Month: June 2023

കണ്ണൂര്‍: കെപിസിസി അദ്ധ്യക്ഷന്‍ കെ സുധാകരനെതിരെ വീണ്ടും ആരോപണവുമായി സിപിഎം സംസ്ഥാന സെക്രട്ടറി എംവി ഗോവിന്ദന്‍ രംഗത്ത്‌. മാനനഷ്ടക്കേസ്‌ നല്‍കുമെന്ന കെ സുധാകരന്റെ മുന്നറിയിപ്പിനോട്‌ അദ്ദേഹം രൂക്ഷമായി പ്രതികരിച്ചു. മോണ്‍സണ്‍ മാവുങ്കലിനെ ഖണ്ഡിക്കാന്‍ കെ സുധാകരന്‍ മടിക്കുന്നത്‌ തന്നെക്കുറിച്ചുള്ള രഹസ്യങ്ങള്‍ പുറത്തുവിടുമോ എന്ന ഭയം മൂലമാണെന്ന്‌ ഗോവിന്ദന്‍ ആരോപിച്ചു. മോണ്‍സണെ കുറിച്ച്‌ ഒന്നും പറയാത്തത്‌ എന്തുകൊണ്ടെന്ന്‌ ചോദിച്ചപ്പോള്‍ ഞാന്‍ എന്തെങ്കിലും പറഞ്ഞാല്‍ താനും എന്തെങ്കിലും പറയുമെന്നായിരുന്നു കെ സുധാകരന്റെ മറുപടിയെന്ന്‌ ഗോവിന്ദന്‍ പറഞ്ഞു. മോണ്‍സണ്‍ കേസ്‌ രാഷ്ട്രീയ പ്രേരിതമല്ല. ചതിയും വഞ്ചനയുമാണ്‌. അതിനെ രാഷ്ട്രീയമായി നേരിടും. എന്ത് രാഷ്ട്രീയമാണ്‌ നേരിടുകയെന്ന്‌ എം.വി.ഗോവിന്ദന്‍ ചോദിച്ചു. ഇനിയെന്താണ്‌ മോണ്‍സണിന്‌ ഒച്ചവെക്കാന്‍ ബാക്കിയുള്ളത്‌? സംഗതി മുഴുവന്‍ പുറത്തുവരുമെന്നതില്‍ സംശയമില്ല. എന്‍ജിഒ യുണിയന്റെ പരിപാടിയില്‍ സംസാരിക്കവെയാണ്‌ എംവി ഗോവിന്ദന്‍ ഇക്കാര്യങ്ങള്‍ ആരോപിച്ചത്‌. “എനിക്കും ദേശാഭിമാനിക്കും എതിരെ കേസെടുക്കുമെന്ന്‌ അവര്‍ പറഞ്ഞു. എല്ലാ കേസുകളും…

സിഡ്‌നി: റഷ്യയുടെ അധിനിവേശത്തെ പ്രതിരോധിക്കാൻ ഓസ്‌ട്രേലിയൻ സർക്കാർ 70 സൈനിക വാഹനങ്ങൾ ഉൾപ്പെടെ 110 മില്യൺ ഓസ്‌ട്രേലിയൻ ഡോളർ (73.5 മില്യൺ ഡോളർ) പാക്കേജ് ഉക്രെയ്‌നിന് നൽകുമെന്ന് പ്രധാനമന്ത്രി ആന്റണി അൽബാനീസ് തിങ്കളാഴ്ച പ്രഖ്യാപിച്ചു. പുതിയ പ്രതിബദ്ധതകൾ 2022 ഫെബ്രുവരിയിൽ സംഘർഷം ആരംഭിച്ചതുമുതൽ, 610 മില്യൺ സൈനിക പിന്തുണ ഉൾപ്പെടെ, ഉക്രെയ്നിനായുള്ള ഓസ്‌ട്രേലിയയുടെ മൊത്തം സംഭാവന 790 മില്യൺ ഓസ്‌ട്രേലിയൻ ഡോളറായി ഉയർത്തുന്നു. “റഷ്യയുടെ നിയമവിരുദ്ധവും പ്രകോപനരഹിതവും അധാർമികവുമായ യുദ്ധത്തിന് മുന്നിൽ വലിയ ധൈര്യം കാണിക്കുന്നത് തുടരുന്ന ഉക്രേനിയൻ ജനതയെ സഹായിക്കുന്ന ഈ അധിക പിന്തുണ ഒരു യഥാർത്ഥ മാറ്റമുണ്ടാക്കും,” അൽബാനീസ് കാൻബെറയിൽ ഒരു മാധ്യമ സമ്മേളനത്തിൽ പറഞ്ഞു. വാരാന്ത്യത്തിൽ റഷ്യയിൽ കനത്ത ആയുധധാരികളായ കൂലിപ്പടയാളികൾ റഷ്യൻ നഗരമായ റോസ്തോവിന്റെ നിയന്ത്രണം ഏറ്റെടുത്തപ്പോൾ, പ്രസിഡന്റ് വ്‌ളാഡിമിർ പുടിന്റെ അധികാരത്തിലെ ഏറ്റവും വലിയ വെല്ലുവിളികളിലൊന്നായ റഷ്യയിൽ നടന്ന സംഭവങ്ങളല്ല…

