Category: KERALA

വേങ്ങര: രാജ്യത്തിനാകമാനം മാതൃകയായി സഹവർത്തിത്വത്തോടെ ജീവിക്കുന്ന കേരളീയ സമൂഹത്തെ മതപരമായി വിഭജിക്കാൻ സിപിഎം ശ്രമിക്കുന്നുവെന്ന് വെൽഫെയർ പാർട്ടി സംസ്ഥാന പ്രസിഡൻറ് റസാഖ് പാലേരി . സിപിഎം സംസ്ഥാന സെക്രട്ടറി എംവി ഗോവിന്ദൻ ഇന്നലെ നടത്തിയ പ്രസ്താവന ഇതിൻ്റെ ഭാഗമാണ്. വയനാട് ലോകസഭാ മണ്ഡലത്തിൽ മുസ്ലിം വോട്ടർമാർ കൂടുതലുള്ളതുകൊണ്ടാണ് രാഹുൽ ഗാന്ധിയും പ്രിയങ്ക ഗാന്ധിയും വൻഭൂരിപക്ഷത്തിൽ ജയിച്ചതെന്നാണ് എം.വി ഗോവിന്ദൻ പറയുന്നത്. മുസ്ലിം സമൂഹത്തിൻറെ വോട്ട് വിനിയോഗത്തെ വർഗീയമായി ചിത്രീകരിച്ചു അപരവൽക്കരിക്കാനാണ് CPM ശ്രമിക്കുന്നത്. ചില മുസ്ലിം സംഘടനകൾക്കെതിരെയാണ് തങ്ങളുടെ പ്രചാരണം എന്ന് പറഞ്ഞ CPM ഇപ്പോൾ മുസ്ലിം സമൂഹത്തിനെതിരെ തന്നെ വംശീയ വിദ്വേഷം വമിപ്പിക്കുന്ന നിലപാട് സ്വീകരിക്കുകയാണ്. ഇൻഡ്യാ മുന്നണിക്കെതിരെ ഉത്തരേന്ത്യയിൽ BJP നടത്തിയ പ്രചാരണമാണ് കേരളത്തിൽ CPM നടത്തുന്നത്. വരാൻ പോകുന്ന തെരഞ്ഞെടുപ്പുകളിൽ ഭൂരിപക്ഷ സമൂഹത്തിന്റെ പിന്തുണ നേടിയെടുക്കാൻ മുസ്ലിം വിരോധം അതിൻ്റെ പാരമ്യതയിൽ ഉയർത്തുന്നതിൽ…

നോളജ് സിറ്റി: ഇന്ത്യന്‍ നിയമവ്യവസ്ഥ സാധാരണക്കാരായ പൊതുജനങ്ങള്‍ക്ക് പ്രാപ്യമല്ലെന്നും നീതി ലഭിക്കാന്‍ സുപ്രീം കോടതിയെ സമീപിക്കല്‍ സാധാരണ ജനങ്ങള്‍ക്ക് അത്ര എളുപ്പമല്ലെന്നും സാഹിത്യകാരന്‍ ടി ഡി രാമകൃഷ്ണന്‍ അഭിപ്രായപ്പെട്ടു. മര്‍കസ് നോളജ് സിറ്റിയിലെ വേള്‍ഡ് ഇന്‍സ്റ്റിറ്റ്യൂട്ട്് ഫോര്‍ റിസേര്‍ച്ച് ഇന്‍ അഡ്വാന്‍സ്ഡ് സയന്‍സസ് (വിറാസ്) ആര്‍ട്ട് ഫെസ്റ്റ് ‘ഒഫാര്‍ക്രിനോ’ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഉദ്ഘാടന സെഷനില്‍ വിറാസ് അക്കാദമിക് ഡയറക്ടര്‍ മുഹ്യുദ്ധീന്‍ ബുഖാരി അധ്യക്ഷത വഹിച്ചു. അഡ്വ. സുഹൈല്‍ സഖാഫി, ഡോ. അബ്ദു റഊഫ് ആശംസകള്‍ അറിയിച്ചു. നാല് വിഭാഗങ്ങളിലായി 182 മത്സരങ്ങളില്‍ 230ഓളം വിദ്യാര്‍ത്ഥികള്‍ ‘ഒഫാര്‍ക്രിനോ’യില്‍ മാറ്റുരക്കും. എ ഐ ബുക് നിര്‍മാണം, മൂട്ട് കോര്‍ട്ട്, മാസ്റ്റര്‍ പ്ലാന്‍ തയ്യാറാക്കല്‍, പോഡ്കാസ്റ്റ്, ഭരണഘടനാ നിര്‍മാണം, ശര്‍ഹ് തയ്യാറാക്കല്‍, പ്രോപ്റ്റ് ജെനറേഷന്‍ തുടങ്ങിയ മത്സരങ്ങളാണ് നടക്കുന്നത്. ഇന്ന് (ഞായറാഴ്ച) രാത്രിയോടെ ഫെസ്റ്റ് സമാപിക്കും.

