Month: January 2024

മലപ്പുറം: സോളിഡാരിറ്റിയും പീപ്പിൾസ് ഫൗണ്ടേഷനും സംയുക്തമായി പി എസ് സി ശില്പശാല സംഘടിപ്പിച്ചു. മലപ്പുറം മലബാർ ഹൗസിൽ നടന്ന പരിപാടിയിൽ സിജി ട്രെയിനർ ഡോ. ജയഫർ അലി ഒറിയന്റെഷൻ സെഷൻ അവതരിപ്പിച്ചു. സോളിഡാരിറ്റി ജില്ലാ പ്രസിഡന്റ് ഡോ. അബ്ദുൽ ബാസിത് പി പി, പീപ്പിൾസ് ഫൗണ്ടേഷൻ ജോയിന്റ് സെക്രട്ടറി അബ്ദുൽ ലത്തീഫ് മാറഞ്ചേരി എന്നിവർ സംസാരിച്ചു. സോളിഡാരിറ്റി ജില്ലാ സെക്രട്ടറിമാരായ റമീം പി എ സ്വാഗതവും സാബിക്ക് വെട്ടം നന്ദിയും പറഞ്ഞു.

തിരുവനന്തപുരം: എന്‍എസ്ഇ ഗ്രൂപ്പ് (നാഷണല്‍ സ്റ്റോക്ക് എക്സ്ചേഞ്ച് ഓഫ് ഇന്ത്യയും എന്‍എസ്ഇ ഇന്‍റര്‍നാഷണല്‍ എക്സ്ചേഞ്ചും) ഒരിക്കല്‍ കൂടി ലോകത്തെ ഏറ്റവും വലിയ ഡെറിവേറ്റീവ്സ് എക്സ്ചേഞ്ച് ഗ്രൂപ്പില്‍ ഇടം നേടി. ഡെറിവേറ്റീവ് സമിതിയുടെ ഭാഗമായ ഫ്യൂച്ചേഴ്സ് ഇന്‍ഡസ്ട്രി അസോസിയേഷന്‍ പ്രസിദ്ധീകരിച്ച ഇടപാടുകളുടെ എണ്ണത്തിന്‍റെ അടിസ്ഥാനത്തിലാണ് 2023 വര്‍ഷവും ഈ നേട്ടം കൈവരിച്ചത്. എന്‍എസ്ഇ തുടര്‍ച്ചയായി അഞ്ചാം വര്‍ഷമാണ് 2023ലും നേട്ടം കൈവരിക്കുന്നത്. ആഗോള എക്സ്ചേഞ്ചുകളുടെ ഫെഡറേഷന്‍ കണക്കു പ്രകാരം ഇടപാടുകളുടെ എണ്ണത്തില്‍ (ഇലക്ട്രോണിക് ഓര്‍ഡര്‍ ബുക്ക്) എന്‍എസ്ഇക്ക് ലോകത്ത് മൂന്നാം റാങ്കാണ്. പല നാഴികക്കല്ലുകള്‍ക്കും സാക്ഷ്യം വഹിച്ച വര്‍ഷമാണ്. ലിസ്റ്റ് ചെയ്തിട്ടുള്ള കമ്പനികളുടെ വിപണി മൂലധനം നാലു ട്രില്ല്യന്‍ ഡോളര്‍ കഴിഞ്ഞു, എസ്എംഇ ലിസ്റ്റ് ചെയ്ത കമ്പനികള്‍ ഒരു ലക്ഷം കോടി മറികടന്നു, നിഫ്റ്റി 50 ആദ്യമായി 20,000 സൂചിക കടന്നു. കലണ്ടര്‍ വര്‍ഷം പൂര്‍ത്തിയായപ്പോള്‍ രജിസ്റ്റര്‍ ചെയ്ത…

