Year: 2022

വാഷിംഗ്ടണ്‍: ടെക്‌സാസ് എലിമെന്ററി സ്‌കൂളിൽ നടന്ന കൂട്ടക്കൊലയെ തുടർന്ന് തോക്ക് നിയമങ്ങൾ കർശനമാക്കുന്നതിന് പിന്തുണ നൽകണമെന്ന് യുഎസ് ഡെമോക്രാറ്റിക് സെനറ്റർ ക്രിസ് മർഫി റിപ്പബ്ലിക്കൻമാരോട് ആവശ്യപ്പെട്ടു. 2012-ൽ കണക്‌റ്റിക്കട്ടിലെ സാൻഡി ഹുക്ക് വെടിവയ്‌പ്പിന് ശേഷമുള്ള ഏറ്റവും മാരകമായ യുഎസ് സ്‌കൂൾ വെടിവയ്പ്പിലെ കൊലപാതകങ്ങളെത്തുടർന്ന് തോക്ക് നിയമനിർമ്മാണത്തെക്കുറിച്ച് സംസാരിക്കുന്നതിൽ കൂടുതൽ “റിപ്പബ്ലിക്കൻ താൽപ്പര്യം” കാണുന്നുവെന്ന് ഞായറാഴ്ച ഒരു അഭിമുഖത്തിൽ കണക്റ്റിക്കട്ട് ഡെമോക്രാറ്റ് പറഞ്ഞു. തോക്കുമായി ബന്ധപ്പെട്ട ഏതെങ്കിലും തരത്തിലുള്ള നിയമനിർമ്മാണത്തിന് അനുകൂലമായി വോട്ട് ചെയ്യാൻ തയ്യാറുള്ള 10 റിപ്പബ്ലിക്കൻമാർ സെനറ്റിൽ ഉണ്ടോ എന്ന് മർഫിയോട് ചോദിച്ചു. “ഞങ്ങള്‍ക്ക് അതിനു കഴിയുമെന്ന് ഞാൻ കരുതുന്നു. ഇത്തരത്തിലുള്ള വെടിവെയ്പുകള്‍ ദേശീയ-അന്തര്‍ദ്ദേശീയ ശ്രദ്ധ നേടുമ്പോള്‍ ഞങ്ങള്‍ ഒന്നും ചെയ്തില്ലെങ്കില്‍, ഈ രാജ്യത്തിന്റെ മനഃസ്സാക്ഷി മരിക്കുകയാണെന്നെനിക്കു,” അദ്ദേഹം പറഞ്ഞു. “പ്രധാനമായ എന്തെങ്കിലും ചെയ്യാന്‍ ഇപ്പോഴാണ് അവസരം. സാൻഡി ഹുക്കിന് ശേഷം മറ്റേതൊരു നിമിഷത്തേക്കാളും ഇത്തവണ…

ഡാളസ്: നോർത്ത് അമേരിക്കയിലെ മലയാളി മാധ്യമപ്രവർത്തകരുടെ ആദ്യ രെജിസ്റ്റഡ് കൂട്ടായ്മയായ നോർത്ത് ഇന്ത്യാ പ്രസ് ക്ലബ് ഓഫ് നോർത്ത് ടെക്സസിന്റെ പൊതുയോഗവും പ്രവർത്തന ഉദ്ഘാടനവും പ്രൗഢഗംഭീരമായ ചടങ്ങുകളോടെ നടത്തപ്പെട്ടു. മെയ് 29 ന്ഞായറാഴ്ച വൈകിട്ട് 5 മണിക്ക് ഗാർലന്റിലെ ഇന്ത്യ ഗാർഡൻ ഓഡിറ്റോറിയത്തിൽ നടന്ന സമ്മേളനത്തിൽ ഇന്ത്യാ പ്രസ് ക്ലബ് ഓഫ് നോർത്ത് ടെക്സസ് പ്രസിഡന്റ് സിജു വി ജോർജ് അധ്യക്ഷത വഹിച്ചു. ഐ പി സി എൻ റ്റിയുടെ 2022-23 വർഷങ്ങളിലെ പ്രവർത്തനോത്ഘാടനം സണ്ണിവെയിൽ സിറ്റി മേയർ സജി ജോർജ് നിർവഹിച്ചു. സുതാര്യമായ മാധ്യമ പ്രവർത്തനം കാഴ്ചവെക്കുന്നതിലൂടെ സമൂഹത്തിന്റെ അംഗീകാരം നേടിയെടുക്കുക എന്നതായിരിക്കണം ഓരോ മാധമപ്രവർത്തകന്റെയും ലക്ഷ്യമായിരിക്കേണ്ടതെന്നു മേയർ ഓർമിപ്പിച്ചു. സാമൂഹ്യ നന്മക്കു ഉതകുന്ന വാർത്തകൾക്കായിരിക്കണം മുൻഗണന നൽകേണ്ടതെന്നും അദ്ദേഹം പറഞ്ഞു. ഇന്ത്യാ പ്രസ് ക്ലബ് ഓഫ് നോർത്ത് ടെക്സസിന്റെ സ്ഥാപകാംഗവും അഡ്വൈസറി ബോർഡ് ചെയര്‍മാനുമായ…

