര്ത്ത് ഗ്രാന്റ് പാര്ക്ക് വെ ടാര്ജറ്റ് പാര്ക്കിംഗ് ഏരിയയില് വെച്ച് അറസ്റ്റ് ചെയ്തത്. സ്റ്റാര്ട്ടാക്കി നിര്ത്തിയിട്ടിരുന്ന കാറില് മൂന്നു വയസ്സുകാരിയെ തനിയെ കണ്ട ആരോ പോലീസില് വിവരം അറിയിക്കുകയായിരുന്നു. പോലീസ് എത്തി പരിശോധിച്ചപ്പോള് കുട്ടിയെ തനിയെ കാറില് കണ്ടെത്തി. മിനിട്ടുകള്ക്കുള്ളില് മാതാവു തിരിച്ചെത്തി. പോലീസ് ചോദ്യം ചെയ്തപ്പോള് അഞ്ചു മനിട്ടു മാത്രമാണ് സ്റ്റോറില് ചിലവഴിച്ചതെന്നായിരുന്നു ഇവരുടെ മറുപടി. പോലീസിന്റെ വിശദമായ അന്വേഷത്തില് 30 മിനിട്ട് കുട്ടി കാറില് തനിയെയായിരുന്നു എന്നു കണ്ടെത്തി. ഇതിനെ തുടര്ന്നാണ് കുട്ടിക്ക് അപകടകരമാം വിധം കാറില് ഒറ്റക്ക് വിട്ട കുറ്റത്തിന് ഇവരെ പോലീസ് അറസ്റ്റു ചെയ്ത് ഹാരിസ്കൗണ്ടി ജയിലടച്ചത്. ഇവര്ക്ക് 25,000 ഡോളറിന്റെ ജാമ്യം…
ടെക്സാസിൽ വെടിയേറ്റ് മരിച്ച കുട്ടികൾക്ക് ആദരാഞ്ജലികളുമായി ക്നാനായ റീജിയണിലെ മിഷൻ ലീഗ്
ന്യൂജേഴ്സി: ടെക്സാസിലെ യുവാൽഡിയയിലെ പ്രൈമറി സ്കൂളിൽ വെടിയേറ്റ് മരിച്ച 19 കുട്ടികൾക്ക് അമേരിക്കയിലെ ക്നാനായ റീജിയണിലെ ചെറുപുഷ്പ മിഷൻ ലീഗ് അംഗങ്ങൾ പ്രാത്ഥനകൾ അർപ്പിച്ചു. ഈ കഴിഞ്ഞ ഞായറാഴ്ച ക്നാനായ റീജിയണിലെ വിവിധ ഇടവകളിൽ മിഷൻ ലീഗിന്റെ ആഭിമുഖ്യത്തിൽ പരേതർക്കു വേണ്ടി മെഴിത്തിരികൾ തെളിച്ചു പ്രത്യേക പ്രാത്ഥന ശുശൂഷകൾ നടത്തി. ന്യൂ ജേഴ്സി ക്രൈസ്റ്റ് ദി കിംഗ് ക്നാനായ കത്തോലിക്കാ പള്ളിയിലേയും ഫിലാഡൽഫിയ ക്നാനായ കത്തോലിക്കാ മിഷനിലെയും പ്രാത്ഥന ശുശൂഷകൾക്ക് മിഷൻ ലീഗ് റീജിയണൽ ഡയറക്ടർ ഫാ. ബിൻസ് ചേത്തലിൽ നേതൃത്വം നൽകി.
