Year: 2022

കിഡ്‌നി ഫെഡറേഷൻ ഓഫ് ഇന്ത്യ ചെയർമാൻ ഫാദർ ഡേവിസ് ചിറമേൽ ഹ്രസ്വസന്ദർശനത്തിനായി അമേരിക്കയിലെത്തുന്നു. ജൂലൈ 7 ന് അമേരിക്കയിലെത്തുന്ന ഫാദർ ഡേവിസ് ചിറമേൽ വിവിധ പരിപാടികളിൽ പങ്കെടുത്ത ശേഷം ജൂലൈ 25 ന് മടങ്ങി പോകും. 5 വർഷങ്ങൾക്ക് ശേഷമാണ് ഫാദർ ഡേവിസ് ചിറമേൽ വീണ്ടും അമേരിക്ക സന്ദർശിക്കുന്നത് . കഴിഞ്ഞ അമേരിക്കൻ സന്ദർശനത്തിന് ശേഷം നാട്ടിലെത്തി അദ്ദേഹം ആരംഭിച്ച ഹങ്കർ ഹൻഡ് , ക്ലോത്ത് ബാങ്ക് , ഹൃദയപൂർവം പ്രവാസി എന്നീ പദ്ധതികൾ വൻ വിജയമായിരുന്നു. അമേരിക്കൻ മലയാളികൾ ഉൾപ്പെടെയുള്ള പ്രവാസി മലയാളികളുടെ സഹകരണം ഈ പദ്ധതികളുടെ വിജയത്തിന് സഹായകരമായി. കൂടുതൽ വിവരങ്ങൾക്ക്: 305 776 7752

വാഷിംഗ്ടൺ: ഇന്ത്യയെ മതസ്വാതന്ത്ര്യത്തിന്റെ നഗ്നമായ ലംഘനമായി മുദ്രകുത്താൻ സ്റ്റേറ്റ് ഡിപ്പാർട്ട്‌മെന്റിനെ പ്രേരിപ്പിക്കുന്ന പ്രമേയം ജനപ്രതിനിധിസഭയിൽ പാക്കിസ്താന്‍ അനുകൂല യുഎസ് ജനപ്രതിനിധികള്‍ അവതരിപ്പിച്ചു. പ്രതിനിധികളായ റാഷിദ ത്ലൈബ്, ജിം മക്ഗവർൺ, ജുവാൻ വർഗാസ് എന്നിവരെല്ലാം ഡെമോക്രാറ്റുകളും പാക്കിസ്താനെ പിന്തുണയ്ക്കുന്നതിൽ പ്രശസ്തയായ ജനപ്രതിനിധി സഭയിലെ ഡെമോക്രാറ്റിക് അംഗവുമായ ഇൽഹാൻ ഒമറിനൊപ്പം പ്രമേയത്തിന്റെ സഹ-സ്‌പോൺസർമാരുമാണ്. കോൺഗ്രസിലേക്ക് തിരഞ്ഞെടുക്കപ്പെട്ട ആദ്യത്തെ മുസ്ലീം അമേരിക്കൻ വനിതകൾ ഒമറും റാഷിദ ത്ലൈബുമാണ്. ലോകമെമ്പാടുമുള്ള മുസ്ലീങ്ങൾ നേരിടുന്ന ഭീഷണികളെയും ബുദ്ധിമുട്ടുകളെയും കുറിച്ച് ഇരുവരും ഇടയ്ക്കിടെ ചർച്ച ചെയ്യുന്നു. നിയമനിർമ്മാണത്തിൽ നിന്ന് വ്യത്യസ്തമായി, ബുധനാഴ്ചത്തെ പ്രമേയം നോൺ-ബൈൻഡിംഗ് ആണ്. കൂടാതെ, ഇന്ത്യയെ “പ്രത്യേക ഉത്കണ്ഠയുള്ള രാജ്യം” എന്ന് വർഗ്ഗീകരിക്കാൻ സ്റ്റേറ്റ് സെക്രട്ടറി ആന്റണി ബ്ലിങ്കനോട് ആവശ്യപ്പെടുന്നു. ഇത് മതസ്വാതന്ത്ര്യത്തിന്റെ ഏറ്റവും നഗ്നമായ ലംഘനം നടത്തുന്നുവെന്ന് വിശ്വസിക്കുന്ന രാജ്യങ്ങൾക്കായി യുഎസ് ഉപയോഗിക്കുന്നു. “മതപരവും സാംസ്കാരികവുമായ ന്യൂനപക്ഷങ്ങൾക്കെതിരായ മനുഷ്യാവകാശ ലംഘനങ്ങൾക്ക് ഇന്ത്യാ…