കൊച്ചി: വന്യമൃഗങ്ങള്‍ക്ക് കടിച്ചുകീറി ഭക്ഷിക്കാന്‍ മനുഷ്യനെ എറിഞ്ഞുകൊടുക്കുന്ന ഭരണ നേതൃത്വങ്ങള്‍ മനുഷ്യമൃഗങ്ങള്‍ക്ക് തുല്യരെന്ന് ജനങ്ങള്‍ക്ക് ബോധ്യപ്പെടുന്നുവെന്നും, ജനങ്ങള്‍ക്ക് സംരക്ഷണം നല്‍കാത്ത ഭരണാധികാരികളെ ഈ നാടിന് ആവശ്യമില്ലെന്നും കാത്തലിക് ബിഷപ്സ് കോണ്‍ഫറന്‍സ് ഓഫ് ഇന്ത്യ ലെയ്റ്റി കൗണ്‍സില്‍ സെക്രട്ടറി ഷെവലിയര്‍ അഡ്വ.വി സി സെബാസ്റ്റ്യന്‍. വന്യജീവി അക്രമങ്ങളിലൂടെ കേരളത്തില്‍ ഓരോ ദിവസവും തുടര്‍ച്ചയായി മനുഷ്യജീവനുകളെടുത്തിട്ടും കണ്ണുതുറക്കാത്ത ഭരണാധികാരികള്‍ ജനാധിപത്യഭരണത്തിന് അപമാനമാണ്. രാജ്യത്തെ നിയമങ്ങള്‍ ജനങ്ങളുടെ സംരക്ഷണത്തിനുവേണ്ടിയാണ്. മൃഗങ്ങളെ സംരക്ഷിക്കുവാന്‍ നിയമം നിര്‍മ്മിച്ചവര്‍ക്ക് സ്വന്തം കൂടപ്പിറപ്പുകളെ സംരക്ഷിക്കുവാന്‍ വകുപ്പുകളില്ലെന്നുള്ള വാദം ലജ്ജാകരവും ചോദ്യം ചെയ്യപ്പെടേണ്ടതുമാണ്. മൃഗങ്ങള്‍ മനുഷ്യനെ കടിച്ച് വലിച്ചു കീറി കൊല ചെയ്യുമ്പോള്‍ ജനങ്ങള്‍ ജീവിക്കാന്‍ വേണ്ടി നിയമം കൈയിലെടുത്ത് ജനപ്രതിനിധികളെ തെരുവില്‍ തടയേണ്ട സാഹചര്യം സൃഷ്ടിക്കപ്പെടുന്നു. സ്വന്തം ജനസമൂഹത്തിന് സംരക്ഷണകവചം ഒരുക്കുന്നതില്‍ പരാജയപ്പെട്ട സംസ്ഥാന സര്‍ക്കാര്‍ കേന്ദ്രസര്‍ക്കാരിനെ പഴിചാരി ഒളിച്ചോട്ടം നടത്തുന്ന വിരോധാഭാസം വിലപ്പോവില്ല. അതിരൂക്ഷമായ വന്യജീവി…

വയനാട്: വയനാട് ജില്ലയിലെ മാനന്തവാടിയിൽ വെള്ളിയാഴ്ച പുലർച്ചെ ഒരു ആദിവാസി സ്ത്രീയെ കടുവ കൊന്നതിനെ തുടർന്ന് നാട്ടുകാള്‍ പ്രതിഷേധവുമായി രംഗത്തെത്തി. പഞ്ചാരക്കൊല്ലി വില്ലേജിലെ പ്രിയദർശിനി എസ്റ്റേറ്റിൽ കാപ്പി ചെറി പറിക്കുന്നതിനിടെയാണ് താത്കാലിക വനപാലകനായ അച്ചപ്പൻ്റെ ഭാര്യ രാധ (47)യെ കടുവ ആക്രമിച്ചത്. വെള്ളിയാഴ്ച രാവിലെ 11.30 ഓടെ മാവോയിസ്റ്റുകൾക്കായി പ്രദേശത്ത് പരിശോധന