Year: 2022

തിരുവനന്തപുരം: ബംഗാൾ ഉൾക്കടലിൽ രൂപം കൊണ്ട ന്യൂനമർദം ശക്തി പ്രാപിക്കാൻ സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. കഴിഞ്ഞ ദിവസങ്ങളിൽ കേരളത്തിൽ ലഭിച്ച കനത്ത മഴയ്ക്ക് ശമനമുണ്ടായെങ്കിലും മഴ വീണ്ടും ശക്തമാകുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. എട്ട് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്. കോട്ടയം, ഇടുക്കി, തൃശ്ശൂര്‍, പാലക്കാട്, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട്. വടക്ക് പടിഞ്ഞാറന്‍ ബംഗാള്‍ ഉള്‍ക്കടലില്‍ ഒഡിഷ-പശ്ചിമബംഗാള്‍ തീരത്തിന് മുകളിലായി രൂപപ്പെട്ട ന്യൂനമര്‍ദം വരും മണിക്കൂറുകളില്‍ അതി തീവ്ര ന്യൂനമര്‍ദമായേക്കും. തെക്കന്‍ മഹാരാഷ്ട്ര തീരം മുതല്‍ വടക്കന്‍ കേരള തീരം വരെ ന്യൂനമര്‍ദ പാത്തിയും രൂപപ്പെട്ടിരിക്കുന്നു.ഇതിനാലാണ് വടക്കന്‍ കേരളത്തില്‍ മഴ ശക്തമാകുന്നത്. ഇതുകൂടാതെ, മധ്യ-കിഴക്കൻ അറബിക്കടലിൽ ഒരു ചക്ര വാതച്ചുഴിയും നിലവിലുണ്ട്. ഓഗസ്റ്റ് 11 വരെ ഒറ്റപ്പെട്ട കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ…

മലപ്പുറം: സംസ്ഥാനത്തെ കനത്ത മഴയിൽ റോഡുകൾ തകർന്നപ്പോൾ വേറിട്ട പ്രതിഷേധവുമായി ഒരു യുവാവ്. പാണ്ടിക്കാട് ഒട്ടോമ്പറ്റ സ്വദേശി ഹംസ പൊർളി (35) യാണ് റോഡിലെ കുഴികളിൽ കുളിച്ച് വസ്ത്രങ്ങൾ അലക്കി പ്രതിഷേധിച്ചത്. പ്രതിഷേധത്തിനിടെ അഡ്വ. യു എ ലത്തീഫ് എംഎൽഎയും പ്രതിഷേധത്തിന് സാക്ഷിയായി. റോഡുകളുടെ ശോചനീയാവസ്ഥ പരിഹരിക്കാൻ ശ്രമം നടക്കുന്നുണ്ടെന്ന് എംഎൽഎ മറുപടി നൽകി. പാണ്ടിക്കാട് ടൗണുമായി ബന്ധിപ്പിക്കുന്ന മഞ്ചേരി റോഡ് ഒഴികെയുള്ള റോഡുകളിലൂടെയുള്ള യാത്ര തീർത്തും ദുരിതപൂർണമാണ്. മഴ കനത്തതോടെ കുഴികളിൽ വെള്ളം നിറഞ്ഞ് അപകടങ്ങൾ പതിവായിരിക്കുകയാണ്. അതിനിടെയാണ് വ്യത്യസ്‌ത പ്രതിഷേധങ്ങളിലൂടെ ശ്രദ്ധേയനായ ഹംസ വീണ്ടും രംഗത്തിറങ്ങിയത്. അസർ മുഹമ്മദ്, നസീം ഒടോമ്പറ്റ, ഷിനോജ് പരിയാരത്ത്, ഫർഹാൻ കുറ്റിപ്പുളി എന്നിവരും പ്രതിഷേധത്തിന്‍റെ ഭാഗമായി.