കാബൂള്‍: അഫ്ഗാനിസ്ഥാന്റെ കിഴക്കൻ മേഖലയായ പർവതപ്രദേശത്ത് ശക്തമായ ഭൂകമ്പമുണ്ടായതിനെ തുടർന്ന് അഫ്ഗാനിസ്ഥാന്റെ മരവിപ്പിച്ച സ്വത്തുക്കള്‍ തിരിച്ചു നല്‍കണമെന്ന് താലിബാൻ യു എസിനോട് ആവശ്യപ്പെട്ടു. ഇതിനകം ഒന്നിലധികം മാനുഷിക പ്രതിസന്ധികളുമായി മല്ലിടുന്ന അഫ്ഗാനിസ്ഥാനിലെ താലിബാൻ ഭരണാധികാരികൾക്കും ദുരിതാശ്വാസ ഏജൻസികൾക്കും ഈ ദുരന്തം ഒരു പുതിയ പരീക്ഷണം ഉയർത്തുന്നു. പർവതനിരകളിൽ കുടുങ്ങിക്കിടക്കുന്ന ഗ്രാമങ്ങൾക്കിടയിലെ നാശത്തിന്റെ മുഴുവൻ വ്യാപ്തിയും വെളിച്ചത്ത് വരുന്നത് പതുക്കെയാണ്. ഭൂകമ്പത്തെത്തുടർന്ന് ക്രൈസിസ് മാനേജ്‌മെന്റ് ഹെഡ്ക്വാർട്ടേഴ്‌സ് രൂപീകരിക്കുന്നതിനായി അടിയന്തര സെഷൻ നടന്നതായി താലിബാൻ വക്താവ് സബിഹുല്ല മുജാഹിദ് ബുധനാഴ്ച രാത്രി വാര്‍ത്താ ഏജന്‍സികളോട് പറഞ്ഞു. ആരോഗ്യം, പ്രതിരോധം, സാംസ്കാരികം, ആഭ്യന്തരം തുടങ്ങിയ മന്ത്രിമാരുടെ പങ്കാളിത്തത്തോടെയാണ് ഈ ആസ്ഥാനം രൂപീകരിച്ചത്, അവരുടെ പ്രതിനിധികൾ ദുരിതബാധിത പ്രദേശങ്ങളിൽ ദുരിതാശ്വാസം എത്തിക്കാൻ വേഗത്തിലാക്കാൻ ശ്രമിക്കുകയാണെന്ന് അദ്ദേഹം പറഞ്ഞു. ഭക്ഷണം, ഗൃഹോപകരണങ്ങൾ, ടെന്റുകൾ, മറ്റ് അടിസ്ഥാന ആവശ്യങ്ങൾ എന്നിവ നൽകാനും തീരുമാനിച്ചിട്ടുണ്ട്. പരിക്കേറ്റവരെ സഹായിക്കാൻ…

നാട്ടിടവഴികളുടെ മാധുര്യമെങ്ങോ കളഞ്ഞു പോയ്, എങ്കിലുമെന്നോർമകളിൽ പച്ചച്ചുനിൽക്കുമൊരു ഗ്രാമീണഛായയുടെ ലാസ്യഭംഗി, കാലം മറയ്ക്കുന്ന പാടുകളിൽ, അപ്പോഴും മായാതെ പോകുന്ന മൺവീഥികൾ! അന്ന് ഞാൻ മണ്ണിൽ പതിപ്പിച്ച പാടുകൾ ഇന്നു ഞാൻ വെറുതെ തിരഞ്ഞു പോയി. തിരികെ നാം എത്തുമ്പോൾ ഓമനിക്കാനൊരു മൺതരിയെങ്കിലും ശേഷിച്ചു വേണം. കാണാനിനിയാകുമോ ആ കാഴ്ചകൾ, മനസിന്റെ തേങ്ങലിൽ അലയടിക്കുന്നൊരു ആർത്തനാദം. ഓർമകളുടെ നിശ്വാസമുയർത്തുന്ന, ചുടുനെടുവീർപ്പുകൾ ആരു കാണാൻ!. തിരികെ നാം എത്തുമ്പോൾ,ഓർമിക്കുവാനൊരു, മൺപാതയെങ്കിലും വേണമീ ഭൂമിയിൽ.

