Year: 2022

ഓസ്റ്റിന്‍: ഷിക്കാഗോ സീറോ മലബാര്‍ രൂപതയിലെ ടെക്‌സാസ് – ഒക്ലഹോമ റീജണിലെ സീറോ മലബാർ പാരീഷുകൾ പെങ്കെടുക്കുന്ന നാലാമത് ഇന്റര്‍ പാരീഷ് സ്‌പോര്‍ട്‌സ് ഫെസ്റ്റിനു (ഐപിഎസ്എഫ് 2022) ഓസ്റ്റിനിൽ വർണ്ണശബളമായ തുടക്കം. ഷിക്കാഗോ സീറോ മലബാര്‍ രൂപതാ മെത്രാൻ മാർ ജോയ് ആലപ്പാട്ട്‌ തിരി തെളിച്ചു ഉദ്ഘാടനം നിർവഹിച്ചു. ഫാ കുര്യൻ നെടുവേലിചാലുങ്കൽ (പ്രൊക്യൂറേറ്റർ), ഫെസ്റ്റ് ചെയർമാനും ഓസ്റ്റിൻ ഇടവക വികാരിയുമായ ഫാ.ആന്റോ ആലപ്പാട്ട്, ഐപിഎസ്എഫ് ചീഫ് കോര്‍ഡിനേറ്റര്‍ മേജര്‍ ഡോ.അനീഷ് ജോര്‍ജ്, ഫാ ജോണിക്കുട്ടി പുലിശ്ശേരി, ഫാ ക്രിസ്റ്റി പറമ്പുക്കാട്ടിൽ , ഫാ പോൾ കൊടകരക്കാരൻ , ഫാ കെവിൻ മുണ്ടക്കൽ തുടങ്ങി റീജണിലെ മറ്റു വൈദികരും, ജിബി പാറയ്ക്കൽ ( മുഖ്യ സ്പോൺസർ, പിഎസ്ജി ഗ്രൂപ്പ് ഓഫ് കമ്പനീസ് ) മറ്റു റീജണൽ കോർഡിനേറ്റേറുമാരും ചടങ്ങുകളിൽ സന്നിഹിതരായിരുന്നു. റീജണിലെ വിശ്വാസികളുടെ കൂട്ടായ്മാക്കും ദൈവമഹത്വത്തിനായും ഈ…

ഹൂസ്റ്റൺ: ഇന്ത്യൻ സ്വാതന്ത്ര്യ പ്ലാറ്റിനം ജൂബിലി ആഘോഷത്തോടനുബന്ധിച്ച്‌ മാതൃരാജ്യത്തിന്റെ കര – നാവിക – വ്യോമ സേനകളിൽ സേവനമനുഷ്ടിച്ചുള്ള ഹൂസ്റ്റൺ നിവാസികളായ സൈനികരെ ആദരിക്കുന്നു. ഓവർസീസ് ഇന്ത്യൻ കൾച്ചറൽ കോൺഗ്രസ് യുഎസ്എ (ഒഐസിസിയുഎസ്എ) ഹൂസ്റ്റൺ ചാപ്റ്ററിന്റെ ആഭിമുഖ്യത്തിൽ നടത്തപ്പെടുന്ന ഇന്ത്യയുടെ സ്വാതന്ത്ര്യത്തിന്റെ 75 – മത് വാർഷികാഘോഷത്തോടനുബന്ധിച്ചാണ് ആദരിക്കൽ ചടങ്ങു നടത്തപ്പെടുന്നത്. ഓഗസ്റ്റ് 14 നു ഞായറാഴ്ച വൈകുന്നേരം 5.30 നു മിസ്സോറി സിറ്റിയിലുള്ള അപ്നാ ബസാർ ഹാളിൽ ( 2437, FM 1092 Rd, Missouri City, TX 77489) വച്ച് നടക്കുന്ന ചടങ്ങിൽ പ്രസിഡണ്ട് വാവച്ചൻ മത്തായി അദ്ധ്യക്ഷത വഹിയ്ക്കും. മലയാളികളുടെ അഭിമാനവും ആദരണീയരുമായ ഫോർട്ബെൻഡ് കൗണ്ടി ജഡ്ജ് കെ.പി.ജോർജ്, മിസോറി സിറ്റി മേയർ റോബിൻ ഇലക്കാട്ട്, ഫോർട്ബെൻഡ് കൗണ്ടി കോർട്ട് ജഡ്ജ് ജൂലി മാത്യു, സ്റ്റാഫോർഡ് സിറ്റി പ്രോടെം മേയർ കെൻ മാത്യു…

കണ്ണൂർ: മുസ്ലിം സമുദായത്തിൽ ഇംഗ്ലീഷ് വിദ്യാഭ്യാസം നേടിയ മലബാറിലെ ആദ്യ വനിത മാളിയേക്കൽ മറിയുമ്മ (97) അന്തരിച്ചു. വാര്‍ധക്യസഹജമായ അസുഖത്തെ തുടര്‍ന്ന് ചികിത്സയിലായിരുന്നു. മാളിയേക്കലിലെ വീട്ടില്‍ പൊതുദര്‍ശനത്തിന് ശേഷം രാത്രി പതിനൊന്നിന് അയ്യലത്തെ പള്ളിയില്‍ ഖബറടക്കും. തലശ്ശേരിയുടെ ചരിത്രത്തോടൊപ്പം കാൽപ്പാടുകൾ പതിപ്പിച്ച ഒരാളെയാണ് നമുക്ക് നഷ്ടമായത്. യാഥാസ്ഥിതികരുടെ വിലക്കുകൾ അവഗണിച്ച അവര്‍ ഇംഗ്ലീഷ് വിദ്യാഭ്യാസം നേടി മറ്റുള്ളവർക്ക് വഴികാട്ടിയായിരുന്നു എന്ന് മുഖ്യമന്ത്രി വിശേഷിപ്പിച്ചു. സ്ത്രീകളുടെ ഉന്നമനത്തിനും അവരുടെ വിദ്യാഭ്യാസ അവകാശങ്ങൾക്കും വേണ്ടി പ്രവർത്തിച്ചു. എന്നും പുരോഗമന മനസ്സ് പ്രകടിപ്പിച്ച മാളിയേക്കൽ മറിയുമ്മ മത സാഹോദര്യത്തിന്റെ പ്രതീകമായിരുന്നു. അവരുടെ വേർപാട് ഒരു നാടിനേയും നിരവധി തലമുറകളേയും ദുഃഖത്തിലാഴ്ത്തും. ആ ദുഃഖത്തിൽ പങ്കുചേരുന്നുവെന്നും മുഖ്യമന്ത്രി പറഞ്ഞു.