കീഴാറ്റൂർ: കേരളത്തിൽ സർക്കാർ പുതിയ ഭവന പദ്ധതി പ്രഖ്യാപിക്കണമെന്ന് വെൽഫെയർ പാർട്ടി ജില്ലാ പ്രസിഡന്റ് നാസർ കീഴുപറമ്പ് ആവശ്യപ്പെട്ടു. ‘കീഴാറ്റൂർ പഞ്ചായത്ത് തീവെപ്പ്: ഭരണകൂടം ഭവനരഹിതരുടെ ലൈഫിൽ മണ്ണെണ്ണ ഒഴിക്കുമ്പോൾ’ എന്ന ശീർഷകത്തിൽ ആക്കപ്പറമ്പിൽ നടന്ന പ്രതിഷേധ പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. തീവെപ്പ് സംഭവത്തിലെ ഒന്നാം പ്രതി ലൈഫ് പദ്ധതിയെ അട്ടിമറിച്ച സർക്കാരാണ്. ഭൂരഹിതരുടെ വിഷയത്തെ ഇനിയും അഭിമുഖീകരിക്കാൻ സർക്കാർ തയ്യാറായിട്ടില്ല. ഫ്‌ളാറ്റ് പദ്ധതികൾ സമ്പൂർണ പരാജയമാണ്. ഇതിനെതിരെ ശക്തമായ പ്രക്ഷോഭ പരിപാടികളുമായി പാർട്ടി മുന്നോട്ട് പോവുമെന്നും അദ്ദേഹം പറഞ്ഞു. പരിപാടിയിൽ കെ.കെ. ഷാജഹാൻ, മുനീബ് കാരക്കുന്ന്, അത്തീഖ് വെട്ടത്തൂർ, ശ്രീനിവാസൻ മേലാറ്റൂർ, സലാം മാസ്റ്റർ, ശുകൂർ മാസ്റ്റർ എന്നിവർ സംസാരിച്ചു. ജില്ലാ സെക്രട്ടറി അഷ്റഫലി കട്ടുപ്പാറ ആധ്യക്ഷം വഹിച്ചു. ഉസ്മാൻ പാണ്ടിക്കാട് സ്വാഗതവും മുസ്തഫ എം നന്ദിയും പറഞ്ഞു.