ചിക്കാഗോ: വടക്കേ അമേരിക്കയിലെ ക്‌നാനായ സംഘടനകളുടെ മാതൃസംഘടനയായ ക്‌നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയുടെ പതിനാലാമത് കണ്‍വന്‍ഷന്റെ അക്കമഡേഷന്‍ കമ്മിറ്റി ചെയര്‍മാനായി ഷിബു മുളയാനിക്കുന്നേലിനെ തെരഞ്ഞെടുത്തു. ഇന്‍ഡ്യനാപോളിസിലെ ക്‌നായി തോമാ നഗറില്‍വെച്ച് 2022 ജൂലൈ 21 മുതല്‍ 24 വരെയാണ് കണ്‍‌വന്‍ഷന്‍. കണ്‍വന്‍ഷന് രജിസ്റ്റര്‍ ചെയ്തിരിക്കുന്നവരുടെ താമസ സൗകര്യങ്ങള്‍ കുറ്റമറ്റതാക്കുക എന്ന ഉത്തരവാദിത്വമാണ് ഈ കമ്മിറ്റിയുടേത്. കണ്‍വന്‍ഷനില്‍ രജിസ്റ്റര്‍ ചെയ്തിരിക്കുന്നവര്‍ അവരുടെ താമസ സൗകര്യങ്ങളുമായി ബന്ധപ്പെട്ട് എന്തെങ്കിലും സംശയങ്ങള്‍ ഉണ്ടെങ്കില്‍ അക്കമഡേഷന്‍ കമ്മറ്റി ചെയര്‍മാന്‍ ഷിബു മുളയാനിക്കുന്നേലുമായോ മറ്റ് കമ്മറ്റി അംഗങ്ങളുമായോ ബന്ധപ്പെടണമെന്ന് കെ.സി.സി.എന്‍.എ. പ്രസിഡന്റ് സിറിയക് കൂവക്കാട്ടില്‍ അറിയിച്ചു. ലഭ്യമായ സൗകര്യങ്ങള്‍ പരമാവധി പ്രയോജനപ്പെടുത്തി സൗകര്യപ്രദമായ രീതിയില്‍ താമസസൗകര്യങ്ങള്‍ ഒരുക്കുവാന്‍ അക്കമഡേഷന്‍ കമ്മറ്റിയുടെ നേതൃത്വത്തില്‍ പരമാവധി ശ്രമിക്കുമെന്ന് ചെയര്‍മാന്‍ ഷിബു മുളയാനിക്കുന്നേല്‍ അറിയിച്ചു. അക്കമഡേഷന്‍ കമ്മറ്റിയുമായി ബന്ധപ്പെട്ട സംശയങ്ങള്‍ക്ക് ഷിബു മുളയാനിക്കുന്നേല്‍ (630 849…

ചിക്കാഗോ: ഇന്ത്യന്‍ ഓവര്‍സീസ് കോണ്‍ഗ്രസ്, ചിക്കാഗോ കേരള ഘടകത്തിന്റെ പ്രവര്‍ത്തന ഉത്ഘാടനം ബഹു രമേഷ് ചെന്നിത്തല എം.എല്‍.എ. ഭദ്രദീപം കൊളുത്തി ഉത്ഘാടനം ചെയ്തു. സന്തോഷ് നായരുടെ നേതൃത്വത്തില്‍ പുതിയ ഭരണസമിതി അംഗങ്ങള്‍ ചുമതലയേറ്റെടുത്തു. ജെസ്സി റിന്‍സിയുടെ സ്വാഗത പ്രസംഗത്തോടുകൂടി ആരംഭിച്ച യോഗത്തില്‍ പ്രസിഡന്റ് സന്തോഷ് നായര്‍ അദ്ധ്യക്ഷത വഹിച്ചു. സംഘടനയുടെ പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്തുവാനും, അതുപോലെ തന്നെ ഏവരേയും ഏകോപിപ്പിച്ചു കൊണ്ടുപോകുവാനും എല്ലാ അംഗങ്ങളുടെയും സഹകരണം ഉണ്ടാകണമെന്ന് പ്രസിഡന്റ് അദ്ദേഹത്തിന്റെ അദ്ധ്യക്ഷ പ്രസംഗത്തില്‍ പ്രത്യേകം എടുത്തു പറഞ്ഞു. രാഹുല്‍ ഗാന്ധി ഇന്നു വരെ അദ്ദേഹത്തിന്റെ രാഷ്ട്രീയ ജീവിതത്തില്‍ യാതൊരു വിധത്തിലുള്ള തെറ്റായ നടപടികളും, ഇടപെടലുകളും നടത്തിയിട്ടുള്ള വ്യക്തിയല്ല. സാധാരണ ജീവിതം നയിക്കുന്ന ആഢംബര ഭ്രമതയോ, അധികാര മോഹമോ ഇല്ലാത്ത ഒരു നേതാവ് ആണ് രാഹുല്‍ ഗാന്ധി. അങ്ങനെയുള്ള ഒരു നേതാവിനെയാണ് കഴിഞ്ഞ അഞ്ചു ദിവസങ്ങളായി ഇ.ഡി. ചെയ്തു…

ഹ്യൂസ്റ്റൺ : ഹൂസ്റ്റൺ സെൻറ് മേരിസ് മലങ്കര യാക്കോബായ സുറിയാനി പള്ളി സീനിയർ അംഗമായിരുന്ന എ.വി എബ്രഹാം എടപ്പാ ട്ടിൻറെ (എബി) ഭൗതികശരീരം സെൻറ് മേരീസ് പള്ളിയിൽ (4637 W Orem dr, Houston, TX 77045) 26ന് ഞായറാഴ്ച വൈകുന്നേരം 5 മുതൽ 8:30 വരെ പൊതുദർശനത്തിന് വെക്കുന്നതാണ്. 27 തിങ്കളാഴ്ച രാവിലെ 9 ന് ദേവാലയത്തിൽ വെച്ച് അഭിവന്ദ്യ യെൽദോ മോർ തീത്തോസ് മെത്രാപ്പോലീത്തയുടെ മുഖ്യ കാർമികത്വത്തിൽ നടത്തുന്ന ശുശ്രൂഷകൾക്ക് ശേഷം 12 മണിക്ക് ഫോറസ്റ്റ് പാർക്ക് (12800 westheimer Rd, Houston, TX 77077) സെമിത്തേരിയിൽ സംസ്കാരവും നടത്തും. കോതമംഗലം പോത്താനിക്കാട് എടപ്പാട്ട് പരേതരായ മാത്യുവിൻറെയും സൂസൻറെയും മകനാണ്. ഭാര്യ ലൗലി എബ്രഹാം കടക്കനാട് പുതുശ്ശേരിൽ കുളങ്ങാട്ടിൽ കുടുംബാംഗം. മക്കൾ: ജയ്സൺ എബ്രഹാം, ജാനിസ് ജോസഫ്. മരുമകൻ: റെജി ജോസഫ്. കൊച്ചുമക്കൾ: നിക്കോളസ്,…