തിരുവനന്തപുരം: കേരളത്തിന്റെ വ്യാവസായിക പിന്നോക്കാവസ്ഥയ്ക്ക് കാരണം ഇവിടെ വൈശ്യർ ഇല്ലാത്തതുകൊണ്ടാണെന്ന് മുൻ ധനമന്ത്രിയും സി.പി.എം നേതാവുമായ ഡോ. തോമസ് ഐസക്. ഒരു മാധ്യമത്തിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. കേരളത്തിന്റെ വ്യാവസായിക വളര്‍ച്ചയെ തടസപ്പെടുത്തുന്നത് തീവ്ര ട്രേഡ് യൂണിയനിസമാണോ എന്ന ചോദ്യത്തിനുള്ള ഉത്തരമായാണ് തോമസ് ഐസക്കിന്റെ പ്രസ്താവന. സംസ്ഥാനത്തിന്റെ വ്യാവസായിക പിന്നോക്കാവസ്ഥയക്ക് മറ്റൊരു കാരണം ഇവിടെ ഒരു സംരംഭക സംസ്‌കാരം നിലനില്‍ക്കുന്നില്ല എന്നതുകൊണ്ടാണ്. മറ്റ് സംസ്ഥാനങ്ങളിലെപ്പോലെ മാര്‍വാഡികളോ ചെട്ടിയാര്‍മാരോ പോലെയുള്ള കച്ചവടക്കാരോ വ്യവസായ വര്‍ഗങ്ങളോ കേരളത്തില്‍ ഉണ്ടായിരുന്നില്ല. ഇവിടെ വ്യാവസായിക പിന്നോക്കാവസ്ഥ ട്രേഡ് യൂണിയനുകൾ മൂലമല്ല, മറിച്ച് കേരളത്തിലെ ജാതി വ്യവസ്ഥയുടെ പ്രത്യേകതയായ വൈശ്യരുടെ അഭാവമാണ്. മുംബൈയിൽ ശക്തമായ ട്രേഡ് യൂണിയൻ സംവിധാനമുണ്ടെങ്കിലും മഹാരാഷ്ട്ര അസൂയാവഹമായ വ്യാവസായിക പുരോഗതി കൈവരിച്ചതായി അദ്ദേഹം ചൂണ്ടിക്കാട്ടി.

പാലക്കാട്: കുളത്തിൽ വീണ സഹോദരിയെ രക്ഷിക്കാൻ ശ്രമിക്കുന്നതിനിടെ സഹോദരി മുങ്ങിമരിച്ചു. കരിപ്പോട് അടിച്ചിറ സ്വദേശി പരേതനായ ശിവദാസിന്റെയും ശശികലയുടെയും മകൾ ശിഖ ദാസാണ് മരിച്ചത്. പെരുമാട്ടി വണ്ടിത്താവളം മേലെ ഏത്താണിയിലെ ഒരു സ്വകാര്യ വ്യക്തിയുടെ സ്ഥലത്തെ കുളത്തിലാണ് പ്ലസ് ടു വിദ്യാര്‍ത്ഥിനിയായ ശിഖ വീണത്. ശിഖയും സഹോദരി ശിൽപയും പ്രദേശത്തെ സുഹൃത്തിന്റെ വീട്ടിലെത്തിയതാണ്. തുടർന്ന് ഇരുവരും സുഹൃത്തിനൊപ്പം വയലിൽ നടക്കാൻ പോയതാണ്. ഇതിനിടയിൽ അനിയത്തി ശിൽപയുടെ കാലിൽ ചെളി പുരണ്ടു. ഇത് കഴുകാൻ ശിൽപ സമീപത്തെ കുളത്തിനടുത്തെത്തി കാല്‍ കഴുകുന്നതിനിടെ കുളത്തിലേക്ക് വഴുതി വീഴുകയായിരുന്നു. ഇതു കണ്ട ശിഖ അനിയത്തിയെ രക്ഷിക്കാന്‍ കുളത്തിലേക്ക് ചാടി. എന്നാല്‍, ശില്പ സമീപത്തെ പുല്ലിൽ പിടിച്ച് കരയില്‍ കയറി. പക്ഷെ, ശിഖ കുളത്തിൽ മുങ്ങുകയായിരുന്നു.

കൊച്ചി: മഴക്കെടുതിയിൽ ദുരിതാശ്വാസ ക്യാമ്പുകൾ പ്രവർത്തിക്കുന്ന എറണാകുളം, ഇടുക്കി, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്കും, പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും നാളെ അവധി പ്രഖ്യാപിച്ചു. ഇടുക്കി ജില്ലയിലെ ദേവികുളം, പീരുമേട് താലൂക്കുകളിലും അവധി പ്രഖ്യാപിച്ചിട്ടുണ്ട്. ബൈസൻവാലി, ചിന്നക്കനാൽ പഞ്ചായത്തുകളിലും അവധി ബാധകമാണ്. ഇടമലയാര്‍ ഡാം തുറക്കുന്ന സാഹചര്യത്തില്‍ പെരിയാര്‍ തീരത്ത് ജാഗ്രതാ നിര്‍ദേശം പുറപ്പെടുവിച്ചിട്ടുണ്ട്. ദുരിതാശ്വാസ ക്യാമ്പുകള്‍ സ്ഥിതിചെയ്യുന്ന വിദ്യാഭ്യാസ സ്ഥാപനങ്ങള്‍ക്ക് അവധി ആയിരിക്കുമെന്ന് എറണാകുളം ജില്ലാ കലക്ടര്‍ അറിയിച്ചു. നേരത്തെ, കോട്ടയം, ആലപ്പുഴ ജില്ലകളില്‍ ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്ന വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചിരുന്നു.

കൊച്ചി: ഇന്ത്യൻ ആർമിയിലെ ലെഫ്റ്റനന്റ് കേണൽ കൂടിയായ നടൻ മോഹൻലാൽ, കൊച്ചിൻ ഷിപ്പ്‌യാർഡ് ലിമിറ്റഡിൽ ഉടൻ കമ്മീഷൻ ചെയ്യാനിരിക്കുന്ന ഇന്ത്യയിലെ ആദ്യത്തെ തദ്ദേശീയ എയർക്രാഫ്റ്റ് കാരിയർ (ഐഎസി) വിക്രാന്ത് സന്ദർശിച്ചു. ഇന്ത്യൻ ആർമിയിലെ റിട്ടയേർഡ് മേജറും നടനും മലയാളത്തിലെ സംവിധായകനുമായ മേജർ രവിയും മോഹൻലാലിനൊപ്പം വിക്രാന്ത് സന്ദർശിച്ചു. മോഹന്‍ലാല്‍ തന്നെയാണ് സന്ദര്‍ശനത്തിന്റെ ചിത്രങ്ങള്‍ സോഷ്യല്‍ മീഡിയയില്‍ പങ്കുവച്ചത്. സന്ദർശനത്തിന് ശേഷം, മോഹൻലാൽ തന്റെ സോഷ്യൽ മീഡിയ അക്കൗണ്ടിലൂടെ തന്റെ ചിന്തകൾ പങ്കുവെച്ചു, “ഇന്ത്യയുടെ ആദ്യ തദ്ദേശീയ വിമാനവാഹിനിക്കപ്പലിൽ (ഐ‌എസി) എത്തിയതിൽ ബഹുമാനമുണ്ട്, കേരളത്തിലെ കൊച്ചിൻ ഷിപ്പ്‌യാർഡ് ലിമിറ്റഡിൽ നിർമ്മിച്ച വിക്രാന്ത് ഉടൻ കമ്മീഷൻ ചെയ്യും. ഇന്ത്യൻ നാവികസേനയെ കൂടുതൽ ശക്തിപ്പെടുത്തുകയും ഇന്ത്യയുടെ കപ്പൽനിർമ്മാണ കഴിവുകൾ പ്രദർശിപ്പിക്കുകയും ചെയ്യുന്ന ഒരു യഥാർത്ഥ എഞ്ചിനീയറിംഗ് അത്ഭുതമാണ് വിക്രാന്ത്,” അദ്ദേഹം എഴുതി. 13 വര്‍ഷം നീണ്ട നിര്‍മ്മാണ പ്രവര്‍ത്തനങ്ങള്‍ക്ക് ശേഷം വിക്രാന്ത്…