ഗാർലൻഡ്,(ടെക്‌സസ്) – ഈ മാസം ആദ്യം രണ്ട് പേരെ കൊലപ്പെടുത്തിയെന്ന് കരുതുന്ന 16 കാരനെ പിടികൂടാൻ  ഗാർലൻഡ് പോലീസ് വാറണ്ട് പുറപ്പെടുവിച്ചു. ഡാലസിൽ നിന്നുള്ള 16 കാരനായ അമാൻസിയോ ആന്റൺ നോറിസാണ് വാറണ്ട് പിടികൂടാനുള്ള നിർദ്ദേശം പുറപ്പെടുവിച്ചത്. വൈലിയിൽ നിന്നുള്ള 18 കാരനായ അലൻ ഷാവേസിനെയും 17 കാരനായ റൂബൻ അർസോളയെയും വെടിവച്ചതിന് പിന്നിൽ നോറിസാണെന്ന് അന്വേഷണ ഉദ്യോഗസ്ഥർ കരുതുന്നു.ജനുവരി 14 ന് നോർത്ത് ഗാർലൻഡ് ഹൈസ്കൂളിൽ നിന്ന് വളരെ അകലെയുള്ള വെസ്റ്റ് ബക്കിംഗ്ഹാം റോഡിൽ വെച്ചാണ് പുരുഷന്മാർക്ക് വെടിയേറ്റത്. ഗാർലൻഡ് പോലീസ് ഡിപ്പാർട്ട്‌മെന്റ് പ്രായപൂർത്തിയാകാത്തവരെ സംബന്ധിച്ച വിവരങ്ങൾ വെളിപ്പെടുത്തുന്നത് പതിവില്ലെങ്കിലും, കുറ്റകൃത്യത്തിന്റെ തീവ്രത കണക്കിലെടുത്ത് വിവരങ്ങൾ പുറത്തുവിടാൻ കോടതി അനുമതി നൽകിയതായി ഗാർലൻഡ് പിഡി പ്രസ്താവനയിൽ പറഞ്ഞു. ഇരകളെ നോറിസിന് അറിയാമായിരുന്നുവെന്ന് അന്വേഷണ ഉദ്യോഗസ്ഥർ കരുതുന്നു. 4’9″ ഉയരവും ഏകദേശം 120 പൗണ്ട് ഭാരവുമുള്ളയാളാണ് പതിനാറുകാരൻ.എന്തെങ്കിലും…

ഹ്യൂസ്റ്റൺ: തൃശൂർ അസ്സോസിയേഷൻ ഓഫ് ഗ്രേറ്റർ ഹ്യൂസ്റ്റൺ (ടാഗ്) 2024-25 കാലയളവിലേക്കുള്ള പുതിയ ഭാരവാഹികൾ ചുമതലയേറ്റു. സെപ്തംബറിൽ നടന്ന ഓണാഘോഷ പരിപാടിയിലാണ് പുതിയ കമ്മിറ്റിയെ തിരഞ്ഞെടുത്തത്. ഡിസംബർ 29ന് നടന്ന ക്രിസ്തുമസ് – പുതുവത്സര ആഘോഷ ചടങ്ങിൽ ഔദ്യോഗിക പ്രഖ്യാപനവുമുണ്ടായി. ഓരോ രണ്ടു വർഷം കൂടുമ്പോഴാണ് പുതിയ ഭാരവാഹികളെ തെരഞ്ഞെടുക്കുന്നത്. പ്രസിഡന്റ് നബീസ സലീം, വൈസ് പ്രസിഡന്റ് ധനിഷ ശ്യാം, സെക്രട്ടറി മുജേഷ് കിച്ചേലു, ജോയിന്റ് സെക്രട്ടറി ചിന്റു പ്രസാദ്, ട്രഷറർ ലിന്റോ പുന്നേലി, ജോയിന്റ് ട്രഷറർ വിനോദ് രാജശേഖരൻ, യൂത്ത് കോ-ഓർഡിനേറ്റർ അല്ലൻ ജോൺ എന്നിവരും, കമ്മിറ്റി അംഗങ്ങളായി ഡോ.സതീഷ് ചിയ്യാരത്ത്, രാജേഷ് മുത്തേഴത്ത്, സണ്ണി പള്ളത്ത്, അല്ലി ജോൺ, പ്രിൻസ് ഇമ്മട്ടി, ഷൈനി ജയൻ എന്നിവരും ചുമതലയേറ്റു. എല്ലാവരുടെയും സഹകരണത്തോടെ പതിവ് പരിപാടികൾക്കൊപ്പം പുതിയ പദ്ധതികളും ആവിഷ്കരിക്കുമെന്ന് പുതിയ ഭാരവാഹികള്‍ പറഞ്ഞു.  