വാഷിംഗ്ടണ്‍: അമേരിക്കയില്‍ മാസ് ഷൂട്ടിംഗ് വര്‍ധിച്ചു വരുന്ന സാഹചര്യത്തില്‍ തോക്ക് വില്‍പനയില്‍ നിയന്ത്രണം ഏര്‍പ്പെടുത്തണമെന്ന ആവശ്യത്തിനു യുഎസ് സെനറ്റില്‍ അംഗീകാരം. ചൊവ്വാഴ്ച അവതരിപ്പിച്ച ഗണ്‍ കണ്‍ട്രോള്‍ ബില്‍ ഇരുപാര്‍ട്ടികളുടേയും സഹകരണത്തോടെയാണു പാസ്സാക്കിയത്. ഇരുപാര്‍ട്ടികള്‍ക്കും 5050 കക്ഷി നിലയില്‍ നിന്നും വ്യത്യസ്തമായി ഡമോക്രറ്റിക് പാര്‍ട്ടിയുടെ 50 അംഗങ്ങള്‍ക്കൊപ്പം റിപ്പബ്ലിക്കന്‍ പാര്‍ട്ടിയിലെ 14 അംഗങ്ങള്‍ അനുകൂലിച്ചു വോട്ടു ചെയ്തു. റിപ്പബ്ലിക്കന്‍ പാര്‍ട്ടിയുടെ ഭാഗത്തു നിന്നും ജോണ്‍ കോന്നന്റെ നേതൃത്വത്തിലാണ് റിപ്പബ്ലിക്കന്‍ പാര്‍ട്ടി അംഗങ്ങള്‍ ബില്ലിനെ അനുകൂലിച്ചത്. ബൈഡന്‍ മുന്‍കൂട്ടി പ്രഖ്യാപിച്ചിരുന്നതുപോലെ ഗണ്‍ വാങ്ങുന്നതിനുള്ള പ്രായ പരിധി 21 ആക്കമമെന്നതും, മാരക പ്രഹരശേഷിയുടെ തോക്കുകളുടെ വില്പന ഒഴിവാക്കണമെന്നതും ബില്ലിലില്ല. മറിച്ചു 21 വയസ്സിനു താഴെ തോക്കുവാങ്ങുന്നവരുടെ ബാക്ക് ഗ്രൗണ്ട് ചെക്ക് നടത്തണമെന്ന നിര്‍ദേശവും മാനസിക അസ്വാസ്ഥ്യമുള്ളവരില്‍ നിന്നും സമൂഹത്തിനു ഭീഷിണിയുതിര്‍ത്തുന്നവരില്‍ നിന്നും തോക്കുകള്‍ പിടിച്ചുവാങ്ങുന്നതിനുള്ള വ്യവസ്ഥകള്‍ മാത്രമാണ് ബില്ലിലുള്ളത്. വീണ്ടും ഈ…

ഹൂസ്റ്റണ്‍: ഇന്‍ഡ്യനാപോളിസിലെ ജെ.ഡബ്ലിയു.മാരിയറ്റ് കണ്‍വന്‍ഷന്‍ സെന്ററില്‍ വച്ച് 2022 ജൂലൈ 21 മുതല്‍ 24 വരെ നടക്കുന്ന കെ.സി.സി.എന്‍.എ. കണ്‍വന്‍ഷന്റെ സെക്യൂരിറ്റി കമ്മറ്റിയുടെ ചെയര്‍മാനായി നാഷണല്‍ കമ്മറ്റി അംഗം വിജയന്‍ നെടുംചേരിയിലിനെ തെരഞ്ഞെടുത്തു. ഇത്തവണത്തെ കെ.സി.സി.എന്‍.എ. കണ്‍വന്‍ഷനില്‍ എല്ലാവരുടെയും പൂര്‍ണ്ണസുരക്ഷ ഉറപ്പുവരുത്തുന്ന രീതിയില്‍ എല്ലാവിധ ക്രമീകരണങ്ങളും സെക്യൂരിറ്റി ചെയര്‍മാന്‍ വിജയന്‍ നെടുംചേരിയിലിന്റെ നേതൃത്വത്തിലുള്ള കമ്മറ്റി ആസൂത്രണം ചെയ്യുന്നതും, അമേരിക്കയിലെ ഏറ്റവും സുരക്ഷിതമായ സിറ്റികളിലൊന്നായ ഇന്‍ഡ്യാനപോളിസിലെ കണ്‍വന്‍ഷന്‍ ഏറ്റവും സുരക്ഷിതവും സൗകര്യപ്രദവുമായ കണ്‍വന്‍ഷനായി നടത്തുവാനുള്ള എല്ലാ സംവിധാനങ്ങളും ഈ കമ്മറ്റിയുടെ നേതൃത്വത്തില്‍ സജ്ജമാക്കിയിട്ടുണ്ടെന്നും കെ.