നടത്തിയിരുന്ന തണ്ടർബോൾട്ട് കമാൻഡോകളാണ് മൃതദേഹം കണ്ടെത്തിയത്. മൃതദേഹം മാനന്തവാടി സർക്കാർ മെഡിക്കൽ കോളേജിലേക്ക് മാറ്റി. ഭീഷണി കണക്കിലെടുത്ത് പഞ്ചാരക്കൊല്ലി, പിലാക്കാവ്, ജെസ്സി, ചിറക്കര എന്നീ ഗ്രാമങ്ങളിൽ ജനുവരി 27 വരെ കർഫ്യൂ ഏർപ്പെടുത്തിയിട്ടുണ്ട്. കോൺഗ്രസിൻ്റെ നേതൃത്വത്തിലുള്ള യുണൈറ്റഡ് ഡെമോക്രാറ്റിക് ഫ്രണ്ട് ശനിയാഴ്ച മാനന്തവാടിയിൽ ഹർത്താലിന് ആഹ്വാനം ചെയ്തു. വനത്തോട് ചേർന്ന് കിടക്കുന്ന എസ്റ്റേറ്റിൽ കടുവയുടെ സാന്നിധ്യം കുറച്ച് കാലമായി അനുഭവപ്പെട്ടിരുന്നെങ്കിലും വെള്ളിയാഴ്ച വരെ കടുവയെ കണ്ടിട്ടില്ലെന്ന് നാട്ടുകാർ പറഞ്ഞു. രോഷാകുലരായ ജനക്കൂട്ടം പട്ടികജാതി-വർഗ ക്ഷേമ…

തിരുവനന്തപുരം: ജനാധിപത്യത്തിന്റെ അടിസ്ഥാനമായ തിരഞ്ഞെടുപ്പ് പ്രക്രിയയുടെ സുതാര്യതയും വിശ്വാസ്യതയും ബോധ്യപ്പെടുത്തിയ മുതുകാടിന്റെ ബോധവത്കരണ ജാലവിദ്യ കാണികളില്‍ ആവേശം നിറച്ചു. ദേശീയ സമ്മതിദായക ദിനത്തിന് മുന്നോടിയായി സംസ്ഥാന മുഖ്യതിരഞ്ഞെടുപ്പ് ഓഫീസറുടെ കാര്യാലയത്തിന്റെയും ഡിഫറന്റ് ആര്‍ട് സെന്ററിന്റെയും സഹകരണത്തോടെ ഇന്നലെ (വെള്ളി) നടന്ന വീ ദ പീപ്പിള്‍ ബോധവ്തകരണ ജാലവിദ്യയാണ് കാണികള്‍ക്ക് വേറിട്ടൊരനുഭവമായത്. യോഗ്യരായ വ്യക്തികളെ തിരഞ്ഞെടുക്കല്‍, വോട്ടവകാശം ബൗദ്ധികപരമായി വിനിയോഗിക്കല്‍, തിരഞ്ഞെടുപ്പിന്റെ പ്രാധാന്യം, വിശ്വാസ്യത, ജനാധിപത്യരാജ്യത്തിന്റെ മഹത്വം, പൗരബോധം എന്നീ വിഷയങ്ങളിലൂന്നിയാണ് ഇലക്ഷൻ വകുപ്പിന്റെ സ്റ്റേറ്റ് ഐക്കൺ കൂടിയായ മുതുകാട് ഓരോ ഇന്ദ്രജാലവും അവതരിപ്പിച്ചത്. വാച്ച് യുവര്‍ വാച്ച് എന്ന തീമാറ്റിക് ഇന്ദ്രജാലത്തിലൂടെയാണ് ബോധവത്കരണ ജാലവിദ്യ പുരോഗമിച്ചത്. വാച്ച് എന്ന വാക്കിലെ ഓരോ അക്ഷരങ്ങള്‍ക്കും വൈസ് ഡിസിഷന്‍, ആക്ഷന്‍, ട്രസ്റ്റ്, സിവിക് സെന്‍സ്, ഹാര്‍മണി എന്നീ ആശയങ്ങളെ ചേര്‍ത്തുവച്ചാണ് നൂതനമായ ഇന്ദ്രജാല പരിപാടി അവതരിപ്പിച്ച് മുതുകാട് കൈയടി നേടിയത്.…