ലോക മലയാളി പ്രേക്ഷകരുടെ പ്രശംസ ഏറ്റുവാങ്ങിയ ഫ്‌ളവേഴ്‌സ് ചാനൽ ടോപ് സിംഗറിന്റെ ഫസ്റ്റ് റണ്ണറപ്പായ സീതാലക്ഷ്മിയെ പ്രേംനസീർ സുഹൃദ് സമിതി ആദരിക്കും. ഓഗസ്റ്റ് 16ന് തിരുവനന്തപുരം പൂജപ്പുര ശ്രീചിത്തിര തിരുനാൾ ഓഡിറ്റോറിയത്തിൽ നടക്കുന്ന നാലാമത് പ്രേംനസീർ ടെലിവിഷൻ അവാർഡ് ദാന ചടങ്ങിൽ സീതാ ലക്ഷ്മിയെ അനുമോദിക്കുമെന്ന് സമിതി സെക്രട്ടറി ബാദുഷ അറിയിച്ചു.

മമ്മൂട്ടി ഫാൻസ് (MFWAI) തിരുവനന്തപുരം ജില്ലാ കമ്മിറ്റിയുടെ ഒരു വർഷം നീണ്ട ജീവകാരുണ്യ പ്രവർത്തനങ്ങൾക്ക് മമ്മൂട്ടി അഭിനന്ദനങ്ങൾ അറിയിച്ചു. എറണാകുളത്ത് ചിത്രീകരണം നടക്കുന്ന ഉണ്ണികൃഷ്ണന്റെ സിനിമയുടെ സെറ്റിൽ വച്ചായിരുന്നു അഭിനന്ദനം. ഒരു കൊല്ലത്തെ ജീവകാരുണ്യ പ്രവർത്തനങ്ങളുടെ വിശദാംശങ്ങളടങ്ങിയ ഡയറി പരിശോധിച്ച മമ്മൂട്ടി, ഈ പ്രവർത്തനങ്ങൾ ഏറെ സന്തോഷകരമാണെന്ന് വ്യക്തമാക്കി. എംഎഫ്ഡബ്ല്യുഎഐ സംസ്ഥാന പ്രസിഡന്റ് അരുൺ, സംസ്ഥാന രക്ഷാധികാരികളായ ഭാസ്കർ, അശോകൻ, ജില്ലാ സെക്രട്ടറി റഫീഖ്, ട്രഷറർ നൗഫൽ, വൈസ് പ്രസിഡന്റ് സജീർ, ജോയിന്റ് സെക്രട്ടറി ശ്യാം, എക്സിക്യൂട്ടീവ് അംഗങ്ങളായ ബൈജു, വിമൽ എന്നിവർ പങ്കെടുത്തു.

തൃശൂർ: ചാലക്കുടിപ്പുഴയിൽ ജലനിരപ്പ് മാറ്റമില്ലാതെ 7.27-ല്‍ തന്നെ തുടരുന്നതായി റവന്യൂ മന്ത്രി കെ. രാജൻ. രാത്രിയിൽ അധികം മഴ പെയ്തില്ല എന്നത് ആശ്വാസമായി. എങ്കിലും ജാഗ്രത തുടരണമെന്നും മന്ത്രി പറഞ്ഞു. ഇടുക്കിയിലും തെക്കൻ ജില്ലകളിലും മാത്രമാണ് കൂടുതൽ മഴ ലഭിച്ചത്. മഴ തെക്കൻ കർണാടകയിലേക്ക് മാറുകയാണെന്നും മന്ത്രി കൂട്ടിച്ചേർത്തു. അതേസമയം, മുല്ലപ്പെരിയാറിൽ രണ്ടാം മുന്നറിയിപ്പ് ആയില്ലെന്നും ഇടുക്കി ജില്ലയിലുള്ള എന്‍ഡിആര്‍എഫ് ടീമിനെ മുല്ലപ്പെരിയാറിലേക്ക് വിന്യസിക്കുമെന്നും മന്ത്രി പറഞ്ഞു. മുല്ലപ്പെരിയാർ ഡാമിലെ ജലനിരപ്പ് രാവിലെ 137.15 അടിയായി. ഡാം രാവിലെ തുറന്നേക്കും. ഡാമിലെ ജലനിരപ്പ് ഇന്നലെ രാത്രി 136 അടി പിന്നിട്ടതിനു പിന്നാലെ തമിഴ്നാട് ആദ്യഘട്ട മുന്നറിയിപ്പ് നൽകിയിരുന്നു. അധിക ജലം കൊണ്ടുപോകാൻ കഴിയാത്ത സ്ഥിതിയിലാണ് തമിഴ്നാട്. വൈഗ അണക്കെട്ട് നിറഞ്ഞതിനാൽ തുറന്നുവിട്ടിരിക്കുകയാണ്.