ടെക്സാസ് (ഉവാള്‍ഡെ): അമേരിക്കന്‍ പ്രസിഡന്റ് ജോ ബൈഡന്‍ ഞായറാഴ്ച ടെക്‌സസിലെ ഉവാള്‍ഡെയിലെത്തി വെടിവെപ്പില്‍ മരിച്ച റോബ് എലിമെന്ററി സ്‌കൂളിലെ 19 കുട്ടികളുടെയും രണ്ട് അധ്യാപികമാരുടെയും കുടുംബാംഗങ്ങളെ കണ്ടു നേരിട്ട് അനുശോചനം രേഖപ്പെടുത്തി . അമേരിക്കന്‍ ചരിത്രത്തിലെ ഏറ്റവും മാരകമായ മൂന്നാമത്തെ സ്‌കൂള്‍ കൂട്ടക്കൊലയിൽ രാജ്യം നടുങ്ങിയിരിക്കുകയാണെന്ന് പ്രസിഡന്റ് പറഞ്ഞു . കമ്മ്യൂണിറ്റി നേതാക്കള്‍, വിശ്വാസികള്‍, വെടിവയ്പില്‍ കൊല്ലപ്പെട്ടവരുടെ കുടുംബാംഗങ്ങള്‍ എന്നിവരുമായി ബൈഡന്‍ കൂടിക്കാഴ്ച നടത്തി. ”ഈ വിനാശകരമായ സമയത്ത് സമൂഹത്തിന് പിന്തുണ നല്‍കേണ്ടതും ഇരകളുടെ കുടുംബങ്ങള്‍ക്കൊപ്പം ഉണ്ടായിരിക്കേണ്ടതും പ്രധാനമാണെന്ന് പ്രസിഡന്റും പ്രഥമ വനിതയും വിശ്വസിക്കുന്നുവെന്ന് പ്രസ് സെക്രട്ടറി കരീന്‍ ജീന്‍പിയറി നേരത്തെ മാധ്യമപ്രവര്‍ത്തകരോട് നേരത്തെ പറഞ്ഞിരുന്നു പ്ര സിഡന്റും പ്രഥമ വനിതയും ഉവാള്‍ഡെയിലെ കുടുംബാംഗങ്ങളുടെയും കമ്മ്യൂണിറ്റി അംഗങ്ങളുടെയും വേദനയില്‍ പങ്കു ചേരുന്നുവെന്നും ,അവരുടെ സങ്കടത്തിലും ആഘാതത്തിലും കുറച്ച് ആശ്വാസമാകും തങ്ങളെന്നും എന്ന് പ്രസിഡന്റ് പറഞ്ഞു. ”ഒരു രാഷ്ട്രമെന്ന…

കൊച്ചി: കേരളത്തിലെ റോഡ് ഇൻഫ്രാസ്ട്രക്ചറിന് വലിയ ഉത്തേജനം എന്ന നിലയിൽ, 21,271 കോടി രൂപ ചെലവിൽ സംസ്ഥാനത്ത് 187 കിലോമീറ്റർ നീളമുള്ള റോഡ് നിര്‍മ്മിക്കുമെന്ന് നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) ശനിയാഴ്ച പ്രഖ്യാപിച്ചു. ഇവയിൽ പ്രധാന പദ്ധതികൾ ഇവയാണ്: 120 കിലോമീറ്റർ പാലക്കാട്-മലപ്പുറം-കോഴിക്കോട് ഗ്രീൻഫീൽഡ് ഹൈവേ, തുറവൂർ മുതൽ അരൂർ വരെയുള്ള 12.34 കിലോമീറ്റർ എലിവേറ്റഡ് ഹൈവേ, 59 കിലോമീറ്റർ ചെങ്കോട്ട-കൊല്ലം ഗ്രീൻഫീൽഡ് ഹൈവേ. ആറ് പദ്ധതികളുടെ പ്രവൃത്തി രണ്ട് മാസത്തിനകം ആരംഭിക്കുമെന്ന് എൻഎച്ച്എഐ ചെയർപേഴ്സൺ അൽക ഉപാധ്യായ പറഞ്ഞു. “സംസ്ഥാനത്ത് ആകെ 177 കിലോമീറ്റർ റോഡ് ശൃംഖലയുടെ നിർമാണം എൻഎച്ച്എഐ പൂർത്തിയാക്കി. 34,972 കോടി രൂപയുടെ 403 കിലോമീറ്റർ റോഡ് നിർമാണമാണ് ഇപ്പോൾ നടക്കുന്നത്. കൂടാതെ, 21,271 കോടി രൂപ ചെലവിൽ 187 കിലോമീറ്റർ ദൈർഘ്യമുള്ള ആറ് പദ്ധതികൾ ഏതാനും മാസങ്ങൾക്കുള്ളിൽ ആരംഭിക്കും,…