കേരള കോര്‍ട്ട് നിയമം ഭേദഗതി ചെയ്ത് കോര്‍ട്ട് ഫീ വര്‍ദ്ധിപ്പിക്കാനുള്ള ജസ്റ്റിസ് മോഹനന്‍ കമ്മീഷന്റെ ശുപാര്‍ശ അംഗീകരിക്കാനാവില്ലെന്ന് ജസ്റ്റീഷ്യ സംസ്ഥാന സെക്രട്ടറിയേറ്റ്. സാധാരണക്കാരുടെ മേല്‍ അമിതമായ കോടതി ഫീ ഭാരം ചുമത്തുന്ന കമ്മീഷന്റെ നിലപാട് സാധാരണക്കാര്‍ക്ക് നീതി അപ്രാപ്യമാക്കുന്നതിനാല്‍ കമ്മീഷന്റെ ശുപാര്‍ശ സര്‍ക്കാര്‍ തള്ളിക്കളയണമെന്നും, അഭിഭാഷകരും സാധാരണ ജനങ്ങളും കമ്മീഷന്റെ മുമ്പില്‍ അവതരിപ്പിച്ച ആവശ്യങ്ങളെ പരിഗണിക്കാതെ കോടതി ഫീ വര്‍ദ്ധിപ്പിച്ച് നീതി വ്യവഹാരങ്ങളെ തടസ്സപ്പെടുത്തുന്ന കമ്മീഷന്റെ നിലപാട് ജനാധിപത്യ മര്യാദയെ ലംഘിക്കുന്നതാണെന്നും കമ്മീഷന്‍ റിപ്പോര്‍ട്ടില്‍ പുന പരിശോധന നടത്താത്ത പക്ഷം പ്രതിഷേധ പരിപാടികളുമായി മുന്നോട്ടു പോകുമെന്നും ആയതിലേക്ക് എല്ലാ അഭിഭാഷ സംഘടനകളുമായും കൂട്ടായ പ്രതിഷേധപ്രവര്‍ത്തനങ്ങള്‍ നടത്തുമെന്നും പൊതുസമൂഹം അന്യായമായ ഈ കോട്ട്ഫി വര്‍ദ്ധനവിനെതിരെ പ്രതിഷേധിക്കണമെന്നും ജസ്റ്റീഷ്യ സംസ്ഥാന പ്രസിഡന്റ് അഡ്വക്കേറ്റ് കെ എല്‍ അബ്ദുല്‍സലാം ആഹ്വാനം ചെയ്തു. അഡ്വ. അബ്ദുല്‍ അഹദ് ജനറല്‍ സെക്രട്ടറി ജസ്റ്റീഷ്യ

കേന്ദ്ര മാനവ വിഭവശേഷി വകുപ്പ് കലാരംഗത്തെ ഗവേഷണത്തിന് നൽകുന്ന ജൂനിയർ ഫെലോഷിപ്പിന് കൂടിയാട്ട, നങ്ങ്യാർക്കൂത്ത് കലാകാരി കലാമണ്ഡലം സംഗീത അർഹയായി.കൂടിയാട്ടത്തിലെ പൗരാണിക വാചികഭിനയ രീതിയുടെ സവിശേഷതകളെകുറിച്ച് ആദ്യമായാണ് ഈ രീതിയിൽ പഠനം നടക്കുന്നത് എന്നതാണ് ഈ ഗവേഷണത്തെ പ്രസക്തമാക്കുന്നത്.യുവ കൂടിയാട്ട കലാകാരികളിൽ ശ്രദ്ദേയയായ സംഗീത ക്രിയാ നാട്യശാല എന്ന കൂടിയാട്ട കളരിയുടെ കാര്യദർശി കൂടിയാണ്.