സി.സി.എന്‍.എ. പ്രസിഡന്റ് സിറിയക് കൂവക്കാട്ടില്‍ അറിയിച്ചു. കണ്‍വന്‍ഷനില്‍ പങ്കെടുക്കുന്നവര്‍ക്ക് സൗകര്യപ്രദവും സുരക്ഷിതവമായി നാലുദിവസം ആഘോഷിക്കുവാനുള്ള എല്ലാ ക്രമീകരണങ്ങളും സെക്യൂരിറ്റി കമ്മറ്റിയുടെ നേതൃത്വത്തില്‍ നടന്നുവരുന്നതായി സെക്യൂരിറ്റി കമ്മറ്റി ചെയര്‍മാന്‍ വിജയന്‍ നെടുംചേരില്‍ അറിയിച്ചു. കണ്‍വന്‍ഷന്റെ സുഗമമായ ക്രമീകരണങ്ങള്‍ക്കായി നേതൃത്വം നല്‍കുന്ന സെക്യൂരിറ്റി കമ്മറ്റി ചെയര്‍മാന്‍ വിജയന്‍…

ബാള്‍ട്ടിമോര്‍: റാവന്‍സ് ഒട്ട് സൈഡ് ലയ്ന്‍ ബാക്കര്‍ ജെയ്ലന്‍ ഫെര്‍ഗുസന്‍(26) അന്തരിച്ചു. ജൂണ്‍ 23 ബുധനാഴ്ചയാണു ജയ്ലന്റെ മരണം റാവന്‍സ് ഔദ്യോഗികമായി സ്ഥിരീകരിച്ചത്.ഹാര്‍വുഡ് ഇല്‍ ചെസ്റ്റര്‍ അവന്യുവിലുള്ള വസതിയില്‍ അബോധാവസ്ഥയില്‍ കണ്ടെത്തുകയായിരുന്നു. ജെയ്‌ലന്റെ മരണത്തില്‍ ദുരൂഹതയൊന്നും ഇല്ലെന്നും ഓവര്‍ ഡോസായിരിക്കാം മരണ കാരണമെന്നും ബാള്‍ട്ടിമോര്‍ പൊലീസ് അറിയിച്ചു. മെഡിക്കല്‍ എക്‌സാമിനര്‍ മരണ കാരണം ഔദ്യോഗികമായി അറിയിക്കുമെന്നും അധികൃതര്‍ അറിയിച്ചു. അമേരിക്കന്‍ ഫുട്‌ബോളിലെ ഉദിച്ചുയര്‍ന്നുകൊണ്ടിരുന്ന താരമായിരുന്നു. മൂന്നു മക്കളുടെ പിതാവായിരുന്നു ജയ്‌ലന്‍. ബുധനാഴ്ച ഉച്ചയോടെ തന്നെ റാവന്‍സിലെ കളിക്കാര്‍ ഉള്‍പ്പെടെ നിരവധി പേര്‍ അന്ത്യമാഭിവാദ്യം അര്‍പ്പിക്കാന്‍ എത്തിയിരുന്നു. 1995 ഡിസംബര്‍ 14 ന് ലൂസിയാനയിലായിരുന്നു ജനനം. വെസ്റ്റ് ഫെലിസിയാന ഹൈസ്‌കൂള്‍, ലൂസിയാന ടെക് എന്നിവിടങ്ങളില്‍ നിന്നു വിദ്യാഭ്യാസം പൂര്‍ത്തിയാക്കി. ബാള്‍റ്റിമോര്‍ റാവന്‍സില്‍ 2019 മുതല്‍ 2021 വരെ അംഗമായിരുന്നു.ഒരു മകനും രണ്ടു പെണ്‍മക്കളും ഭാര്യ ഡോണി സ്മിത്തും ഉള്‍പ്പെടുന്നതാണു…