കൊച്ചി: കേരളീയ സമൂഹത്തെ നവോത്ഥാനത്തിലേക്ക് നയിച്ച സാമൂഹ്യ പരിഷ്കർത്താവായിരുന്നു ശ്രീ നാരായണ ഗുരുവെന്ന് വെൽഫെയർ പാർട്ടി സംസ്ഥാന പ്രസിഡണ്ട് റസാഖ് പാലേരി. ഒന്നിപ്പ് സംസ്ഥാന പര്യടനത്തിന്റെ ഭാഗമായി ആലുവ അദ്വൈതാശ്രമം സന്ദർശിക്കുകയായിരുന്നു അദ്ദേഹം. ഗുരുദർശനങ്ങളിലെ മാനവികതയും വിമോചനപരതയും മഹത്തരമാണ് എന്നും വർത്തമാനകാല സമൂഹം അത്തരം മൂല്യങ്ങൾ മുറുകെ പിടിക്കണമെന്നും അദ്ദേഹം കൂട്ടിച്ചേർത്തു. അദ്വൈതാശ്രമം സെക്രട്ടറി സ്വാമി ധർമചൈതന്യ, സ്വാമി പ്രബോധതീർത്ഥ എന്നിവരുമായി അദ്ദേഹം സൗഹൃദ സംഭാഷണം നടത്തി. വെൽഫെയർ പാർട്ടി സംസ്ഥാന ജനറൽ സെക്രട്ടറി എസ്.ഇർഷാദ്, ട്രഷറർ സജീദ് ഖാലിദ്, സെക്രട്ടറിമാരായ ജ്യോതിവാസ് പറവൂർ, പ്രേമ ജി. പിഷാരടി, ഷംസീർ ഇബ്രാഹിം, ജില്ല പ്രസിഡൻ്റ് കെ എച്ച് സദക്കത്ത്, ജില്ലാ ജനറൽ സെക്രട്ടറി ഷംസുദ്ദീൻ എടയാർ, ജില്ലാ വൈസ് പ്രസിഡണ്ട് അസൂറ ടീച്ചർ, ജില്ലാ സെക്രട്ടറി ഷബീർ എം ബഷീർ, മണ്ഡലം പ്രസിഡൻ്റ് റിയാദ് മുഹമ്മദ്, സെക്രട്ടറി…

ഓരോ അപ്‌ഡേറ്റു കൊണ്ടും പ്രേക്ഷകരെ അമ്പരപ്പിക്കുന്ന പാൻ ഇന്ത്യൻ സൂപ്പർ സ്റ്റാർ ദുൽഖർ സൽമാൻ ചിത്രം കിംഗ് ഓഫ് കൊത്തയുടെ തെലുങ്ക് ടീസർ സൂപ്പർ സ്റ്റാർ മഹേഷ് ബാബു റിലീസ് ചെയ്യും. ദുൽഖറിനോടൊപ്പം തെന്നിന്ത്യയിലെ പ്രശസ്ത താരങ്ങളും സാങ്കേതിക പ്രവർത്തകരും ഒരുമിക്കുന്ന ഹൈ ബഡ്ജറ്റഡ് ചിത്രം കിംഗ് ഓഫ് കൊത്തയിലെ ടീസറിനായുള്ള കാത്തിരിപ്പിലാണ് പ്രേക്ഷകർ . കഴിഞ്ഞ ദിവസം പുറത്തുവിട്ട ചിത്രത്തിലെ കഥാപാത്രങ്ങളെ വെളിപ്പെടുത്തിക്കൊണ്ടുള്ള ചിത്രത്തിന്റെ മോഷൻ പോസ്റ്ററിനും അതിലെ ജേക്സ്‌ ബിജോയ് ഒരുക്കിയ ബാക്ക്ഗ്രൗണ്ട് സ്കോറിങ്ങിനും നിലക്കാത്ത അഭിനന്ദന പ്രവാഹമാണ് പ്രേക്ഷകരുടെ ഭാഗത്തു നിന്ന് ലഭിച്ചത്. സോഷ്യൽ മീഡിയയിലെ വിവിധ ഫ്ലാറ്റ് ഫോമുകളിൽ നിന്ന് 8 മില്യൺ ആളുകൾക്കപ്പുറമാണ് മോഷൻ പോസ്റ്ററിന്റെ ഇതുവരെയുള്ള കാഴ്ചക്കാരുടെ എണ്ണം. ജൂൺ 28 ന് വൈകുന്നേരം 6 മണിക്കാണ് ടീസർ റിലീസ് ചെയ്യുന്നത്. മലയാളത്തിലെ യുവനടന്മാരിൽ ആരെയാണ് ഇഷ്ടം എന്ന്…