ബംഗളൂരു: മാര്‍ച്ച് 21-ന് ബംഗളൂരുവിലെ ഫ്ലാറ്റില്‍ തൂങ്ങിമരിച്ച നിലയില്‍ കണ്ടെത്തിയ മലയാളി മാധ്യമ പ്രവര്‍ത്തക ശ്രുതി അവസാനമായി നാട്ടിലെ വീട്ടിലേക്ക് വിളിച്ച ശബ്ദരേഖ പുറത്ത്. റോയിട്ടേഴ്സിലെ പ്രവര്‍ത്തകയായിരുന്നു ശ്രുതി. ഭര്‍ത്താവ് അനീഷ് കോറോത്ത് തന്നെ വളരെയധികം ഉപദ്രവിക്കുന്നു എന്നാണ് മരിക്കുന്നതിനു മുന്‍പ് ശ്രുതി വീട്ടിലേക്ക് ഫോണില്‍ വിളിച്ച് പരാതി പറഞ്ഞത്. ആ ശബ്ദശേഖയാണ് ഇപ്പോള്‍ പുറത്തുവന്നിരിക്കുന്നത്. “എല്ലാം പരിഹരിക്കാമെന്ന് പറഞ്ഞ അന്ന് എന്നെ അടിച്ചു, മുഖത്ത് കടിച്ചു. ഞാന്‍ അതൊന്നും ആരോടും പറഞ്ഞിട്ടില്ലല്ലോ. രണ്ടുമാസം നമുക്ക് നോക്കാമെന്ന് പറഞ്ഞു. അതിനുശേഷമാണ് എന്നെ അടിച്ചത്,” വീട്ടുകാരോട് ശ്രുതി പറയുന്നു. ഭര്‍ത്താവ് അനീഷിനെതിരെ ഭര്‍തൃപീഡനത്തിനുള്‍പ്പെടെ കേസ് എടുക്കണമെന്ന കുടുംബത്തിന്റെ ആവശ്യം പൊലീസ് മുഖവിലയ്‌ക്കെടുത്തില്ലെന്ന് ആക്ഷേപമുണ്ട്. ശ്രുതിയുടെ മരണം സംഭവിച്ച് രണ്ടരമാസം പിന്നിടുമ്പോഴും ഭര്‍ത്താവിനെ കസ്റ്റഡിയില്‍ എടുക്കാനോ ചോദ്യം ചെയ്യാനോ പൊലീസിന് സാധിച്ചിട്ടില്ല. ഇയാള്‍ എവിടെയെന്ന് കണ്ടെത്താനും പൊലീസിനായിട്ടില്ല. അന്വേഷണത്തില്‍ ഇടപെടല്‍…

കൊച്ചി: തൃക്കാക്കര ഉപതെരഞ്ഞെടുപ്പിന്റെ കൊട്ടിക്കലാശം ഇന്ന് (ഞായറാഴ്ച) അവസാനിക്കുന്നതോടെ മൂന്ന് പ്രമുഖ മുന്നണികളും വോട്ടർമാരെ ഫോണിൽ വിളിച്ച് ഓരോ വോട്ടും ഉറപ്പാക്കാനാണ് ലക്ഷ്യമിടുന്നത്. എൽഡിഎഫിന് വേണ്ടി, കഴിഞ്ഞ രണ്ട് ദിവസമായി താരപ്രചാരകനായിരുന്ന മുഖ്യമന്ത്രി പിണറായി വിജയൻ, ഡോ. ജോ ജോസഫിന് വേണ്ടി തിരഞ്ഞെടുപ്പ് റാലികളിൽ പ്രസംഗിക്കവെ, ശനിയാഴ്ച സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് ബാറ്റൺ കൈമാറി. കോൺഗ്രസ് സ്ഥാനാർഥി ഉമാ തോമസിന് വേണ്ടി പ്രചാരണത്തിനിറങ്ങിയ ഗുജറാത്ത് എം.എൽ.എ ജിഗ്നേഷ് മേവാനിയായിരുന്നു പ്രധാന ആകർഷണം. കേരളത്തിൽ ഗുജറാത്ത് മോഡൽ വികസനം നടപ്പാക്കാൻ പിണറായി വിജയനും പ്രധാനമന്ത്രി നരേന്ദ്ര മോദിയും തമ്മിൽ ധാരണയുണ്ടെന്ന് ആരോപിച്ച് എൽഡിഎഫ് സർക്കാരിനെതിരെ കാക്കനാട് ഐടി പ്രൊഫഷണലുകളുമായുള്ള കൂടിക്കാഴ്ചയിൽ മേവാനി ആഞ്ഞടിച്ചു. ഗുജറാത്ത് വികസന മാതൃകയുടെ പഠനം കേരളം ആഘോഷിക്കുമ്പോൾ ബിജെപി ഭരിക്കുന്ന മറ്റ് സംസ്ഥാനങ്ങൾ പോലും മാതൃക പഠിക്കാൻ ഗുജറാത്തിലേക്ക് പോകുന്നില്ലെന്നും അദ്ദേഹം…