തിരുവനന്തപുരം: ചൂണ്ടുവിരലില്‍ മഷിപുരട്ടി വോട്ടിംഗ് മെഷീനില്‍ ഇഷ്ടപ്പെട്ട സ്ഥാനാര്‍ത്ഥിക്ക് വോട്ട് ചെയ്ത്, സമ്മതിദാനാവകാശം വിനിയോഗിച്ച ആവേശത്തിലായിരുന്നു ഡിഫറന്റ് ആര്‍ട് സെന്ററിലെ ഭിന്നശേഷിക്കാര്‍. ജനാധിപത്യത്തിന്റെ സംരക്ഷണത്തില്‍ ഭിന്നശേഷിക്കാര്‍ക്കും അവകാശമുണ്ടെന്ന് തെളിയിക്കുന്നതായിരുന്നു ഇന്നലെ ഡിഫറന്റ് ആര്‍ട് സെന്ററില്‍ നടന്ന പ്രതീകാത്മക തിരഞ്ഞെടുപ്പ്. എല്ലാ മേഖലയിലുമെന്ന പോലെ തിരഞ്ഞെടുപ്പിലും ഭിന്നശേഷിക്കാരുടെ പ്രാതിനിധ്യം ഉറപ്പാക്കുക എന്ന ലക്ഷ്യത്തോടെയാണ് സംസ്ഥാന മുഖ്യതിരഞ്ഞെടുപ്പ് ഓഫീസറുടെ കാര്യാലയത്തിന്റെ സഹകരണത്തോടെ സെന്ററില്‍ തിരഞ്ഞെടുപ്പ് സംഘടിപ്പിച്ചത്. പ്രസിഡന്റ്, പ്രധാനമന്ത്രി സ്ഥാനത്തേയ്ക്ക് നടന്ന തിരഞ്ഞെടുപ്പില്‍ 64 ശതമാനം പോളിംഗ് രേഖപ്പെടുത്തി. 13 പേരാണ് മത്സരരംഗത്തുണ്ടായിരുന്നത്. പ്രസിഡന്റ് സ്ഥാനത്തേയ്ക്ക് ഹസ്‌നയും പ്രധാനമന്ത്രി സ്ഥാനത്തേയ്ക്ക് ജോണ്‍ ജോസും തിരഞ്ഞെടുക്കപ്പെട്ടു. ഇന്‍ക്ലൂസീവ് ഇലക്ഷന്‍ 2025 എന്ന പേരില്‍ സംഘടിപ്പിച്ച തിരഞ്ഞെടുപ്പ് പ്രക്രിയ ചീഫ് ഇലക്ട്രല്‍ ഓഫീസര്‍ ഡോ. രത്തന്‍ യു ഖേല്‍ക്കര്‍ ഐ.എ.എസ് ഉദ്ഘാടനം ചെയ്തു. ജനാധിപത്യരാജ്യത്തെ പൗരാവകാശം ഫലപ്രദമായി വിനിയോഗിക്കേണ്ടത് ഓരോ പൗരന്റെയും കടമയാണ്.…