ന്യൂ ഹാംഷെയർ: ന്യൂ ഹാംഷെയർ പ്രൈമറിക്ക് ശേഷം ഫലമെന്തായാലും റിപ്പബ്ലിക്കൻ പ്രസിഡൻറ് തെരഞ്ഞെടുപ്പിൽ നിന്ന് പിന്മാറാൻ തനിക്ക് പദ്ധതിയില്ലെന്ന് നിക്കി ഹേലി ഇന്ന് വളരെ വ്യക്തമായി പറഞ്ഞു. “റിപ്പബ്ലിക്കൻ പ്രൈമറികളിലും പൊതുതെരഞ്ഞെടുപ്പിലും  സ്വതന്ത്രരുടെ ഗുണഭോക്താവാണ് നിക്കി ഹേലി,” ഹേലിയുടെ കാമ്പെയ്‌ൻ മാനേജർ ബെറ്റ്‌സി ആങ്ക്‌നി റിപ്പോർട്ടർമാർക്ക് അയച്ച മെമ്മോയിൽ എഴുതി. ഫെബ്രുവരി 24 ശനിയാഴ്ച സൗത്ത് കരോലിനയിൽ നടക്കുന്ന അടുത്ത വലിയ പ്രൈമറി ഇതിൽ ഉൾപ്പെടുന്നു. സൗത്ത് കരോലിനയ്ക്ക് “പാർട്ടി രജിസ്ട്രേഷൻ ഇല്ല, ഡെമോക്രാറ്റ് പ്രൈമറിയിൽ ഇതിനകം വോട്ട് ചെയ്തിട്ടില്ലെങ്കിൽ ആർക്കും റിപ്പബ്ലിക്കൻ പ്രൈമറിയിൽ വോട്ട് ചെയ്യാം,” ആങ്ക്നി എഴുതി. ഫെബ്രുവരി 27 ന് നടക്കുന്ന മിഷിഗൺ പ്രൈമറി സ്വതന്ത്ര വോട്ടർമാർക്കും തുറന്നിരിക്കുന്നു. തുടർന്ന്, മാർച്ച് 5-ന് പ്രൈമറി നടത്തുന്ന 16 സംസ്ഥാനങ്ങളിൽ – സൂപ്പർ ചൊവ്വാഴ്ച – അവയിൽ 11 എണ്ണത്തിന് “ഓപ്പൺ അല്ലെങ്കിൽ സെമി-ഓപ്പൺ…

ഷിക്കാഗോ: ബെൽവുഡിലുള്ള മാർതോമാ സ്ലീഹാ കത്തീഡ്രൽ ഇടവകയിൽ വിശുദ്ധ സെബസ്ത്യാനോസിൻ്റെ രക്തസാക്ഷിത്വ തിരുന്നാൾ ഭക്ത്യാദരപൂർവ്വം ആഘോഷിച്ചു. ജനുവരി 21 ന് 11.15 ന്റെ ആഘോഷമായ പാട്ടുകുർബാനയ്ക്ക് ഫാ : ഡെമനിക് കുറ്റിയാനി മുഖ്യ കാർമികത്വം വഹിച്ചു. ക്രൈസ്തവ വിശാസത്തിനു വേണ്ടി ഏറെ പീഡകൾ ഏറ്റുവാങ്ങി രക്തസക്ഷിയായ വിശുദ്ധന്റെ ജീവിതം ഇന്നും ഒരോ ക്രൈസ്തവ വിശ്വാസിയ്ക്കും ഏറെ അനുകരണിയമാണെന്ന് അച്ചൻ ഓർമ്മിച്ചിച്ചു . ജനുവരി 14 ന് ഇടവകജനം ഭക്തിപൂർവം തങ്ങളുടെ ഭവനങ്ങളിലേക്ക് കൊണ്ടു പോയ വിശുദ്ധന്റെ കഴുന്ന് തിരികെ കൊണ്ടുവന്ന് നേർച്ചകാഴ്ചകൾ അർപ്പിച്ച് വിശുദ്ധ ദിവ്യബലിയിൽ ഭക്തിപൂർവം പങ്കെടുത്ത് വിശുദ്ധന്റെ അനുഗ്രഹങ്ങൾ യാചിച്ചു. ഇടവകയിലെ ഗായക സംഘം മനോഹരവും ഭക്തി നിര്ഭരവുമായ ഗാനങ്ങളിലൂടെ വിശ്വാസികളുടെ വിശുദ്ധ കുർബാനയിലെ പങ്കാളിത്തത്തെ ധന്യമാക്കി. പ്രതികൂല കാലവസ്ഥയിലും വിശുദ്ധന്റെ കഴുന്നെടുക്കുന്നതിനും , നേർച്ച അർപ്പിക്കുന്നതിനും അൽഭുതപൂർവ്വമായ തിരക്കാണ് അനുഭവപ്പെട്ടത്. ദിവ്യബലിയ്ക്ക് ശേഷം…