ന്യൂമെക്സിക്കോ: കഴിഞ്ഞ ഒമ്പത് മാസത്തിനിടെ യുഎസിലെ തെക്കുപടിഞ്ഞാറൻ സംസ്ഥാനമായ ന്യൂ മെക്സിക്കോയില്‍ മൂന്ന് മുസ്ലീം പുരുഷന്മാരുടെ കൊലപാതകങ്ങൾ അവരുടെ വിശ്വാസവും വംശവുമായി ബന്ധപ്പെട്ടിരിക്കാമെന്ന് ലോക്കൽ പോലീസ്. കഴിഞ്ഞ പത്ത് ദിവസത്തിനുള്ളിൽ ആൽബുകെർക്കിയിൽ ഒരു മുസ്ലിം പള്ളിയിലെ രണ്ട് അംഗങ്ങൾ വെടിയേറ്റ് മരിച്ചു. നവംബറിൽ നടന്ന ഒരു അഫ്ഗാൻ കുടിയേറ്റക്കാരന്റെ കൊലപാതകവുമായി ബന്ധപ്പെട്ടതാണ് അവരുടെ മരണത്തിന് ശക്തമായ സാധ്യതയെന്ന് സിറ്റി പോലീസ് ഉദ്യോഗസ്ഥൻ പറഞ്ഞു. മൂന്ന് കേസുകളിലും ഇരകളെ മുന്നറിയിപ്പില്ലാതെ പതിയിരുന്ന് വെടിവെച്ചു കൊല്ലുകയായിരുന്നു എന്ന് സിറ്റി പോലീസ് വെളിപ്പെടുത്തി. “എല്ലാ ഇരകളിലും ശക്തമായ ഒരു സാമ്യതയുണ്ട് – അവരുടെ വംശവും മതവും,” ഒരു പത്രസമ്മേളനത്തിൽ അൽബുക്കർക് പോലീസ് ഡെപ്യൂട്ടി കമാൻഡർ കൈൽ ഹാർട്‌സോക്ക് പറഞ്ഞു. “ഞങ്ങളുടെ കമ്മ്യൂണിറ്റിയിൽ ഇത്രയും ഭയം ഞങ്ങൾ ഇതിനു മുന്‍പ് അനുഭവിച്ചിട്ടില്ല,” ഇസ്ലാമിക് സെന്റർ ഓഫ് ന്യൂ മെക്സിക്കോയുടെ വക്താവ് താഹിർ ഗൗബ…

ഒക്കലഹോമ: 19 മത് ഐ.പി.സി ഫാമിലി കോൺഫറന്‍സ് 2024 ആഗസ്റ്റ് 1,2,3 തീയതികളിൽ ബോസ്റ്റണിലെ ന്യൂ ഇംഗ്ലണ്ട് പട്ടണത്തിൽ വെച്ച് നടത്തപ്പെടും. പാസ്റ്റർ ഡോ. തോമസ് ഇടിക്കുള നാഷണൽ കൺവീനർ, ബ്രദർ വെസ്ളി മാത്യൂ നാഷണൽ സെക്രട്ടറി, ബ്രദർ ബേവൻ തോമസ് നാഷണൽ ട്രഷറാർ, സിസ്റ്റർ രേഷ്മ തോമസ് ലേഡീസ് കോർഡിനേറ്റർ തുടങ്ങിയവർ നേതൃത്വം നൽകും.

ഒക്കലഹോമ : ഇൻഡ്യാ പെന്തക്കോസ്ത് ദൈവസഭ 18 മത് നോർത്തമേരിക്കൻ കോൺഫ്രൻസ് ഒക്കലഹോമയിൽ സമാപിച്ചു. 7 ന് ഞായറാഴ്ച പാസ്റ്റർ കെ.എ മാത്യു വിന്റെ പ്രാർത്ഥനയോടെ ആരംഭിച്ച സംയുക്ത സഭാ യോഗത്തിൽ പാസ്റ്റർ ജോസഫ് വില്യംസ് അദ്ധ്യക്ഷത വഹിച്ചു. പാസ്റ്റർ ജോണ് ചാക്കോ, സിസ്റ്റർ മറിയാമ്മ തോമസ്, ബ്രദർ അനിൽ ഇലന്തുർ എന്നിവർ അനുഭവ സാക്ഷ്യം പ്രസ്താവിച്ചു. തുടർന്ന് നടന്ന ഭക്തിനിർഭരമായ തിരുവത്താഴ ശുശ്രൂഷയ്ക്ക് നാഷണൽ കൺവീനർ പാസ്റ്റർ പി.സി ജേക്കബ് മുഖ്യ കാർമ്മികത്വം വഹിച്ചു. പാസ്റ്റർമാരായ ബഥേൽ ജോൺസൺ, കെ. വി ജോസഫ്, പാസ്റ്റർ എൻ.ജെ എബ്രാഹം എന്നിവർ സഹകാർമ്മികത്വം വഹിച്ചു. പാസ്റ്റർ കെ.പി.മാത്യു ഡാളസ് സങ്കിർത്തനം വായിക്കുകയും പാസ്റ്റർ ജെയിംസ് ജോർജ് തിരുവചന സന്ദേശം നൽകുകയും ചെയ്തു. റവ. ഡോ. വത്സൻ ഏബ്രഹാം, റവ.ജേക്കബ്‌ മാത്യു എന്നിവർ സംയുക്ത ആരാധനയിൽ മുഖ്യ പ്രഭാഷണം നടത്തി.…