ന്യൂയോർക്ക്: യുണൈറ്റഡ് ക്രിസ്ത്യൻ ചാരിറ്റബിൾ അസോസിയേഷൻറെ നേതൃത്വത്തിൽ കഴിഞ്ഞ വർഷം സെപ്റ്റംബറിൽ ന്യൂ യോർക്കിൽ നടത്തിയ കെസ്റ്റർ ലൈവ് കൺസെർട്ടിൽ ജനങ്ങളിൽ നിന്നും ലഭിച്ച ധനസഹായം. നിര്ധനരായവർക്കും, നിർധനരായ കുട്ടികളുടെ പഠനത്തിനായും ജനുവരി 27 ന് കൊട്ടാരക്കരയിൽ ഏദൻ ട്രസ്റ്റ് ഹോംസിൽ വച്ച് വിതരണം ചെയ്യുന്നു. മുഖ്യ അഥിതി ആയിരിക്കുന്ന മാവേലിക്കര പാർലമെന്റ് അംഗവും ഏദൻ ട്രസ്റ്റ് ഹോംസിൻറെ രക്ഷാധികാരിയുമായ കൊടികുന്നിൽ സുരേഷ് എം. പി ഉൽഘാടനം ചെയ്യുന്ന യോഗത്തിൽ ഫൊക്കാന പ്രസിഡന്റ് ഡോ. ബാബു സ്റ്റീഫൻ, സാമൂഹ്യ പ്രവർത്തക ഡോ. എം. എസ് സുനിലിനെയും സമൂഹത്തിനു നൽകിയ നല്ല പ്രവർത്തനങ്ങൾക്കു ആദരിക്കുകയും ചെയ്യുന്നു. കഴിഞ്ഞ അനേക വർഷങ്ങളായി നിരവധി ക്രിസ്ത്യൻ പ്രോഗ്രാമുകൾ പല ബാനറുകളിൽ നടത്തുകയും അതിലൂടെ ലഭിക്കുന്ന വരുമാനം സാമൂഹ്യ നന്മയ്ക്കു വേണ്ടി ചിലവഴിക്കുകയും ചെയ്‌തിട്ടുണ്ട്‌. യുണൈറ്റഡ് ക്രിസ്ത്യൻ ചാരിറ്റി അസോസിയേഷൻ ഈ വർഷവും…

ഹൂസ്റ്റൺ: കോണ്‍ഗ്രസ് പാര്‍ട്ടി കേരളത്തില്‍ തിരിച്ചുവരവിന്റെ പാതയിലാണെന്നും കോളജുകളില്‍ കെഎസ്യു നേടിയ വിജയങ്ങള്‍ താന്‍ നല്‍കിയ സംരക്ഷണത്തിന്റെ ബലത്തിലാണെന്നും ,നേതാക്കന്‍മാര്‍ ആത്മാര്‍ഥമായി പ്രവര്‍ത്തിച്ചാല്‍ കേരളത്തില്‍ കോണ്‍ഗ്രസ് മാത്രമേ കാണൂകയുള്ളൂവെന്നും കെപിസിസി അധ്യക്ഷന്‍ കെ. സുധാകരന്‍ പറഞ്ഞു. ഹൃസ്വ സന്ദര്ശനാർത്ഥം അമേരിക്കയിൽ എത്തിയ കെപിസിസി പ്രസിഡണ്ട് കെ. സുധാകരൻ എംപിക്ക് ആവേശോജ്വല സ്വീകരണം നൽകി. ചെണ്ടമേളത്തിന്റെയും താലപ്പൊലിയുടെയും അകമ്പടിയോടെ സെന്റ് തോമസ് കത്തീഡ്രൽ ദേവാലയഹാളിലേക്ക് പ്രവേശിച്ച നേതാവിനെ ധീരാ വീരാ കെ സുധാകരാ, കണ്ണേ കരളേ കെ സുധാകരാ വിളികളുമായി കോൺഗ്രസ് പ്രവർത്തകരും അണിനിരന്നപ്പോൾ ഹൂസ്റ്റണിലെ സ്വീകരണം അക്ഷരാർത്ഥത്തിൽ വേറിട്ട കാഴ്ചകളൊരുക്കി. ജനുവരി 20 ശനിയഴ്ച വൈകുന്നേരം 6 മണിയോടു കൂടി ദേവാലയ പരിസരത്തേക്ക് ഇൻദിൻ നാഷണൽ കോൺഗ്രസിന്റെ കരുത്തനായ നേതാവിനെ കാണാൻ നൂറു കണക്കിനാളുകൾ ഒഴുകിയെത്തി. ചെണ്ടമേളത്തിന്റെയും താലപ്പൊലിയുടെയും അകമ്പടിയോടെ ഹാളിനുള്ളിലേക്ക് പ്രവേശിച്ച കെ സുധാകരനെ പുഷ്പവൃഷ്ടി…